وَ يأتي الصباح 🕊️

الفصل الثاني والثلاثون

11:00 مساءً :

عاقد إيدينه لِ صدره .. ويطالع قدام ، في المسرحيه الـ ( سخيفه ) اللي كان أبطالها إثنين ..

واتطورّ المشهد ، وصارو أربعـة ..

رفع حاجب لمن شاف السالفة بتطوّل

وِ بِ نبرة حاازمه ، حااده قال : عُمـر ، رزان .. تقدروا تطربونا بِ سكوتكم

وطالع في راكان وريان اللي ( انضموا ) لِ الخِصام هذا : وإنـتوا كمان ، خلااص .. مالو داعي تخلّوا من الحبّه قبّة ..

بعّدت رزان عيونها عن عُمر اللي طالع فيها بِ نظرات .. تخوّف ..

وبدون ما يرد على سلطان اللي قال الكلام الأخير .. خرج من الغرفه ..

مشي بِ خطواات سريعه .. نازل لِ تحت

وأوّل ما وصل لِ الصاله صار ينادي بِ صوت عاالي : لميييييس .. يا لميييس .. بنــــــت

على صراخه هذا .. فزّت أمه اللي كانت جالسه على وحده من كنبات الصالة ..

قامت ، ومشيت له وهيّ معقده حواجبها : عُمر ! على إييش هذا الصراخ .. بشويش نادي على حُرمتك

زفر بِ صوت وااضح ..

وما رد عليها .. رجع ينادي عليها بس بِ صوت أوطى شوي من الـ أول .. بس يُعتبر عالي

زمت أمه فمها بِ إستياء .. وكانت بتتكلم

بس إثنينهم طالعوا لِ فوق ..

كانت لميس تنزل من الدرج بِ خطوات سرييعه .. وهيّ معقده حواجبها ، خايفه وِ مستغربه بِ نفس الوقت

أول مرة عمر ينادي عليها بِ هذا الشكل ، في بيت أهله ..

أول ما رجلها وصلت لِ اخر درجه

طالع عمر فيها ، وقال بِ عصبيه خفيفه : إنتي فين كنتي ؟ !

لميس بِ خوف : في غرفة رزان

حط إيدينه على خَصره ، ورفع حاجبه الأيمن : وكيف نزلتي ما شاء الله .. وأخواني كلهم فوق

عضّت لميس على شفاتها وهيّ خايفه ، وِ منحرجه بِ نفس الوقت لأن أمه كانت حاضرة المشهد

: رزان قفلت باب الغرفه .. ونزلت

بلعت ريقها ، وهيّ مو عارفه إيش بيسألها كمان ..

لكنه قال بِ صوت أهدئ شوي : روحي ألبسي عبايتك .. خلاص بنمشي ..

سآرة اللي كانت ملتزمه الصمت

قالت لمن سمعت كلامه : لييش .. أقعد ، دحين بنحط العشا

عقدت حواجبها لمن شافت تغيّير مُفاجئ في تعابيير وجهه

وقبل لا تسأله شيء

قال : خلّي العشآ لِ بناتك اللي فوق

وطالع في لميس اللي واقفه : ليه واقفه .. روحي ألبسي العبايه يلا ..