نافذة الذكريات

part 9

كان كل شي زي ما يبغون و احسن حال
جاء المغرب و كتب الكتاب و جا الشيخ و سألهم مين الشهود و تكلم خالد : انا يا شيخ
الشيخ : والشاهد الثاني
تكلم واحد من اخوياي نايف و صار الشاهد الثاني و تم الزواج
ولما أعطو خالد يوقع جاس يناظر اسمها و هو كان يتمنى يكون هو العريس ما كان يتمنى انه الشاهد على زواجها من واحد غيره خلصو وقامو يسلمون على العريس بعدها انسحب خالد و طلع برا يبغى ياخذ نفس و يستوعب وش قاعد يصير و كانت الدنيا تلف فيه و مو قادر حتى يتنفس
جلس في الحوش و طلع له احمد و جلس جنبه و جلسو حول خمس دقايق بدون صوت و بدون كلام بعدها قطع الصمت احمد : ليش رحت تشهد على الزواج كان خليت احد غيرك يشهد
خالد تكلم و هو يالله تطلع الحروف :ابغى اثبت لي قلبي انها ما عاد هي لي ابغى اقول انهل انا الشاهد مو عريس
احمد: بس بتكسر قلبك بذا الطريقه
خالد: خله خل قلبي بعدين بيرجع يتحسن يمكن بتعب ذليوم و بكره بس بتحسن معليك لا تشيل هم
سكت احمد و هو ما هو عارف وش يقول و لا ليش يتكلم
شوي و طلع سلطان اخو هدى و جلس جنب خالد و خالد من يوم شافه صد لانه ما يبغى يشوف ضيقته
تكلم سلطان و هو يشوف خالد يتصدد عنه : خالد انا اسف ما قدرت أقنعها و انا اسف و اعتذر لك بنيابه عنها انا اعرفك و داري انك ضايق لأنها تزوجن بس سامحني والله اني حاولت لكن ما قدرت و انا استحيت منك والله مالي وجه اقابلك
خالد: لا تعتذر مالك ذنب ولا لها ذنب انا اللي حبيت و هذا جزاتي ماعرفت اختار و لا تزعل مني بس اختك خيار غلط اني حبيتها والله لكن معليك انا نسيت و نسيتها و عادي انت بتبقى صديق و حتى نايف صديقي ولا بزعل منها عادي الموضوع انت لا تشيل في خاطرك و تقول انه بعدت عنك انا بعدت عمهم كلهم حتى اسأل احمد انا حتى اهلي ما صرت اكلمهم
سلطان:يعني انت ما زعلت
خالد: ايه و ما فكرت انه ازعل منك اصلن
احمد:هيا خلونا ندخل عند الناس و نقهوي و نسولف شوي
سلطان: اي والله انه تركنا العيال وحدهم هيا امشو
مشو يدخلون و جلسو يسولفون مع بعض و ضحك و وناسه

___________
عند البنات في القاعه
كانو يسولفون و يضحكون شوي بعدين شافو بنت جالسه لحاله قالو امشو نروح نسولف معها اكيد دامها جت للملكه انه تعرفنا مشو و راحو عند البنت
هنوف:السلام عليكم
البنت :هلا وعليكم السلام
هنوف:عادي نتعرف انا اسمي هنوف سيف و هذي اختي نوف و هذولا بنات اخواني ساره و سمر اخوات و بنات ناصر اخوي و جواهر و غلا اخوات و بنات معاذ اخوي وانتي
البنت : والنعم فيكم وانا رنا سليمان كنا زمان جيران بعدين نقلنا
البنات استانسو و جلسو يسولفون شوي
رنا : بنات انا ما اعرف احد و صديقتي ما جت عادي نصير صديقات
هنوف : ايه عادي بس سؤال صوتك صغير كم عمرك
رنا : انا عمري ٢٠ سنه
نوف : اح صغيره طيب باقي تدرسين
رنا :امم لا خلصت الثانوي و جلست لاني ما احب ادرس
جواهر: لا يسمعش عمي خالد والله انه لايجلدك
رنا :ليه وانا صادقه ما احب ادرس
غلا : ايه لكن عمي يتزاعل مع أي أحد يقول له  ما احب ادرس
ضحكت رنا : مدري وش ربط السالفه لكن كل شخص يختلف ف عادي
ساره : خوفوك تري عمي طيب و حيل و يحب الجميع بس مشكلته يهواشنا عشان نجتهد و ندرس بس
رنا: عادي تري و اساسا ما اعرفه ولا اعرفكم بس اهلي دايم يقولون لي عنكم
الهنوف :اما ما تذكرينا نهائين
رنا : الصراحه ايه ما اتذكر
سمر :اسمعي انتي بتصيرين صديقتنا أعطينا رقم جوالك و ندخلش معنا في القروب و نطرد عمي خالد و عمي  راجح  و تجلسين معنا نسولف و نحدد اجتماعات و زي كذا
رنا :لا ما ابغى تطردون عمانكم عادي سوو قروب ثاني و دخلوني فيه
البنات: تم