نافذة الذكريات

part 6

خالد :حلو بس مع الشخص الصح ليه تسأل لا يكون طحت و ما احد سمى عليك
احمد :تبغى الصدق اي بالله اني طحت و طيحه قويه بس الله يستر لا يصير فيني نفسك
خالد: لا تبدأ تتعلق الا قد شفت هي تحبك بعد او لا
احمد :سألتها و قالت لي احبك
خالد : تمام لا تكلمها الا بعد ما تخطبها من ابوها
احمد: بسويها بس لازم اتخرج و اتوظف و اضبط عمري عشان يوافق على الدكتور احمد مو احمد  بدون شي
خالد: كويس تفكير صح و تمنع عنها أي فكره للاعتذار يعني لا تقول ما بوافق لانه ما عنده وظيفه بتوافق غصب لأنك الدكتور
احمد :طيب متى نناديك المهندس خالد
خالد ضحك :شكله مطول لاني الحين توي متوظف و ما اقدر اجمع بين الوظيفة و الدراسه
احمد : تمام الله يرزقك
خالد :آمين و ياك
و طلعو لي العيال و جلسو يسولفون
هيثم : يا عم خلك كذا دايم
خالد : انا كذا من زمان بس تعبت شوي و رجعت و ان شاءالله برجع و بقوه
سعود :اي والله الفتره الماضيه مو حلوه لأنك كنت تهبل بنا و ما تخلينا نجلس كذا بدون مصايب و لكن ذليوم ما شاء الله بديت في المصايب
خالد : حرام عليك ما اسوي شي
راجح صح ما تسوي شي تذكر يوم كنا صغار تذكر الولد اللي شوت الكره في وجهه و بكى و جا ابوه يهاوش بعدين علم علينا ابوي و عاقبنا مع بعض و انا ما سويت شي و  انت تضحك و تقول لي ابي الموضوع و تضحك و تقول عادي ما يزعل الموضوع مدري ليش زعل يا ولد شوته بالكورة و تقول ليش يزعل
ضحك خالد:هههههههه بافي تتذكرها انت  اللي الحين
راجح : هههههههه ايه مستحيل انسى تعاقبت وانا مالي دخل
عبدالكريم: صح تذكر يوم رحت تنام عندنا و قلت لي اهلك اننا ندرس مع بعض وانحم جيران يعني بأمكانك تمشي على رجولك و تروح لي اهلك لكن لا نمت عندي المهم و اليوم الثاني مدري وين رحت و انا نايم بعدين فتحت شبك الغنم حق ابوي و نسيته و رجعت نمت و ابوي صحانا من النوم و قال روحو دوروه و انا مالي دخل و جلسنا نطارده حتى رجعناه في شمس مو طبيعيه و يوم رجعناه لقينا ابوك مع أبي قال لو انا بدالك لااجلدهم عشان ما عاد يسوونها  و ابوي كان بيجلدني بس انت كفو دافعت و قلت انك انت اللي فتح لي الغنم و اكلت الجلد كله
ضحك سعود: يعني من الصغر شقي
خالد و هو يضحك : تخيلو كل يوم اسوي مصيبه و ابوي يحاول فيني اعقل و أرفض اقول احب اني اهبل فيكم و الناس اللي ما احبهم ترا اكون معهم رسمي
هيثم : طيب تذكر لما كبيت قهوه على ضيف جدي لانه كنا نضحك و انت تحاول تكتم الضحكه بس ما عاد قدرت و كبيت القهوه على الضيف
خالد:هههههههه اي والله اذكر الله يجزاه بالخير حلف على ابي ما يقربني و قال الولد ما يقصد خله يجلس و قال ابي انقلع لي غرفتك و سلم الجوال يومين محروم من الجوال و رحت غرفتي
و تعاقبت بس سلمت من الجلد
احمد: انت دايم تنجلد ما شاء الله كل شوي مشكله
و جلسو يضحكون على خالد لانه كان يوم انه صغير شقي و الحين خف بس مو مره
بعدها بنص ساعه خالد : يا عيال جعت بالله قومو خلونا نطبخ
احمد :مشتاقين لي مضغوط اللحم اللي  دايم  تسويه
خالد :تمام بسويه لكم بس واحد يسوي البصل و الطماطم و واحد يسوي السلطه و الباقي خلوه سولفو و انبسطوا في ما انا اطبخ قالو تمام و راحو يخلصون البصل والطماطم و السلطه عشان خالد بعدين يستلم الطبخ و فعلن استلم خالد الطبخه و بدا يسوي لهم العشاء