عبدالكريم: انا سألته لاني خايف اختي ترفض و انت تعرف اختي دلوعه و مزاجيه بكيفها ترفض و توافق و انا مدري خايف تكسره
مسعود : كيف دلوعه يعني ما عندها اخوات
عبدالكريم: ايه اختي وحيده ما عندها اخوات وانا و اخي و ابوي و امي ندلعها واي شي تطلبه يتنفذ و لها فتره كل ما تقدم لها واحد طلعت فيه عيب و رفضته على طول وانا خايف تسوي ب سعود كذا
احمد: انا بروح لي دوامي و باستاذن و اجي لكم
عبدالكريم: لا دوامك كمله و انا بنعلمك بكل شي
راجح : ترو مجهز ملابسه و أغراضه احتمال يسافر في الليل
خالد: لا مستحيل نتركه يسافر بنجلس معه و ما نخليه
عبدالكريم: علم نفسك مو حتى انت بتسافر
خالد و هو يشد على الكوب الي في يده : انا غير لا تفكر تجمع بين السوالف و تجيب العيد
راجح : انا عارف انك باقي تحب هدى ف ليش انك تجحد
خالد: مالكم دخل فيني خلوني في حالي
مسعود: مستحيل انك خالد اللي اعرفه مستحيل انه خالد يزعل من اي شي و يضيق من اي شي
خالد تنهد تنهيده طويله: انا تعبت وانا ماني قادر امثل ف خلوني في حالي
عزيز : كيف تمثل وليش مجبور انك تمثل
خالد : نفس ما انت مجبور انك تدوس على سعادتك و على حبك عشان اختك انا ادوس على حبي عشان خويي يكون سعيد
عزيز : بس الخوي غيرعن الأخت
خالد : ايه بس انا اعز و اقدر أصدقائي
عزيز : طيب وش دخل صديقك في حبك
خالد: لاني تركت خطيبتي و اللي انا احبها من زمان و جا خويي و أخذها و بعد شهر او اقل بتكون زوجته
عزيز : لو انا بدالك ما كان خليته ياخذها و حاربت عشانها
مسعود :وين اللي جانا قبل شوي يقول خلاص ما عاد ابغاها
عزيز: مالي خلق اتكلم عن موضوعي
خالد :ليه وش فيه جديد
عزيز : صارت بيني انا و ماجد مشكله صغيره و ضاق صدري
مسعود : وش السالفه
عزيز : مدري جيت اطقطق قلت له بصوت عالي يا النسيب وينك مختفي و ماجد زعل و قال ما اتوقع بيصير بينا اي القاب انتم عيال عمتي وانا ولد خالكم بس ما في شي زياده قلت له يمكن ما تدري اخذ وحده من اخواتك قال اذا صار الليل نام و تحلم لكن واقع ماظنتي ما فهمت قصده لكن ما حبيت اساله و طلعت و تركته
مسعود: شكله وحده من الاثنتين يا ان البنت ما تبغاك يا ان ماجد كشفك و حاب يقطع الطريق قبل تبدأ فيه
عزيز : وانا مستحيل ابدا فيه و ماجد كذا
خالد: كان فهمته قصده قبل تمشي
عزيز : ما قدرت قلبي أوجعني و ماحسيت بنفسي الا راكب السياره و جاي هنا على طول
مسعود : كويس انك جيت هنا لو رحت عند ابوي و امي خافو عليك
بدو العيال يسولفون ويتذكرون ايام زمان عشان يطلعون خالد و عزيز من الضيق اللي هم فيه
مسعود تكلم بضحكه : مره كنت رايح الاسطبل عشان ادرب الخيل حقي و انا رايح تعلقت بي رنا و قامت تبكي الا تمشي معي و ما كانت تحب الخيل لكن كانت تبغى تمشي مع أي أحد المهم تطلع من البيت و يجي ابي و يتوقع اني انا اللي زعلتها و يجي يبغى يجلدني ولكن رحت بسرعه و اخذت المفتاح و اروح اشغل السياره ما اشتغلت و احاول و رفضت تشتغل و ارف راسي الا ابوي يجي رجعت انزل و هجدت و قبل يضرب قلت له والله اني ما سويت بها شي بس هيه تبغى تروح معي وانا بروح للاسطبل لكن ما مشت عليه و جلدني جلدتين و فكني و من بعدها توبه صرت اذا بطلع مكان أخذها معي عشان ما انجلد
ضحكو العيال عبدالكريم: هههههههه عرفت لكم ذلحين اي شي تبغاه تقول لي ابوها و هو يجلدكم
عزيز : اي والله دايم تسويها
سالم وقف : انا بستاذنكم يا عيال بروح البيت
عزيز : كيف تروح البيت و انت جيت معي
سالم: رنا برا تنتظرني تقول جت تبغى شاهي و يوم شافت سيارتك انت و مسعود قالت تستغل الوضع و تكلمني عشان اجيب لها شاهي لان ماعندها فلوس
طلع صرفته مسعود: خذ لها اللي تبغى و حاسبه ورجعها لي
سالم : وانا ابغى معها شاهي
مسعود: خذ لك عادي وانتبه لي نفسك و انتبه لها
سالم : معليك لا توصي حريص انا منتبه
عزيز : هيه وين كانت
مسعود : كانت عند كسار و تنبسط معه
سالم : تخيل الصبح خلت السياره شغاله و دخلت عنده تحضنه و تبوسه و تسولف له
ضحك عزيز : عاد هيه حيل تحب كسار
مسعود : اي والله
خالد عقد حاجبينه: مين كسار و كيف تبوسه و تحضنه وانتم تضحكون عادي
ضحك مسعود لانه عارف انهم فهمو غلط : كسار الخيل حقها و تحبه حيل
عبدالكريم : مو انت توك تقول ما تحب الخيل
مسعود: كانت ما تحبهم لكن انا بعد جلد ابي صرت أخذها معي للخيل حتى صارت تحبهم لدرجة انها جلست تطلب ابي يشتري لها خيل و اشترى و سمته كسار و صارت يوميا تروح له
خالد: والله على بالي انه انسان
عزيز : لو انسان كان انا جلدته و ما خليتها تقرب صوبه اساسا انا اغار من الخيل ف مابالك بإنسان الله يعين زوجها المستقبلي لاني ما بخليه يتهنا و انا كل شوي اهاوشه
ضحكو العيال على عزيز و غيرته و جلسو يسولفون شوي بعدين خالد شاف الجو مطر و يجنن و هو يحب المطر طلع به و جلس يتمشى فيه و جاه راجح : خالد بتبرد خلنا ندخل
خالد : لا عاجبني المطر و بعدين نفسيتي ترتاح اذا جلست تحت المطر
راجح : على راحتك بس ودي اروح البيت ابغى انام
خالد : حتى انا ودي بس استحي من مسعود و عزيز و ما اقدر اطلبهم
راجح: والحين كيف نروح
خالد: عادي بتصل على سلمان يجي يودينا
راجح : هيا اتصل
حاول خالد يتصل على سلمان لكن ما رد و جلس يشوف جواله و شوي رفع راسه يناظر شاف سالم يناديه : هلا يا سالم وش بغيت
سالم: تمشي معنا اذا تبغى
خالد ناظر راجح بعدين ناظر لي سالم : لا الله يعطيك العافية انحم مكاننا بعيد لكن روحو الله يحفظكم
رنا : مو الشرهه عليكم الشرهه علي اني وقفت لكم
خالد ناظر فيها بصدمه : وش ذا البنت
ضحك مسعود :خلاص امشو معي
خالد :ذي اختك اللي تقول مسكينه و كاسره خاطرك
عزيز جا وهو يضحك : ايه اختي وش فيها لا يكون مزعلنها
خالد :شوف الثاني وقف على طول مع اخته هيه هذي بتاكلني لو تكلمت
رنا : وأنا صادقه وقفت لك عشان المطر و انت ولا همك تقول ما تبغى احمد ربك اني وقفت لك ولا انا مستحيل اركب سيارتي مثل اشكالك يع تخلف
مسعود: هههههههه رنا عيب نحترم اللي اكبر منا
رنا : خله هوه يقدر اني انا وقفت له
خالد: يارب صبرني و مين انتي عشان اقدر وقفتك معي
رنا : انا رنا بنت سليمان اذا ما تعرفني اعرفني ذلحين ولا انت بس شاطر تتعذر
خالد: يا بنت بعدي عني و عن حياتي و مالك دخل فيني لو وقفت تحت المطر و مشيت على رجولي حتى اوصل البيت
رنا : والله انا رحمتك لاني شفتك واقف بعكازك قلت اكسب فيك اجر لكن انت ما ينفع معك الأسلوب الزين الله يعين زوجتك عليك
خالد: هه شوف تقول اسلوب زين انتي وينك و وين الأسلوب الزين يع الله يعين زوجك عليك
رنا : ماني متزوجه ولا افكر اتزوج واحد معقد مثلك يع
خالد: ماني معقد و انقلعي من هنا قبل ما أعصب
رنا : مدري وش شايف نفسك عليه لا اسلوب ولا جمال ولا شي يع صدق
اتصل جوال خالد و كانت غلا و رد على طول : هلا حياتي امريني
غلا : اشتقت لك وينك بتجي عندنا
خالد : ابشري بجي بكره ذليوم مشغول ما يمدي يا روحي
غلا: انا طيب مشتاقه لك وش اسوي
خالد: والله حتى انا مشتاق لش و حيل بعد لكن بجي بكره اعذريني
غلا بزعل : تمام و قفلت
و التفت خالد لي راجح : غلا حيل زعلانه مني
راجح : عادي بكره اشتر لها حلا و ورد و بترضى بسهوله البنات كلهم نفس الشي
رنا : يع يسوي كنه حق بنات ياخوي البنات مو نفس الشي
خالد: و انت وش سالفتك جالسه تتسمعين لنا ليه ما فيه احترام للخصوصيه
رنا و هي تقلده : مافي احترم للخصوصيه (ورجعت لي صوتها الطبيعي )توه متعلم الكلمه و يزعجنا بها
خالد : يارب صبرني انتو كيف تتحملونها
مسعود ضحك : هههههههه والله انها طيوبه و ما تسوي الحركات ذي
خالد: كريهه
رنا :شكلك شايف نفسك يا كريه
خالد: احترمي اقل شي فارق العمر انا كبير مو بزر في عمرش
رنا :انت البزر والله
خالد: ذلحين انتي وش حارق رزش كنت واقف بالمطر كنت امشي بالعكاز انت وش دخلك
رنا : حاله انسانيه و انا من طيب نيه وقفت و ليتني استخرت قبل ما اوقف لان صدق انت شايف عمرك و نرجسي
خالد: تمام حد النفس صابره عليش توكلي
رنا اللي اعجبها انها رفعت ضغطه : ماني محركه سو اللي تبغى
خالد قام و مشى ووقف قريب من الشباك و هي خافت من حركته بس تبين انها مو خايفه :نعم وش تبغى
خالد: بركب
رنا : الباب الخلفي هيا
خالد رفع حاجبه : هيه انا ما اركب ورا تفهمين
رنا : مالي دخل سيارتي و انا حره فيها
خالد : مغروره
رنا : انت المغرور
خالد: هههههههه انتي اللي تكررين كلامي شكلك ما تعرفين تهاوشين بس كلام فاضي
رنا : لا انا عارفه لكن ما احط راسي براسك
خالد تجاهلها ونادا على سعود اللي توه يجي بعد مده من التفكير : سعود تعال وين كنت
سعود: هلا يا قلبي موجود بس كنت افكر و اكلم ابي تعرف لازم اجهز لكل شي
خالد : تمام كلم اخوك خله يجي ابغى أروح البيت عشان اجهز شنطتي
سعود: يعني معزم تسافر
خالد: ايه بسافر الليله ان شاءالله
سعود : كان ودي تجلس أطول
خالد: ما اقدر قلبي يوجعني كل ما جلست لكن برجع لا تخاف
سعود: تمام لا تقفل جوالك عشان نكلمك
رنا : يع يواعد حبيبته انه بكره يجي وهو بيسافر
ضحك راجح : هههههههه خالد
خالد: هههههههه اسكت فضحتنا
رنا :ما قلت شي يضحك
مسعود: وهي صادقه توك تقولي لها بجيك بكره و ذلحين تقول بتسافر اشرح
خالد: هههههههه هذي بنت اخوي الدلوعه غلا و لو اقول لها انه الليل بسافر قامت تبكي لكن ما ابغى احد يدري حتى اسافر
رنا : بروح اقول لها
خالد: روحي اساسا ما تصدق حتى ابوها باقي تصدقش انا عندها غير
رنا : يع مدري وش شافت فيك و حبتك فيه وانت شايف نفسك
خالد سكت وناظر فيها ورجع يجلس مكانه
مسعود: خالد ترا ما تقصد هيه دايم تحب تطقطق
خالد: ما زعلت بس انتظر سلمان يجي يعني انت روح الله يحفظك و اذا جا سلمان بنمشي للبيت
مسعود: بس انت تعبان شف وجهك
خالد: لا انا طيب ما فيني شي
سعود: الا انت تعبان
رنا :هههههههه وش تعبان فيه ما غير يناقر
خالد: ترا اعطيتش وجه بزياده عن اللزوم يالله روحي
مسعود: انت ذلحين هد و ان شاء الله ما يصير الا اللي يرضيك
خالد: تمام
راح مسعود عند رنا : هيا روحي البيت امشي بسرعه ولا تقولين حرف واحد
رنا : وش سويت انا مالي دخل
مسعود : ما تشوفين الرجال تعبان و تناقرينه
رنا : عادي ما توقعت ان الموضوع يزعله
مسعود : هيا امشي
رنا : طيب ثواني بعتذر منه
نزلت من السياره و كانت متوجه لي خالد جا راجح: لو سمحتي اللي فيه مكفيه لاتزيدينها عليه خليه و روحي اخوانش موجودين تبغين تمشين معهم تبغين تاخذينهم لكن خالد اتركيه في حاله
رنا : وش سويت بروح اعتذر
التفت راجح لي مسعود : خذ اختك و روحو بسرعه خالد تعبان و ماهو قادر يتحمل زياده لانك انت عارف السالفه كلها و فوقها منعناه من السفر وحده ف زعل و عصب
مسعود :بنروح معليك بس بتعتذر لي خالد
جا سعود: خالد يسأل عنك يا راجح يقول انتبه لي نفسك و لا تطلع برا عشان لا تبرد و تمرض
راح داخل راجح بسرعه يبغى يتطمن على خالد سعود: اعتذر منكم ولكن خالد تعبان و يتعب من اي شي ف عذرونا
مسعود : معذورين هيا يا رنا اركبي خلينا نمشي
رنا : احس انا السبب في تعبه
سعود : لا انتي مو السبب هوه تعبان من زمان
مسعود: اذا صار طيب كلمني ابغى اتطمن عليه
سعود: لا تخاف هو دايم كذا من بعد الصدمه اللي جته لكن ما كنا ندري لانه سافر و ما علم احد و يوم رجع تعب بنا فجأه و وصلناه المستشفى و قال لنا الدكتور و يوم سألناه قال لا تقولون لي اهلي و انحم سكتنا و ذلحين شوفه تعب و راجح معنا ياليته قد قال لي أهله
مسعود: أها أهم شي يكون طيب
سعود: معليك احسن ان شاءالله
رنا : طيب ليش ما تودونه المستشفى
سعود: رافض خالد
رنا : مو بكيفه لازم يروح
سعود : ما نقدر نجبره و ذلحين روحو الله يحفظكم
مسعود: مع السلامة
و راحو العيال كلهم و بقى بس سعود و عبدالكريم و راجح و خالد بس
خالد: ذلحين كيف نروح البيت
راجح يبغى يغير جوه : كان خليتنا نروح مع البنت كنا انبسطنا و ما ارتفع ضغطك
خالد: ان ما ضفيت وجهك والله لاجلدك انقلع
سعود: وهو صادق
خالد: شكلكم تبون ترفعون ضغطي قبل اسافر عشان ما عاد اشتاق لكم
عبدالكريم: لا ما احد يبغى يرفع ضغطك لكن انت على كل شي تزعل
خالد سكت لانه صادق في كل كلمه هم يحاولون يغيرون جوه و هو يعصب عليهم حتى البنت اللي كانت تبغى تساعده عصب عليها و ارتفع ضغطه
راجح : لا تفكر انحم بنبقى نحبك و نخاف عليك مهما عصبت او خاصمت نبقى نحبك
قاطع كلامه دخلت علي بسرعه : وش فيه وش صاير خالد انت طيب
خالد وقف : ما فيني شي وش فيني و بعدين مين كلمك
علي : واخد من أصحابي كان يفطر هنا و شافك يقول وانت تعبان انت ذلحين احسن تبغى امستشفى
خالد: انا طيب ما فيني شي ولا ابغى امستشفى
علي التفت لي العيال : انتم دكاتير ليه ما ساعدتوه او وديتوه للمستشفى
خالد: يا ابن الحلال ما فيني شي طلعنا نبغى نروح البيت لقيناه مطر جلسنا نلعب بالمطر حتى وقف و شكله رجلي أوجعني بس يعني ما في شي تقلق عليه
علي : كويس الحمدلله هيا اوديك المستشفى او البيت
خالد: ابغى البيت عشان اطمن ابوي هيا
علي : يالله هيا يا سعود انت و عبدالكريم مشينا امشو معنا
سعود : انا بجلس لان اخوي بيجي بعد شوي و نطلع نخلص شغلنا
عبدالكريم: انا بمشي معكم نور تكلمني و مدري وش عندها
خالد: هيا مشينا
مشو للسياره و ركب خالد ورا و انسدح التفت عليه علي : ليش ما ركبت قدام
خالد : مالي خلق ودي اركب ورا عشان انام
علي : على راحتك هيا يا عبدالكريم اركب قدام معي
عبدالكريم :ابشر
راجح : وانا
علي : على حد علمي انك ما تحب تركب قدام
راجح : ايه و بركب ورا
علي : هيا استعجل بوديكم و ارجع لي عيالي
عبدالكريم: ليه وينهم
علي : في البيت بس يبكون يبغون يتمشون
خالد: والله إني مشتاق لهم
علي: حتى هم مشتاقين لك ويسالون عنك
خالد :قريب بمر عليكم و اسلم عليهم أن شاءالله
سكتوا كلهم و خالد نام حتى وصل البيت و صحاه راجح و نزل و راح البيت و غير ملابسه ولبس بنطلون اسود و بلوفر ازرق و راح يجلس عند ابوه و أمه و باس روسهم و جلس ام خالد: وين كنت جانا راجح و جا علي وانت ما شفناك
خالد: كان في مطر و ما صبرت و رحت العب فيه انا والعيال ف يوم جيت دخلت اغير بسرعه عشان ادفع لاني بردان
ابو خالد: الله يصلحكم كأنكم أطفال تلعبون لي في أمطر
خالد : آسف بس احب المطر و احب الجو اذا صار بارد
راجح جا و جلس بجنب خالد: والله كان زعلان لكن يوم شاف المطر تغيرت نفسيته
ابو خالد: الحمدلله والله ان أمطر نعمه و حلو يغير النفسيه و يبعد الهموم
خالد: اي والله حتى الأخ راجح لعب بالمطر هوه اول واحد راح يلعب به
ابو خالد: هههههههه يعني ينتقد و هو حتى هو طلع بالمطر
راجح : ايه طلعت اول المطر و جلست ادعي بعدين دخلت جو المطعم لكن خالد و العيال سوو لهم جلسه و جلسو فيها سوالف و ضحك و لعب حتى انتهى المطر
خالد: بس كان الجو حلو
راجح : ايه حلو بس برد
ضحك خالد: هههههههه صادق برد حتى ذلحين احس باقي فيني برد
ابو خالد: و باقي توه الشتاء دخل يعني ماهو مره برد
خالد: اي والله الحمدلله
قام راجح يصب قهوه : اصب لك يايبه خالد
خالد: اي والله صب مشتاق لي قهوه امي
ام خالد: الله يسعدك حتى انحم اشتقنا لي جلستك معنا
خالد: معليكم عندي اجازه بونسكم معي باقلب البيت و بكسر و بسوي كل شي عشان تكرهوني بسرعه و تحجزون لي على أقرب طياره
ضحك ابو خالد: سوها و ما بتشوف الا ذا العصا تلعب على ظهرك
____________
حسابي انستا fat90892
أنت تقرأ
نافذة الذكريات
General Fictionاول روايه لي اتمنى تنال على اعجابكم خالد كان يحب بنت عمه و تصير بينهم مشاكل و من هنا تبدأ قصتهم الكاتبه : فاطمة الألمعي حسابي تيك توك: ftm2201 حسابي الانستا: fat90892 جميع الحقوق محفوظة
