نافذة الذكريات

part 26

استحت ام خالد و خرجت و ضحك خالد : اعجل
راجح : بس بلبس الكبك و امشي لاني خلصت
خلصو سوا و خرجو و قابلو البنات : ماشاءالله انتم تنافسون مين الاحلا ولا ايش
ضحك ابو خالد: ولد وش فيه
خالد  : يبه ماشاءالله ماخذين الجمال من منبع الجمال و الأناقة والحلا
ام خالد : ترا اذا تزوجته و غازلته زوجتك قلت تريه يكذب لانه قال الكلام هذا للكل
ابو خالد:  خلاص يا ولد استح
ضحك خالد : قول انك تغار اني اغازل زوجتك قدامك
ابو خالد نزل العقال : وش رايك تعقل
ضحك خالد : مع السلامه انا بروح بسيارتي
ابو خالد على راحتك بس انتظر خذا اخواتك معك
ضحك خالد و رجع : صرفكم عشان ياخذ راحته مع الحب
رماه ابو خالد ب المخده : انت ما تمشي الا بالعين الحمرا
خالد خرج و راح  السياره و طلع معه راجح : بمشي معك
خالد : اخخخ ما كان ودي احضر بس وش اسوي ابوي و امي مجبريني اروح
راجح : معليك ان شاءالله الأمور تتيسر و شويه و بعدين نمشي ما بنجلس
خالد : ما اقدر لانه نايف بيجلس يصيح و يقول لي ابوي  انه يمكن انا اضره
راجح:  اوكيه الله يعينك عليه احسه يحتاج طبيب نفسي لانه ياخذ حاجه مو له و يجلس يصيح
ضحك خالد: اي والله انك صادق
مشو و راحو لي القاعه و كان خالد متضايق و مقهور و لكن يبين لهم عكس كل شي و يضحك  و كأنه نسيها
وقف و جلسة يضبطون غترهم عشان يدخلون مع ابوهم
راجح : ودي ان مطلق و بهاج و بدر جو عشان نستانس
خالد : بيجون معليك بس يقولون بيجون بعد الزواج لان مالهم خلق يحضرون
راجح : معهم حق مين يبغى يحضر لهم والله انه ودي ان يعذروني كان ما جيتهم
ضحك خالد : امش امش لو سمعك ابوي جلدك قدام الكل
ضحك راجح: اي والله مستحيل يقول بعدين على طول يجلد ة ذا سألوه الناس قال امزح مع عيالي
ضحك خالد منن تذكر موقف ابوه : تذكر يوم جيت اصب قهوه و بالغلط احترق الضيف و رماني ابوي ب التكايه اللي يتكي عليها
ضحك راجح : اي والله اذكر و جت على خشمك و قلنا لي ابوي يمكن كسر قال لا ما رميتها بقوه مستحيل توصل
ضحك خالد :رحت المستشفى و قالو كسر هههههه
و جلسو يسولفون و يغيرون جو مع بعض و ضحك
و جا احمد  :وش فيكم هنا ليش ما دخلتو
خالد : ابوي يقول ننتظره يخاف اسوي شي بالمعرس
ضحك احمد : اذا تبغى تسوي شي انا معك ما بتركك
خالد : عارف و ابوي عارف عشان كذا قال انتظر برا
راجح : الا وين الأطفال ما اشوفهم
عقد حاجبينه احمد : مين الأطفال
ضحك خالد : صدق وش دخل تسأل عن الأطفال
ضحك راجح :اقصد عبدالكريم و سعود لأنهم دايم يختصمون على نور كأنها لعبه
ضحك احمد:  والله انك صادق انهم بعض الأحيان احس انها لعبه من كثر خصتمهم
خالد : والله سعود اذا هو يبغى نور لازم يتحمل لان عبدالكريم يحبها ولا يرضى عليها
احمد : بس ترا سعود ما سوى شي غلط طلبها من ابوها و بيتزوجها يعني الوضع عادي
خالد : خلاص امشو خلونا نتعطر شوفو ابي جا
راحو السياره و اخذو العطر و تعطرو و جا ابوهم و عطروه و دخلو سوا كان ابو خالد بعدين ناصر بعدين معاذ بعدين علي بعدين خالد و راجح و دخلو يسلمون و جلسو و هم يشوفون التجهيز و القهوه والبخور و هو يدور حولهم و كان خالد انكتم من البخور و من ألم صدره بس ما كان يبين كان يضحك و يسولف ولا كأنه اهتم و شوي و جت العرضه و قام مع العيال يلعب معهم و كان لعبهم متناسق و جميل جدا و كان ابو خالد يشوفهم و كان مبسوط بهم و بلعبهم وكان كل يوم تزيد امنيته انه يشوف أولاده كلهم موجودين جا له خالد و ابتسم : وش بغيت يا خالد
خالد : ودي تلعب معنا قوم
ضحك ابو خالد : انا صرت كبير ما عاد فيني قدره العب
خالد : لا والله يبه ان تقوم معنا ترا شايف عيونك و انك تبغى تلعب
ابو خالد : لا والله اني ما احب العب
خالد : اها اكتشفت انت ذلحين جالس تفكر في الحب
ابو خالد قام : اقول انقلع لا اجلدك بالعقال
خالد ضحك و قام يردد مع الكلمات وماسك يد ابوه و يلعبون لف ابو خالد : كم لي ما قد لعبت و انت جيت دخلتني الساحات
ضحك خالد : لازم تلعب ولا تسمعك امي تقول انك كبرت عشان ما تطلب الطلاق و تروح بعدين تقول ما تبغى تجلس مع شايب
ضحك ابو خالد : خالد خلاص و لا تنجلد وانت تلعب
ضحك خالد و جا راجح : وش فيكم بس تضحكون
خالد : اطقطق على ابوي
ضحك راجح : انت متعمد تقهر نايف شكلك
ضحك خالد و ناظر و شاف نظرات نايف له ولف لي راجح : تصدق اني ما انتبهت له ولا دريت عن هوا داره
راجح : عارف بس هو يتضايق منك
خالد : لو انه ما اجبرني ابوي ما جيت له ولا فكرت احضر
ابو خالد تعب و راح يجلس و جلس بجنبه خالد و راجح و جا ابو هدى : ماشاءالله انتم يا الصغار صرتي تعرفون تلعبون
ضحك خالد : ياعم وين صغار ترا قدنا كبار
ضحك ابو هدى و دفه : قوم خلني اجلس بجنب اخوي وانت رح اجلس بجنب اخوك
ضحك خالد و قام و جلس بجنب راجح : يا عم شوف ابوي يبغى يتزوج على امي شوفه قام يرقص معنا
ضحك  ابو هدى : والله اني داري انه من ورا راسك قام ولا اخوي و اعرفه ما يحب يلعب
ضحك ابو خالد : انا ما تكلمت لاني اعرف ان اخوي يعرفني لكن انت ما يعرفونك اخوانك
ضحك خالد : لا يالغالي مو كذا انا لو اقول اخخ لقيتهم كلهم يسندوني
ضحك ابو هدى : روح روح قول اخخخ و خلهم يفزعون لك
ضحك ابوخالد:  والله انك قد صدعت براسي يا خالد
خالد : خلاص يا الشيبان بروح عند اخوياي و نستانس انحم يا الشباب وحدنا
ضحك ابو هدى : هذا الولد مجنون
ضحك ابوخالد و جلس يشوفه حتى بعد بعدين لف على ابو هدى : والله اني كنت خايف من ذلليل و اللي ذلحين ماني متطمن جالس يضحك و يسولف ولكن ماندري وش فيه قلبه والله ما كان لي خلق اقوم العب لكن يوم جاني ما حبيت اكسر خاطره او اضايقه
ابو هدى : حنا سوينا اللي علينا و حاولنا فيهم يرجعون لكن كل واحد رفض من جهه و الله يعوضهم يارب
ابو خالد : آمين يارب