بهاج : ايه ماتشوف مجلسينه في النص بينهم
راجح : انا يوم خرجت من المستشفى مالقيت الاهتمام ذا بس قالو لي رح نم و انا رحت انام
ضحك عبدالكريم: مسكين يا راجح ناسين انك اخر العنقود
راجح :اي والله
ابتسم خالد : لا ما نسيوكم بس انا توي جيت
ضحك ابو خالد : صادق المهم وش صار معك كلمت اهل زوجتك
خالد اخذ نفس: لا ما احد يرد علي
بهاج : مشينا نهد البيت فوق روسهم
راجح : هيا قوم خلنا نخطفها
ضحك عبدالكريم: والله الفكره تجنن امش
خالد : لا ماودي خلة الأمور تهدأ
ابو عبدالكريم: كيف تهدأ تنتظرهم يرفعون عليك قضيه خلع
خالد : ما بيسوونها عشان بيقولون ليه تطلقت بعد زواجها بثلاث ايام
ابو عبدالكريم: وش فيك متأكد وليه استسلمت
خالد: ما استسلمت بس انتظر لاني ماودي استعجل و بعدين اتصرف تصرف غلط و يعكس الموضوع ضدي
عبدالكريم: احمد منهار ولا كنت اما و سعود نعرف السبب توي ذلحين اعرف مع ابوك و اخوانك
خالد : كيف تعبان مره
عبدالكريم: ايه طلع عنده انهيار عصبي وانحم ما نعرف
خالد : قال لي بس انه تعبان سولف لي يوم كنت مرافق مع راجح مادريت ان عنده انهيار عصبي ياولد اقول امش نروح نتطمن عليه
ابو خالد :اجلس تقهوا
خالد: برجع بس بتطمن على احمد ما ندري وش فيه
عبدالكريم: هيا مشينا
مشو عبدالكريم و خالد و ركبو السياره و توجهو لي المستشفى يتطمنون على احمد
_____________
عند رنا
كانت منسدحه في غرفتها و كانت تحس بألم في بطنها بس ماهي عارفه من وش و لها فتره تتألم بس كانت تقول انه من قلت الاكل او تسمم و ماكنت تعطي الموضوع اهميه
دخل مسعود و عزيز : وش رايكم نطلع
مسعود : انت بس تبغى تطلع ما تحب البيت
رنا :والله مالي خلق
عزيز : اووف وش فيكم شيبان ما تحبون تتحركون والله الطلعه فيها وناسه
ضحك مسعود : اذا بتدفع اي شي نشتريه تم نطلع
عزيز جلس على كرسي رنا :لا خلاص مالي خلق اطلع احس اني مصدع
ضحك مسعود :لا الطلعه ما يبغى لها واحد بخيل
عزيز : مو بخيل بس اجهز لي زواجي
رنا : والله انك بخيل من اول المهم مشينا و الطلعه على حسابي
مسعود : شايف كيف بنت وأكرم منك
عزيز : لأنها اخت عزيز اكيد بتكون كريمه
رنا : لا انا زوجة المهندس خالد
ابتسم مسعود : تخرج
رنا : امس كان آخر اختبار له و انا الطلعه كلها ودي اشتري له هديه و ارسل بها مع المندوب كل شي ولا يفوتني تفاصيله الصغيره
عزيز : ما تدرين وين هو
رنا : اكيد انه عند أهله
عزيز : ماشاءالله حافظه كل شي فيه
ضحكت رنا : اكيد زوجي زي ما انت حافظ كل تصرفات زوجتك
مسعود: ايه كيف ألم بطنش ذلحين خف
رنا : ايه معليك
عزيز : من وش تتوقعين
رنا :مدري يمكن من تغيرات الجو او انه اكلت اكله ما ناسبتني
مسعود : لا يكون حامل
رنا : لا مستحيل
عزيز : ليه مستحيل
رنا : مدري بس ما اتوقع
دخل سالم : لا تقولون ما عندكم اكل انا جوعان
رنا :ابشرك ما في اكل بس بنطلع بعد شوي
سالم: يس و مين يدفع الاكل
مسعود :اللي جوعان واللي وده بطلعه
ضحك عزيز : تمام ماعندي مشكله تدفع فلوسي كلها بس اهم شي تطلع رنا معنا
رنا : بطلع عشان هدية خالد و بس
سالم : اما تخرج
رنا : ايه تخرج و كنت اخطط اسوي له حفله بس صار اللي صار و انتهى كل شي بس ودي قبل ما نتطلق اهديه
مسعود : لا تكونين سلبيه ما تدرين يمكن يجي شي و يغير كل الاحداث كوني ايجابيه
رنا : ان شاءالله هيا مشينا
العيال :هيا مشينا
طلعو و كل الطلعه عشان رنا تغير جو و تستانس معهم و ترجع رنا اللي تضحك و تسولف و ما فيها شي
أنت تقرأ
نافذة الذكريات
General Fictionاول روايه لي اتمنى تنال على اعجابكم خالد كان يحب بنت عمه و تصير بينهم مشاكل و من هنا تبدأ قصتهم الكاتبه : فاطمة الألمعي حسابي تيك توك: ftm2201 حسابي الانستا: fat90892 جميع الحقوق محفوظة
