نافذة الذكريات

part 21

ضحك ابو خالد:  سوها و ما بتشوف الا ذا العصا تلعب على ظهرك
ضحك راجح : ايه كفو ابوي خله يستاهل ينجلد 
خالد:  اووه حتى انت قلبت علي يا راجح وأنا توقعتك سندي و عضيدي
راجح : انا سندك و عضيدك في الأيام المعاسير لكن إذا سويت مصيبه و ابوي قال كلمته المشهوره ان ذا العصا تلعب على ظهرك  ف لازم انا انسحب و اكون واقف بصف ابوي لانه فس ذا الحاله هو القوى
ضحك خالد:  طلعت خواف و تخاف من العصا الصغيره ذي والله يا كم انجلدت بها يوم اني صغير و حتى ذلحين بس اختلف الوضع عشان رجلي توجعني
ام خالد:  انا متطمنه انك ما بتزعجنا لان رجلك مكسوره ما بتتحرك كثير
خالد:  هههههههه و انا اقول ليه ما و زعلتي طلع عشان كذا
راجح : احمد ربي وقفت على كذا ولا تتوقع انهم بيزعلون لأنك صرت بخير والله يوم درو انك سويت حادث انهم زعلو  و ضاقت صدورهم
خالد:  والله اني طيب و ما احس بشي ذلحين و حتى رجلي ما توجعني لكن حبيت اطقطق شوي
ابو خالد:  ان شاءالله تتعافى 
خالد:ان شاءالله
و جلسو سوالف و ضحك و يعلقون على بعض

____________
عند رنا
كانت جالسه في غرفته لحاله و تشرب شاهي و دق جوالها ورفعته و شافت صديقتها رهف وردت بسرعه : رهف حياتي وينك فيه
رهف : هلا قلبي توي خارجه من الجامعه و ضايقه فيني و قلت اكلمش اسولف معش شوي
رنا : اووه تخيلي صار في سالفه ذليوم
رهف : عارفه يا قلبي انتي ما تكونين رنا اذا ما تهاوشتي مع احد وش السالفه قولي
رنا : كأني ما سمعت ولا شي المهم تخيلي شفت واحد رجله تعوره و اروح انا و ابغى اساعده ف قلت لي سالم مين ذا قال ولد جيرانا اللي زمان كنا ساكنين بجنبهم المهم قلت له ليش واقف بالمطر قال هو بيروح بعد شوي لكن شكله ينتظر احد المهم قلت له ناده عشان نوصله و الولد  رفض
رهف :ايه و بعدين  اكيد رنا ما تبغى تساعده لكن شكله يا حلو يا حبيب الطفوله
رنا : الأولى لو سمحتي الولد ما شاء الله  عليه
رهف:  هههههههه ايه انا اعرفش والله لو تلقيني قدامك تعبانه ما تجين تساعديني
رنا : هههه لا تكبرين  الموضوع لا والله بساعدك اساسا انا احب الخير و احب مساعدة الآخرين
رهف  : ايه كملي وش صار على الآخرين
رنا ضحكت و كملت لها سالفتها و هي تضحك على نفسها كانت تبغى تساعده لكن هو  رفض

_________
عند سعود
كان جالس يلعب بجواله وينتظر اخوه يجي و يفكر في حياته و اذا رفضت نور وش هو يسوي رفع راسه للي يناديه : هلا والله باخوي وينك تأخرت 
مازن اخو سعود الصغير : اهم شي جيت و بعدين وش تبغى من الصبح تتصل وانا نايم
سعود  : ودي نروح السوق اخذ أغراض عشان خطبتي الليله ان شاءالله
مازن : ان شاءالله بس وش تاخذ
سعود:  ما قد جهزت نفسي ولا شريت ساعه و ملابس ولازم اتجهز
مازن : تمام لو رحت مع اخوياك احسن
سعود:  مالي خلق شي و بعدين هم راحو للبيت
مازن : معليك بنخلص كل شي و تروح تنام بعدين
سعود : ان شاءالله
مازن : وش فيه وجهك ليه مو مبسوط
سعود تنهد تنهيده طويله:  كنت مبسوط لاني احبها بس قال لي اخوها انه احتمال ترفض لأنها دلوعه و تسوي اللي في رأسها و ما تستشير احد و يا كم رفضت غيري
مازن : ما تدري يمكن توافق انت دكتور و خوي اخوها لا تقلق
سعود : مدري الله يعين
راحو السوق و شرو ملابس و اغراضهم الناقصه و رتبو امورهم و راح سعود و نام عشان تعب من الانتظار و الهواجيس