عبدالكريم :بحكم انه باصير عم و خال في نفس الوقت حاب اقول لكم انه اذا جت لي خالد بنت و سعود ولد زوجوهم و اذا العكس نفس الشي زوجوهم
ضحك خالد : انا لا اسمح لكم انه تجبرون بنتي على شي لو تقول لي كا ابغى ولد خالي سعود اقول لها ابشري ندور لش غيره كل شي عندي ولا اميرتي تزعل
ضحك احمد : الله يقوم امهاتهم بسلامه و تشوفونهم معاريس
خالد و سعود : امين يارب
عبدالكريم :الا وش الموضوع اللي قد قلته لي خالد يا احمد
احمد : ولا شي
عبدالكريم :الا قول وش فيه
احمد : ولا شي بس بنقل للرياض لانه تضايقت من الوضع كل يوم وانا اقابل منال يعني يوم كنت اتمنى اقابلها ما اقدر و ذلحين لازم اقابلها وانجبر لا مافيني و بسافر و ارتاح
سعود :ما كان ودي تتخذ ذا القرار ليه انت و خالد تحبون تتخذون القرار النحشه ما تتخذون قرار المواجهه
احمد :لانه ماني قادر اواجه احد انا اللي فيني مكفيني
خلص المغذي و نادو الدكتور و جا واعطاهم الوصفه و طلعو ياخذون العلاج و خرجو و قابلو هيثم برا جالس وحده قرب منه خالد :وش فيك
هيثم :ولا شي بس كنت اسولف مع زوجتي
خالد :واللي كان يسولف مع زوجته يكون وجهه مقلوب كذا
هيثم : لا يا عم بس انا نومان شوي
خالد : تمام بتروح و تنام ولا
ضحك هيثم : يعني رديتها لي
خالد : ايه لانه عارف انك ما تبغى تنام فيه شي يضايقك لكن وش هو ما ادري
هيثم : اتضايق من حركات زوجتي يعني ذلحين تسولف مع وتضحك ما كانها اللي قبل منكده علي
خالد : يمكن تحاول ترضيك بس بطريقتها و دلعها
هيثم : مدري بس ما حبيت تجاهلها لي مشاعري
خالد : معليه روق و انسى لو انه ندقق على كل شي كان كل الوقت تعبانين و ضايقين
هيثم : ان شاء الله
خالد : هيا مشينا
هيثم : هيا
مشو و كل احد راح بسيارتهم مثل ما جو و احمد و خالد بسيارتهم
خالد : احمد وش فيك
احمد: ولا شي
خالد : الله يا احمد صرت تخبي عني
احمد: يا ابني ما اخبي عن احد بس فيني هدوء مفاجى مدري ليش
خالد : اها تمام طيب بتنام عندنا
احمد : ايه اقصد لا مدري ياخوي
ضحك خالد : قول تم و اجلس معنا
احمد :تم اقصد لا ما ابغى ياخي بتعبكم بشغلكم لا مره ثانيه و بعدين ودي اروح لي اهلي
خالد :على راحتك
سكت احمد و هو كان وده ينام مع خالد لكن يعرف انه خلاص ماعاده خالد العزابي صار متزوج
وصله للبيت و بعدين راح لبيتهم واخذ سيارة خالد لان سيارته في البيت
_____
عند خالد
اول ما وصل للبيت قابلته رنا :وين كنت
حضنها خالد و كان ساكت ولا له خلق يتكلم و بعد عنها و شالها وراح للغرفه و رنا كانت تضرب كتفه و تصيح بس منزله صوتها عشان شوق موجوده في البيت :خالد نزلني ماهو وقتك
خالد : ابشري و نزلها على كرسي و جلس بجنبها :رحت المستشفى لانه كنت تعبان و اعطوني مغذيات و ذلحين انا احسن
رنا : طيب تعال يا قلبي بسوي لك مساج
خالد :تمام
حط راسه خالد في حضن رنا و قامت تسوي له مساج و تسولف له و تخفف عنه الالم و خالد اول ما ارتاح في حضنها قدر ينام و ينام بعمق و هب اول ما شافته نايم نامت معه و هي اساسا كان فيها نوم بس ما قدرت تنام و تتركه و انتظرت حتى جا وتطمنت عليه ونامت
الصباح اليوم الثاني صحي خالد و رفع راسه و ابتسم يوم شاف رنا نايمه و كان شكلها كيوت و صغيرون قام و راح يتوضى عشان يصلي ز هو يحمد ربي على النعمه اللي اعطاه ايها و يحمد ربي انه صبر و نال و لقا شريكة حياه جميله و هاديه مثل رنا و تقدره و تحترمه و تحترم مشاعر غيرته و زعله صلى و دعى لي نفسه و دعى لي رنا كثير لانها غيرت في حياته للافضل بعد ما خلص صلاه توجه لها يصحيها :رنو قلبي رنوشي رنا روحي انا
رنا تحركت بانزعاج و تهممت له :همم
ابتسم خالد على شكلها و قرب و باس عيونها : ما ودش تصبحين علي ماودش تونسيني و تستانسين مع هيا قومي يا روحي انا و قلبي وشرياني هيا
بعدت رنا و ابتسمت و رفعت راسها :من متى وانت صاحي
خالد : توي قبل شوي هيا قومي خليني اتطمن عليش واخذ بوست الصبح و بعدين اروح لي شوق اتطنن عليها
رنا :تمام قربت منه و باست خده
ضحك خالد :احلى بوسه
ضحكت رنا و راحت الحمام و راح خالد يشوف شوق يوم وصل لي الغرفه دق الباب و يوم سمع لها انها تسمح له يدخل دخل و شافها جالسه و جلس بجنبها : ايه كيفش ذليوم
شوق : طيبه الحمدلله الا انت امس متى عادك رجعت لانه نمت
خالد : يمكن وحده ولا ثنتين ما اذكر
شوق : وين رحتو
خالد : رحت المستشفى عشان مصدع و شربت علاج مافاد بس يوم رحت اعطوني مغذيات و ارتحت بكثير
شوق :الحمدلله اهم شي انك طيب
خالد : ابشرش الا وس رايش نطلب فطور ولا ودش بطبخ الشيف والمهندس خالد
شوق :عادي اي شي الا زين رنا
خالد : اتوقع تصلي
شوق :تمام اذا جت نحدد سوا وش نطلب ايه صح ترا دريت انه بيجيك ولد مبروك يا قلبي وان شاء الله تقوم امه بسلامه
خالد : الله يبارك فيش امين يارب هيا خلينا نروح المطبخ
شوق :لحظه قبل نروح
خالد لف لها :لبيه وش تبغين
شوق :تدري انك بتصير احلى ابو و الطف ابو انت معانا لطيف ف ما بالك انه بتصير اب
ضحك خالد و حضنها :شكرا قلبي هيا تراني جوعان
شوق : هيا
مشو و كان خالد حاط يده على كتوف شوق و مقربها منه
قابلو رنا و وقف خالد و شوق وراحت رنا وحضنت شوق :مستانسه انش موجوده
ابتسم خالد :تعالي من عند يدي هذي عشان نمشي سوا
راحت رنا وسوا خالد نفس الحركه حط يدينه على كتوف البنات و مشى فيهم للمطبخ و وقف : يالله قررو اكل بيت ولا مطعم
رنا : نفسي في مطعم
خالد : وشوق
شوق :عادي اي شي
خالد: وشوق
شوق :مطعم
خالد :تمام وش تبغون من مطعم
رنا : نفسي في طعميه و طحينيه و سلطه
خالد : تم عشان البيبي ولا انا ماابغاها وانتي شوق
شوق : المره ذي على ذوقك
خالد :تمام نطلب نفس طلب رنا وش رايش
شوق : تم
اخذ خالد جواله و طلبو و خلص ولف عليهم :وحده تسوي لنا قهوه
شوق : بسويها انا قهوتي دايم يمدحونها
رنا :وانا اسوي الشاهي
خالد : تم
خلصو كل شي في اقل من نص ساعه و جا الفطور وافطرو و خلصو و لف خالد :بنوديش عند اهلي و منها نسلم عليهم قبل نسافر
شوق: تمام بروح اجهز الا رنو البجامه حقتش كيف اعطيش
رنا : لاتعطيني ولا شي خلاص بالعافيه عليش
شوق :شكرا
راحو يلبسون و يخلصون و رنا و خالد يجهزون شناطهم و مشو يروحون للديره على طول جا احمد و اخذهم و راح لي مكان سيارته و نزل و ماكان وده ينزل لانه كان يناظر شوق و كان مستمتع وركب خالد مكان السواق و مشى فيهم و وصلو في حدود الساعه تسعه وقف خالد و لف لي البنات: نزلنا
شوق :هيا
رنا : متوتره اول مره اروح بيتكم
خالد : انتي دايم تقابلينهم و عرفتيهم يعني الوضع عادي هيا نزلنا
شوق : و قمر تراها هناك يعني بتنبسطين معها
رنا : تمام تمام
نزلو و دخلو و لقو ابو خالد نفس عادته جالس في الحوش رفع صوته خالد : السلام عليكم
فزو كلهم يسلمون عليه و يسلمون على رنا وشوق
ابو خالد : وش تسوين يا شوق معهم الله يصلحك
ضحكت رنا :والله يا عم ونستنا
خالد:اي والله
شوق : هم سحبوني معهم و قالو تجلسين معنا لبكره و بس
ابو خالد : ما قصدي شي بس ما ودنا نشغلهم و بيت ابوش موجود
خالد : لا شغله ولا شي وبعدين البيت بيتها
ام خالد : حياكم الله
خالد : الله يسلمش
ام خالد : وكيفكم
خالد : الحمدلله طيبين كيفكم انتم
ام خالد : طيبين الحمدلله
جلسو و البنات اخذو رنا و راحو للمجلس عشان ياخذون راحتهم وكانو سوالف و ضحك و كان خالد مبسوط معهم بس رنا متوتره و ضايقه شوي و ما عاد تحملت و ارسلت لي خالد :مشينا
خالد فتح جواله ولقا الرساله و رد : تمام
بعدين نزل جواله و رفع راسه : انحم بنستاذن منكم ودنا نروح
ابو خالد : لا ما ودنا تروحون اجلسو معنا
خالد : والله ودي بس ابغى اودي رنا عند اهلها و اروح مع العيال وعدتهم
ابو خالد :الله يحفظكم
خالد : امين يارب و طلع و دق على رنا : هيا وينش
رنا : جايه
قفلت الجوال و راحت له و شافت ام خالد و ابوخالد و سلمت عليهم و مشت تخرج لي خالد ولقته في السياره و ركبت : السلام عليكم
خالد :هلا وعليكم السلام
شغل خالد و مشى ولف لها : هاه انبسطتي
رنا :يعني نص ونص
خالد : ليه ما انبسطتي
رنا :لانه اول مره اروح بيت من دون امي يعني استحي منهم و استحي من البنات
خالد : بس انتي تعرفينهم كلهم
رنا : ايه لكن ما ارتحت لانه نص البنات نايمات و ماهي موجوده غلا والباقيات استحي منهم
خالد : اها تمام بنروح عند اهلش
رنا :تروح معي انت
خالد : لا بروح عند اخوياي عشان نسافر
رنا : تمام
مشو و راحو لي اهل رنا و اول ما وصلو نزلت رنا و راح خالد عند اخوياهو بعدها بساعتين دق خالد على رنا وراح ياخذها عشان الرحله لا تروحو اخذها و راح و المطار
و مشت الايام بسرعه و دخلو رمضان و طبعا صامو خالد و رنا في الرياض و كانو مبسوطين مع بعض و كل يوم مع يوم يزيد فرحهم بحمل رنا و قرب العيد و هم في الرياض بس اول جت العشر الاوخر رنا قامت تكلمه انها ودها تعيد عند اهله و هذا قبل العيد بيومين
رنا : خلصت الشناط
خالد : تمام مشينا نفطر في المطار احلى
رنا :تم لانه توي منظفه المطبخ ولا ودي ندخله و نخرب
خالد :مشينا
خرجو من البيت على العصر و وصلو المطار و انتظرو حتى اذن المغرب و افطرو و بعدين ركبو طيارتهم المتوجهه لي ابها و هم مسوين مفاجاءه ولا قالو لي احد
اول ما وصلو استاجر خالد سياره و توجهو للبيت يتسحرون و ينامون
رنا : الله بنفطر عند اهلي كم اشتقت لي فطور امي
خالد : وانا بجرب فطور متكامل و لذيذ لانه من اول رمضان و انا ما تهنية يا السمبوسه محروقه او الشربه زايد ملحها او ناقص او السمبوسه الحشوه مالحه او ما فيها ملح
ضحكت رنا : والله وش اسوي قلت لك اعرف اسوي سمبوسه بس الملح اخواني او امي يوزنونه لي
خالد: الحمدلله بناكل اكل صاحي ذليوم و بكره و بعدين العيد
رنا:بس تدري كان احلى رمضان بنسبه لي
خالد :صادق والله كان يجنن اما على الاكل نحطه على جنب
ضحكت رنا لانه كان متضايق من فقرة المطبخ :تمام تعال نتسحر و نام
خالد :تم يا الكتكوته انتي
ضحكت رنا و جلسو و تسحرو و خلصو و راحو يشربون شاهي و مويه قبل ياذن و اول ما اذن قامو يصلون و ينامون و يصحون على العصر
صحو العصر و قامو وراحت رنا تسوي حلى و جا عليها خالد : لا لا تكفين
رنا : ليه
خالد : مو منجدش بتسوين حلى و بعدين اساسا ما تعرفين خليني اسويه
رنا : متاكد تعرف له
خالد : ايه ما احد يسوي لي اخوياي حلى الا انا
رنا :تم نشوف مواهبك
راح خالد و رنا و اجلسو يضبطون الحلى و كان ضحكهم مالي المكان و كل شوي يحطون شي و اساسا ماله دخل بالوصفه بس هم يحبونه و خلصو من الحلى و اخيرا وحطوه في الثلاجه
خالد : يارب يطلع حلو
رنا : معليك اذا طلع ماهو حلو نقول شريناه جاهز
خالد :احلفي و الشكل مبين انه بيت لكن نترك ذا وناخذ من اي مكان يبيعون حلى احسن والله و نسوي لهم قهوه و الشاهي قولي تم
رنا : تم ونشتري سمبوسه
ضحكو خالد و رنا خرجو و تركو كل شي مكانه و كان المطبخ يصيح من طبخهم اللي ما يسمى طبخ اساسا
راحو و تجهزو وراحو اقرب محل حلويات و اخذو لهم حلى و اخذو سمبوسه و مشو راحو لي اهل رنا
وصلو قبل الاذان بساعه و نزلو و دقو الباب و فتح ابو رنا و انصدم و شوي رحب بهم : يالله انك تحييهم ارحبو والله انه اعز من يجي يا ام رنا في ضيوف
ام رنا كانت في المطبخ هي و عزيز : الله العالم مين عازم ابوك
عزيز : مدري يمه انا جالس معك
ام رنا : روح صحى مسعود خله يشوف مين او يجي يساعدني وانت تروح
عزيز : وين اروح يمه و ملابسي كلها دقيق
ام خالد :بدل ما قلت لك رح لهم كذا او البس ثوب عليهم قم بسرعه
عزيز : يمه القيمات بتحترق لو اروح
ام رنا :انا وس اسوي بنفسي روح وانا بسوي عنك روح
عزيز : ابشري
جت رنا : ليه وين بيروح
لفت ام رنا : ارحبي انتي صدقيه ولا اتخيل
رنا : لا صدقيه كيفكم
ام رنا :السلام بعدين ذلحين يدي مليانه عجين
ابتسمت رنا :عادي يمه كملي
ام رنا : خالد جا معش
رنا : ايه قلت له يجي يفطر بعدين يروح لي اخوياه بكيفه
عزيز : امسكي مكاني بروح اسلم عليه
ضحكت رنا : تمام و اذا يبغى يجي قله يجي
ام رنا : مجنونه تضيفين زوجش في المطبخ
رنا : عادي يمه اساسا كان وده يدخل معي بس استحى
عزيز : اروح يعني بلبسي هذا
رنا : ايه عادي
راح عزيز و سلم على خالد و جلسو سوالف شوي بعدين ناداه و دخلو المطبخ خالد : السلام عليكم
ام رنا : هلا ياولدي وعليكم السلام
خالد : وش اساعدكم به
رنا و هي تقلب القيمات : لا تساعدنا بشي انحم نسوي كل شي
خالد : عمه
ام رنا :هلا يا ولدي
خالد : اذا تبغين اكلش يضبط اطرديها من المطبخ انا اعرف اطبخ بس هي لا
ضحكت ام رنا :ما قدرت قلت لها تجلس معك و تسولف لك و رفضت
ضحك عزيز :والله شايفك نحفان مسوي رجيم ولا ايش
خالد : لا مسوي رجيم ولا شي بس اختك الشاطره ما بقت قدر الا و احرقته ولا سموبسه ولا شي
ضحك عزيز : نعتذر لك يا اخي انغشيت
لفت عليه رنا : لو ماني صايمه علمتك وش معنا غش
خالد :توي اكتشف اني نغشيت هل اقدر ارجع
ام رنا :لا مافي ترجيع خلاص انتهى
ضحك عزيز : لو انك ذيك الايام يوم ابوي اخذها خليتها كان ذلحين انت مبسوط
خالد لف وشاف وجه رنا الحزين وضحك : لا والله انه احلى بنت و افضل بنت حتى الاكل اللي تسويه لذيذ بس انتم ما تدرون لكن العيب مني انا ما احب اكثر اكل عشان انحف
رنا و هي باقي زعلانه: ايه كملو طقطقه عادي عادي
خالد :لا والله ما اطقطق انتي افضل وحده بس لو انش ما تدخلين المطبخ كان كل شي تمام اساسا الاميره ما تدخل المطبخ صح
هزت راسها رنا و ابتسم عزيز : ماشاءالله غيرته جوها في خمس دقايق
ضحك خالد : خلاص اسكت لا تخرب العلاقات بعدين تطردني بالملعقه
ضحكو كلهم و جلسو يجهزون الفطور و يحضرون بعدين اجتمعو على السفره و انتظرو حتى اذن المغرب و بداو يفطرون مسعود : خالد من متى جيت من الرياض
خالد : في الليل تسحرنا في شقتنا
ابو رنا : وليه ما تجون عندنا احسن والله
رنا : لا يبه ما نبغى نزعجكم وقلت له نفطر عندهم
ام رنا :و كيف تفطرون و تتسحرون اعرف انه رنا ما تعرف تطبخ
خالد : والله هي تسوي السمبوسه مره محروقه مره الملح زايد مره ناقص وانا الشربه ونفس الشي و السحور انا اطبخ و اكون شيف فيه السحور لانه المضغوط دايم اسوي لي انا واخوياي
ام رنا : حلوه المساعده
مسعود : حلوه يايمه لكن ماهو نفس خالد و رنا
ضحكت رنا :اهم شي تسمى مساعده
خالد و هو ياكل سمبوسه : الذ سمبوسه قد ذقتها
ضحكت ام رنا : بالعافيه يا ولدي و لكن والله اني اذكر طبخ امك كان لذيذ
خالد : اي والله لكن ذلحين استلمو العملات كل شي
ام رنا : اذا هم يعرفون ما فيها شي
خالد :والله اني ما احب اكلهم لكن انجبر اذا جيت لهم
رنا رفعت راسها تناظر فيه :وانا كنت ابغى اطلبك خدامه
خالد :ابشري من عيوني
ضحك مسعود : لك اكل الخدامه ولا اكل رنا
خالد : لا احب اكل رنا لا تسبب بينا مشاكل
ضحك عزيز : خالد ماوده ينقلب عليه وده ينام ذالليل مرتاح في البيت
خالد : اي والله كانك كشفتني
ابو رنا : اما ذالليل ف بتجلسون معنا و تتسحرون معنا اما بعدين الله يحفظكم
خالد : رنا بتجلس معكم اما انا والله ودي اروح لي اخوياي
مسعود: بمشي معك
عزيز :وانا
سالم :لا تنسوني
ضحك خالد : تم بنروح كلنا بس لا تزعل يا عم اني اخذت عيالك
ابو رنا : لا والله ما ازعل و اساسا دايما و هم يروحون وحدهم
خالد قام :الحمدلله شبعت
ابو رنا :الا اقول اجلس افطر
خالد : الحمدلله والله اني افطرت
رنا : هذا طبعه يبه ما يحب ياكل كثير
ابو رنا : على راحتك
قامو كلهم و راحو يطهرون و يصلون و خلصو و استاذن خالد و راح لي اخوياه و العيال جلسو مع اهلهم عشان رنا و بعدين بيلحقونه
وصل خالد شقة العيال و فتح بالمفتاح اللي اعطوه و دخل ولقاهم متسدحين و صاح : لا صلاه ولا عباده ولا شي ما غير نايمين
رفع راسه عبدالكريم : بعدين بنسلم عليك لكن ذلحين فينا خمول ما انحم قادرين نتحرك
احمد : بالله عليك انت مفطر ولا لا
خالد :ايه الحمدلله افطرت حتى شبعت
عبدالكريم : ما شاء الله عليك و نشيط عادي
خالد :ايه عادي ما فيني شي
احمد :متى جيتو
خالد جلس على الكنبه :جينا قبل السحور و تسحرنا و نمنا
احمد :لو درينا كنا جينا لكم و تسحرنا معك
خالد : الله يصلحك والله انه تسحرنا من المطعم
عبدالكريم :وانا كنت اقول لي احمد ما شاءالله خالد و سعود عايشين في نعيم و ياكلون سمبوسه و مدري وش
ضحك خالد : وانا اقول ليه مافي ولا سمبوسه صلحت لنا طلعت انت قلبك بها
ضحك احمد : وش فيها السمبوسه مثل سمبوستنا ولا ايش
خالد :ايه مثل سمبوستكم دايم يا محروقه يا ملحها زايد يا نقص
ضحكو العيال احمد : انا قررت قرار ما اتزوج وحده وحيده و ماعندها الا اخوان لانه بتصير ما تعرف تطبخ
ضحك خالد ولف عبدالكريم يناظر احمد : حاط عينك على احد
احمد : لا مستحيل
خالد : تكلم احمدوه هو صادق كيمو حاط عينك على احد
احمد : لا ماهو صادق كيمو ما افكر في احد
عبدالكريم :لا عاد تقولون كيمو ترا ما احب الاسم
خالد :لا والله انحم لا نقولك بس نور اول ما تقول لك كيمو قلت لها لبيه
عبدالكريم : بس ما احب اسم كيمو اسمي عبدالكريم و انتهينا ليه تقولون لي كيمو كاني نونو
ضحك احمد :احسن عشان ما تنشر اشاعات عني
عبدالكريم: ما نشرت هذي الحقيقه
خالد :اي حقيقه و مين انت تبغى
احمد : ما ابغى اتزوج ارتحتو
خالد :تكلم يا احمد مين
احمد غمض عيون و تكلم بسرعه : ابغى اختك
خالد ناظر فيه و رجع ناظر في عبدالكريم :وش فيه و مين تبغى صدق مالي خلق هبل
احمد فتح عيونه وناظر في يدينه :الصدق الصدق كنت ناوي اخطب اختك بعد العيد و قلت لي الثور ذا و فضحني عندك
خالد :طيب وش فيها انك ما قلت لي
احمد :مافيها شي بس مودي تزعل مني
خالد :دامك ناويها بالحلال عادي ما فيها مشكله و ما زعلت بس انا اكيد بزعل لو اكتشفت انك تبغى تلعب بها
احمد :لا والله انه ما في خاطري غير انه ابغاها بالحلال
خالد :تمام
عبدالكريم :ماني قايل لك مستحيل خالد يزعل منك
احمد : انت اسكت
ضحك خالد :خلاص يا شباب قومو واحد منكم خلونا نسوي قهوه
احمد :نفس في القهوه السودا اللي انت تصلحها
خالد :تامر امر ياالنسيب
ضحك احمد : ترا باقي ما قد خطبت بعدين يمكن ترفض
خالد :لا ما بترفضك اختي و اعرفها الا ذلحين قوم سوي شاهيك مشتاق له
عبدالكريم وانا ما احد اشتاق لي
خالد :قهوتك السعوديه اللي تسويها تجنن
قامو كل واحد يسوي حاجه و مستمتعين و سوالف و ضحك و هبال و مزح مع بعض
مشى الوقت بهم ولا حسو فيه و صل لي وقت السحور و قام خالد يسوي لهم لانهم يقولون مشتاقين لي اكل بيت و تسحرو مع بعض وانبسطو و راح خالد واخذ رنا و راحو البيت ينامون ويصحون العصر
و استمر الروتين كذا ولكن المره هذي راحو بيت اهل خالد و جو معهم سمبوسه و حلا و قهوه و شاهي و طبعا السمبوسه والحلا اخذوه من المحل لانهم ما يعرفون لها
و وصلو و افترحو اهل خالد بهم واستقبلوهم و ضحك و سوالف و جا الفطور و حضرو للحريم و للرجال
و كانو يتوسطون الجلستين خالد و رنا
و خلصو السوالف و جلسو حتى بعد العشاء و راحو البيت ينامون لانه بكره العيد و وصلو البيت و راحو ينامون
رنا :نومان
خالد : اي والله
رنا : طيب ابغى احط حنا
خالد : روحي المجلس و حطي عشان ريحته لا تزعجني وانا نايم
رنا و هي زعلانه : ماهو كذا بس ما اعرف اسوي لي نفسي
خالد :و بس؟ لا تزعلين ولا يضيق خلقش بسوي لش احلى حنا بعد وش تبغين
رنا انبسطت :من جد طيب تمام بروح اجيب الحنا و القلفز و تسوي لي راحت رنا بسرعه و خالد ضحك و صاح :لا تركضين لانش حامل
رنا رجعت تعدل مشيتها و راحت تجيب الحنا والقلفز و لبس خالد القلفزات و جلس يسوي لها على النقشه اللي حطتها و بعد نص ساعه من النقش و من التعب خلص خالد و رفع راسه يناظر وجه رنا و باس خدها :هاه يا الحب كيف عرفت
رنا : ايه شكر يا قلبي ان شاء الله يطلع حلو بعدين اقول لي الناس حبيبي سواه لي
خالد : لا تكفين يانونو لا تقولين ولا تعلمين احد اني اعرف
رنا : سؤال كيف عرفت
خالد : كنت انقش يد الحلوه لين بس خلاص ذلحين تلقينها نستني
ضحكت رنا : وانت شكلك تحب البنات
خالد : انجن عليهم وادعي انه نوني الاول بنت عشان استانس
رنا :الله مثلي احب البنات و بدلعه و بتعبك بالدلع انا و بنوتتي
ضحك خالد : فداكم عادي ياقلبه اهم شي انه تستانسون انتم
رنا : خلص يا قلبي نام انا بروح اجلس في المجلس حتى ينشف الحنا
ابتسم خالد و لف وجهه و نام و رنا جلست تناظر فيه شوي بعدين قامت تطفي المبات و راحت المجلس تنتظر يديها تجف و بعدين تغسلها
جا اليوم الثاني يوم العيد و قام خالد و قامت رنا و راحو يتروشون و يكشخون و راح خالد يصاي الفجر بعدين صلاة العيد بعدين رجع البيت لقا رنا لابسه فستان سماوي و حلو وناعم ابتسم من شكلها اللطيف والكيوت و مثل ما يقولون هي اللي تحلي الفستان ماهو الفستان اللي يحليها
قرب منها خالد :انتي عيدي وانتي اجمل ايامي العمر وانتي فرحة قلبي وحظي الحلو كل عام وانتي بخير يا قلبي
رنا :وانت بخير وانت عيدي قبل يبدا عيدهم و فرحتي في كل اعيادي القادمه
ابتسم خالد و مسك خصرها : اعايدك وانتي اجمل الناس بالعيد ياعيد عمري جعل عيدك مبارك
ابتسمت رنا : الله يبارك بعمرك و كل عام و انت عيدي
خالد :وانتي بخير و قرب باس راسها وحضنها بعدين بعد :هيا مشينا
رنا :هيا مشينا
خالد : بنروح لي اهلي بعدين نروح لي اهلش
رنا :تم
راحت رنا ولبست عبايتها و لحقت خالد و ركبت السياره :مشينا جاهزه
خالد : لفي اشوف وجهش
رنا : معليك انا مااحب الميكب
ضحك خالد : مو قصدي كذا قصدي امدح يا حلوه انتي
ضحكت رنا :وانا وش دراني على بالي انه تبغى تسوي زي حركات الناس خففي روج خففي مكياج والصراحه مالي خلق الاشياء ذي
خالد :لو تعرفين اني ما اهتم لي ذي السوالف بس اهم شي عندي لبسش لا يكون ضيق او قصير
رنا : لا هذي القوانين انا طبقتها
خالد : بعد ايش بعد ما مشيت معش واخترت لش و ساعدتش ولا كنتي بتاخذين فستان مدري كيف شكله
ضحكت رنا :بس والله كان حلو
خالد :انتي الحلوه والله و مثل ما قالو انتي اللي تحلين الفستان ماهو الفستان اللي يحليش
ابتسمت رنا بحرج : ياقلبي انت
خالد : ياهوه كلمتي
رنا : بس حلوه الكلمه
ضحك خالد :حلالش
مشو وراحو لي الديره وصلو هم و راجح سوا و نزلو البنات يحضنون بعض ويصيحون خالد : بنت انتي وياها تراكم في الشارع
راجح ضحك : عيد عيد يا رجال والله ما احد يسمع كل ناس في هم زوارتهم
ضحك خالد و حضنه : وش نسوي نغار
راجح : كل عام وانت بخير
خالد : وانت بخير ولف : هيا يابنات ادخلو
دخلو البنات و ضحك راجح : طيب عادي ماهو اساسا يمشون وحدهم من دونا وش فيك
خالد : ولا شي بس نبغى نسزلف براحتنا و ندخل سوا
راجح :مشينا
دخلو وسلمو على ابو خالد و ام خالد و العيال كلهم و جلسو سوالف شوي وبعدين جو الناس والضيوف وانزحم المكان بضيوف
______
عند رنا
كانت جالسه و ساكته و هاديه هي و قمر بجنب بعض بس يحشون في السناب عشان ما احد يشك فيهم
جت لهم هنوف : بنات تبغون حلاوه
رنا : لا كثرت والله
هنوف : وانتي قمر
قمر :حتى انا
هنوف : ماش انتم زوجات اخوان ماانتم كويسات
ضحكت رنا :وش سوينا
هنوف : جالسين و مخلينا نشتغل
استمتعوا وانا انزل يوميا في الانستا و اذا اجتمعت نزلت هنا حبيت اقول لكم للي يقول نزلي واتباد انا معكم وانا ماني ناسيتكم لكن انزل في الانستا يوميا و بارتات قصيره و اجمعها بعدين انزلها هنا
أنت تقرأ
نافذة الذكريات
General Fictionاول روايه لي اتمنى تنال على اعجابكم خالد كان يحب بنت عمه و تصير بينهم مشاكل و من هنا تبدأ قصتهم الكاتبه : فاطمة الألمعي حسابي تيك توك: ftm2201 حسابي الانستا: fat90892 جميع الحقوق محفوظة
