نافذة الذكريات

part 44

رنا ابتسمت:  يالله انك تسلمه وش فيك مروق
خالد :ولا شي بس احبش و انتي بجنبي اكيد بكون مروق
رنا : يا قلبي انت
غمض خالد ورجع راسه ورا :اخخخ كم اني احبش و مشتاق لش ولكلامش الحلو
رجع يفتح عيونه و يمشي رنا : بنسافر طيران ولا بر
خالد : بر احلى وش رايش
رنا : وين تبغى انحم معك
ضحك خالد : انحم كانك ثلاثه
رنا : ايه انا وانت و البيبي
ضحك خالد : ماله الا اسبوعين تكفين يا بنت
ضحكت رنا :مالي دخل بنحسب حسابه فس كل وقت حتى في رمضان بجيب له أغراض 
ضحك خالد:  تم ما بنقول شي تدرين ما قلت لي أحد عشانش
رنا : ايه ودي يثبت بعدين نعلم الكل
ضحك خالد : و نجلس في الرياض وحدنا من دون ازعاج
رنا:اي والله

__________
عند سعود
كان جالس يلعب بجواله و سمع صوت الجرس و قام راح يفتح ولقا في وجهه عبدالكريم رجع الباب بسرعه يبغى يقفله لكن دخل عبدالكريم بسرعه وضحك عبدالكريم:  ما تقدر تقفل يالله باييي
ز دخل يصيح : يا نوري يا نوارة قلبي وروحي
خرجت نور من المطبخ و في يدها جزر : أرحب يا قلبي يا مرحبا والله اني مشتاقه لكم انت و خالد و محمد
عبدالكريم:  وانا بعد مشتاق لش بس من اخذش ذا الحيوان ما عاد شفناش 
سعود اخذ الجزر من نور : احمد ربي خليتك تشوفه ولا عاد تغلط علي و في بيتي يعمي احترم نفسك
نور : يا توم و جيري اسكتوا عني
ضحك عبدالكريم وباس راسها و سحب الجزر من يد سعود و اكل منه و هرب و لف ويوم شاف سعود لحقه قفل عليه في المجلس
سعود يلحقه ويصيح: جزرتي ياولد اعطني و يدق الباب و عبدالكريم يضحك عليه :والله ما اعطيك هذي جزرت اختي يعني جزرتي
سعود : انا شريتها بفلوسي اعطني
عبدالكريم : الخوي ما يخلي خويه هذي لي يعني وفلوسي و فلوسك واحد ياقلبي
يوم خلص الجزره فتح الباب و خرج:  ايه وين قهوتكم و شاهيكم
سعود : مافي لا قهوه ولاشاهي ولا شي كل شي مخلص من عندنا
عبدالكريم:  تمام ننتظر هنا يا تاكلوني يا اعزم جيرانكم كلهم و اقول نسيبي عازمكم على الغدا
سعود :  لا والله اقول انقلع بلا مطرود ماانحم فاضين لك
ضحك عبدالكريم و جلس على الكنبه و شوي و جت نور و صبت له قهوه عبدالكريم : تسلم يدينش الحلوه يا قلبي انتي
نور : الله يسلمك
عبدالكريم : خلي الدله  ارتاحي و تعالي سولفي لي عن اخبارش  وش مسويه كيف الحمل معش
نور : طيبه الحمدلله كيفك انت
عبدالكريم :طيب الحمدلله
سعود : سافر خالد خلاص
عبدالكريم:  اسكت جاي اسلي نفسي وانسى وانت تذكرني
نور : وين سافر
عبدالكريم: تصالح هو واهل زوجته واخذ زوجته و سافرو
نور :طيب ليه ما يقول لي أحد
عبدالكريم: مدري عنهم كل شي صار بسرعه و لو ما قابلنا في المسجد ما  كان قال لنا
نور : الله يوفقهم شفت رنا امس في الزواج  وكانت متضايقه
سعود  :وانا اقول ليه لقيته يضحك وحده
ضحك عبدالكريم : كيف
سعود :جيت عليه و هو يبتسم لي الهواء ويوم سولفت معه قال لي انه هو و زوجته يتركون بعض بس جا اخوها قبل كمل لي
نور : ايه قابلته و كانو يبغون ينحاشون بس مسعود قال له بتضر نفسك على كذا يعني لا تنحاش و اجلس و حل موضوعك بنفسك
سعود : غريبه استشار كان يسوي اللي في رأسه ولا يفكر في احد
عبدالكريم شرب فنجان قهوته و قام :صادق والله المهم تبغون شي انا ماشي
سعود : لا وين يا رجال اجلس توك جيت
عبدالكريم:  تعرف أحمد كا عنده دوام و نايم في الشقه وحده ف بروح و اخذ دجاج و أصلح الغدا
سعود : تزوجو يا اخي وش لكم في العزوبيه
عبدالكريم و هو يلف اغراضه : انا عني مالي خلق و أفضل العزوبيه و احمد نفسي يفضل العزوبيه يعني ارتاح
نور : ليه يا اخوي ودي افرح فيكم ودي في أطفال ينادوني يا عمه
عبدالكريم:  اطلبي الله ثم خالد اما انا انسوني مالي خلق العذاب
نور : اي عذاب
عبدالكريم: الحب عذاب وانا ما ابغى احب يالله مع السلامه
ضحك سعود :ايه  انحاش يوم جبنا طاري الزواج شكلي بعلق لوحه عند الباب واكت فيها تزوج يا عبدالكريم عشان ما عاد تدخل
ضحك عبدالكريم:  عادي بكسرها و ادخل
نور : كيمو اذا بتروح لي أهلي خذني معك
عبدالكريم:  اول شي لا عاد تقولين لي كيمو وانا رجال كبير ثاني شي ماهو انتي نمتي عندهم الليله وتوكم تجون وش فيه
نور : ولا شي بس مدري ليه اشتاق لهم كثير
سعود : شكلنا بنسكن عندكم يا كيمو
رما عبدالكريم بالمخده اللي عنده على سعود : لا تقول يا كيمو ما احب الاسم
ضحك سعود :ابشر بس حبيت اقول لك انه بنسكن عندكم و بس
عبدالكريم:  حياكم الله البيت بيتكم بس لا تزعجوني على الرايحه والجايه اطلع متى ما ابغى و ارقد متى ما ابغى و اطلع متى ما ابغى
ضحك سعود : و تمام بنخليك بكيفك كل احد و وهو حر بنفسه
عبدالكريم:  لا ما قصدي كذا قصدي لا تقولون متى تتزوج لانه بنتزاعل من بعض
ضحكت نور : ان شاءالله ابشر
عبدالكريم:  يالله مع السلامه
نور و سعود:  مع السلامه الله يحفظك
طلع عبدالكريم وهو نفسه يتزوج ولكن ماهو داري عن سمو هي تبغاه او لا كان محتار في كل شي متضايق من كل شي كان وده لو يسأل عنها بس يعرف انه نور تحب تقول كل شي لي خالد و سعود و خالد و سعود بيطقطقون عليه
كان يهوجس ولا هو معهم ولا هو داري عن شي محتار
وصل لي الشقه و راح البقاله اللي بجنبها و اخذ اغراضه الناقصه و راح يصلح الغدا قبل يصحى احمد