نافذة الذكريات

part 45

سلمان :ابشري قرب و باس راسها و كان بيقرب لي شفايفها بس تذكر أن عمانه موجودين و رجع يبعد و هي انحرجت منه وانقلب وجها الوان
ضحك خالد : لا تتهور ترا جيت عشان ما تتهور
سلمان : اقول اسكت خلني استمتع بحلالي
خالد :يا نونو صرت تقول حلالي اقول اهجد لأنها بنت اخوي و يمديني انا أخذها واتركك
ضحك سلمان : مستحيل اخليك الا وين رنا تفكنا منك
خالد عصب :لا تجيب اسمها على لسانك
سلمان : وش بتسوي عادي و تكلم بصوت عالي: يا رنااااااا عمي خالد يحبش
قرب خالد منه و سوا كأنه يسلم عليه و مسك بحلقه :اقول لك لا تجيب طاريها ليه ما تفهم
سلمان :ما افهم لأنك أنت ما تفهم و كل ما قلت لك لا تقرب من غلاي قربت
خالد : والله بنت اخوي لكن رنا ما تقرب لك
سلمان : الا عمتي و بعدين عادي ناديتها ما فيها شي
خالد :الا فيها يا كلب ذي زوجتي و لازم تحترم نفسك انت ما تفهم 
معاذ قرب :خالد يرحم امك فكه مالنا خلق للمشاكل
خالد  : لا يجيب طاري رنا
سلمان : ان شاءالله
بعد خالد و لف بتنفس غضب من ضيقته وضحكت غلا : كلكم نفس الغيره بس كل واحد يقهر الثاني
خالد : انا ما عادني قادر بطلع
طلع خالد و جلس معاذ و ذيب و ذياب حتى لبسو الخواتم
مسك سلمان يد غلا ولبسها الخاتم وباس يدها و غلا لبسته الدبله وباس راسها و حضنها وبعدت غلا و قرب معاذ وسلم عليهم يوم وصل لي سلمان : لا تزعل من خالد تراه يحبك و يحب غلا ويبغى يبعد التوتر بينكم و الف مبروووك
سلمان : ماني زعلان و اول ما بخرج بسلم عليه كل شي ولا يزعل
طلع معاذ و ذيب و ذياب سلمو على غلا وراحو لي سلمان و حضنوه و طلعو
سلمان بعد ما طلعو لف لها : اخخخخ عيونش دايم تجيب راسي و تبعد زعلي
غلا : وانا مين يبعد زعلي
سلمان: الله لا يجيب الزعل وش مزعلش
غلا : غيرتك من عمي وش سوا فيك
سلمان : اتفقنا انه ما يحضنش و حضنش ليه يسويها يعني يبغى يقهرني
غلا : لا ما يبغى يقهرك لكن انت مدري وش فيك عليه شوف اخواني سلمو علي بس ما قلت لهم شي
هنوف جت : اجلو نقرتكم لي بعدين الناس تناظر
سلمان : ما في غريب ما غير زوجات عمانا و انتم و خالاتي و خالات غلا بس
هنوف : خلاص اسكتو بعدين نتناقش
سكتو العيال و قصو الكيك و اكلو منه و راح سلمان عند الرجال و اول ما شاف خالد جالس لحاله و منزل راسه و كانه يفكر ولا انتبه له  راح له ركض و حضنه و باس راسه: انا اسف سامحني
خالد : عندي كل شي اعذرك فيه الا انك تجيب طاري زوجتي قدام الكل ما كان ودي
سلمان : بس الكل يعرف اسمها و عادي الوضع
خالد : لا ماهو عادي عندي و ادري ان الكل يعرف اسمها لكن ماودي احد ينطقها و قلت لك لا تقول اسمها يعني لا تقولها
سلمان : تبشر مستحيل عاد اجيب اسمها وبعدين ترا غلو زعلانه
خالد:  ليه وش مزعلنها
سلمان :تقول انه زعلتك و انه غيرتي قويه قول لي وش اسوي
خالد : انا اغار على زوجتي لكن اسكت  و كأني اكل جمره لكن إذا هديت اقول لها تري الشي الفلاني يضايقني لا عاد تسوينها و ما عاد تسويها
سلمان : انا ما اغار الا اذا شفتك قربت امنيتي تصير تحبني زيك بس ما تحبني ف صرت اغار منك
خالد :خلاص روح ابوي يسأل عنك
راح سلمان و خالد طلع عند السياره ولحقوه احمد و عبدالكريم و سعود
احمد : وش فيك انت وسلمان
خالد :ولا شي ضحكت عليه و حضنت زوجته و قام يصيح باسم زوجتي وانا غرت و زعلت وبس
عبدالكريم : ويعني حلال لك و حرام عليه خله ينادي باسمها عادي
خالد : لا ماعندي عادي اقسم بالله كانه ضربني ما كأنه نادا باسمها و احس بضيقه والله
احمد : لا يا خالد ما حسبنا انك صرت عادي وش رجع الغيره لك
خالد : مارجعت الغيره ولا شي لكن احاول اتجاهل كل شي
سعود :والله التجاهل حلو عشان تقدر تعيش
خالد : اي والله المهم تقدرون تبعدون عشان اخذ زوجتي و امشي
عبدالكريم:  لا تكفى ما نبغاك تروح اجلس معنا لي بكره
احمد :اي والله خلنا ننبسط معك
خالد : ودي ولكن قد حجزت خلاص
سعود :الغها واحجز لك انا هيا
خالد :مدري بشوف زوجتي
عبدالكريم : كلمها وبعدين نحجز لكم لي بكره
خالد : تم ماعندي مشكله بس بشوف رأيها
راح خالد و دق على رنا :رنا قلبي تبغين تجلسين مع أهلش والبنات لي بكره ولا تبغين نسافر
رنا : الا تبغاه بنسويه عادي ماعندي مشكله
خالد :انا حاط قراري مع قرارش ان قلتي نمشي مشينا و ان قلتي نجلس جلسنا
رنا : تمام نجلس لانه رمضان كله بنصومه بعيد عنهم
خالد : تم ما عندي مشكله
قفل و راح لي العيال :وين بنسهر
احمد :أسألك بالله انها موافقه
خالد :ايه ما عندها مشكله
عبدالكريم: باقي نفسي العب عرضه جنوبيه مشينا
رجعو يدخلون و شغل عبدالكريم عرضه و قامو يلعبون عليها و كان لعبهم متناسق و جميل و انبسطو مع بعض