نافذة الذكريات

part 33

ضحك خالد : لا والله بس سلمان كلمته و ما اعجبتني نبرة صوته ف قلت اجي اتطمن عليه
ناصر عقد حواجبه : سلمان ما فيه شي انا شفته طيب
خالد : بقابله و نشوف
طلع سلمان و هيثم و شافو عمهم و ركضو يسلمون عليه
سلمان حضن عمه و طول في الحضن
خالد بعد : ولد وش فيك
سلمان : ولا شي مشتاق لك
ناصر : تكلم والله ان فيك شي
سلمان :ضايق صدري شوي بس
خالد : تكلم
سلمان : متضايق ودي اخطب اللي ابغاها بس اخاف انها ما تبادلني
خالد : مين هي
سلمان ناظر عيون عمه خالد : غلا
خالد فز و ناظر فيه بحده و هو مصدوم ما توقع ان البنت اللي تونس سلمان حتى يستانس او تضايقه انها غلا حبيبته و بنته ما درا وش يسوي و ضايقه فيه  لا هو اللي قادر يوقف مع غلا ولا هو قادر يوقف مع سلمان كلهم غالين على قلبه و كلهم يحبهم و ما يرضى عليهم 
سكت و هو حاط يديه فوق راسه من هول الموقف و قوته غمض عيونه و رجع فتحها : غلا ما غيرها الدلوعه
سلمان: شفت ما احد يقدر يحله انا قلت لك
خالد تنهد : انا اسف يا سلمان ما اقدر ادخل لاني احبكم باثنينكم و اتمنى لكم كل خير
ناصر: انت غريب ليش قررت تنسحب
خالد : لان الحب متعب وخاصه من طرف واحد هذا اشين حب
سلمان :طيب اعطوني طريقه او حل
خالد : مشينا نتمشى و ندور حل المعذره يا ناصر بمشي مع ولدك
ناصر : الفطور
خالد : بعدين ذلحين بدور لي ولدك حل قبل لا يتعقد مسكين
ضحك ناصر : على  القوة والله انك كاسب خير معنا وانت بس تطارد في عيالنا انا و معاذ و تحل مشاكلهم
ضحك خالد : هم عيالي و اخواني و اقرب الناس لي
ناصر : الله يجزاك بالخير
طلع خالد و هو ماسك يد سلمان و ركبو السياره و توجهو للاسطبل
خالد : هي تبادلك
سلمان تنهد و رجع راسه ورا : لا ما حتى تفكر فيني
خالد  : طيب و الحل
سلمان : لو عارف حليت مشكلتي بس ماني عارف
خالد : اخخخ اكثر شي يضايق المهم بكلمها و اشوف
دق على غلا وردت بصوت كله نوم : هلا عمو وش بغيت
خالد : يا قلبي انا صحيتش من النوم
غلا : لا عادي بس وش السالفه
خالد : اووه اب و دق على بنته لازم تكون في سالفه
غلا : ياعمي والله استحيت
ضحك خالد : تبغين نسولف ولا تبغين تنامين
غلا : لا تسولف وش فيه
خالد  : بسالش عن رنا كيف هي و وش علومها
غلا : رنو مسكينه صارت تستحي منا  و ما تكلمنا كثير
خالد : وش رايش تنادينها يا عمه
غلا : هي قالت لي ناديني رنو و انا موافقه وبعدين اذا ناديتها يا عمه بتخرب صداقتنا
خالد : طيب وش كنا نسولف فيه
غلا : عمي انت في شي او عليك حراره كنا نسولف عن رنو
خالد : لا قبل الخطبه وش كنتي تقولين
غلا : انه اتزوج
خالد : ايوه وش رايش تتزوجين واحد اعرفه و هو وده فيش
غلا :شكلهم نفس ما قالو البنات انك تزوجني قبل اتزوج عشان انشغل عنك
خالد : لا والله لكن انا ودي لش الشي الزين و ودي تحبين و تنحبين لاني جربت انه احد يحبني و انبسطت و ودي تنبسطين
غلا : قصدك سلمان
خالد : ايه الولد يحبش بس انتي وش عرفش
غلا : شفت عيونه و انا اكثر من مره نتقابل ف شفته
خالد : يعني موافقه
غلا : اذا هو يحبني زي ما انت تحب رنو
خالد : والله واكثر مني بس يبغى منش الضو الاخضر
غلا : تمام
خالد : كفو يا بنوتتي
قفل و لف لي سلمان : موافقه بس لازم تخطبها من ابوها
سلمان لف له : اسالك بالله
خالد : اي والله
سلمان :ذالليله وانا في مجلس ابوها
ضحك خالد :و تقول لي اني خفيف
ضحك سلمان : وش اسوي من يوم وانا صغير و انا انتظرها
ضحك خالد:الله يتمم لكم على خير والله اني كنت خايف من ردة فعلها لانها دلوعه لكن انتبه لها و حافظ عليها
سلمان تنهد : هذي الغلا مستحيل ازعلها ولا ارضى عليها الضيق تدري زمان كانت اقول بيني وبين نفسي اذا شفتها  اغلى ملاك على قلبي
ضحك خالد : واسف اني كنت اشعل غيرتك وانا ما ادري
ضحك سلمان : تدري كنت اتمنى تتعلق فيني مثلك و تحضني و تحبني مثلك
ضحك خالد : معليك انت عاملها كويس و دلعه و هي بتحبك اكثر مني
خالد شاف رنا داخله بسيارتها للاسطبل و نزل خالد : بروح و ارجع انتظرني
ضحك سلمان : خلاص طمنت قلبي بنام حتى تجي
ضحك خالد و نزل و دخل للاسطبل و كان من شدت البرد متلثم لفت رنا : اوووه الحرامي جا
ضحك خالد : كويس عرفتيني
رنا : وش عندك جيت مو بمسافر
خالد تنهد و تكى على باب الخيل : ما قدرت اترك كل ذا الجمال وراي و ما اجلس اتامله
ضحكت رنا : خلودي
ضحك خالد و مسك قلبه : عروق قلبه سمي
ضحكت و استحت رنا : وين رحت و رجعت
ضحك خالد : خويي كان تعبان و سافرت له عشان اتطمن عليه و كنت بجلس هناك بس كلمني ولد اخوي و حسيت انه تعبان و جيت بسرعه
رنا بزعل و دلع : اها يعني ما رجعت عشاني ولا اشتقت لي
خالد انجذب لي دلعها و صوتها و مسك قلبي : لا والله انتي الاساس و اساسا كلهم اعذار عشان اجي لش
ناظرت فيه رنا و ضحكت : اوووه شكلك يضحك
ضحك خالد : وش اسوي منغرم في كل شي منش
ضحكت رنا : خالد
خالد : لبيه يا قلب خالد و روحه
رنا : سولف لي عن ماضيك
خالد : ما فيه حياه ولكن توها الحياه تزين لي يوم صرتي لي و خلاص قرب الوقت اللي بتصيرين فيه حليلتي و يحل لي كل شي
ضحكت رنا بخجل و نزلت راسها و ضحك خالد و هو حاب ادق تفاصيلها شوي و قاطع عليه التامل دق جواله رفعه و ضحك : اخوش مركب كاميرات في الاسطبل
ضحكت رنا : مين
خالد : مسعود جالس يدق علي
ضحكت رنا : يمكن قلبه حس انك ضايقت اخته
خالد فز : افا انا ضايقتش بايش
ضحكت رنا : انك جالس تناظر فيني وانا ما احب
ضحك خالد : خلاص برد عليه لا يحرق جوالي
رد خالد : هلا مسعود هلا باخو الغاليه
مسعود : هلا بك وينك
خالد ضحك: في الاسطبل
فز مسعود : كيف كنت مسافر
ضحك خالد  : رجعت من السفر عشان سلمان متضايق و جيت اتطمن عليه و على دلع و على كسار و على راعي كسار
ضحك مسعود  : و قابلت راعي كسار
خالد : ايه ابشرك شكلك مركب كاميرا اول ما تقابلنا دقيت
ضحك مسعود : والله لو دريت كنت جيت اقابلك
ضحك خالد : اجل الحمدلله انك ما دريت
ضحك مسعود : وش سويت وش ما سويت
خالد : ولا شي بس من منطقه لي منطقه في اقل من اربع وعشرين ساعه
ضحك مسعود : روح ذلحين ارتاح و بعدين بتشوف دلع حتى تشبع
خالد : طيب ابشر تامر امر يا اخو زوجتي
مسعود : شكلي بجي اجلدك ما عاد فيها كلام ياخي احترم نفسك شوي
ضحك خالد: تبشر يا اخو الغاليه
ضحك مسعود و نطق بعبط : ماني اخو غاليه انا اخو رنا
ضحك خالد و غصب لقط انفاسه : ياخي  نفس سخافتي
ضحك مسعود : شايف كيف نسليك و نونسك
خالد : خلاص بقفل و اروح البيت اسلم على اهلي و اتطمن عليهم
مسعود : الله يحفظك
قفل خالد : يا قلبي و روحي
جت رنا : لبيه
خالد : انا ماشي تبغين شي
رنا : لا ماابغى الا سلامتك
خالد : يالله يا نبض قلبي انا بروح لي اهلي و اسلم عليهم و انام لي شوي
رنا : الله يحفظك
طلع خالد و هو مبسوط و طاير من الفرحه انه قدر يكلمها وانها طلعت حتى هي تحبه ركب السياره لقى سلمان نايم جلس يدعي له بينه و بين نفسه ان الله يطمن قلبه و يهدي قلب غلا و توافق عليه شغل السياره و مشى توجه لي بيت ناصر و فتح الباب الراكب و شال سلمان و دق الباب و فتح هيثم و هو يحك عيونه : وش مسوي باخوي
ضحك خالد : افتح لي طريق و خل عنك السوالف
ضحك هيثم : لا يكون سممته عشان انت تغار على غلا
ضحك خالد : لا ابشرك مستحيل اسويها
رفع صوته خالد عشان تتغطى ام هيثم : طريق يا ولد
طلع ناصر و صاح في هيثم : ساعد عمك وانت الله يصلحك احد يشله هو ثقيل و بتتعب نفسك
خالد: لا يا ولد تعبه راحه وصله للغرفه و طفى المبات و نزل : الا تبغى شي
ناصر  : اجلس سولف معنا
خالد : والله ودي اتطمن على ابوي العيال قالو لي امس ان ضغطه ارتفع ف بروح اشوفه
ناصر : لا هو طيب بس اخوانك انت تعرفهم يحبون يدورون المشاكل حتى يرفعون ضغطه
ضحك خالد : تبغى الصراحه والله انه كلنا نرفع ضغطه و نجنن به لكن نسوي انه عاقلين و الكبار
ضحك ناصر : اي والله الا وش صار مع سلمان
خالد : ولا شي كلمت غلا و سويت كني اسولف معاها طبيعي و يوم ذكرت لي خطيبتي كلمتها في موضوع الزواج و تممت بس
ناصر : حلو يعني نروح لي معاذ
خالد : ايه سلمان يبغى ذالليله يروح
ناصر:والله  يبشر
خالد : يالله على اذنكم
مشى خالد و وقفه صوت زوجة اخوه : خالد
خالد : هلا يا اختي
ام هيثم :القهوه
خالد : الله يعطيش العافيه لكن مالي بها ودي اروح لي ابوي و اخواني
ام هيثم : الله يحفظك
خالد  : مع السلامه
طلع خالد متوجه لي اهله و هو مشتاق لهم دخل و سلم عليهم و جلس ابو خالد : كيفك و اخبارك
خالد :طيب الحمدلله كيفكم انتم
ابو خالد : طيبين الحمدلله الا وش بك رجعت
خالد رجعت عشان اشغال و سلمان كلمني ف ما حبيت اتركه و  اشوف اخباركم
ابو خالد : ها كويس عشان تجهز لي ملكتك و ترتب امورك ياولدي
خالد : ان شاء الله الا وش عاد صار على بهاج و راجح
ابو خالد : ولا شي وافقت البنت و الله يكتب اللي فيه الخير
خالد : امين يارب
ابوخالد : والله اني تعبت من طيحاتكم و خايف من طيحت بهاج لكن الله يستر
خالد : لا ان شاءالله ما يصير شي و تطمن
ابوخالد : ان شاء الله الا وش فيه سلمان
خالد : يبغى يخطب
ابو خالد : ما شاءلله مين بنته
خالد : بنتي غلا
ابو خالد : والله انه زين ما اختار و لكن خايف من ردت فعلها البنت صغيره
خالد :انا كلمتها و ان شاء الله ما في الا العافيه
ابو خالد : ان شاء الله و عقبال الباقين
خالد : امين يارب
ام خالد  جت : مين بيتزوج
خالد : عيالي سلمان بياخذ غلا
ام خالد ضحكت : ما هو تقول ما تبغى تزوج سلمان الا اذا عرف يلعب كوره
خالد ضحك : والله يوم شفت عيونه ذليوم ما حبيت اقول له شي
ابو خالد : قد رحت لهم
خالد : ايه ناصر قال لي انه تعبان و كلمته و ما اعجبني صوته
ابو خالد : اها الله يحفظه