نافذة الذكريات

part 22

عبدالكريم:  ولو قدني كبير ابغى اهتمام زي خالد
ضحك خالد:  وليه تغار مني لو انت عاقل كان حبوك
ام عبدالكريم: وهو صادق
عبدالكريم : متى عقلت اول شي ثاني شي ما يشوفونك على حقيقتك  لأنك ذلحين مسوي العاقل قد اهلي
ضحك خالد: هههههههه والله اني عاقل بس يفصل  مخي اذا شفتك سبحان الله
ام عبدالكريم:  انا بروح قبل تجننوني ان مدحت وحدن زعل ذاك
عبدالكريم:  لا تروحين اجلسي و امدحيني مثل خالد
ام عبدالكريم:  طيب انت كويس و طيب و اعقل واحد
ضحك خالد:  جالسه تسلك لك
عبدالكريم:  يمه شوفيه
ام عبدالكريم:  معليك منه خله انت احلى واحد
ضحك خالد:  طيب وانا
ام عبدالكريم:  لا حول اخرتوني على البنات مساكين
عبدالكريم عقد حاجبينه:  اي بنات يمه ما في الا نور
ام عبدالكريم:  كويس انك ما دخلت جوه في اخوات خالد
خالد : من جد من متى و اخواتي هنا وانا اخر من يعلم
ام عبدالكريم:  نور كانت طفشانه لانه ماعندها احد يسولف معها ف اتصلت على البنات عشان يجون لها
عبدالكريم:  يمه ابغى اتكلم في موضوع جد
ام عبدالكريم:  ايه وش هو
عبدالكريم:  موضوع سعود يمه سعود يحبها  و ما اقدر اوصل له رفضها حاولي تقنعينها
خالد:  يا خاله والله انه مستعد يسوي لها اي شي تبغاه بس هي تأشر و هو ينفذ
ام عبدالكريم:  وش اسوي يا عيالي  والله اني ما حبيت اقول لها شي اللي ذلحين لأنها ما تحب الطاري ذا
خالد:  خلي اخواتي يكلمونها و ان شاء الله بتفهم عليهم
ام عبدالكريم:  ابشر بحاول و ان شاء الله خير
العيال:  ان شاءالله 
و راحت ام عبدالكريم داخل و جلسو العيال شويه و شافو سياره سعود داخله و قامو عشان يرحبون به

_____________
عند نور
كانو البنات مجتمعين على القهوه و الحلا وسوالف و دخلت ام عبدالكريم:  يا بنات ودي اكلمكم بسالفه
هنوف : امرينا يا خاله
ام عبدالكريم: باقول لكم كلكم و لكن الموضوع يخص نور و ابغاكم تساعدوني
نور لما سمعت امها تقول الموضوع يخصها مغصها بطنها و جلست تفكر اي مصيبه امها عرفتها
نوف :قولي يا خاله و ابشري
ام عبدالكريم:  واحد اسمه سعود و دكتور و كويس جا يخطب نور و ابغاكم تكلمونها و تقنعونها فيه
نور : انا رافضه فكرة الزواج ماني رافضه العريس نفسه
هنوف:  يا خاله:  هو صديق خالد و عبدالكريم
ام عبدالكريم:  ايه يا بنتي
نوف : والله ما شاء الله اذكر اخوي دايم يمدحه و يقول كويس و الناس كلها تحبه
نور  : قلتوها الناس انا مالي دخل
هنوف : يا خبله الولد كويس و دكتور و صديق اخوش وش تبغين زياده
نور  :سبق و قلت لكم مو رافضه العريس رافضه فكرت الزواج
ام عبدالكريم:  الولد شاريك و يقول اي شي انتي تبغينه بنفذه لش
نور : مدري يمه خايفه
هنوف : اسمعي خلي فتره بين الملكه و الزواج قولي حابه اتعرف عليك أكثر
نوف: صح صادقه و في شي ثاني لازم انه يتكلم عن نفسه كثير عشان تتعرفون على بعض اكثر
ام عبدالكريم: اهم شي وافقي ذلحين وفرحي قلبه
نور : خلاص بستخير و ارد خبر
ام عبدالكريم:  تمام ننتظرش ولا تتأخرين الي بعد العشا و خلاص أعطينا رايش
نور : طيب