نافذة الذكريات

part 35

اول شي و قبل كل شي المعذره على التأخير بس كانت عندي مناسبه وانشغلت فيها واعتذر منكم شديد الاعتذار و ذلحين استمتعوا

ضحكت رنا : والله تستاهل
مسعود : تعالي وش سوت فيش البنت
رنا : اول شي خربت مكياجي و ثاني شي حضنت زوجي
ضحك مسعود : و بتقنعيني ذلحين انش ما رديتيها لها
رنا : اي لاني عروس
ضحك مسعود : قصدي ما أرسلتي حراسش الشخصي
ضحكت رنا و عدلت جلستها : لا ما أرسلت احد و بعدين ليه تظلوموني
ضحك خالد : حرام عليكم كانت جالسه معي ما تحركته
جا عزيز : وش فيه
مسعود قال له السالفه و ضحك عزيز : جود و رهف ما سوو شي
رنا : لا ما في اطيب منا و كنا مسالمين
ضحك خالد : اعترفي شكل اخوانش كشفوش
ضحكت  رنا و تكلمت بدلع يجذب و صوت هادي : لا بس بعد ما خربت مكياجي جلست ابكي و كنت متضايقه جت رهف و جود و شافوني و راحو لها و ضربوها ضرب و خربو شعرها و مكياجها و قالو لي و انبسطت
ضحك خالد و هو ذايب في كل شي و حتى حركاتها و سوالفها : وليه زوجتي ما ضربتها ليش جلستي تبكين
رنا : كنت متوتره و خايفه و خفت يوم سمعت طلق النار ف اول خربت مكياجي انهرت
ضحك خالد : ياقلبي انا على الدلوعه اضيع انا
ضحك عزيز : هيه ولد ترا انحم موجودين
خالد رفع راسه : ودي اقوم خلاص ماله داعي اجلس هنا زياده
رنا : لا مافيه اجلس هنا عشان تطمن و ترتاح
ضحك خالد : خايفه علي
رنا : لا ولا هميتني لكن عشان اهلك
ضحك خالد و مسك بيدها وباسها : انا اسف أن كان زعلتش و اما المستشفى ودي اطلع لاني تعبت و ابغى اروح لي دلع بكره
رنا : يع ما حصل الا يروح لي دلع بكره
ضحك مسعود : ترنا نغار يا خالد انتبه
ضحك خالد : ترا كل شي عندي ولا دلع
رنا :  ما همني المهم انحم بنروح نرتاح وانت نام هنا
ضحك خالد : ابشري عادي عشان اقابل  الممرضات و اسولف معهم
رنا لفت عليه : ياويلك يا خالد والله لو اعلم علمن انك كلمته ممرضه ان تندم
خالد : وش اسوي ابغى اسألها عن جرحي و نسولف شوي عن الاصابه
رنا :والله ان تندم يا خالد انا سامحتك يوم قربت منك هدى ولكن ذلحين ما بسمح لك
خالد : ابشري مستحيل انادي ولا وحده انا اساسا مكتفي في اميرتي ف ماهموني اللي راحو او جو و لو كثرو انتي عندي اغلى و احلى وأهم شي في حياتي انتي اميرتي انتي أغلى المجوهرات
ضحكت رنا بخجل و طلعت ضحك خالد و لف على يوم تكلم  عزيز : يبغى لي اخذ عندك دورات تدريبية في الغزل
ضحك خالد : ابشر بي في اللي تبغى و ذلحين روحو انتبهو لي رنا
مسعود :اساسا جن بسيارتها يعني مالنا شغل فيها
خالد: اخخخخ والله انه ونسني جيتها
ضحك مسعود :احترم نفسك تراها اختي
خالد :وانا زوجتي
ضحك عزيز و خرجو و دخل احمد : ها كيف تحس نفسك تحسنت
خالد : اي والله اني احس نفسي عال العال و مبسوط
احمد : انمسك نايف
خالد فز : أسألك بالله و وش صار
احمد : مدري بس ما هو هامني و لو يسألوني باقول انه كان نوي يقتل لانه طفح الكيل منه
خالد : ماودي صير له شي خايف على ابوه و امه
احمد قرب منه : ما خاف على امك و ابوك يوم اطلق علبك ما خاف انه يصير لك شي ما حط العشره قدام عيونه وانت بكل بساطه تقول تخاف
خالد : انت مانت بداري يا احمد قلبي يوجعني عليه لانه صاحب عمري ما كان ودي توصل الأمور اللي كذا
احمد جلس  : خلها توصل على الخوف اللي خفته عليك
دخل عبدالكريم باكل :جوعان يا عيال و جبت الاكل معي
خالد : مالي خلق اكل
احمد : خالد تراك رافع ضغطي كل وانت ساكت
عبدالكريم : وش فيه ليه رفع ضغطك
احمد : يقول حزين علي نايف
عبدالكريم  لف على خالد  : صاحي انت ولا فيك بلا وش تخاف على واحد كان وده يقتلك ماكان له نفس انك تفرح في حياتك
سكت خالد و دخل سعود بالعصيرات : ان شاءالله انكم ما سبقتوني
عبدالكريم : لا معليك باقي ننتظرك
جلسو سوالف و ياكلون و ضحك و طقطقه على بعض و هم ودهم يغيرون جو خالد بس هو ما كان معهم كان ياكل بهدو  و هو يفكر في رنا و غيرتها و خوفها عليه كان يتذكر كل شي فيها و هو أول مره يحس بذا الشعور انه في احد يخاف عليه و يغار عليه من كل شي صحى على صوت احمد : وين وصلته
خالد : موجود بس اول مره احس اني مهم في نظر شخص يوم شفت خوف بنت سليمان علي و غيرتها استانست
ضحك عبدالكريم : كويس انه تغار  وتخاف عليك يعني انها تحبك 
خالد:  وانا احبها
ضحك سعود : ودي اقول لكم شي و ادري مو وقته بس لازم يكون عندكم خبر
احمد : وش هو
سعود : ملكتي و زواجي الاسبوع الجاي يوم الجمعه
خالد : ليه تجمعها مع بعض
سعود : تعبت يا خي احس انها ما تبغاني من كثر ما تتجاهلني ف قلت نجمعها مع بعض و نشوف لها
عبدالكريم : انا كنت رافض بس حسيت انه مسكين سعود و وافقت
سعود : والله باخذها لو ما وافقت اهم شي هي و عمي
ضحك عبدالكريم : الله يوفقكم و عادي كنت بس امزح معك
ضحك خالد : كان حطيت الزوج الجمعه اللي بعدها
احمد : صادق والله
خالد : ايه كل شي ولا تزعل زوجتك و سو حفله
سعود : شكلي بسويه
عبدالكريم : انا بستاذن بروح انام و اشوف اختي و اتطمن عليها
خالد :وش فيها
عبدالكريم : ولا شي بس هي ما تحب تنام الا اذا جيت و سولفت معها ف بروح اسولف معها
خرجو العيال سعود و عبدالكريم و جلس احمد مع خالد
خالد : احمد نمت
احمد : لا باقي وش بغيت
خالد : ودي اطلع امشي في الحديقه شوي
احمد : هيا قم
خالد قام بمساعدة احمد و خرجو للحديقة حقت المستشفى و راح يجلس احمد : وش فيه
خالد : احس اني تعبت بس بجلس اريح شوي
احمد : تبغى انادي الممرضين يجيبون عربيه
خالد : لا ما يحتاج انا قادر أدبر نفسي
جلس يتمشى و هو مبسوط على كل شي ويشكر ربه انه تيسرت أموره و رنا صارت زوجته شوي و رجعو للغرفه حقته و نامو حتى اذان الفجر و قامو يصلون و رجعو ينسدحون خالد : ودي تجي احس اشتقت لها
ضحك احمد : اووه ماشاء الله عليك احلام صعبه من يجيبها الفجر
خالد : مدري احس اشتقت لها
احمد : ما طلعت من عندك الا قبل الفجر و باقي مشتاق
خالد : خرجت من عندي وحده اللي خرج قريب الثلاث هم عبدالكريم و سعود
ضحك احمد : طلعت حاسب لها
خالد : ايه لاني مشتاق لها ولي كل شي فيها
و هم سوالف و ضحك دخلت دكتوره و شافت مغذي و قاست الضغط والسكر و لفت شافت احمد صاد و كأنها عرفته : مبروك احمد الزواج
لف احمد و شافها وما كان وده يشوفها : هلا الله يبارك فيك
منال : كنت اسأل عنك العيال بس دايم يعطوني إجابات ما هي واضحه وينك و ليه ما خذ اجازه
ضحك احمد : ما انتي لا امي ولا اختي ولا زوجتي عشان يحاسبني و يسألني عن الدوام ما غير زوجتي اللي تسأل بس انحم ما بينا غير  الدوام
منال : اسفه بس ما كان قصدي الا كل خير يعني ما عاد شفتك من بعد ما زرتنا في البيت ف حبيت اسال
احمد : وانا ما احب اتكلم عن حياتي مع الناس ما اعرفهم
خالد  حب يصرف الوضع  : ولد احمد روح لي  زوجتك مسكينه من امس وحده و البنت حامل و تعبانه المفروض تنتبه لها
احمد : لا معليك اخوها عندها و بينتبه لها اهم شي تقوم انت بسلامه
خالد : معليك بطلع ذليوم ان شاءالله لكن انت بتسافر بها ولا تجلسون
احمد : والله مدري بكيفها وين تبغى انا راضي اسويها وانا اضحك
دخلت رنا : هاي انا جيت
ضحك خالد  : والله احلى من يجي و أجمل صباح يوم شفتش
ضحكت رنا : كيفك اليوم
خالد : طيب يا اميرتي
منال : من متى وانت متزوج
رنا : وش دخلش انتي دكتوره خلصي شغلش و اطلعي برا
خالد : خليها عند يا روحي و تعالي سولف معي
لف خالد على احمد : روح تطمن على زوجتك بتجلس معي رنا و بكلم عبدالكريم يجي لي
قام احمد و اخذ اغراضه و طلع و خلصت الدكتوره و لفت تبغى تطلع و وقفت من رنا : ممكن يجي رجال يشرف على حالة زوجي ما ودي ب دكتوره
منال:  مافي الا كذا و انا مالي شغل
طلعت و ضحك خالد : كفو يا قلبي
رنا :وش تبغى جايه
خالد:  هذي الله يسلمش كان احمد يبغاها بس هي رفضته و اختارت ولد عمها و من بعدها قدم احمد على اجازه و توه يجي بعد شهرين انقطاع عن المستشفى ف جايه تسحب علوم
رنا : يع كيف خويك يبغاها
ضحك خالد : ليه ماهي حلوه
رنا : ايه و شايفه نفسها كريهه
ضحك خالد :تدرين احب الغيورين انا
ابتسمت رنا بخجل و ضحك خالد على نظراتها : قربي عشان اشوفش و بعدي النقاب اساسا ما في احد
قربت رنا و نزلت نقابها و سحبها بيدها يجلسها على الكرسي معه و يبعد طرحتها لأجل يتحرر شعرها و يشوفه و يتاملها و كانت هي مستحيه و منزله راسه رفع راسه : ناظريني لا تنزلين راسش ترا عادي انتي زوجتي و حلالي
رنا : بس انا استحي
خالد :ولا تستحين ولا شي انا زوجش و حبيبي و اخوش و ابوش و اختش واللي تبغين
رنا :شكرا
خالد : تعالي انسدحي على صدري ودي العب بشعرش شوي
رنا : تمام
قربت و انسدحت على صدره و هي مثل ماهو محتاجها هي بعد محتاجتنه حضنها بيده  السليمه و نام و كانت احلى نومه نامها و كان مرتاح معها و هي يوم حست انه نام رجعت تغطي شعرها و وجها بالطرحه و نامت معه و كان شكلهم يجنن و لطيف مع بعض
بعد ساعتين صحي خالد من الالم اللي داهمه لكنه ابتسم اول ما شاف رنا نايمه في حضنه و جلس يلمس خدها و وجها كامل و شعرها كان يتأمل كل شي فيها بهدو مسك يدها اللي على صدره و باسها و تحركت بنزعاج من الحركه و ضحك انه ازعجها صحت و ناظرته ينتظر فيها و استحت و كانت تبغى تقوم بس مسكها من يدها و جلسها:  قلت لش راحتي معش اجلسي حولي وانا اكون بخير
رنا : بس اخاف اتعبك وانت يدك توجعك
خالد : لا ما بتتعبيني انتي تعبش راحه انتي قولي ابي وانا اقول لبيه يا نبض قلبي
سكتت رنا و جلست تناظر فيه قطع عليهم دخول الممرضه ناظرو فيها وجت : تحس بألم
خالد : ايه شوي
ركبت له المغذي و لف و شاف رنا مغمضه عيونها و ضحك : انا اللي دخلت في يده المغذي ما هو انتي لي تغمضين عيونش
ضحكت رنا : مدري حسيت انه يوجع
ضحك خالد :هو يوجع بس شوي و انا ما حسيت بألم لانش بجنبي
الممرضه : في واحد اسمه عبدالكريم يبغى يشوف انت
خالد : قولي له خمس دقايق و يدخل
رنا قامت بسرعه تتحجب و لفت عليه : شكلي برجع البيت
خالد : لا ودي فيش
دخل عبدالكريم : كيفك ذليوم ان شاءالله احسن
خالد : ابشرك طيب انت كيفك
عبدالكريم : الحمدلله طيب
خالد : غريبه استأذنت قبل تدخل لا يكون دخلت قبل
عبدالكريم : لا بس ارسل احمد اللي يبغى يتطمن على خالد ترا عنده زوجته ارسلو له قبل تدخلون ف ارسلت الممرضه تشوف
خالد : والله اني نمت نومه حلوه بس صحاني ألم يدي
عبدالكريم : نمت قبل الفجر ؟
خالد : ايه نمت شوي بس كان متقطعه و لكن قصدي قبل شوي نمت نومه حلوه و ارتحت
عبدالكريم : كيف نمت و عندك ضيوف
ضحك خالد : عادي صارت زوجتي و انا كنت تعبان و نمت
عبدالكريم ضحك : الله يحفظكم
خالد:  آمين وياك
جا سعود : يا ولد
ضحك خالد : تعال تعال
دخل سعود : راحت زوجتك ولا ايش
خالد : لا ما راحت بس متغطيه
رنا : خالد
خالد : امريني يا نبض قلبي
رنا : بروح البيت تبغى شي
خالد : لا ما ابغى الا سلامتك و تنتبهين لي نفسك و عاد زوريني
رنا : ابشر مع السلامه
خالد : مع السلامه
العيال كانو كاتمين الضحكه اللي ان تقفل الباب بعدها و انفرط كلهم يضحكون على خالد و خفته
خالد : بس انت وياه بس
عبدالكريم : خالد
سعود : امريني يا نبض قلبي
و ضحكو و جلسو يطقطقون عليه خالد وهو يمثل العصبيه  : والله لا اقول للحراس يجون يطلعونكم
عبدالكريم وهو يحاول يكتم الضحكه:  طيب طيب بس سؤال من متى خالد يجب يجلس يتنوم كان دايم يزعج الدكاتره حتى يطلعونه
ضحك خالد وهو كان يبغى يكمل تمثيل انه عصبي بس ماقدر : تكفى لا تفضحني خلنا على ما هو عليه
جلس خالد و هو يصيح من يده و قام بسرعه عبدالكريم  ينادي الدكتور و  سعود فتح على الجرح ينظفه  و يشوف وش فيه
شوي و خف اللم و انسدح خالد و نام و لف عبدالكريم:  الله لا يوفقك يا نايف
سعود : اي والله مسكين من اي شي يتعب
عبدالكريم جلس على الكنبه : ان شاءالله يتحسن و لكن ذاك الكلب ما ودي يسامحه
سعود : ما عليك ما بيسامحه مستحيل يعرض نفسه  و أهله للخطر
عبدالكريم : انا استأذنت من الدوام روح انت شوف شغلك و انا بجلس معه مستحيل اتركه
سعود : ابشر هو خلاص احمد ما عاد بيجي
عبدالكريم : ايه ما وده يتقابل معها مره ثانيه
سعود : الله يعينه
شوي و دخل مطلق : السلام عليكم
عبدالكريم و سعود: و عليكم السلام
مطلق : كيفه خالد
عبدالكريم : ينام شوي بعدين يصحى من الالم و اذا خف رجع نام 
جلس مطلق : اذا ودكم تروحون لي دواماتكم انا بجلس معه 
عبدالكريم : اي والله انه ودنا بس خفنا عليه
مطلق : لا تخافون انا معه و اي شي بقول لكم
سعود : اي والله وانحم كل ما جانا بريك بنجي نتطمن عليه
طلعو عبدالكريم و سعود و مطلق جلس عند خالد وشوي يمكن نص ساعه او شي صحى بنزعاج و هو ينادي على رنا
و مطلق كان ساكت استحى يتنادا شوي و هدا خالد و شاف مطلق و رحب به : أرحب الله يحييك
مطلق :الله يسلمك الحمدلله على السلامه
خالد : الله يسلمك
مطلق : حبيت اجي اتطمن عليك و امي و عمتي امك سوو لك قهوه و فطور و شاهي و قالو اعطها خالد
خالد : الله يكثر خيرهم و خيرك والله العظيم ان مشتهي اكل امي و امك و لكن استحي اطلب
مطلق و هو يفتح الأكياس:  لا تستحي ولا شي عادي اول ما تحس ان ودك شي اطلبه
خالد : شكرا والله معروفكم ما بنساه
شوي و جو العيال عبدالكريم و سعود بعد ما ارسل لهم مطلق ب تعالو جو ركض :خالد وش فيك تحس بشي يوجعك شي
ابتسم خالد : لا الحمدلله انا طيب لا تخافون علي و تعالو افطرو
مطلق ضحك : تعالو افطرو ما فيه شي
عبدالكريم : والله انك خوفتنا
ضحك خالد : خلاص انسو الخوف شوي و انا ودي فيكم تفطرون معي داري انكم جايين وانتم ما افطرتو
جلسو كلهم حول خالد يفطرون معه ويسولفون  معه و يغيرون من جوه شوي