نافذة الذكريات

part 10

خالد: صح و بعدين بخرج مع معاذ و عياله و اخلي غلا حتى تنام و بعدين امسك الخط
هز راسه  راجح بالايجاب و دخلو عند الرجال سوالف و ضحك و طقطقه بعدين قام خالد و قال: استأذنكم يارجال انا بروح انام لان عندي دوام ولازم اسافر كله ردو بالايجاب والله يحفظك و من الكلام هذا مشى و مسكه ابوه
ابو خالد: وين بتنام
خالد: بنام في بيت معاذ عشان غلا
ابو خالد: انت مرره مدلعنها خلها تجلس
خالد: وش اسوي احبها
ابو خالد:على راحتك
خالد: مع السلامة و يمكن ما بجي اودعكم ف سامحني و كلم امي تعذرني
ابو خالد:انا ما ابغى الا اشوفك بخير غيره الله يحفظك
و ترا شايف وجهك و شايف عيونك انت تعبان بس تبين لنا انك طيب بس عيونك فضحيك
نزل خالد راسه : انا ما فيني شي وانا طيب و اذا على عيوني خلها والله اني  بجلس فتره و بتحسن و انسى و ارجع لكم خالد اللي انتم تحبونه خالد اللي يلعب و ينرفزكم
ابو خالد:وانحم في انتظارك في انتظار عودة خالد بس لا تطول
خالد ابتسم ابتسامه فيها حزن : ابشر يا ابوي و ذلحين بروح تبغى شي
ابو خالد :الله يحفظك
مشى خالد و دق على غلا و ردت بسرعه :هلا عمي
خالد: انا برا هيا اطلعي بنروح بيتكم
غلا : ابشر ذلحين تدري كنت احسب انه تكذب علي و انه ما بتروح معي
خالد: لا يالحب ما بتركك هيا اعجلي علي
غلا: تمام بقول لي امي و اختي و بجي
راحت و قفلت الجوال و قالت : يا بنات عمي بياخذني و نروح البيت و ننام باي
جواهر: خذوني معكم فيني نوم مو طبيعي
غلا:هيا امشي بسرعه و نروح نقول لي امي
مشت غلا و راحت عند امها و باسه راسها :كيفش ماما
ام ذيب : طيبه وش بغيتي
غلا : انا و جواهر بنروح مع عمي خالد للبيت
ام ذيب :لا بتشغلونه و تتعبونه لا تروحون و امشو معي انا و ابوكم
غلا: تكفين ماما انا مشتاقه امشي مع عمي تكفين و بعدين كلمي بابا و امشي معنا
ام ذيب: لا مستحيل لكن انتم روحو و انا بالحقكم مع ابوكم
مشو البنات بعد ما باسو امهم و مشو مع عمهم و ركبو
غلا بجنب خالد و جواهر ورا
خالد التفت ورا و تكلم بسرعه و هو ما انتبه للكلمه : اووه هدى معنا
لفت جواهر يمين يسار بعدين ناظرت عمه : مين هدى و وينها انا جواهر 
خالد مسك راسه بيديه بثنتين  وقام يضغط على راسه : آسف ما انتبهت و كنت بقول جواهر بس لخبطة اعذريني
جواهر: عادي ما زعلت بس حبيت أوضح لك

خالد ضرب الدركسون و حاول يمسك نفسه : هيا مشينا
غلا: يالله بس يعم ترا اخاف انت خوفتني
التفت خالد وناظر فيها و تكلم بهمس: ليه تخافين مني وش سويت
غلاو هي باقي خايفه : لا بس يوم ضربت الدركسون و ضقت بس

خالد: انا اسف ياقلبي و ما بعيدها بس انتي لا تزعلين مني
و هيا خلونا نمشي باقي احد ولا خلاص
غلا :لا بس انا و جواهر و ماما و بابا بيمشون مع بعض
مشى خالد و هو يهوجس كيف صار ينادي اي احد هدى مو معقوله و رجع شغل الجوال و جلس يدور يبغى يشغل شي يبعد عن التفكير بس وقف على الشيله ذي و زادت عليه
كان الألم في داخلي يعزف الناي
من يوم قفت راح قلبي معاها
مشيت في دربي ولا جات وياي
الله يسمح  دربها ويحميها
ماني بقايل مهرتي مالها رأي
ولاني بكاسر ظهرها من وراها