نافذة الذكريات

part 23

ام عبدالكريم: مسكين توقفون لي الضعيف هذا روح يا ولدي اجلس و ارتاح
عبدالكريم : وانا يايمه من ذليوم و انا اصيح يا يمه يا يمه
ام عبدالكريم: احسن خلك واقف تستاهل
عبدالكريم: ليه يمه وش سويت و انا حتى اختي دافعت عنها يا نور
ضحك محمد: ما عاد معه يتوسط الا بنور
عبدالكريم: هذي واسطتها مسموعه الكل يحبها و يدلعها
ابو عبدالكريم :انت انجنيت تنادي اختك قدام الناس
عبدالكريم: لا ما انجنيت بس ما بتخلوني اجلس و ما معي الا هي توسط لي ولا اقول خلوني اجلس قبل تجي تفزع لي
سعود : احلف تدخل اختك و انحم كلنا هنا رجال
عبدالكريم: رجال على الفاضي تدرون انها تفزع لي اكثر منكم
خالد: اعرفها بنت ابوها يا كم فزعت لنا يوم انحم نسوي مصايب
سعود ابتسم : احم احم عادي اتكلم
خالد: لا لاني عارف وش بتقول
سعود : ان شاءالله توافق و اقهركم
عبدالكريم يوم شاف ابوه يتقهوى ويسولف راح بسرعه و حضنه و باس راسه : يبه خلاص لا تضربني لاني ابغى اتزوج و ما ابغى يشوفوني وانت تضربني و بعدين يقولون شفنا ابوه يضربه
ضربه ابو عبدالكريم على ظهره و لكن عبد الكريم باقي متعلق في ابوه و يبوس راسه ابو عبدالكريم: خلاص انقلع اجلس و بعدسن مين موجود هنا
قرب عبدالكريم من ابوه: موجوده خالتي
ابو عبدالكريم ضحك :ايه وانا اقول وش فيه الولد مختلف علي
ضحك خالد: عرفتها خالتك بدون حتى ما تجيب الاسم
ضحك ابو عبدالكريم: حتى انا عرفتها لكن ما قلت لي خالتك لحالها ولا معها احد
عبدالكريم: اول شي كيف سمعته يا خالد لاني منزل صوتي عشان ما احد يسمعني و يطقطق علي ثاني شي يا يبه مدري ما قالت لي نور شي و رحت غرفتي ابغى اشوف احد منا ولا مناك لكن ما شفت احد و قلت لي نور ابغى اسلم قالت اخوات خالد موجودين
خالد : سهله انة بنادي اخواتي على اني ابغى موضوع وانت ادخل سلم على خالتك
محمد : ايه وانا حتى انا ابغى اسلم على خالتي
عبدالكريم: محمد خلني ذلحين
محمد : يبه انا حتى انا ابغى اسلم على خالتي و عبدالكريم رافض على باله خالته وحده
عبدالكريم: تمام بدخل و اسلم و اذا تطمنت على خالتي بأرسل لك وانت ادخل
محمد : بس انا الكبير
خالد: اللي هو أهم شي اعجلو علي
ابو خالد: وانت وش دخلك خالتهم هم
خالد :يبه الخوي ما يخلي خويه و دامها خالته حتى انا بتصير خالتي
محمد : تمام اقفز يا خالد كلم اخواتك و انت رح سلم بسرعه و اطلع
عبدالكريم: ترا برسل لك
محمد : تمام روح
راحو نفس ما اتفقوا عليه دخل خالد و فتح الواتس و ارسل لي اخواته انه يقابلونه في المجلس و جو له
هنوف : خالد وش فيه
خالد: ولا شي بس ابغى اقول لكم شي
نوف : قول وش فيه
خالد: احتمال ينقلون دوامي لي الرياض
هنوف: نعم ليه ما رفضت
نوف : صح قول لهم انك مريض و ما تقدر تسافر
خالد: حاولت لكن ما قدرت و ذلحين ابغى حل كيف اوصل لي ابوي الموضوع
جلسو البنات يفكرون في الموضوع

______________
عند عبدالكريم دخل و نادا نور : نور تعالي
نور جت : هلا وش بغيت
عبدالكريم: ابغى اسلم على خالتي
نور : بس اخوات خالد
عبدالكريم: لا هو دق عليهم و جالسين في المجلس
نور : اوكيه تعال
دخل عبدالكريم و هو مستغرب انها ما جابت طاري بنات خالته : السلام عليكم
ام عبدالكريم: هلا والله وش بغيت
عبدالكريم: اختش تجي و ما اسلم عليها احس عيب
ام سمو : هلا يا ولدي والله اني اسأل عنكم انت و محمد الا وينه محمد
عبدالكريم بينه وبين نفسه انا جاي عشانش و انتي تسألين عن محمد بعدين رفع صوته: والله موجود لكن يصب قهوه للضيوف و كنا بندخل سوا لكن خالد قال لي يبغى يشوف اخواته ف دخلته المجلس و جيت اسلم
ام عبدالكريم وقفت : بسم لله على ولدي وش فيه وش يبغى
عبدالكريم: لا والله هو ولدش وأنا من ولده
ام عبدالكريم دفت عبدالكريم بخفه : انا أسألك عن خالد و انت تطقطق هنا تكلم وش فيه
عبدالكريم: ولا شي بس يبغى يسلم على اخواته و يقول لهم انه الدوام نقلوه رياض بس
ام عبدالكريم: كويس والله انك خوفتني
سمو تكلمت بدلع : و بعدين وش دخل اخواته ما هو رجال عادي يروح
عبدالكريم التفت لي صوتها و جلس متنح دقايق و يناظر لها و راح في عالمه و سمو استحت و نزلت راسها على بالها انها قالت كلمه غلط و عبدالكريم ما نزل نظره ولا قدر يرد الا بعد ما تكلمت امه : ولد عبدالكريم وش فيك
عبدالكريم: هلا يمه ما فيني شي لكن افكر صدق وش دخل اخوات خالد في موضوع السفر
ام عبد الكريم: مو هو أنت تعرفه يحب اخواته و دايم كل سوالفه عندهم
عبدالكريم: صح صادق الا يا خاله كيفكم اخباركم وش جديدكم
ام سمو : الحمدلله طيبين و ما في اي جديد
عبدالكريم : وين نواف و و حازم
ام سمو :في البيت جو تعبانين من الدوام ف نامو و جينا مع سمو انحم
عبدالكريم و هو متعجب قال بصوت مسموع لكل : ما شاء الله و تسوق فوقها
ام عبدالكريم: انت وش فيك شكله مأثر عليك الوقفه و الجلد
عبدالكريم توه يصحح و عرف انه جاب العيد: هلا مين انجلد
ضحكو كلهم و قالت أم سمو : لا ترا ما سمعنا شي لا قبل شوي ولا يوم انك تصارخ
نور : هههههههه يوم انك تنادي اسمي تدري شكلك تحفه
ضحك عبدالكريم: لا معليكم عاقل بس يوم جا خالد ف خربني
ام عبدالكريم: صادق انا شفتك
عبدالكريم: خلاص يمه بعدين نتناقش مو لازم تفضحيني ذلحين
نور : لا معليك صورتك و أرسلتها في القروب
عبدالكريم: وش رايش اقول لي سعود انش رافضه
نور تغيرت نبره صوته : عادي قول له
عبدالكريم عرف انها موافقه من يوم تغيرت نبرة صوتها : متأكده لانه الولد يقول عجلو علي ابوك يجلدني وانتم طولتو علي في الرد و انا مستعجل ابغى اسافر
نور وقفت بسرعه و حطت يدها على قلبها: وين بيروح وش السالفه
عبدالكريم وهو يحاول يكتم ضحكته لانه حس انها خايفه عليه : مدري يقول قلبه يوجعه وبيسافر ويمكن يختفي مثل خالد
نور تغورقت عيونها و شوي و تصيح لانه كانت تبيه و ترفض الناس اللي يجونها عشانه و عشان ما تبغى أهلها يحسون قالت بفكر و ارد لكم خبر : لا خلاص انا موافقه عليه و حاول فيه لا يسافر ما أبغاه يروح
و راحت تحضن عبدالكريم و بكت و عبدالكريم كان مصدوم من اللي يشوفه رفع راسها : نور حياتي لي تبكين ما في شي يبكي و بعدين اذا ما تبغينه مو شرط توافقين عليه انا امزح معش ياروحي
نور ناظرت عيون عبدالكريم: يعني هو ما بيسافر يعني انت تكذب
عبدالكريم: حبيت امزح معش
نور قربت منه : يعني فضحت عمري
ضحك عبدالكريم: ايه فضحتي نفسك و اساسا لي فتره اشوفش اذا سولفت عن اخوياي اكثر سالفه تركزين فيها اذا ذكرت اسم سعود فيها او قلت سعود سوا و يوم جا و صارحني انه يبغى يخطبش ما زعلت و سويت سالفه و قلت له تعال في أسرع وقت و قال تم
نور : يعني انا واضحه من زمان و انا على بالي ان ما احد يدري حتى صديقاتي
عبدالكريم: الكل ما لاحظ بس انا لاحظت لاني قريب منش و افهمش من نظره و يالله روحي عدلي مكياجش و جيبي لي ثوب غير هذا لانش وسختيه بالمكياج حقش
نور ضحكت و مسحت دموعه : ابشر ثواني بس
و طلعت تركض و عبدالكريم يضحك عليها
ام سمو : وش فيه يا ولدي
عبدالكريم: ولا شي بس مزحت معها و شكل مزحي ثقيل
سمو :توك تدري ان مزحك ثقيل
ضحك عبدالكريم: لا عارف دايم امزح كذا
شوي و اتصل محمد و رد عليه: هلا محمد تعال إذا تبغى
محمد : انا جاي لكن شكلك شفته الحب و نسيته اخوك اللي ينتظر برا
عبدالكريم: اوووه نسيت و ايه قبلته لكن تعال انت
ضحك محمد : جايك والله اني داري حتى خالد طلع و يوم شافني ضحك و قال شكل عبدالكريم اعجبنه الجلسه داخل
ضحك عبدالكريم: اي صادق برا برد و خالد و احمد و سعود يتخبلون و ابي يجلدني انا ف قلت اروح ارتاح
محمد : مع السلامة انت تحب السوالف شكلك
قفل و هو يضحك و التفت يكمل سوالفه ام سمو : ياولدي مين كنت تكلم
ضحك عبدالكريم: اكلم محمد يسأل وين رحت و قلت له هنا بس
ام سمو :لو قلت له يجي
و ما كملت كلامه الا ودخل محمد : السلام عليكم
ام سمو : وعليكم السلام هلا والله بولدي
محمد: حياش الله كيفش اخبارش
ام سمو : الحمدلله طيبه الا انت كيفك
محمد : الحمدلله طيب و اعذريني انشغلت برا توي أفضى
ام سمو : عادي يا ولدي الله يحفظك و جانا عبدالكريم وجلس يسولف لنا ف ما حسينا بالوقت
ضحك محمد و هو يشوف عبدالكريم ماهو معهم و جالس يهوجس : ايه عبدالكريم ما شاء الله يقلب البيت إذا جا ازعاج و صياح هو و خالد
ام عبدالكريم: والله اني اشتاق لهم اذا افلحوا و اذا جو اني اصدع على طول
ام سمو : الله يصلحهم و ذلحين قصدهم انهم يونسونكم ما يزعجون
محمد : اي والله و ابشرش رفعو ضغط ابي و سعود قبل شوي
ام سمو : ليه وش سوو
محمد: ولا شي يتخبلون و يطقطقون على سعود و ابوي عصب
عبدالكريم يوم حس انه انحرج و حس بكتمه في صدره و ما عاد قدر يتنفس ف طلع بسرعه برا عشان يتنفس لكن زاد عليه انه قام يركض ف تعب و طاح اول ما وصل الحوش و اغمي عليه و يوم سمعو العيال صوت الطيحه التفتو و شافو عبدالكريم طايح و ركضو عنده و شافو انه اغمي عليه و اخذوه يبغون يودونه المستشفى لكن نادتهم امه تبغى تشوفه و خالد جا عنده و باس راسه : يا خاله والله انه طيب لكن نبغى نوديه المستشفى عشان نتطمن عليه أم عبدالكريم: خذوني معكم
خالد :وين ناخذش يا خاله المستشفى بعيد و بعدين بمشي انا و احمد و سعود و انا بنفسي بكلمش و اطمنش لا تخافين
ام عبدالكريم: بس كان طيب وش صار له و ليش طاح فجأة
ابو عبدالكريم وقف بجنب خالد : خليهم يروحون وانتي اجلسي كيف نروح نترك الضيوف هيا
دخلت ام عبدالكريم و هي تبكي لانه مستغربه كيف فجأه طاح و قابلتها ام سمو و اخذت بيدها و جلست تسمي عليها و تذكر الله و تطمنها على عبدالكريم و سمو كانت ساكته و تفكر في نظراته لها قبل شوي و ضحكه و هباله
جلست بجنبها نور و مسكة يدها عشان تنتبه لها
نور : وش فيش تفكرين في مين
سمو: ولا شي بس ضايقني شوفت عبدالكريم كذا يعني انا كم لي ما قد جيت هنا اخر مره جيت يوم كنا صغار بعدين ما عاد جيت احسه تغير بس هو نفسه عبدالكريم اللي يضحك الكل و يمزح مع الكل
نور : اووه لا تقلبين الموضوع دراما و ان شاءالله يكون بخير
سمو : ايه تقولي لي لا اقلبها دراما و اللي قبل شوي وش سوت
ضحكت نور : وش اسوي اخوي تخيل انه ينفذ لي طلباتي و بعض الأحيان يكون مع اخوياه لكن إذا كلمته جا عندي على طول ف اكيد بضيق لو يصير له شي بس ان شاء الله يكون طيب
سمو : ان شاءالله