نافذة الذكريات

part 15

خالد: اسكت صدعت من صوتك
ضحك ابو هدى:  احلف وش سوى صوته ف انت تضايقت
خالد:  والله يعم مدري اصدع من اتفه الأسباب شكله تعودت على الوحده
ابو خالد:  لا معليك بنرجعك تسولف و تضحك و تلعب و اسمع ترا جابو بلوت بتلعب و انا معي ابو عبدالكريم وانت اختار عبدالكريم ولا سعود ولا احمد و نتحدا بعض
خالد:  الفايز وش له و وش عقوبت الخسران
ابو عبدالكريم:  الفايز له 500 ريال و لي خويه بالمثل يعني الف ريال تروح للفايز و الخسران يغدينا او يعشينا
خالد  : تم والله انه تم هيا بس ترو يدي توجعني
ابو خالد: ما نقبل اي عذر قوم هيا
عبدالكريم:  آسف على المقاطعه بس خلوها حماس اكثر
ابو خالد : كيف
عبدالكريم : خلوها انا و خالد ضدكم انت و ابوي
خالد:  تم و انا موافق الآباء ضد الأبناء
سعود:  الله فيها بر الوالدين
خالد: هههههههه ايه بس شوفو اذا فزت لا تدخلون بر الوالدين
ابو خالد:  انت قم العب و اذا انهزمت لاتبكي و بعدين تسافر
سلطان : اح قويه يا عم خلاص خله يفوز لا يسافر و يبكي
خالد:  اقول سلطان اسكت و لا ايه قول لي كيف انكسرت رجلك
سلطان:  اقول العب و انت ساكت
ابو عبدالكريم:  هيا جيبو طاوله عشان الشايب خالد ما يقدر ينزل على الأرض
خالد:  آفا يا عم صرت شايب و بعدين لا تتشمت
ابو عبدالكريم:  استغفر الله لا ما اتشمت بس اعلمك مين الشايب
مهند : اووه الكل قلب ضدك يا خالد
خالد  : الميدان  يحكم بينا
لعبو و الشباب يشجعون عبدالكريم و خالد و الشياب
ابو هدى و ابو سعود و ابو احمد ومعهم ناصر و معاذ يشجعون ابو خالد و أبو عبدالكريم لعبو و فازو خالد و عبدالكريم
خالد قام يصيح : ايه فزنا شوفتوا يالله هاتي الف
أبو خالد قام : هذا غش ارجع نعيد العب اكيد انت غشيت خالد:لا ما غشيت و اسأل العيال و العيال كانو يصورون
ابو عبدالكريم : لا لا انتم جالسين تعقونا وين بر الوالدين هاه
خالد : خلاص اسفين بس انحم اللي فزنا
عبدالكريم : و انتم وافقتو انكم تعطونا الف و تعشونا
ابو خالد:  لا انحم فزنا و لا اسمع نفس و اعطونا كل واحد الف و العشا عليكم هيا
خالد:  يا جماعه اش فيه توي فرحان اني فزت وش الموضوع
ابو خالد : انا فزت انا و ابو عبدالكريم و اعطونا من ألف ريال
قامو العيال يصفقون و يضحكون و يشجعون ابو خالد و ابو عبدالكريم  و يغنون

احنا ناس رايقين يا سيدي
احنا ناس أصحاب  بمزاج

احنا ماشين برواقه
وانتم ماشين بالعلاج

طلع خالد الف و طلع ميتين للعشاء وحطها على الطاوله و سوا عبدالكريم نفس الحركه  بعدين قامو و جلس خالد بعيد عنهم لكن انه يقدر يسمع سوالفهم و فتح جواله وجلس يتفرج له وناداه ابوه : خالد انت زعلت
خالد:  لا يايبه ما زعلت
ابو خالد:  طيب اشفيك جالس لحالك
خالد: اتفرج للجوال لانه لي فتره و اكمل شغلي اللي خليته بس
ابو خالد:  اها اجل خذ راحتك
قام سلطان و جلس بجنب خالد:  اش فيه
خالد:  مافيني شي  و توي تكلمت مع ابوي وقلت له عذري
سلطان : بس انت متغير كثير حتى ضحكتك متغيره تدري جالس اراقبك وانت تلعب و يوم فزت وقال لك ابوك انهم هم الفايزين يعني ما سويت حركات زي قبل و جلست تطقطق و تمزح على طول استسلمت
خالد:  ترا مالي خلق السوالف الكثير و اذا على اني تغيرت ف ابشرك عاجبني تغييري انا صرت احب اجلس وحدي ف لا تحاول لأنك ما بتقدر تغير شي و بعدين لاتتحسس انا متعامل مع الكل كذا شوف كلهم معاملنهم ببرود
سلطان:  طيب على راحتك
و راح يبغى يقوم و مسك خالد يده : اجلس ما قلت قم اجلس بس لا تكرر علي كلمة انك تغيرت لانه الكل يتغير مو انا و بس
سلطان:  وانا قلت لك على راحتك
خالد:  لا انت زعلت و انا ما احب اشوف احد زعلان مني
سلطان:  خلاص ما بزعل بس ارجع خالد اللي يتقبل المزح
خالد : و عادي انا اتقبل المزح بس مو نفس اول
سلطان:  خلاص تمام
جا أحمد:  ايه وش فيك زعلان
خالد:  تكلمني
أحمد:  ايه في احد غيرك زعلان
خالد:  ايه سلطان يقول ما اعجبته شخصيتي الجديده
احمد : أها انت اللي تراضيه بعدين ذلحين انت وش فيك
خالد:  مافيني شي خلني ارتاح شوي بس
أحمد : ترا ابوك على باله انك زعلت بسبب مزحه معك
خالد:  لا مستحيل ازعل منه بس انت تعرف الشغل و تراكمه علي
سلطان:  و نعرف وش مزعلك
خالد:  خلاص تعرفون وش مزعلني خلاص قومو و اذا ما تعرفون انا اقول لكم مضايقني موضوع السلسال بس
سلطان:  تمام اعطني اياه و انا بصرفه
خالد:  لا ما ابغى اعطي احد و خلوه معي مالكم شغل فيه و انتم ما تبغون تقومون انا بقوم
و اخذ  معكازه و قام و راح يجلس بجنب ابوه
ابو خالد:  يا مرحبا يا خالد وش فيك
خالد :ما فيني شي بس يقولون انك تتوقع اني زعلت منك و جيت اقول والله اني مزعلت بس في اشياء مضايقتني الفتره هذي بس
ابو خالد:  اهم شي انك طيب و متى ما تبغى تتكلم تعال لي
رفع خالد صوته عشان يسمعونه العيال : ايه هذي الناس اللي تفهم ايه هذي الناس الكفو
احمد:  وش السالفه
خالد : ولا شي بس ماهو مثلكم الا يعرف وش مضايقني قال انا موجود متى ما تبغى تتكلم بتلقاني ما هو مثلكم كل شوي الا اعلمكم و انا ما ابغى احد يدري الفتره هذي اذا تجاوزت الفتره هذي بقول لكم كلكم
سعود:  انا عندي اهم شي اشوفك بخير
راجح : صادق سعود مع الرغم من اني ملاحظ انك متغير و مرره
خالد:  اووه رجعنا للتغيير اسمعو باقول لكم كلكم انا ما تغيرت على احد بس الفتره هذي ما ابغى اسولف كثير بس انا ابغى أنجز لان الكلام ما منه الفايده