نافذة الذكريات

part 27

ضحك راجح : يبه نوديه المستشفى شكله انجن
خالد : لا ما انجنيت
مطلق : طيب اعطنا تفسير علمي لي هبالك اللي جالس تقول
خالد جلس على الكرسي :ماعندي تفسير علمي غير انه ابغى دلع ترجع لي
بهاج : امشو خلونا نرجع نتقهوى هو انجن انا مدري كيف كنتو عايشين معه
راجح ابتسم:  والله ما قد انجن الا ذلحين توه انجن يوم جيتو
بدر : انا مالي شغل هو من اول ما جينا معصب علينا لدرجة صرنا نخاف نكلمه
ضحك خالد و حضنه:  انا اسف يا اخوي بس كنت معصب لأنكم رفعتو ضغطي ولا سيارتي لكزس جيب و آخر شي تركبون كلكم قدام هذي ما قد صارت ف عصبت عليكم
ضحك بهاج : وانا ولا تبغى اقفز و اخرب حضنكم
خالد : لا لا تقفز انا بحضنك بس اهم شي ملابسي لاتوسخها عشان قدني بروح المطار
ابوخالد :ما كنه بدري
خالد : عشان ارجع بكره في الليل لان عندي شغل هنا لازم انجزه
ضحك ناصر : الله يسعد اللي كانت السبب في سعادتك
ضحك خالد و هو فهم قصده كان يقصد رنا و ما قدر يذكر اسمها لانه يعرف ان خالد يغار : امييييين يااارب
دق جوال خالد و رد بسرعه : هلا عزيز أمرني
عزيز : ما يأمر عليك عدو متى بترد لنا خبر عن دلع
خالد : والله انا ذلحين رايح المطار ولما نرجع نتكلم بجيكم و نتفاهم على كل شي من صغيره اللي كبيره
ضحك عزيز : اقصد اسبوع اسبوعين كم المده
خالد : لو الود ودي ما سافرت لكن لازم اسافر اخلص شغلي بكره و ارجع في الليل و يمكن اجي و يمكن لا و يوم الثاني الصبح بجيكم و نتفاهم على كل شي
عزيز:  تم انحم في انتظارك
قفل خالد و لف على ابوه و العيال واقفين يناظرون
ابو خالد : لا يكون سويتها يا خبل و خطبتها
ضحك خالد : لا يبه ما خطبة احد ولا افكر اخطبها لكن عزيز عزمني اجي اتعشا معهم عشان ابوه قال لازم نعتذر منه و يتعرف علي لاني ولد خويه
ضحك ابو خالد : يتعرف لأنك ولد خويه و لا لأنك زوج بنته
ضحك خالد : لا يتعرف لاني ولد خويه و عياله اخويا لي
راجح : خلاص نتجهز و نمشي معك يوم العزيمه
خالد : لا يارجال الله يحفظكم ماني رايح اخطب انا رايح احلف عليهم لاني ما ابغى يعزموني
ابو خالد : على راحتك بس اذا رحت لهم خذ شاحن معك عشان لا يخلص شحن جوالك
ضحك خالد : ابشر مستحيل انساه بس يمكن اجوع و اروح ادور اكل
ضحك بدر : صادق اعرفك تجوع بسرعه
بهاج : ايه مو انا توئمه ترا احس فيه يجوع مسكين كل شوي لو كان توهم تعشو لازم يجوع
ضحك راجح : ايه مرره يجوع و ما يجوع الا عند ابو مسعود ابو خويه
ضحك ابو خالد : خلوه الجوع كافر
ضحك خالد : انتو وش وضعكم كل شوي تمسكون علي شي وتجلسون تطقطقون علي
ضحك ناصر: لحظه انا لاحظت حاجه يمكن يوم تحلم و جلس يرقص انه تحلم عزيييز عازمه على العشا
معاذ : فيها كلام يا اخوي عزيز عزمه ولازم يوجب وش فيك
ضحك مطلق : متأكدين انه عزيز اللي كلمه المره الأول و الثانيه ولا كيف مكالمة عزيز الأول  اول ما قفل جلس يصيح و مكالمه عزيز الثانيه ما سوا اي ردت فعل
ضحك ناصر:  هذا اللي ابغى اوصله لكم لكن انتم ما فهمتو فيه مكالمه ماهو عزيز اللي كلمه فيها
ضحك خالد و تكى على الدولاب و تنهد تنهيده طويله: كلهم عزيز بس الأولى حسيت كلماتها في قلبي توصل ماهي في اذني
ضحك ابو خالد :والله اني قد دريت انه ما هو عزيز
بهاج:  اما كيف كلمتها و وش دخلها تعزمك
خالد : خلوني اعيش الجو شوي و الحلم يتحقق و تصير دايم تكلمني تقول وينك يا خالد  وانا اقول جايش جهزي الاكل تقول جاهز يا قلبي بس نبغى عصير و اقول لو تبغين عيوني عطيتك
ابو خالد : لا الولد راح فيها
ضحك بدر : الله احس حبيت ودي احب و اتزوج
ضحك ابو خالد : انت ان شاءالله و بهاج و راجح و مطلق لازم ندور لكم و نزوجكم و نخلي خالد اخر واحد اللي ان يثبت على وحده
خالد : لا هذي هنا ساكنه في قلبي تتخيل انها دخلت بدون ما تستأذن
ضحك علي : ماشاءالله خالد : كل فتره مع وحده هذي ثالث وحده ولا ثاني وحده ؟
ضحك خالد : الثانيه يا قلبي
ناصر : امش يبه خلنا نتقهوى هو شكله روق بلا قهوه
ضحك ابو خالد : اي والله كان يوميا اول ما يصحى من النوم يشرب دلتين قهوه سعوديه و وحده من قهوتكم السوداي هذيك اللي معها ثلج ة ما يروق و يجلس منفس و ذلحين ماشاء الله يوم سمع صوت عزيز على طول روق
ضحك راجح : ايه يبه اسمه ايس امريكانو
خالد : يبه انت ما سمعت صوت عزيز صوته يرد الروح اخخخخ والله انه علاج
ضحك ابو خالد : دامه علاج وين عزيز خلنا نتسمع لي صوته عشان يعالجنا
خالد :يبه صوت عزيز ما يعالج اي احد
ضحك مطلق :تدري ما قد ضحكت مثل الضحك ذا المهم يبه ترا انا خاطب ومملك عليها يعني خلاص ما عاد  الا العرس
ابو خالد : تبشر وين تبغى نسويه سويناه لك والله يوفقك يا ولدي
مطلق : آمين يارب
خالد : هيا مشينا نطلع نتقهوى
ابو خالد : هيا مشينا
طلعو وراحو المجلس و انسدح خالد على رجول امه : يمه شايفه كيف عيالك شوفيهم يقولون اني انجنيت
ام خالد مسحت على شعره : بسم الله عليك يا يمه لا انت ما فيك الا العافيه
ضحك خالد و مسك يدها وباسها : الله يحفظك يمه المهم انا بسافر ذليله و بجيكم ليلة بكره تبغين شي توصين على شي
ام خالد : لا والله ياولدي لكن ما كان ودي تروح
خالد: حتى انا يمه ما ودي اروح و صرت احب اجلس هنا لكن الدوام دوام
ام خالد : صادق والله و الله يسعد اللي خلاك تحب الديره
ضحك خالد : يمه انا جلست في الديره عشانكم
ابو خالد : اقول تكلم زين وش الكذاب ذا انت ما كنت تحب الديره وش جاك
ضحك خالد : يبه كنت احب الديره حب ماهو طبيعي و بعدين كرهتها لانه كنت كل ما ادخل فيها كانت كلها ذكريات و مشاعر لكن ذلحين رجعت احبها من جديد و ما عاد ودي اطلع منها
ضحك ناصر:  ذليوم مشاعره طاغيه صار يحب الكل
خالد : شكلك ما عشت اللي عشته كل شي حلو في حياتي من يوم شفتها
ابو خالد : اقول تراك تبالغ بالوصف
قام خالد من حضن امه و جلس يصب له قهوه : لا والله و ماكنت اهتم لها بس مدري رجعت استوعب انها رزق من ربي و عوض جميل
ابو خالد : الله يتمم على خير
معاذ :تكلم وش فيك كنت تصيح
ضحك خالد من تذكر مكالمتها : كنت اكلم عزيز
معاذ : خالد ترا بدق على عزيز و اسأله
خالد ضحك و شرب من قهوته : ولا شي بس كلمني عزيز يقول انه في ناس عندهم ماخرجو يتقهوون معهم وجالسين في الغرفه و ماكلهم تأنيب الضمير ف قلت لهم انه عادي الوضع و متعود ف كلمتني بنت ردت روحي لكن ضاق صدري يوم سمعتها تبكي ف قلت لها والله لا اراضيش اللي ان ترضين و حاولت فيني و قلت والله لا ارضيش و قالت تبغاني ارجع اشتري دلع و اذا ما لقيت احد يهتم فيها اعطيها و هي بتحطها في الاسطبل اللي عندها و هي بتهتم فيها و قلت بفكر و ارد لكم  خبر لاني مسافر قال عزيز تمام بعدين كلمني يسأل عن متى اجيبها لهم وانا كنت رافض يعنني اسوي فيها ثقيل
ضحك بهاج : وين ثقيل و صياحك واصل لي اخر البيت على بالي انكسرت رجلك
ضحك خالد : لا بس هي وصلت لي أعماق قلبي و انا سجدت شكر لي الله لانه عوضه جميل جداا
بهاج : صادق والله
هنوف : خالد يعني نسيت هدى شلتها من قلبك
خالد : ايه ولا عاد ودي تجيبون لي سيرتها
بدر : دامها وصلت لي الخيول و بتنجمع في نفس الاسطبل ف اتوقع حتى اصحاب الخيول ما بيطولون و بيجتمعون
خالد : شكلك تحب تقرأ روايات كثير او تشوف مسلسلات
ضحك بدر : ايه كلها احبها
بهاج : اخخخ اشغلنا بها صرت مثله كل ما طفشت اقرا روايه ولا اشوف مسلسل
خالد :حتى انا احب فترة اكون وحدي عشان اقرا ولا اشوف مسلسل
ابو خالد : ايه وما اخذ عقولكم الا المسلسلات هذي تتوقعون انهم صادقين و تروحون تدورون لي اي احد وتحبونهم و بعدين تتعبون اذا تزوجو ولا شي
خالد : معليك يبه ما بيصير الا العافيه واللي كاتبه ربي بيصير
ابو خالد اشر على فنجانه و قام بدر و صب له و لف ابو خالد له : انت يا ولدي ضيف
بدر : لا يبه ماني ضيف انا ولدك و من حقك تطلبني الي تبغى
ابو خالد : الله يرزقك يا ولدي
خالد رجع انسدح على رجول امه و غمض عيونه و ام خالد تسوي له مساج و دق جواله و فز وهو كان يبغى ينام : هلا يا أستاذ
المدير : بتداوم بكره
خالد : ايه ان شاءالله بجي
المدير : يعني ما حركت اللي ذلحين من الجنوب
خالد : ما حصلت رحله الا ف الليل و بوصل قبل صلاة الفجر و بجي على طول لي الدوام
المدير :تمام انحم في انتظارك
قفل منه و رجع خالد ينسدح : اووف ما في احد يخليني انام
ضحك ابو خالد:  صمت الجوال
خالد و هو مغمض عيونه:  ودي لكن لو اقفله بيجلس يخاصم وانا مالي خلقه
بدر : ما عاد معك إلا تستمع له
خالد :اي والله الله يعين
كلهم : امين يارب