نافذة الذكريات

part 29

رنا : ما يحلو محل الأخوات
جلسو يسولفون معها و يغيرون جو رنا لانه دايم اذا ضاقت تطلع حرتها في ان ما عندها اخوات

_________
عند خالد
كان يهوجس و كان يفكر و هذا الاحتمال اللي ما كان يبغى احمد يلجأ له و لكن سافر و تركهم حتى ما أعطاهم خبر و ما حب يضايق اهل احمد بس كان من المتوقع انه احمد بيطول بسفره و ما يدرون متى يرجع ولا كيف و كان ضايق عليه و هو يفكر تعب من التفكير و تذكر انه ما قد نام لي فتره غمض عيونه يحاول ينام لكن ما قدر كل ما غمض تذكر ضحكاتهم مع بعض وروحتهم و جيتهم مع بعض ويتذكر كل شي و حتى حزنهم كان كل واحد يبين لي الباقين حزنه كانو مع بعض من يوم وهم صغار كان يكره الفراق و خاصه فراق اعز أصدقائه و أقربهم له لف من سمع عبدالكريم يناديه : هلا عبدالكريم
عبدالكريم: وش فيك
خالد : قد لي فتره ما نمت و احس ابغى انام بس ما قدرت
عبدالكريم: معليه حاول ما عاد تفكر و نام
خالد : ايه بسويها غمض عيونه مره ثانيه و نام حتى وصلو البيت بعدين ساعدوه حتى وصل لي الفراش و كمل نومه
مشت الايام بسرعه و كان خالد كل يوم أو يومين يمر على أهله ويسلم عليهم و صلحت سيارته و اخرجها و سافر الرياض يكمل دوامه رنا سافرت و كانت تبغى تبعد عن الكل و سافرت هي و عزيز و استانسو بالسفره و رجعو بعدها ب اسبوعين و هي مبسوطه و متغير جوها ايه كانت اذا اختارت ملابس او ميكب او اي شي تحتار فيه تقول ياليت معي احت تساعدني و لكن ينقض تفكيرها عزيز اللي يجي يختار معها و يساعدها بكل شي مشت الايام و مرت و كمل شهر و احمد ماله اي اثر ولا يعرفون عنه شي
في هذا اليوم قرر خالد يخلص دوامه و يروح لي أهله لانه مشتاق لهم و هو أساسه كل جمعه و سبت عندهم و لكن اشتاق لهم حجز و جهز و سافر لي أهله وصل المطار و استقبله راجح و هيثم و ذيب و ذياب وسلمان ركب معهم و لف عليهم : وش وضعكم كلكم تستقبلوني كان واحد جا ماله داعي الزحمه
هيثم : جايك عشان نقول لك خبر يفرحك
خالد على طول جا في باله احمد : لقيتو احمد ؟وينه وش صار عليه ؟يعني تغير شكله ؟
راجح : لا ما لقينا احمد بس اسمع الخبر اللي ما فرح فيه احد الا هو
خالد : وش هو
هيثم : الاسبوع الجاي ملكتي
خالد بفرحه : الله يتمم لك على خير والله يسعدك يارب
هيثم : آمين شفتو قايل لكم انه بيفرح بالخبر هذا
خالد : اي والله الخبر يونس
و على ذا السوالف حتى وصلو البيت و نزل خالد و سلم على ابوه و أمه و جلس يتقهوى ابو خالد : كيف شغلك
خالد : الحمدلله كل شي تمام
ام خالد : ما غيرت  رايك في موضوع الزواج
خالد : ما  ابغى اتزوج اذا تبغون تفرحون شوفو هذولا قدامكم راجح و سلمان و ذيب و ذياب افرحوا فيهم انا قلت لكم يا رنا يا لا ولكن دام رنا انخطبت ف الخيار الثاني انسب
راجح جلس بجنب خالد : ياولد لا تحطها فيني ما ابغى اتزوج ذلحين
ام خالد : وليه ان شاءالله
راجح :يمه ما عندي فلوس و الزواج مسؤوليه
ام خالد : ايه و كل واحد يعطيني عذر انا خلاص تعبت منكم
خالد : يمه الله يرضى لي عليش انا زواج ماني متزوج تعبان و ضايق  لاتزيدونها علي
ام خالد : ما عاد بكلمكم و بخليكم على راحتكم
خالد:  شكرا
راجح : مريت على دلع ذليوم الصبح و دربتها وشفت اكلها و خرجت
خالد لف يناظر فيه: شفت احد في الاسطبل
راجح:  لا ما كان في احد الا العامل اللي هناك
خالد تنهد : يمكن تتجهز لي ملكتها
ابو خالد:  وش لك بشقى يا ولدي اول شي ذي اللي تبغاها و ثاني شي الخيل انقله ما غير ترسل العيال يشوفونها
خالد : البنت مدري احسها عوضتني عن كل شي اما الخيل على قولتك ارتاحت هناك لانه فيه خيول كثير في عامل يهتم فيهم ف ما قدرت أخذها
ام خالد : الله يرزقك يا ولدي ولكن حاول تنسى يمكن تلقى غيرها
خالد : ابشري