نافذة الذكريات

part 17

سلطان:  اهم شي انتبه لي نفسك
خالد:  تمام ما عليك

جلسو سوالف و بعد ساعه وقف سلطان و استأذن و راح البيت و ما بقي الا احمد و خالد
خالد:  هيا خلنا نروح البيت
احمد : هيا لكن بسألك اهلك يعرفون ان عندك انهيار عصبي
خالد:  لا و ما كنت ابغى اقول لي أحد لكن تعبت و انا معكم ف عرفتو
احمد : ليش ما تبغى تقول لي أحد
خالد:  لانه ما ابغى اجلس طول الوقت تعبان بتتعب لا تتكلمون و زي كذا
احمد: تمام اللي يريحك
و قام و ساعد خالد يوقف و مشو كل واحد راح بيته يرتاح حتى يجي وقت الصلاه جا وقت الصلاة و مشو يصلون و رجعو البيت و ناصر اخذ عياله و رجع لشقته و معاذ نفس الشي ولا بقي في البيت الا خالد و ابوه و أمه و راجح و هنوف و نوف

جلسو في المجلس و هم يسولفون قال خالد : يايبه الناس كل ما شافتني قالت قصة حبك نفس قصة حب ابوك لكن تختلفون ان ابوك تزوج و انت تركت وش قصة حبك كلمنا شوي
ابو خالد:  وانت وش تبغى ذلحين
خالد:  ابغى اسمع قصتك لان الناس كلها تتكلم عنها
راجح:  ايه يايبه نبغى نسوف كيف حبيت امي
ابو خالد:  طيب دامكم سألتو باقول بس بأختصار
انا و امكم نعرف بعض من اول و كنا نلعب مع بعض و لكن صارت مشكله و بعدنا عن بعض و يوم بعدنا فقدنا بعض بس كل واحد يتجاهل الشعور اللي يجيه حتى تصالحوا أهلنا بعدين تزوجتها و هذي السالفه
قامو راجح و خالد يصفقون و يضحكون لانه اول مره ابوهم يتكلم عن أمهم و يتكلم في قصتهم مع الرغم انها مختصره لكن استمتعوا بها

خالد:  ايه دامك تحبها ليش تزوجت مره ثاني
ابو خالد:  تدري اني ما احب كثرة الأسأله لكن أحاول اسلك لك لكن ما عاد قدرت وش رايك تقوم تضف وجهك
خالد:  يبه انا مبسوط و مستمتع ليه تحب تخرب علي
أبو خالد:  انا اللي خربت علي قوم ضف وجهك
خالد:  ابشر اساسا بروح عند العيال قبل يروحون لي شقتهم
ابو خالد:  انتبه لي نفسك و أمشى بشويش عشان رجلك
خالد:  ابشر تامر امر
أبو خالد : و لا يجي الساعه 10 الا قدك هنا عشان نوم
خالد :يبه تكفى اللي الساعة 12
ابو خالد:  اسمع انا ما أكرر كلامي 10ما جيت والله تنام برا و ياكثر ما سويتها ولا نسيت انت
خالد:  خلاص ابشر  تمشي معي يا راجح
راجح:  لا مالي خلق
خالد:  تمام  مع السلامة
و طلع خالد مع اخوياه و شافهم مجتمعين مكانهم العصر
و ضحك : الحمدلله انكم ما رحتو مكان لاني قلت لأبوي ابغى اقابلكم
احمد : تعال وين تبغانا نروح اذا على روحتنا عشان دواماتنا ف بنروح بكره
و قف عبدالكريم و ساعد خالد حتى  جلس  : ايه كويس انك جيت عشان نتطمن عليك و نسولف شوي
خالد:  وش فيك هاجد يا سعود
سعود : شكلك اعديتني بالهواجيس
خالد:  ايه من عاشر قوما أربعين يوم صار مثلهم
سعود:  ايه بالضبط صرت احب اهوجس و انا في الجمعات ف ما بالك و انا وحدي
خالد:  طيب خلنا نقول مين سعيده الحظ اللي تهوجس بها
سعود: مو لازم اذا اهوجس يعني افكر في وحده
عبدالكريم:  معنا انحم وحدنا تكلم
سعود:  تبغون الصراحه انا شفت بنت و انعجبت فيها بس في مشكله بتواجهني ف خلني ساكت حتى نخطب لي احمد بعدين انا
عبدالكريم:  مين هيه وانا بمشي معك نخطبها
سعود كان وده يقول اختك بس خايف و كثير من ردة فعلهم : ما في احد انسى السالفه
خالد:  تكلم و قل لنا و اخطبها و تزوجو على طول و انبسط ليه تحب العنا
احمد: صح انحم جالسين ننصحك لي مصلحتك
سعود:  انا داري بس ما اقدر اجيب طاري لان اللي احبها بتكون قريبه من واحد فيكم و ما ابغى علاقتي فيكم تخرب او هو يكره قريبته بسبتي
عبدالكريم:  تكلم انطق انت ما شاء الله متوظف و عندك بيت و ماهو ناقصك شي و كلنا نتشرف بنسيب زيك
سعود:  انا ابغى اختك يا عبدالكريم
انصدمو كلهم بعدين قال خالد:  مو منجدك من ذليوم مقدمات و تستحي و ما تبغى تقول و آخر شي طلعت اخت عبدالكريم
عبدالكريم:  انا اتشرف فيك و انت بتصير نسيبنا لكن ما اقدر افتح الموضوع ذلحين خله فتره و بعدين تبشر