نافذة الذكريات

part 18

ام خالد:  خلاص سو اللي تبغى بس كان قصدي عشان ينسى نزوجه و ينشغل بزوجته
ابو خالد:  لا تفكرين لانه مستحيل يوافق و بعدين بيظلم البنت لان قلبه مع شخص ثاني
ام خالد  : طيب
سكتوا و جلسو ينتظرون الفطور و يغيرون سوالفهم

___________
عند خالد
كان يحاول ينام لكن ما قدر و  فتح الجوال يدور له سياره و يشوف نوعيات السيارات رجع قفل جواله و هو ماله خلق  شي و جلس يناظر السقف بلا هدف و يحاول يفكر كيف ينسى صحى من هواجيسه على صوت جواله ورد
خالد:  هلا والله حياك الله يا عبدالكريم
عبدالكريم:  وينك بسرعه و بدون ترحيب
خالد:  انا موجود في البيت كان العاده ما اقدر اطلع عشان رجلي و ماعندي سياره
عبدالكريم:  خلاص بنجيك انا و العيال بعد شوي نطلع و نفطر و نسولف و خذ راجح معك إذا يبغى
خالد:  تمام بلبس و اجي معكم و راجح بصحيه و ارد لكم خبر  قفل المكالمه و وقف و راح يصحي راجح : راجح قوم تمشي معي
راجح:  وين و ترني صاحي من لما كلمته لكن مالي خلق افتح عيوني
خالد:  ياكسلان قوم اسمع بنطلع انا والعيال نفطر و نتمشى شوي ف قوم اساسا اشتقت لي طلعتنا هيا
راجح قام  : هيا قوم ة خلنا نلبس مع الرغم مالي خلق بس عشانك هيا
خالد:  تمام مشينا
راحو يغيرون ملابسهم و طلعو لي امهم و ابوهم و لقوهم في الحوش جالسين : سلام عليكم صباح الخير
ابو خالد و أم خالد:  وعليكم السلام صباح النور تعالو اجلسو
خالد:  والله ودي لكن مستعجلين بنطلع مع العيال و نفطر و نتمشى شوي
ابو خالد:  حلو اجل روحو استانسو
أم خالد:  والله كان ودي تجلسون معنا
خالد باس راس امه و راس ابوه : والله حتى انا مخطط كذا لكن قالو لي العيال بنطلع نفطر قلت تم
ام خالد: الله يحفظكم
و جا راجح باس راس امه وابوه : يالله تبغون شي
ابو خالد:  حتى  انت معهم
راجح : ايه يبه خالد يبغاني امشي معه و اساسا العيال عزموني ف قلت اطلع معهم
ابو خالد:  الله يحفظكم 
طلعو خالد و راجح و لقو العيال برا
عبدالكريم:  كان قعدتو اكثر عادي ما فيها شي
احمد:  ماشاءالله دايم ما قد شفتهم جو بدري كل يوم يتأخرون
راجح ضحك:  شكلهم زعلو منا
سعود:  لا ما زعلنا جالسين نمدحكم
خالد ضحك : هههههههه ان تصل متأخرا خيرا من ان لا تصل
ضحكو العيال:  هيا اركبو
جا خالد من عند الباب اللي قدام و فتحه : انزل يا عبدالكريم
عبدالكريم:  اقول اركب ورا و نشوف تأخركم خله ينفعك
احمد : ان ما ركبت يا خالد والله لا امشي و اتركك
خالد:  هيه واحد يوقف معي بعدين انا اكبر منكم قدرو ذا الشي
عبدالكريم : انا توئمك يعني كأنك راكب قدام
خالد:  كأني بديت اقتنع
سعود : ولد اركب في اي مكان ترا جوعان
خالد :طيب (و رجع ركب ورا مع سعود و راجح )
احمد : كيفك ذليوم
خالد:  الحمدلله احسن بس والله ودي ادور سياره
راجح : في خاطرك سياره
خالد:  في خاطري ثلاث سيارات بس مدري اي وحده باخذ
عبدالكريم:  شوف وش اللي تناسب ميزانيتك
خالد:  ابشرك مجمع مبلغ حلو يعني بتاخذ لي السياره اللي في بالي وانا مرتاح
سعود:  نروح نلف ندور لك وحده و تشوف ؟ ولا خلاص اخترت
خالد: لا خلاص قد قلت لكم اخترت ثلاث و في وحده منها باخذها بس انت مدري وينك ما انت بمعنا
عبدالكريم:  معليك بخلي اختي ترفضه باقول لها يهوجس كثير
سعود:  اساسا ما افكر الا في اختك
التفت عبدالكريم بسرعه و رفع الجوال بيرميه و مسكه احمد : احمد ربي مسكني احمد ولا كان ذا الجوال في رأسك
سعود:  انت اللي تنرفزتني ف قلت انرفزك شوي
احمد:  خلاص مالي خلق  نقرتكم و انتم في سيارتي
خالد: يا عيال احمد يخاف على سيارته اكثر منكم
عبدالكريم:  انتظر حتى ننزل و تشوف
سعود: لا ما ترضاها على زوج اختك يجي في الليل للخطبه و وجهه مشوه
عبدالكريم:  انت اللي قاهرني ف لازم اشوه وجهك
سعود:  اووف ياليتني حبيت وحده غير اختك بتضل ذلحين تذلني
عبدالكريم:  احمد ربي اذا وافقت هيه عليك
سعود: عادي مو مهم ألمهم ذلحين وين بنفطر
خالد:  أتوقع انها تهمك بس ما تبغى تبين
سعود و فيه غصه بس يحاول يخفيها : لا بالعكس القرار قرارها
عبدالكريم:  انا امزح معك يا سعود و ترا ما سألتها ف لا تأخذ في خاطرك
سعود:  يا  ابني ما اهتميت عادي بس نبغى نفطر
احمد:  هههههههه سعود جوعان ف ما عاد يقدر يفكر
خالد:  اي والله بس خلونا نروح نفطر بعدين نكمل تمشيه
عبدالكريم:  انت نمت الليله
خالد سكت و ما تكلم
راجح ناظر له بعدين ناظر لي عبدالكريم:  تبغاها مني تره ما نام
خالد:  الا نمت بس كان نومتي كلها كوابيس ف قمت ما عاد نمت و الصبح نمت شوي يعني معليك لا تهتم
عبدالكريم : بس لما كلمتك الصباح كان صوتك مصحصح يعمي انك ما نمت
خالد:  لا تقلب الجروح خل كل شي مستور
سعود:  تراك بتتعب على كذا
خالد:  ترا مو اول يوم ترا عادي متعود ما انام بدري و الصبح ما يجيني نوم
راجح : بس جيت عليك الفجر وانت نايم
خالد:  كنت أحاول انام لكن ما قدرت ترا في اشياء كثيره تخلي النوم ما يجيني
احمد : عادي تكلم و قول لنا وش فيك
خالد:  ما في شي بس مثل ما قلت لكم قبل شوي ودي اشري سياره و افكر في وش اخذ و زي كذا
احمد : والله:  اذا احتجت فلوس علمنا و انحم بنعطيك بس لا نشوف الضيق على وجهك
خالد ساكت لانه يعرف و متأكد انه لو يبغى اي شي ينفذونه له لكن هو متضايق و ماله خلق يتكلم
راجح : وينك يا خالد وشفيك ما ترد
خالد:  ما في شي بس اشوف احتاج فلوس ولا لا عشان اطلبكم
عبدالكريم ضحك:  هههههههه خالد شكله بيطلب مبلغ كبير
خالد:  هههههههه انتم اللي قدمتو لي العرض ف عادي يمكن اقبل به