نافذة الذكريات

part 4

خالد: تمام  و اتصل عليهم و قال لهم يجون في بيت ابوه لانه تعبان و ما يقدر يقابلهم و افقو العيال
و ابوه من كثر الوناسه عزم الكل جيرانهم و اخوه و الكل جو لأنهم مشتاقين لي خالد لي الإنسان اللي كان يضحكهم و يونسهم و يسولف لهم و يحب الجميع و الجميع يحبونه
و هم جالسين و سوالف ابو خالد كان جالس جنب اخوه ابو هدى  ويسولفون و التفت ابو خالد ينادي : خالد يا خالد يا ولدي تعال ابغاك
خالد كان يسولف مع عيال إخوانه و اخوياه و كان مغير جوهم لي ضحك و طقطقه و يوم سمع ابوه يناديه التفت و شاف عمه و بعد تردد كبير راح لهم و جلس جنب ابوه: هلا يا يبه أمرني
ابو خالد:رح المطبخ شف وش سوو لانه تأخروا علينا
خالد :ابشر تامرني امر و قام خالد و راح و هو متجاهل كل مشاعره قبل كان يستانس اذا قال له ابوه رح شف وش صار على الغدا و ذليوم ما يبغى بس عشان ابوه

__________
عند البنات 
كانو كلهم في المطبخ و معهم هدى بعدين خلصو و طلعو و باقي هدى تقطع السلطه

دخل خالد و اول ما رفع راسه شافها بعدين حاول انه يرجع ورا قبل ما تشوفه بس صدم ظهره في الباب و طلع صوت
و هدى يوم سمعت الصوت رفع راسها و شافت خالد و كان متغير حيل :هلا خالد وش بغيت
خالد "ولا شي بس كنت ابغى اخواتي اسألهم عن الغدا
هدى :أها الغدا نص ساعه و هو جاهز
خالد: تمام بس قبل اطلع ابغى اكلمك في شي
هدى و هي ساكته و متوتره ما تبغاه يسألها عن اللي خطبها: اسأل و بسرعه قبل احد يجي و يشوفنا
خالد : انتي باقي تحبيني ولا خلاص نسيتي و اذا نسيتي قولي لي الطريقه لاني ودي انسى ولا قدرة
هدى سكتت و هي ما توقعت انه يسألها : خالد انا ما احبك من زمان بس احبك كا اخ لي بس ولا انا ما قدرت اتقبلك من اول مثل الحبيب او زوج و اتمنى ما تزعل
خالد اللي ضايق و ضاق زياده بس ما حب يبين حب يبين انه قوي لا همته اصلن بس سؤال : أها اجل الله يوفقك في حياتك
و طلع بسرعه عشان لا ينكسر قدامها و راح عند السياره و كان بيروح بس تذكر وعده لي راجح و لي ابوه و رجع جلس معه و هو جالس يهوجس و ما يدري كيف ينسى  و جلس جنب احمد عشان يسولف معهم يمكن يقدر ينسى بس كان كل شوي يتردد كلامها في باله
و حس بضيق في تنفس و ما قدر يتنفس و مد ظهره على الكنبه و فتح ازرار ثوبه بس كل ماله تزيد ضرب كتف احمد و احمد التفت:هلا خالد وش بغيت
خالد: مو قادر اتنفس ابغى اطلع بس بدون ما احد يحس
احمد : تمام
و طلعه احمد من المجلس و خرجو في الحوش
احمد : وش أكلت او ليش صار لك كذا
بدا خالد يحاول ما يبكي و هو يشرح له و بصوت متقطع و ما يطلع الا غصب شرح له كل شي
احمد:مو منجدها كيف تقول لك كذا و انت تحبها
خالد ساكت و هو ما قدر يرد عليه
و طلعو سعود و عبدالكريم يلحقونهم لأنهم شافوهم اختفوا ف قالو بيشوفون وين هم :أها انتم هنا وش عندكم
احمد :ولا شي بس طفشنا من سوالف اللي داخل
عبدالكريم:صادق حتى انحم طفشنا و طلعنا
احمد كويس تعالو اجلسوا خلونا نسولف
راح عبدالكريم كان يبغى يجلس جنب خالد من الجهه الثانيه بس وقفه صوت خالد: لا تجلس هنا ابغى اتنفس روح هناك
عبدالكريم: وش فيك مكتوم؟
خالد : ايه غصب اتنفس
سعود :قوم نوديك المستشفى
خالد  :ما اقدر ابوي مسوي غدا عشاني و بعدين اروح و اتركه
عبدالكريم :خلاص بعد الغدا نروح
خالد: تمام  اجلسوا ذلحين
خرج راجح و جلس جنبهم  و هو ساكت و يناظر لي خالد
خالد :ولد هيه وش فيك
راجح : هلا ولا شي بس احس اني في حلم
ضحك خالد و خرج من جوه و ضربه على كتفه :هاه ذلحين انت في حلم ولا حقيقه
قام راجح و حضنه و قال تكفى لا تبعد و تتركني
خالد : ابشر و تامر امر ما بروح لكن انا عندي دوام و لازم ادوام و لكن انت تعال زرني كل ما اشتقت لي و يالله بعد خلنا نغني شوي لاني مشتاق لي جمعتنا و أغانينا مع بعض
راجح :تمام   و بعد عنه و جلسو سوا يدورون اغنيه يغنونها مع بعض
سعود :انا عندي اغنيه
خالد: لا تكفى اعرف اغانيك
سعود :بس عشان نستانس و بعدين نغني الاغاني الثانيه
راجح : اتفق معه
خالد : تمام دام راجح وافق انا موافق
العيال كلهم وافقو و جلسو يغنون بابار فيل
مرة في حينا
زارنا فيل ضريف
برفق قال لنا
ليس هنالك ما يخيف
نحن الخير بطبعنا
لا نرضى ظلم الضعيف
لا يحيا بيننا
الا الإنسان الشريف

بعد ما خلصو صفقوا و ضحكو
جا هيثم: يا خالد جدتي و عماتي يبغونك تعال
راجح :احترم عمك و ناده يا عم
هيثم :مالي شغل خالد صغير و بناديه باسمه و ماهو مثلك يا عجوز و اناديك يا عم
راجح:هذا اللي يبغاني اجلده
هيثم :اتحداك تقوم اساسا ما تقدر تجلدني لاني هيثم ناصر ما احد يقدر يقرب صوبي
قام راجح يبغى يضربه بس هيثم شرد و التفت راجح على خالد :شف شف الجبان توي بقوم و هرب
خالد :والله انه صادق انك عجوز ولا في احد شباب بعمرك يجلس ساعه حتى يقوم
راجح:  هههههههه حتى انت يا خالد تطقطق علي
خالد :و انا صادق
ما كمل كلامه الا يجي ذيب : مين زعل صديقي  و اخوي انا اوريه
راجح :وش بتسوي
ذيب: انا اسم على مسمى انا ذيب ان ما جلدتك
قام راجح و هرب ذيب ضحك قال وين الذيب بس كلام
عبدالكريم: سؤال محيرني من زمان اخوكم ليه مسمي عياله على نفس الحيوان ذيب و ذياب
خالد :مدري عنه روح اسأله انت
عبدالكريم: اخاف يفك علي الغابه حقت الذياب و ما تفزعون لي
راجح ضحك: والله ما عليك ترهم جبناء مستحيل يسوون شي
سعود: ايه كان زمان يتابع افلام عن الذياب و سمى عياله عليهم
خالد : هههههههه صح صادق شكله مسويها اخوي و اعرفه
رجع هيثم و ذيب :اسمعو انحم نعتذر بس نبغى عمي شوي بس
راجح: تبغوني انا ولا خالد
ذيب :لا انت قد ملينا منك نبغى عمي خالد
راجح: روح لهم يا خالد ولا تنسى خذ حق اخوك الصغير
راح خالد و هو يضحك و يوم  قرب منهم ضربهم على اكتافهم و مسك مسامعهم: ايه وش تبغون
هيثم  :بعد عني وبقول لك
خالد بعد يدينه: يالله تكلمو
ذيب: للمعلومية ترانا حتى انحم اشتقنا لك مو تروح و تسولف مع اخوياك و تتركنا
خالد :تمام وانا بسوالف معكم وش تبغون غير
هيثم :جدتي تبغاك
خالد: تمام و غيره
ذيب و هيثم مع بعض: ما نبغاك تسافر و حضنوه
خالد: بعد يومين بسافر عشان عندي دوام
ذيب : لا تكفى
هيثم :انا تعبان بدونك الفتره الجايه محتاجك
خالد: ليه وش عندك
هيثم :انا احب بنت خالتي و ابغى اخطبها و ابوي يهاوش كل ما يشوفني
خالد :طيب انت باقي صغير
هيثم: بس يا عم ما ابغى الا اخطب ساعدني تكفى ما احد يعرف لي ابوي الا انت
خالد: تمام بكلمه و ذلحين بعدو عن الطريق بروح عند امي مشتاق لها    طلع خالد و راح لي امه و اخواته و خالته اخت امه اللي هي زوجة عمه سلم عليهم و جلس يسولف معهم شوي بعدين طلع
ورجع لي العيال
و رجعو المجلس عند الرجال و تغدو و خلصو الغدا و استاذنو و مشيو و ما جلس في البيت الا اخوان خالد و اخواته و اخوياه و رجع جلسو نص ساعه و خالد يقاوم التعب و يسولف معهم لانه يشوفهم و هم مبسوطين فيه ف ما حب يمشي و هو تعب بعدها استأذن و مشى هوه و اخوياه لي المستشفى عشان يتطمنون على خالد......