نافذة الذكريات

part 36

راجح : وش فيها ذي مريضه ولا ايش و قلبن عليك امي خلت امي تسبك و تعصب عليك و طلعت نايف مسكين و مظلوم انتبه منها
خالد : اخخخ مدري وش اسوي محتار و ضايق ودي اني ما استعجلت و اخذت رنا
راجح  : لا ما استعجلت لو تأخرت يمكن رنا تاخذ غيرك خالد فكر في نفسك في رنا حاول تحل الموضوع حدها عند أهلها لكن لا تفكر انك استعجلت لانه غلط ذا التفكير وانت ما استعجلت انت متأخر المفروض من زمان ماخذها
ضحك خالد : شفته حتى انت لازم تاخذ اللي تبغى قبل تتزوج
راجح :مستحيل افرح وانت ضايق لكن ذلحين عادي اخطب لانه شفتك مبسوط وانا مبسوط من وناستك
ضحك خالد : صدق انك اخ و صديق الله يحفظك لي
راجح : آمين وياك يارب
كملو على سوالفهم و على نفس المواضيع و كل واحد ياخذ علوم الثاني و كل واحد يونس الثاني حتى قربت الساعه اثنين و راحو للبيت عشان ينامون و نامو و جا صلاة الفجر و صحاهم ابو خالد و توجهو للمسجد و كلهم نومانين و يالله يشوفون الطريق بعد الصلاة توجهو للبيت و نامو على طول و خالد نايم بعمق كان جواله يدق بس ماهو حوله

_______
عند رنا
اول ما صحت الفجر لبست وكشخت عشان الحب بيقابلها و هي تتجهز دق الباب و دخل عزيز وضحك : اووه من الفجر وانتي تتجهزين ليه وين رايحه
رنا : بروح للاسطبل
ضحك عزيز  : و اللي بيروح للاسطبل لازم تلبس و تكشخ كذا انا اذكر من اول كنتي تلبسين العبايه و تحتها البجامه ذليوم اشوف كاشخه
ضحكت رنا : خلودي قال قابليني في الاسطبل لانه مشتاق لدلع ويبغى يقابلني بس
عزيز : مسكين دلع و كسار تعتذرون بهم عشان تتقابلون
ضحكت رنا: لا صدق الموضوع هو انه قد له فتره ما شاف دلع و بيروح يشوفه و انا بقابله هناك ودي اشوفه
ضحك عزيز : الله يحفظكم و انتبهو لي انفسكم
رنا : ان شاءالله
طلعت رنا و راحت للاسطبل و صلت و انتظرت خالد وانتظرته ولا في فايده اخذت جوالها و تدق ولا يرد و خافت و كل شوي تدق حتى و صلت ساعه على غيابه ولا يرد بعد نص ساعة رد و صوته كله نوم : هلا مين
ضحكت رنا : انا اللي طيحتك من نظره من نظراتي
ضحك خالد:  اوووه قلبي وعروقه هلا والله امريني
رنا : وش قلت لي امس
خالد و هو توه يصحصح :والله اعذريني كنت نايم ولا حسيت على نفسي اساسا لي فتره طويله ما انام الصبح الا ذا اليوم مدري وش فيه
رنا : شكلك سهرت و بدوني
ضحك خالد : ايه سهرت مع راجح و ما انتبهنا للوقت و لو درا عنا كان جلدنا لكن قلنا لمطلق افرش فرشنا و قول قدهم بيجون و هو بيتطمن و ينام و صار نفس الشي تطمن ونام و انحم اخذتنا السوالف
رنا : اها كويس انه ما درا و المعذره ازعجتك ما تنام
ضحك خالد : لا ازعاج ولا شي وانا ذلحين بجي لش و نكمل سوالف
رنا  : والله قد طلعت من الاسطبل
خالد : لو جلستي شوي كنت بجي
رنا : عادي مره ثانيه ان شاءالله بس انا تأخرت على البيت
خالد :عندي فكره احلى
رنا : وش
خالد : بعزمش و نتغدا برا
رنا :تمام
عند خالد جت له لين تركض و حضنها  :هلا هلا أرحبي مليون والله
رنا :مين ترحب بها
ضحك خالد: بنتي
رنا : قصدك غلا
خالد : لا عندي بنت وتناديني بابا و انتي بتناديش ماما
رنا  : لا تكفى يكفي غلا تناديني عمه
ضحك خالد : هذي لين بنت اخوي بس من و هي نونو و هي معي ف تناديني هي واخوها بعض الأحيان بابا بعض الأحيان عمي بس
رنا : و كم عمرها ذلحين
خالد : اربع سنين
رنا : ما شاءالله ودي اشوفها
خالد : ثواني
فتح الكاميرا و رفع الجوال :شوفي الحلوه
ضحكت رنا : شكلك يضحك
ضحك خالد و ناظر وجهه و هو توه صاحي من النوم : تكفين انتي ازعجتيني و بعدين جت الحلوه ذي
و قام يبوس خدها و يعضها و هي تضحك  و تحاول تبعده ضحكت رنا : خلها يا خالد
خالد : لا ما ودي لا يكون تغارين
رنا :لا ما اغار بس مسكينه شوف كيف تصيح
ضحك خالد : ما تدرين ان امنيتي وحده ثانيه بدالها لكن نصبر وش ورانا
رنا قفلت الجوال في وجهه و هو ضحك و قام و شال لين و خرج بها للحوش و قابل أهله كلهم مجتمعين : صباح الخير
ابو خالد : صباح النور
علي : الحلوه ازعجتك
خالد  : لا والله قد صحيت قبل تجي و كنت اكلم
حضنته لين و باست خده و ضحك خالد و سوا نفسه يدوخ :احسن صباح والله
ضحك علي :انت مدلعنها
خالد : شوف شوف الحلى كله و ما تبغاني ادلعها
ضحك بهاج :والله راحت عليك يا لين مامعك ذلحين الا عمك بهاج بيجلس معك
ابو خالد : حتى انت بتتزوج
بهاج : ان شاءالله بس ماهو ذلحين بعدين
ابو خالد : يا ذا البعدين و ليه ما هو ذلحين
بهاج : عشان اجمع اجازات و اجمع رواتب عشان اسوي الزواج وانا مرتاح
خالد : ايه يبه خله ينبسط ويستانس و هو بنفسه بيجي يقول مليت من العزوبيه
ابو خالد : على راحتكم المهم لا تجون تبكون اذا صار شي او راحو اللي انتم تبغونهم من يدكم
ضحك خالد :ابشر وان شاءالله ما يصير شي
بهاج : يبه انت بس ادع لنا و خل كل شي
ضحك خالد و باس خد لين و نزلها : انا طالع تبغون شي
ابو خالد : على وين ان شاءالله
خالد:  بطلع اقابل زوجتي و اعزمها على كوفي و غدا و نتمشى شوي
ابو خالد : اهم شي انتبهو لي انفسكم ولا تزعل البنت تراها خلاص صارت بنيتي
ضحك خالد : وانا
ابو خالد : انت ولدي ولكن البنت مكانتهاعند ابوها غير
ضحك خالد : تبشر يا يبه
طلع خالد و هو طالع فتح جواله و جلس يتفرج له فتح الباب حق السياره و ركب و اتصل على رنا : رنو وين تبغين الغدا
ضحك مسعود : رنو نايمه
خالد : لا تكفى
مسعود  : عادي انا بمشي معك بدالها
خالد : لا يع ابدل بدال رنا انت لا تكفى
مسعود : وانا اخوها يعني نفس الشي
خالد : لا خلاص كنسل كل شي
ضحك مسعود  : امزح معك رنا قالت اصحيها على صلاة الظهر و بتقابلك لكن حبيت العب باعصابك شوي
خالد : والله انك لعبت بها
ضحك مسعود  : تعال تعال تنتظرها عندنا حتى تصحى
خالد : ابشر جاي
قفل من مسعود و مشى متجه لبيت اهل رنا وصل للبيت و وقف و نزل يدق الباب و فتح مسعود و هو يضحك : أرحب الله يحييك
ضحك خالد :الله يسلمك
مسعود : ادخل المجلس هيا
خالد ناظر لبسه و كان لابس بنطلون و تيشيرت اسود في اسود : ولد كيف ادخل شايف لبسي
ضحك مسعود : عادي ما في الا انا و عزيز حياك
دخل خالد و اول ما وصل المجلس قابل ابو رنا و انصدم و ضحك من صدمته وسلم عليه : كيفك يا عم
ابو رنا : طيب الحمدلله الا وش فيك يوم شفتني ضحكت
خالد ابتسم :ولا شي بس مبسوط اني قابلتك
دخل مسعود و معه القهوه وضحك : كيف المفاجأة
خالد:  اي مفاجأة الله يصلحك
ابو رنا : وش فيه
مسعود:  ولا شي بس كا كان وده يدخل عشان يستحي من ملابسه
خالد : والله المعذره يا عم بس انا ما احب البس ثوب و طول عمري على البناطيل حتى ابوي بعض الأحيان يزعل مني
ضحك ابو رنا :لا عادي يا ولدي كل واحد و ذوقه
مسعود:  عادي ابوي ترا يخلي الكل على راحته ف عادي انت خذ راحتك 
جلسو سوالف و خالد ما يسولف كثير مستحي من عمه ابو رنا و بعد نص ساعة دخلت ام رنا ترحب به و هي مبتسمه : يالله انك تحيي ولدنا كيفك يا ولدي اخبارك
خالد و هو مستحي :الحمدلله طيب كيفش انتي اخبارش
ضحك مسعود : عادي يا ولد وش له الخجل ترا كلنا اهل
ضحك خالد : ان ما سكت بشوتك
ضحك مسعود : معليه نشوف
ام رنا :بس انت وياه خل الولد عنك يامسعود و الله ياولدي اني طيبه الحمدلله
ابو رنا : كيف ابوك
خالد : طيب الحمدلله
ابو رنا : الحمدلله
شوي و دخل عزيز و كان وراه رنا و متمسكه بيده ابو رنا : على وين ان شاءالله
عزيز : رنا تقول نطلع نتغدا و نتمشى شوي
خالد : لا والله و تخلفين بوعدش لي الصباح و تروحين مع عزوز
ضحكت رنا :مثل ما اخلفت بوعدك لي الليله و سهرت مع راجح و نمت الفجر
ضحك خالد : يعني وحده بوحده
رنا : ايه
قرب عزيز و سلم على خالد : كيفك يا النسيب اخبارك
خالد : الحمدلله طيب كيفك انت
عزيز : الحمدلله طيب
قربت رنا و مدت يدها بتصافحه و سحبها خالد لحضنه و سلم على خدها و قرب من اذنها :تراني زوجش عادي تسلمين علي
رنا بصوت هامس : خالد ترا اهلي موجودين
ابتسم خالد و رفع راسه : الحمدلله طيب
راحت رنا و جلست بين إخوانه عزيز و مسعود و هي خجلانه من حركته و وجهها قلب لونه احمر من الاحراج
ضحك خالد : متى بنمشي
ابو رنا : وين
خالد : ودي ياعمي أخذه و نروح نتقهوا و نتغدا و نرجع قبل ما انشغل مع سعود
مسعود : اوووه سعود خلاص زواجه الاسبوع هذا
خالد  : لا عقد زواج الزواج الاسبوع الجاي
ابو رنا : ماشاءالله الله يوفقه يارب و مين اخذ
خالد : اخت خوينا عبدالكريم
مسعود : يبه لو تشوفهم تموت ضحك على اشكالهم كل شوي واحد يجيب طاريها بالغلط يقومون ينتقرون
ضحك خالد :والله اقول لك شي انحم من يوم وانحم صغار انا و احمد اربعه وعشرين ساعه ننتقر و سعود و عبدالكريم مع بعض اربع وعشرين ساعه ينتقرون
ضحك عزيز : والله على بالي انه كلكم سوا
خالد :هو انحم سوا و نسولف مع بعض بس اذا ننتقر كل اثنين مع بعض نقره
ضحك ابو رنا : الله يحفظكم لي بعض
خالد : آمين هيا مشينا يا رنا
عزيز : لا اختي ما اسمح لك تأخذها وبعدين حتى انا ودي اتقهوى
خالد : اعذرنا بس ما ناخذ أطفال
ضحك عزيز : اها قصدك رنا ما تمشي معنا
خالد : لا رنا زوجتي و انت النونو
عزيز : يبه مستحيل لازم امشي معهم
ابو رنا : بكيف رنا تمشي او لا
خالد يناظر في رنا و خايف تقول له يمشي و عزيز يناظر فيها و هو واثق انه بتقول بنمشي معه و رنا ناظرت فيهم و جلطتهم كلهم : ماودي امشي مع احد
خالد ناظر عزيز و عزيز يناظر في خالد  و ضحك مسعود :حبيبتي اختي جلطتهم كلهم
خالد : لحظه وش فيه يعني تعنيت عل  الفاضي
ضحك مسعود : ايه و وصايا ابوك راحت على الفاضي
خالد  : لا تكفون ودي نطلع لا تخربون جوي
ضحك ابو رنا : انا قلت لكم على حسب اختيار رنا و انا مالي شغل
خالد وقف  : ها انا استأذن دام ما ودش تمشين انا بروح اتطمن على العيال و ارجع اروح لي ابوي و اسلم عليه و نسولف معه شوي
ابو رنا : لا اقول لك شي اجلس و تغدا معنا
خالد: والله يعم مستعجل بروح
استأذن خالد و هو مقهور من التصرف و من الموقف اللي طاح فيه و خرج ركب السياره و دق على سعود : وينك يا سعود
سعود :توي صاحي من النوم
خالد :تمام قابلني انت والعيال عشان نجهز لي زواجك
سعود : تمام ذلحين اقوم
مشى الوقت بسرعه و ما في جديد غير تجهيزهم لي زواج سعود جا الليل و رجع خالد البيت و قابلهم مجتمعين  و نادا راجح  و أخذه على جنب : صارح ابوي ذلحين ولا ترا انا بكلمه
راجح : تمام
رجعو و جلسو حول بعض و راجح عدل جلسته : يبه
ابو خالد: نعم
راجح : يبه
ابو خالد : هاه
ضحك خالد : ابوي معصب
ابو خالد :تكلم ما عندي وقت
راجح : يبه
ابو خالد  :نعم نعم وش تبغى
راجح : قررت اخطب
ابو خالد : ما في جديد بعدين تضيعها من يدك الأولى اعطيتها بهاج و ذي
بهاج : يبه انا بقول لك هو من اول خاطره في وحده من يوم و هو صغير و يوم قال لي قلت انا باخذ حنين اساسا البنت مافيه شي و انا معجب بشخصيتها و عشان هو يقدر ياخذ اللي يبغى
ابو خالد : طيب و مين تبغى
راجح : تعرف عمي فارس ودي اخذ بنته قمر
ابو خالد سكت و ما قال جوابه و هو يناظر للنار
خالد : يبه وش فيه تكلم خوفتنا
ابو خالد :وليه ما قلت لي من أول
راجح : خفت من ردة فعلك خفت يرفضون و ثاني شي وأهم شي ما كان ودي افرح و اخوي ضايق صدره
ابو خالد :و ذلحين لو قلت لك شي ما بتضيق وبيكون عادي ولا بتزعل
خالد :وش فيه خوفتنا
ابو خالد : ما في شي
راجح كان لا شعوريا يده ترجف وحدها و من دون ما يحس كان يضغط على يده ماكان وده يسمع شي و في نفس الوقت ما وده و كان ساكت و يناظر في ابوه
ابو خالد : فارس عازمني على زواج وحده من بناته بس ما قال لي الاسم لكن يا ولدي انت تأخرت حيل و اتمنى ما تضيق ولا تنكسر لو كان لك نصيب فيها كان قابلتها لو بعد سنين و لو كان نصيبها معك بترجع لك لو بعد سنين اهم شي انت لا تضيق وانا ابوك و انا بخلي امك تدور لك البنت اللي تبغاها
راجح و عيونه تغورق دموع : انا ما ابغى الل قمر ولا افكر في غيرها و أحلامي كلها بنيتها عليها لكن الله يوفقها
سكتو الكل و كان خالد جالس بجنبه و ماسك يده يضغط عليها ويهديه اما راجح ما كان يحس باللي حوالينه ولا كان يسمع لهم صوت و كانه وقف به الزمن و ما عاد مشى من يوم تكلم ابوه غمض عيونه يوم حس بدموعه تبغى تنزل و هو ما ودها تنزل
خالد قرب منه :ربي بيعوضك اللي احسن منها
راجح :كل ما اتذكر اني السبب انقهر انا ليه ما تكلمت و قلت ما ابغى حنين ابغى قمر انا ليه ما دافعت عن حبي هي راحت بسبب تصرفاتي انا الغبي اللي تصرفت بغباء  انا ليه ما سمعت نصيحتك خالد خالد احس في شي يحرقني شفت النار ذي احسها شغاله في وسط صدري انا غلطان
خالد : لا لا تلوم نفسك و لا تزعل انت بس هد نفسك و تعوذ من ابليس و بعدين يمكن مو هي يمكن اختها
راجح : مستحيل تفوت فرصه واكيد و بعد الأكيد انها تحاول تقهرني بأقرب شي مثل ما سويت
خالد  : هد يا ولد والله ان كان فيها خير بترجع لك
راجح : هادي معليك و لكن انا ابغاها كانت خير ولا شر انا نفسي فيها تكفى يا خالد
فز خالد : احتزم بي بس اشوف هو زواج مين
ابو خالد : وش فيه وش صار
خالد :ولا شي بس نسولف انا و زوجتي
راجح ضحك : ماهو وقت هبالك
شوي و دق عزيز ورد :هلا عزيز
عزيز : انت زعلان ولا وش فيك ما ترد
خالد مشى يخرج من الحوش : لا ماهو زعلان ولكن انشغلت شوي
عزيز: تجي ونتقابل سوا
خالد : لا ما يمدي انا مشغول مع اهلي لكن ان شاء الله بكره
عزيز :طيب ليه تخلينا نبكي و نقول انك زعلان منا  و نعصب و نتزاعل بينا
ضحك خالد :والله يا عزيز اني متضايق على اخوي وان نسيت اساسا وش صار لكن اعطني اكلمها ولا تضيق
عزيز : ليه وش عندك
خالد:  ولا شي بس اخوي وده يتزوج وانحم معه
رنا : كيفك
ضحك خالد:  طيب الحمدلله ايه وش فيش زعلانه
رنا : ولا شي اساسا عزيز يكذب
ضحك عزيز : لا اكذب ولا شي تقول انه انا السبب
خالد  : انا اسف يا روحي بس كنت مشغول و ما قدرت اراسلش ولا اكلمش
ضحك عزيز :شفتي ما هو انا السبب
رنا : اها اهم شي انت طيب
خالد : ايه ياقلبي انا طيب و ما في وان شاءالله نتقابل بكره عند الخيل بس صرفي بعض الناس و تعالي
ضحكت رنا بخجل:ابشر و اسمع ترا انا ما احب اختار ما بينك انت و اخواني ف لا عاد تعيد الحركه
خالد : ابشري ما بعيدها
رنا : خلاص مع السلامه
قفل خالد و لف يناظر السياره و كان وده يطلع راجح باي طريقه رجع يدخل : السلام عليكم
ردو كلهم السلام و جلس بجنب راجح ابو خالد : مين يكلمك
خالد :نسيبي عزيز
ابو خالد : وش عنده
خالد : زوجتي متعلقه في اخوانها و تحبهم و يوم جيت ابغى أخذها عشان نتغدا ف عزيز قال ابغى امشي معكم و انا قلت اني ما أبغاه و قال عمي تختار رنا ف اختارت انه ما نتغدا ذليوم بس توقعت اني زعلت  لاني طلعت بسرعه
ضحكو كلهم ابو خالد : و وش وضعك تنتقر مع اخوانها
خالد :مزح يبه و لكن هي خافت انه صادقين
ابو خالد : لا عاد تفكرون  تمزحون و هي موجوده عشان لاتزعل
خالد :ان شاءالله المهم يبه ابغى اطلع انا و راجح و نقابل العيال عزيز يعزم نطلع مع بعض
ابو خالد : بكيفك لكن لا تتأخرون
خالد : ان شاءالله هيا راجح
راجح :مالي خلق ابغى اروح انام
خالد :اقول قم و اذا جاك نوم تنام في السياره هيا
سحبه بيده و قومه و مشو برا خالد  :ما باخذ احد بنطلع شوي و نرجع لكن حبيت اقول لي ابي انه نطلع انا و العيال
راجح : احسن شي مالي خلق نقابل احد
خالد : بنروح نتمشى و نروح البحر اذا تبغى انت
راجح : اي مكان المهم ابغى وحدي
مشى خالد و ه و يناظر جواله اللي يدق باسم رنا ولكن ما يبغى يرد و يزعج راجح فتح جواله و ارسل لها اخي حولي و تعبان بعدين اكلمش
قفل جواله و جلس يهوجس في حاله و حال راجح و لف من سمع صوت راجح :هلا
راجح : اذا تبغى تكلم عادي رد علاها
خالد ابتسم: لا مالي خلق خلها لي بعدين معليك انت اهم شي انت  ترتاح و تنبسط
ضحك راجح : قول ان قلبك متقطع و ودك تكلمها
خالد :لاوالله ان مالي نيه اكلمها ولا كان كلمتها معك عادي
غمض راجح عيونه و رجع راسه ورا:  ضايق صدري
خالد : لا تضيق و الله ان بتنفرج انت بس حاول انك ما تضيق
راجح : توي احس بشعور المر مثلك توي اذوق نفس الكأس اللي ذقت منه و انا كنت خايف ما توقعت ان اذا تزوجت اللي احبها ب اتعب و أضيق
سكت خالد و هو يناظر فيه مره و مره للخط وقف عند مطعم : انزل نتعشى عشان اخذ علاجي
راجح  : تعشى انت مالي خلق
خالد: انت تعرفني مالي خلق اتعشى وحدي و تعرف لازم اكل عشان علاجاتي
تنهد راجح و نزل معه و هو ماله خلق شي ولكن لازم انه ينزل معه لانه حافظ خالد و عارف انه ما يحب ياكل وحده
نزل و لقا خالد يطلب و توجه لي الطاوله يجلس عليها و جا خالد يجلس معه : طلبت لك سفن تبغاه ولا اغير
راجح : لا عادي اشرب اي شي
خالد:  لازم ننتظر عشر دقايق
راجح ضحك : لو مشينا كان وصلنا للبحر و هم باقي
خالد : اي والله بس توي اتذكر علاجاتي قلت اخذها قبل نطلع
راجح : كيف كتفك
خالد : احسن عادي ما احس فبه بس لازم اخذ علاجاتي في وقتها
راجح:  الله يعين