ابو خالد : وين مطلق وبدر
ام مطلق: نايمين
ابو خالد: يا ذا النوم قم صحهم يا بهاج
قام بهاج و دخل المقلط و لقاهم نايمين و ضحك بخفه من تذكر مقلب بيسويه رجع ورا شوي ويوم وصل للباب صاح بصوت عالي : أرحب يا خالد يالله انك تحييه تفضل تفضل هاه لا المقلط الوراعين نايمين فيه تعال عند ابوي في الحوش
لف و شافهم يتحركون و ركض لي ابوه : يبه صحيتهم
ابو خالد: ما قد امداك توك رحت
ضحك بهاج و جلس بجنبه: اذا سالوك عن خالد قول لهم انه راح لي أهل زوجته لانه حالكم نايمين
ابوخالد ضحك : ايه بتمقلبهم وتبغاني اساعدك عشان ما يجلدونك
بهاج : يبه الموضوع وناسه شوي بس
ضحك ابو خالد يوم شافهم طالعين و لابسين ثيابهم
بدر و مطلق: السلام عليكم
كلهم ردو السلام بعدين جلسو بدر و مطلق
بدر : وين خالد
ابو خالد : مين خالد انت تتحلم شكلك
مطلق : لا والله انه سمعنا ترحيبكم له
ام مطلق : لو انتم قايمين من بدري كان قابلتوه
ام خالد : اي والله مسكين جاي يدوركم و آخر شي يلاقيكم نايمين
مطلق : وينه بنسلم عليه
ابو خالد : راح هو وزوجته يزورون أهلها بعدين يسافرون انتم اللي تأخر
مطلق اخرج جواله : بدق عليه و اعتذر منه
دق مطلق و سحب عليهم و على كلامهم و وصله صوت خالد و حطه اسبكير عشان يكلمه هو و بدر : السلام عليكم
خالد : هلا وعليكم السلام
بدر : كيفك يا خالد
خالد : طيب الحمدلله
مطلق: وينك
خالد : في البيت اذاكر أمرني
مطلق : ولا شي بس الصبح كنا نايمين ويوم صحينا قالو لنا انك جيت ز رحت ف حبينا نسلم عليك و نعتذر
ضحك خالد: انا مسافر من الصبح و قدني في الرياض
مطلق: يعني الكلب بهاج مقلبنا
ضحك خالد: ايه مقلبكم انا ماني حولكم
مطلق : وش لك في السفر
خالد و على باله ان ما احد يسمعه الا مطلق و بدر : والله يخوك ودي ابعد عن العالم كامل
ابو خالد:وش تقصد وش السالفه
خالد قفل الجوال و لف مطلق لي ابوه : قفل الجوال
ابو خالد: دق عليه و افهم منه وش قصده
دق مطلق مره و اثنين و ثلاث ولا رد خالد : ما يرد يبه بس يمكن قصده انه مبسوط انه مع زوجته وزي كذا وانا مبعد
عن العالم ويجلس معها
ابو خالد : لو كذا قصده ما قفل الجوال اول ما سمعني
بهاج : يمكن كان يطقطق على العيال بس يوم سمع صوتك استحى
ابو خالد : دق دق
دق مطلق ورد خالد : هلا مطلق وش بغيت والله اني مشغول
ابو خالد : ماني مطلق انا ابوك
خالد : هلا يبه أمرني
ابو خالد : وش تقصد بقولك انك بتبعد عن العالم
خالد : ولا شي بس انا متزوج و رايح لي شهر العسل و مطيلقوه يقول وش لك في السفر بس حبيت امقلبه
ابو خالد : ومتى بترجع
خالد : ما قد سافرت شهر عسل باقي في الرياض اختبر
ابو خالد: تمام بس لا تتأخر
خالد: ابشر يالله مع السلامه
قفل ابو خالد و لف لي مطلق : انا ادري ان وراه شي لكن بننتظر و نشوف
مطلق : لا يبه ما اتوقع
ام خالد : مستحيل يروح و يتركنا
ابو خالد : مدري انا عندي احساس و ان شاء الله انه خير
_________________
عند خالد
كان في المجلس يذاكر حتى اذن المغرب يوم اذن خرج يصلي و يجيب لهم اكل و أغراض من البقاله و رجع للبيت
ولقى رنا تصلي و راح يجلس حتى جت رنا : هاي
خالد: هايات تعالي جبت عشا و أغراض من البقاله
جلست رنا و فتحت الأكياس: شكلك جعت و انت تذاكر
خالد : اي والله جويع
رنا : اذكر ايام الثانوي كنت عشان ما اذاكر اقول لهم اني جوعانه و اروح اسوي لي اكل
ضحك خالد : لا ابشرش قد ذاكرت و جيت عشان ناكل و بعدين ارجع اذاكر
ضحكت رنا :كويس
خالد : الا انتي بعد ما تخرجتي من الثانوي ما عاد كملتي
رنا : ايه ما عاد كملت انا إنسانه مالي خلق اذاكر ف ما جبت نسبه حلو ف ما انقبلت في الجامعه
خالد : اها الله يعينش انا وقفت الدراسه لانه صارت لي بعض الظروف
رنا : بس شوفك كملت
خالد : ايه كملت بس ماهو نفس الحماس اول ما تخرج من الثانوي
رنا : لا لازم يكون في حماس تراك خريج السنه هذي لا و عريس جديد
ضحك خالد :واللي عاجبش اني عريس و خريج من الجامعه و مهندس ولا
ضحكت رنا : و كانك كشفتني ايه عاجبني ان زوجي حبيبي خريج من الجامعه و مهندس واحلى مهندس
ضحك خالد : انا بروح اذاكر
رنا : ايه روح
راح خالد بعد ما خلص الاكل يذاكر و ما عاد في احداث الا انه بعد ما خلص مذاكره رجع ينام و لقا رنا نايمه ضحك و راح يغطيها و يبوس خدها و راح الجهه الثانيه و نام
أنت تقرأ
نافذة الذكريات
General Fictionاول روايه لي اتمنى تنال على اعجابكم خالد كان يحب بنت عمه و تصير بينهم مشاكل و من هنا تبدأ قصتهم الكاتبه : فاطمة الألمعي حسابي تيك توك: ftm2201 حسابي الانستا: fat90892 جميع الحقوق محفوظة
