نافذة الذكريات

part 25

خالد : لا والله تكلم
عبدالكريم : نور تقول سمو تجي المغرب ياخي احس بضيقه مدري افكار توديني و تجيبني
خالد : من وش
عبدالكريم:  ياخي فيه شعور يجذبني اتجاه سمو لكن خايف تدري ايام زمان كانت تجي مع امها كنت انجذب لي سوالفها كنت انجذب لي ضحكتها لأنها كانت تجنن ضحكتها ماشاءالله بعدها راحت و اختفت مشاعري اتجاها و فجأه رجعت تدخل حياتي و احس اني بديت احبها من جديد و خايف خايف اني اتسرع وانت تعرفني احب كل شي بسرعه و اطلع بعدين غلطان
خالد  : لازم تفكر في الموضوع ولا تغلط ترا انا الحمدلله تأكدة من مشاعرها اتجاهي و ما حاربت و خليتها تروح لكن لو عرفت انه تحبني ما كان خليت نايف ياخذها لو ايش
عبدالكريم : صادق والله لكن مدري كيف اعرف مشاعرها
خالد : اخطبها
عبدالكريم:  هههههههههه ما توقعت احب او افكر في وحده يع يا زين حياتي  وانا انام متى ما بغيت و اصحى للدوام بس
ضحك خالد : التغيير حلو ولازم تتغير تذكر تحديث احمد الجديد شفت كيف جنن بنا و آخر شي اكتشفنا انه يحب
ضحك عبدالكريم : اي والله اذكر
صحي سعود  : وش صحاك انتم
ضحك عبدالكريم : نور حبيبتك تقول مشتاقه لك و تقول صحوه ابغى اسمع صوته و هو توه صاحي من النوم عشان اشوف أوافق او لا
رفع راسه سعود و ناظر فيه و رجع انسدح ضحك خالد : وش فيك يا سعود
سعود: ولا شي بس شكله مصخن
عبدالكريم يضحك : لاوالله والله انه نور كلمتني
سعود : نام سمعت المكالمه كامله ما تقدر تضحك علي اي مكالمه للدلوعه مستحيل اخليها تروح كذا بدون ما اسمعه
عبدالكريم:  بسألك متى حددتو الملكه
سعود : عمي اللي هو ابوك يقول انه نور تبغى بعد شهر مدري شهرين
عبدالكريم : تدري ما قد قالو لي
خالد : اما كيف هي اختك ليه ما تدري
سعود : اخته لكن اللي حددو الوقت ابوي و ابوه بس نور قالت بعد شهر
عبدالكريم:  ايه والله اشتقت لي سوالفي مع نور شكلي بنزل و نسولف مع بعض
خالد : لا اجلس و نام بعدين انزل العصر انت و راجح وانا بجلس انتظر سيارتي لانه بتوصل ذليوم
سعود : اما بتجيبها هنا
خالد : ايه لأنه بطول و ابغى سياره توديني و تجيبني
عبدالكريم : وش نوعها السياره
خالد : لكزس جيب اخر شي نزل الون ابيض
عبدالكريم : الون شفناه من كثر ما تصوره لكن قصدي المواصفات حقته
خالد : هاذي مواصفاته و مدري انجذبت له و حبيته
ضحك عبدالكريم : انت من زمان تقول احب الكزس و الحمدلله ربي عطاك و شريته
سعود : تقسيط صح
خالد : ايه تقسيط
عبدالكريم : الله يعطيك خيرها ويكفيك شرها
خالد : آمين يارب
سعود : مبروك الله يعطيك خيرها ويكفيك شرها
خالد : الله يبارك فيك و امين
عبدالكريم : انت سافرت فيه من مكه لي الرياض
خالد : ايه سافرت به اجربه و كويس ماشاءالله
نامو  و صحو على العصر من دق الجوال خالد و ما عاد سكت اخذ الجوال خالد و رد : هلا أمرني
ناصر : وينك عن الجوال
خالد  بصوت كله نوم: ياخوي نايم
ناصر : اسف ماانتبهت حبيت اقول لك تعال المغرب بنجتمع عند ابوي و نبغاك تجي
خالد : ما اقدر اجي عندي شغل لازم اخلصه
ناصر : بلا دلع  تعال و خل كل شي يتصلح لاتكبر المواضيع
خالد : مو دلع ولا تكبير مواضيع الموضوع عندي شغل اخلصه و انزل يعني يمكن بعد المغرب بعد العشا اكون موجود
ناصر : يعني نحسب حسابك في العشا
خالد : على حسب وش عشاكم
ضحك ناصر :وفوقها تتشرط احمد ربي انه نحسب حسابك
ضحك خالد : على راحتكم اللي تبغون سووه
ناصر : الا راجح معك مختفي من امس
ضحك خالد : ايه معي و ماهو مفارقني حتى النومه نام بجنبي
ضحك ناصر : والله ان له فقده في البيت كنا اذا جينا استقبلنا يسأل كم نجلس يوم و اذا قلنا له بنطول جلس يتحلطم و يقفل عليه في الغرفه و اذا قلنا له فتره ونمشي ما بنتأخر جلس و سولف وقهوى
ضحك خالد : الحمدلله ابشرك يستقبلني و هو يضحك و يتمنى أطول عندهم و انام عندهم
ضحك ناصر : اذا تزوجته وجبتها عيال بيطردك معنا
ضحك خالد:  لا معليك متطمن اني ما بتزوج عشان كذا هو يستقبلني
ناصر : لا انا بسعى و بزوجك و ازوج راجح عشان اشوف اجلس اتشمت فيكم و اشوف وين تودون عيالكم إذا طفشتو منهم
ضحك خالد : عادي بسوي زي اخوي الكبير باخذهم و اوديهم يزورون جدانهم و عمانهم
ضحك ناصر : لا لا فكره ما هي حلوه لازم تكون قد المسؤولية و تربي عيالك و تعلمهم الأدب
خالد : باقول لي عمانهم علموهم انا تعبت
ناصر: اوكيه بنشوف المهم بتجي في الليل
خالد : احتمال اجي 
ناصر:  مع السلامه
خالد قفل و لف لي راجح : راجح قوم
راجح قلب الجهه الثانيه : خلني انام
خالد :قوم اذا تبغى تروح مع عبدالكريم لي الديره
راجح رفع راسه : اي والله ودي اروح وينه هو ذلحين
خالد ضحك على شكله و هو توه صاحي و شعره منفوش : راح دوره المياه و بيمشي ف تجهز انت و رتب شعرك ذا
رفع يده راجح على شعره : وش سوا بك شعري خله يعيش
ضحك خالد : ابشر قوم ذلحين رح تجهز وسلم لي على امي و اخواني وقول لهم بجي بس عندي شغل هنا لازم اخلصه
قام راجح و راح يجهز و لف أغراضه و مشى و لحق عبدالكريم و خالد رجع ينسدح و شوي و ناداه سعود : خالد نمت
خالد : مافيني نوم وش بغيت
سعود : نطلب اكل
خالد : ايه تكفى احس جويع
سعود قام و فتح جواله : وش تبغى
خالد لف له : مدري اي شي 
سعود طلب و خلص و دفع:  خلاص طلبت و عشر دقايق و هو هنا
غمض عيونه خالد و انسدح و سعود لف عليه : بسم لله انا اتكلم لا تقول انك نمت
خالد : لا ما نمت بس مالي خلق اسولف
ضحك سعود : ترا اكره الهدو
خالد : وش اسوي حتى انا اكره الهدو بس ماعندي سوالف
سعود : امش نجلس في الصاله ننتظر الاكل و نسولف
خالد : هيا قامو و راحو الصاله و جلسو على الكنب و خالد يقلب في التلفزيون و سعود يناظر الجوال و شوي و دق الباب و راح سعود و فتح ولقا احمد :يا حيوان وانا فرحان على بالي الاكل وصل
ضحك خالد : مين جا
احمد: بسم لله وش ذا الاستقبال
سعود :ادخل ادخل و بعدين وين مفتاحك ليش ما تفتح وتدخل
احمد :نسيته هنا وش اسوي
دخل و قفل الباب و جلس على الكنبه : اخخخ ذليوم متعب بشكل مو طبيعي
خالد لف يناظر له : وين الطبيعي في الموضوع  وانت من امس مواصل و رايح تداوم ذليوم اكيد تعب
احمد : وش اسوي استأذنت امس و ذليوم اجبروني اداوم ما عاد عندي عذر
دق الجرس و قام سعود : ان شاءالله انه الاكل لانه جوعان
ضحك احمد : يارب يكون عبدالكريم عشان اضحك عليك
فتح سعود الباب و كان الاكل و أخذه و دخل : ابشرك الاكل يعني انا اللي بضحك عليك
ضحك احمد : عليكم بالعافيه انا بقوم اتروش و اغير ملابسي و انسدح شوي ارتاح
خالد : لا تنام اجلس سولف معنا اللي يجي صلاة المغرب بعدين نام
احمد : ايه مستحيل اترك الصلاه و انام لكن مالي خلق السوالف ف بنسدح و العب بالجوال
خالد :على راحتك
اكلو و خلصو و راحو يغسلون يديهم بعدين لفو بعدهم و لف خالد : سعود توديني ولا اروح انا عشان سيارتي
سعود : لا انا بوديك
خالد : اوكيه هيا مشينا بس قبلها بشوف احمد نام ولا باقي
سعود : كانك امنا خله اذا يبغى ينام ينام
خالد : لا قربت الصلاه خله يقوم يصحصح
راح خالد و شاف احمد يلعب بجواله و بعدين طلع و لكن رجع من سمع احمد يناديه : هلا احمد وش بغيت
احمد : انت جيت بعدين رحت وش بغيت
خالد : ولا شي بس خفت تنام و الصلاه ما عاد عليها شي
احمد : لا ما بنام ذلحين الا انتم وين بتروحون 
خالد : بروح اخذ سيارتي لانه وصلن
احمد قام : بروح معكم ودي اجربها
ضحك خالد : تم هيا مشينا
طلعو و سعود يناظر : وش فيك مشيته
احمد : ولا شي بس ودي اجرب سيارة خالد من كثر ما هو يصورها قلت اروح اشوفها معكم
ضحك خالد : ترا يمكن انزل الديره يعني اذا ماعندك علم
احمد : عادي ناخذ لفه بعدين نزلنا عند سيارة سعود و انت روح وين تبغى
ضحك سعود : صادق والله اهم شي ما نروح الديره
خالد :والله الديره حلوه و احبها بس وش اسوي احب ابعد عشان المشاكل
احمد : هههههه انا انبسطت يوم قالو العيال بناخذ شقة و نجلس فيها لانه تعب علينا نمشي من الديره قبل الدوام بساعتين و اذا خرجنا من الدوام نفس الشي نخرج و نجلس ساعتين على ما نوصل ف اريح نسكن هنا
خالد : الله يعين كلنا رحنا و بعدنا عن الديره بسبب الدوامات
العيال: آمين يارب
سكتو و هم يتفرجو لي الأجواء و يشوفون غروب الشمس و لف خالد : هيا نزلنا في هنا مسجد مشينا له
نزلو كلهم  وراحو المسجد يصلون  و خلصو و خرجو ودق جوال خالد ورد على طول : هلا هيثم وش بغيت
هيثم : وينك عمي اجتمعوا كلهم الا انت ما جيت
خالد : مشغول ما اقدر اجي ذلحين لكن بعدين ان شاءالله اذا فضيت
هيثم : لا يا عم ودي تجي و تسولف معنا
خالد : والله ودي ولكن نتقابل بعدين يوم ثاني ان شاءالله
ضحك احمد و صاح : عمك معنا مشغول ماهو فاضي لك
خالد : سمعت ماني فاضي مشغول مع اخوياي
هيثم : عمي والله لو ما تجي ان اخليهم و اطلع لك اساسا الديره مو حلوه بدونك عمي تكفى
خالد : خلاص بحاول اجي بس ما اني متأكد لا تقول لي أحد شي لاني يمكن انشغل
هيثم : اوكيه طيب تدري اني خطبت و سوينا تحاليل ونتظر ذلحين يحددون الملكه
خالد : ماشاءالله تبارك الله كويس و البنت كيف موافقه عليك تبيك ولا عشانك ولد خالتها
هيثم  : تبا الصراحه ولا ولد عمها
خالد : لا والله ودي الصراحه
هيثم : وافقت علي لاني ولد خالتها ولا ما تحبني ولا شي
خالد : وليش كملته بعدين بتتعب وانت تشوفها ما تبغاك
هيثم : لا ان شاءالله هي موافقه و مرتاحه لي لكن ما تحبني يعني احس عادي باخليها تحبني و تستانس علي
خالد : على راحتك لكن انتبه لي قلبك لانه بيتعب واجد لانه تشوفها ما تعبرك و انت تبغاها
هيثم: لا معليك ما بيصير شي لكن انت وين ذلحين
خالد  : مشغول ماني فاضي والله
هيثم : على راحتك
قفل هيثم معلن زعله على عمه لانه ما طاع يجي معه لف خالد لي العيال :هيثم زعل
احمد : ليه وش قلت له بس نصحته
خالد : زعل لانه حاول فيني اجي وانا رفضت
سعود : ما بتقدر تروح تخيل ابوك طاردك و ترجع 
خالد : ناصر و معاذ و علي هناك اتوقع قد انهو المشكله و ذلحين جاهم راجح
احمد : يعني اكيد  ابوك يلين
خالد : ايه ابوي ما بيطول زعله و العيال ما بيخلونه حتى يفهمونه السالفه المهم : انزلكم لي سيارتكم ولا تمشون معي
احمد لف لي سعود بعدين ناظر الطريق : ماعندي مشكله اي مكان اروح
سعود : اوكيه انا مشتاق ارفع ضغط عبدالكريم و بروح لي عمي ف مشينا
خالد : ليه وش فيه الزياره
سعود : نحدد يوم لي الملكه يقول ابوي وش دخلني انا اللي بتزوج ولا انت روح حدده انت
ضحك احمد : وهو صادق المفروض انت و نور اللي تحددون اليوم
سعود تنهد تنهيده طويله:   مدري  انا ابغى استعجل عشان اكلمها و ازورهم متى ما ودي و هي تبغى تتأخر يعني ما في حل بنص و تعبت 
ضحك خالد : احس بينجلط عبدالكريم لانه يحبها حيل هذي بنته
ضحك سعود : ترا نفس اعمار بعض يوم شفت تاريخ ميلادها انصدمت
خالد : ايه أصغر منه بسنه بس من يوم و انحم صغار و هو يحبها و يدلعها و ابشرك ما تغير كل ما شاف حاجه تعجبها شراها لها
احمد : يعني تراك بتاخذ وحده مدلعه
سعود : هذي دلوعتي
ضحك خالد : ذليوم يوم قريت اسمها على جواله ضحكت
احمد : جوال مين
خالد : جوال عبدالكريم دقت عليه و هو نايم
احمد : وش مسمنها
خالد : مسميها دلوعتي
ضحك سعود : نفس الاسم اللي ودي اناديها به
خالد : اوكيه اسمع بوقف عند البقاله و واحد منكم ينزل ياخذ الأغراض على السريع ولا تنسون الشاحن اشتر شاحن
احمد : بنزل انا
سعود : و انا ودي انزل
خالد : خلاص كلكم انزلو و خذو لي نفس ما اخذتم لكم
احمد : انا اعرف وش تبغى ف باخذ لك مثل ما تبغى بضبط خالد : اوكيه سو اللي تبغى
نزلو العيال و جلس خالد على الجوال بعدين رجع راسه ورا وجلس يفكر في حياته و وش وصلها لي هنا  و كيف تحول حب هدى اللي كره و عدم تقبل لها فتح الباب سعود و احمد و هو فز ماهو منتبه معهم احمد : صحيناك وانت نايم
خالد : لا والله اساسا نايم الليل كله و بعدين نمت مع العيال من بعد الظهر  حتى العصر
سعود : ما نمته من الساعه تسع مدري عشر معنا ؟
خالد : لاوالله جلست اشوف جوالي و كل شوي واحد يتصل و بعدين يوم قربت صلاة الظهر ما حبيت انام واتركها
ضحك احمد : يعني انا اللي مواصل من بينكم
سعود : ايه لكن نم في السياره وانحم بنوقف عند اهلك ونزلك معليك
احمد : بتشلني زي النونو وتوديني البيت ؟
خالد : لا والله ما فينا لك لكن بنصحيك
احمد : تحمست اخر شي تقول ما فيك
سعود : ذلحين نام و بعدين يحلها ربي
خالد : باقي اعبي بنزين ف خذو راحتكم اللي بينام ينام
احمد : اقول شكلي بركب ورا وانت يا سعود تعال قدام عشان انا اخذ راحتي و انام
سعود :تم وقف يا خالد
خالد وقف و  فتح الشنطه و نزل اخذ منها بطانيه و أعطى احمد :خذ تدفى ونام
سعود : الله سيارتك فيها ميزات حلوه
ضحك خالد : انا شريتها لاني سافرت عليها من مكه اللي الرياض
احمد : اما وانا على بالي طيران
خالد : لا والله قلت اجرب السياره الجديده و ثاني شي اجرب خط جديد بس والله بردت
ضحك احمد : ماشاء الله عليك
سعود : هيا مشينا
خالد : مشينا
راحو يعبون بنزين و مشو للديره و كانت السياره هاديه عشان احمد ينام وصلو الديره بعد العشا و نزلو وصحو احمد و دخلو المسجد وصلو و رجع احمد يكمل نومته في بيت اهله و خالد راح عند أهله و سعود راح عند اهل ابو عبدالكريم
عند خالد دخل بسياره في حوش السيار و وقف ونزل وجو عيال إخوانه كلهم يصيحون و يناظرون سيارته و يباركون له جا ناصر و رفع صوته : أرحب الله يحييك
خالد : البقى الله يسلمك
ناصر: حياك تفضل
خالد : جاي ذلحين ولكن اسولف انا و العيال عن السياره
ناصر : مبروك مبروك انت شريتها
خالد : الله يبارك فيك ايه شريتها توي مالي فتره
ناصر :الله يعطيك خيرها ويكفيك شرها
خالد : آمين يارب
ناصر التفت لي العيال : انت وياه دخلو عمك و ضيفوه ما توقفون برا
ضحك هيثم : اسفين يا يبه بس تحمسنا للسياره الجديده
ناصر : اقول ادخل انت وياه لا اجي عليكم
ضحك خالد : هيا يا عيال مشينا شكل ابوكم معصب
ضحك ذيب : عمي تراه ابوي جوه و بعدين ابوك اللي معصب ما هو عمي
خالد : ذيب وش رايك اقطع العقال على ظهرك كويس صح ولا لا
ناصر : والله انها كانت لعبه حلوه اعطيك عقال ولا معك
خالد ضحك و فتح السياره ياخذ العقال ولف عليهم: هاه وش رايكم نلعبها
ضحك هيثم:  لا ياعمي ما احب العب لاني صرت كبير ما العب
و انحاش و لحقوه العيال ودخلو ضحك ناصر : هيا حياك الله
خالد : الله يسلمك في احد ولا ادخل كذا
ناصر : لا ما فيه احد ما غير عيال عمي سامي بس
خالد و هو يناظر لبسه وكان بنطلون اسود و بلوفر اسود : يعني ادخل بلبس ذا
ناصر: اي مافي احد
دخلو و سلم عليهم و كان هو الوحيد اللي لابس بنطلون و بلوفر و كلهم كانو لابسين ثياب سودا سلم و يوم وصل عند ابوه سلم على راسه و ما كان ابوه يبغى يخجله قدام أناس ف ما رد خالد و خله يسلم عليه بعد ما خلص السلام جلس و قام ذياب يقهويه:  وين رحت يا عمي كنا مبسوطين انك رجعت من السفر لكن رجعت تختفي مدري وين
ضحك خالد:  موجود لكن تعرف كنت تعبان و توي اطلع من المستشفى
ذياب : سلامتك والله
خالد : الله يسلمك
معاذ : مبروك يا خالد السياره الجديده
خالد: الله يبارك فيك ناقلين العلوم قالو لك
ضحك معاذ : إذ والله جونا و هم مبسوطين و يوم سألتهم قالو عمي شرا
ناصر : يعني هذا شغلك العصر انك تشتري السياره
خالد : لا والله اني قد شريتها وأنا في مكه و مسكت بها خط للرياض و نمت ساعتين مري ثلاث و جيت على طول بعدين يوم شفت انه يمكن أطول كلمت واحد من اخوياي يركبه في سطحه و يرسله لي و استقبلته
علي : يوم قال لي هيثم ان عندك شغل قلت لا حول ذلحين يسافر وانا ما قابلته
خالد لف لي ذياب و هو يقهويه:  اجلس خلاص ماني ضيف
ضحك ذياب و راح يجلس و لف خالد لي علي : والله مستحيل اسافر الفتره هذي لازم احضر زواج نايف و بعدين بسافر لانه عندي شي مهم لازم اخلصه قبل ارجع اداوم
معاذ : اهم شي جيت ذليوم نستانس معك
خالد لف يناظر : الا وين راجح
ناصر : يقول تعبان و يبغى ينام
خالد : والله المسكين تعبان من امس و هو معي في المستشفى لكن الدكتور طردهم يقول لازم ترتاح
هيثم :والله ما اروح لا اجلس
خالد : ما خلاهم يدخلون قال حالة خالد ما تسمح لي أحد يدخل عليه
معاذ : ليه سلامات وش عندك
خالد : والله قل نوم و اكل ف اجبروني الدكاتره اطل وجبه و بعدين قالو خلاص نام و تصحى طيب
ناصر : عاد نام اول ما يأذن العشاء صل و نام على طول هلي اخاصم عوالن معي ما ينامون الا قد عصبت عليهم
ضحك معاذ : ايه واخر شي يخلونا اللي ننام بعدين يروحون يتعشون و يتمشون
ضحك علي : الحمدلله عيالي باقي صغار
خالد : وش ذا المحاضرات ترا عادي قلت قل نوم بعدين انا كنت انام بدري بس عشان السفر سافرت سفرتين في ٣ ايام ف تعبت
ابو خالد : وش هي سفرتك اللي قبل تسافر لي دوامك
خالد : مدري اذا قلت لك يعجبك ولا تزعل
ابو خالد : اما الزعل فا هو موجود وانا ما استقبلتك الا عشان اخوانك يبغونك معهم اما موضوعك ما همني لكن قلت اسأل اشوف وش تسوي
ضحك خالد : ما بسوي شي بس بروح عند خوال اخواني اسألهم عن اخواني ودي اقابلهم و ننبسط مع بعض و اشوف أحوالهم
ابو خالد : اييه كويس انك فكرت في اخوانك
خالد : دايم افكر فيهم و دايم اشتاق لهم لكن ما جاء معي وقت اسأل عنهم
معاذ : والله الشوق مليون لهم قول لهم يجون
خالد : بشوف و بقول لهم و اعزمهم لي ملكه هيثم و ملكة سعود
ناصر : سعود متى ملكته
خالد : يقول ذليله مع بعض بيتكلمون و يشوفون متى
معاذ : الله يوفقه يارب
خالد : آمين
و هم جالسين سوالف و ياخذون علوم بعض كان ابو خالد ساكت و يفكر ماهو معهم في ولا سالفه و خالد إخوانه بجمعتهم و سالفتهم معه غير جو و استانس كثير شوي و جا سلمان و هو يركض : عمي عمي
كلهم وقفو على بالهم في شي ناصر :تكلم وش فيه وش صار
سلمان وقف مصدوم و هو غصب يتنفس:  بسم لله الرحمن الرحيم وش فيه
معاذ : وش فيه انت وش صاير
سلمان : ولا شي شرينا كوره و نبغى عمي خالد يلعب معنا بس بروح انادي عمي راجح
خالد ابتسم يوم تذكر يوم كان هو و راجح يلعبونهم و هم صغار : تذكرت ايام زمان يوم انكم أطفال و انا و راجح نلعبكم
سلمان : هيا انا بنادي عمي راجح وانت اسبقنا
ناصر : خوفني على بالي في مصيبه
ضحك ابو خالد : كأنهم اشتاقوا لي عمهم
خالد خرج و ما تكلم وراح مع العيال : مين معي و مين معا راجح
راجح جا من بعيد : ما ابغى ذياب و سلمان
خالد : مامعك الا هم خذهم معك
هيثم : خلاص انا مع راجح و ذيب مع خالد
ذيب : تم و ذياب مع راجح و سلمان مع خالد
راجح : نقول كذا مقبول
خالد : تم
راحو وجلسو يلعبون كوره و يصيحون و كل شوي واحد يسجل و الفريق اللي سجل ينبسطون و يصيحون لأنهم سجلو و الفريق الثاني يصيحون معصبين و هم يلعبون استلم خالد الكوره و مشى بها بسرعه و توجه لي المرمى و هو يصيح ينادي: ذيب تقدم
ذيب : عادي شوت لي شات له خالد الكوره و ضيعها ذيب ما سجلها و لف خالد يناظر ذيب و حاط يدينه على خصره : بتجلط بي يا ذيب ليه ما تعرف تلعب لا تلعب
ضحك راجح و اخذ الكوره و مشى بها بسرعه و شاته و سجل هدف خالد : ماش ما فيهم لياقه
ذيب : عمي وش نسوي هم اقويا
ضحك خالد و تخذ الكوره و لعبها و سجل هدف : ذيب روح نادي وانا عمك ما يفيد الكسل
ضحك سلمان : والله عمي معصب علينا
راجح : من حقه يجلدكم والله على العب ذا كأنكم أطفال
اخذ هيثم الكوره و مشى بها بسرعه و لف خالد ما شاف احد عند المرمى و لحقه يحاول يعرقل له عشان يطيح ويأخذ الكوره و قدر يعرقل له بطريقه ذكيه انه ما يطيح بس ياخذ الكوره و أخذه و هجم بها على مرمى راجح و شافه راجح و مد رجله قدام خالد بس خالد شات الكوره و قفز عن رجل راجح بعدها ضحك : ما تقدر تفوز والله
وسجل هدف و على العب ذا والصياح والضحك حتى تعادلوا بعدين تعبو و  جلسو في الأرض خالد : اووف يا التعب
ضحك راجح : طلع عندك لياقه ماشاءالله وانا توقعت انه خلاص ما عاد تعرف تلعب
ضحك خالد : والله اني ما توقعت  بنبسط كذا قلت بجرب لياقتي و بعدين بروح اجلس
هيثم : عمي تروح نادي ولا كيف
خالد : ايه اروح نادي و نلعب انا و اخوياي بعض الأحيان
بعد شوي من جلستهم و سوالفهم قام خالد : بروح اخذ لي مويه
كلهم صاحو خذ لنا معك ضحك و دخل جو البيت و على باله ما في احد الا اخواته