نافذة الذكريات

part 13

راجح : تم خلاص  ان شاءالله بجيك الصبح
خالد:  ايه تعال و يالله مع السلامه
العيال : مع السلامة

عند خالد بعد ما قفل التفت و شافهم ساكتين : ايه وش الاخبار وش صار في الثلاث الشهور هذي
احمد : ما صار شي بس جالسين ننتظرك
خالد:  يعني ما في اي اخبار جديده
سعود:  ايه لأنه ما كنا نهتم لي شي اهم شي عندنا سلامتك
خالد:  و دوامي وش صار عليه
عبدالكريم: سافرت انا و محمد اخوي و أخذنا لك اجازه
خالد:  اها تدري شكلي برجع اسافر
سعود:  ياويلك لان ما شفت تعب اهلك اهلك تعبو في غيابك حتى انحم لا ليلنا ليل و لا نهارنا نهار
احمد : ايه كلنا أخذنا اجازه و بنت اخوك  تتعب بهم
خالد:  مين بنت اخي
احمد:  مدري بس كل يومين نلاقي اخوك معاذ هنا و بعض الأحيان اهلك معه
خالد: اها غلا
سعود: غلا اللي يقول ذياب انها تصيح عليك
خالد : ايه و تراها كبيره في العمر بس متعلقه فيني مرره و دايم يقولون لا تدلعها كنت اقول خلوها دلوعة عمها
و صارو يقولون لها يا دلوعه
احمد:  طيب ممنوع السفر فاهم
خالد:  اساسا ما اقدر احرك رجلي تبغاني اسافر
عبدالكريم:  يدك تقدر تحركها
خالد:  لا ما اقدر  مدري اشفيه
عبدالكريم:  معليك بيجي الدكتور ويقول لك وشفيها انت اهم شي انك قمت و طيب
خالد:  تمام وش كنتو تسوون في الثلاث الشهور انا احس اني مليت
أحمد :ما كنا نستوعب و كنا نقرأ قران و نشوف جوالاتنا
خالد:  تمام جيبو لي اي لعبه في الحياة لاني طفشت
سعود : نام  احسن عشان تسولف بكره مع اهلك حتى تشبع
خالد:  طيب بسألك سؤال و ابغى جواب الصح ما ابغاكم تكذبون على
احمد : يا كثر اسألتك يوم قلنا لك نام طيب قول وش سؤالك
خالد:  وش صار على سيارتي و وين اغراضي اللي في السياره
سعود:  اغراضك جابها لنا شخص ما نعرفها و أعطانا و حطيناها بسيارة عبدالكريم
خالد:  طيب جوالاتي
عبدالكريم:  مع الأغراض في سيارتي بس مكسره
خالد:  انا ابغى الشرايح اللي في الجوالات بس
عبدالكريم:  بكره بجيبها لك تبغى شي ثاني
خالد:  ما جاوبتني عن السياره
احمد:  السياره كويسه بس انت نام ذلحين و بكره نسولف معك هيا بسرعه
خالد:  خلاص طيب بنام بس تعالو نامو معي عشان دواماتكم
العيال:  تمام
( العيال ما قالو له شي عن سيارته لانه يحب سيارته و بتتعب نفسيته اذا عرف انه انعدمت السياره ف تركوه ما قالو له شي يخص السياره)

______________
اليون الثاني الصباح
صحى خالد و التفت يدور العيال بس مالقى احد ما غير  راجح : صباح الخير
راجح: صباح النور
خالد:  كيفك
راجح قام و حضنه : الحمد لله طيب كيفك انت اخبارك
خالد : طيب الحمدلله
راجح : اجيب لك فطور
خالد: ايه عادي
راجح: هههههههه تتوقع اعلم امي اني اجي لك و ما تسوي امي فطور
خالد:  عارف امي لاني اشم ريحة فطور مشتاق له و ريحة قهوة فخمه
راجح : ايه امي سوتها لي ما صحيت الا قد سوت قهوه و فطور و شاهي
خالد:  تمام حضر خلنا نفطر
حضر راجح الاكل و بدو يأكلون و يسولفون ومبسوطين
دخل عليهم الدكتور: السلام عليكم
خالد و راجح: وعليكم السلام
الدكتور:  كيفك ذلحين
خالد:  كويس الحمدلله
الدكتور  :الحمدلله
و خلص شغله الدكتور بعدين طلع
راجح : الحمدلله راح خلني اخذ راحتي
خالد:  هههههههه اش بك عادي خذ راحتك
راجح : ما ارتاح اذا جلست مع ناس غريبين
خالد:  بالعكس ما احب اجلس كذا احس ممل الوقت من دون احد ما تشوفني في مكه اطفش اذا جلست وحدي
راجح:  والله بسافر معك عشان ما اقابل احد تخيل من يوم ما صار عليك الحادث اللي ذليوم و الزوار جايين رايحين
خالد:  اووه والله لو انا استانست
راجح:  ايه كنت اقول لي ناصر اتضايق من زحمت الناس و كان يهاوش
خالد: اها و كيف  غلا  ذلحين
راجح :مبسوطه لانه قلنا لها انك طيب بس تراها تسأل انت تقدر تمشي او لا و كذبنا عليها عشان لا تقوم تبكي
خالد: هههههههه سوت لكم فوبيا
راجح : هههههههه اي والله
خالد:  طيب يقولون انك ما جيتني طول ما انا في المستشفى
راجح: لا جيت لك  يمكن مرتين بعدها العيال حلفوا ما عاد اجي و ما عاد جيت
خالد:  تدري يوم قالو لي انهم جلسو عندي فتره كلها انه تمنيت لو اسوي لهم أي شي و ارد بعض الجميل
راجح : ما عليك لا تفكر ذلحين في شي غير صحتك اهتم في صحتك و الباقي خله لي بعدين
خالد: طيب وين سيارتي و وش صار عليها
راجح : شبعتها من الفطور عشان ابعده
خالد :ايه الحمدلله لكن انا اتكلم وش صار على السياره
راجح : بعدين نتكلم فيها اقول لك اجل ذي المواضيع لي بعدين
خالد:  يعني صاير لي السياره شي
راجح : تبغى تنام قبل يجون اهلي
خالد:  ياولد لا ترد السؤال بسؤال رد علي بأيجابه
راجح : نتكلم في الموضوع بعدين
خالد : لا تتعب قلبي يا راجح
راجح : وانا ما ابغى اتكلم لانه بتعب قلبك اذا تكلمت
خالد غمض عيونه و هو خلاص تأكد انه السياره انعدمت : يعني ما في امل تتصلح 
راجح : تقدر تقول
خالد:  تكلم ترا قد انكسر قلبي قبل و ما تعبت و صار الموضوع عندي عادي
قاله راجح كل الموضوع  عن السياره و انه ما فيها امل تتصلح و ضاق صدر خالد لكن ما بين له انه ضاق و سوا نفسه عادي الموضوع و جلسو يسولفون حتى نسي السالفه خالد و بعدها جو ابوه و أمه و إخوانه كلهم و عيالهم و جلسو يسولفون معه و يطقطقون معه و دخل ابو هدى و معه نايف و سلمو على خالد و هو كان يضحك بس يوم شافهم مع بعض سكت و جلس يناظر فيهم و جو سلمو و جلسو ابو هدى:  الحمدلله على سلامتك يا خالد
نايف :الحمدلله على سلامتك يا خالد
خالد :الله يسلمكم
و جلس خالد ساكت بعدين التفت لي عبدالكريم:  ابغى جوالي
عبدالكريم أعطاه: هذا هو خذ
خالد:  احح  مكسور
عبدالكريم:  معنا الشاشه اللي انكسرت
خالد : اها
و جلس يلعب بالجوال و يشوف الرسايل اللي في الجوال احمد : وش شفت في الجوال ف سحبت علينا
خالد : و لاشي اقرا رسايل المدير و اخوياي ما في احد صدق سالفة حادثي
ابوخالد : كلنا ما صدقنا الا يوم شفنا وجهك
شوي كان يتفرج للجوال و انه يقوم يضحك
ابو خالد: الله يشفيك ولد اشفيك
رجع خالد يطفي الجوال و يجلس يناظر لهم : ترو قد لي ثلاث شهور من الجوال
أبو خالد: اي و انحم
خالد :حتى انتم  بس خلاص سولفت معكم ذلحين جا دور الجوال
شوي و قام الجوال يتصل و رد خالد: هلا والله
المدير:  وينك و انحم جايين لك
خالد:  في المستشفى و مدري متى اطلع
المدير:  اوكيه برسل لك مجموعه من العيال يتطمنون عليك
خالد:  طيب الله يحييهم
المدير :الله يسلمك و مع السلامة و قفل
ابو هدى: ما شاء الله مين ذا
خالد:  المدير
راجح : اش فيه  كل شوي يتصل
خالد:  ياخوي يتطمن
ابو خالد:  لو دريت انك يا عبدالكريم بتعطيه الجوال كان ما خليتك
عبدالكريم:  خله يا عم والله انه استانسنا يوم شفناه يسولف و يضحك
ابو خالد:  اي والله اهم شي انه طيب
نايف : الحمدلله انك بخير عشان تحضر زواجي
خالد:  ماشاء الله متى حددتوه
ابو هدى:  يقولون يبغونه بعد شهر من ذليوم
خالد:  اها الله يوفقهم و منك المال ومنها العيال
نايف: امين  بس تراك معزوم لازم تحضر
خالد:  اكيد بحضر لأنها بنت عمي و ترها بنت خالتي يعني للمعلومية و ترنا تربينا مع بعض
نايف :  كيف يعنني ياعم وش الموضوع
ابو هدى:  صح صادق هو و هدى مع بعض من يوم هم صغار و ام هدى خالة خالد اخت امه
نايف : والله انه توي ادري
هيثم : اما من جد كيف كذا
خالد:  لا تسوي نفسك مصدوم ترا قد سولفت لكم
هيثم : كنت احسبك تمزح و تهون علي موضوعي
خالد:  لا ما امزح و موضوعك انا قد وعدي
ناصر:  لا تتدخل يا خالد
خالد:  والله لا أتدخل و انه بسوي اللي في راسي
احمد : ياجمعه صلو على النبي و اذا دخلتو لي موضوع لا تطلعون منه إلا قد كملتوه
عبدالكريم:  والله اني صدعت ما بقيتو موضوع الا دخلتوا فيه
ابو خالد: أللهم صل وسلم على نبينا محمد خلاص يا خالد خل نتكلم في الموضوع اذا طلعت من المستشفى
خالد: اللهم صل وسلم على نبينا محمد طيب تمام
سكتوا و شوي دخل الدكتور : السلام عليكم
كلهم ردو السلام
الدكتور : خالد لازم نعيد عملية رجلك لانه شفناها جبرت غلط و يدك نفس الشي عشان كذا انت ما تقدر تحركها
خالد :تمام
الدكتور  :بكره نسوي عملية رجلك تجهز
خالد:  ابشر
طلع الدكتور
عبدالكريم:  اش فيك ما تتكلم
خالد:  تعبت ما عاد فيني حيل اتكلم
ابو خالد:  رجلك توجعك
خالد : ايه شوي
ابو خالد:  تبغى نطلع عنك عشان تاخذ راحتك
خالد:  لا عادي انا مرتاح معكم
و رجع سكت و هو يسوي مساج لي راسه و يفكر في العمليه و يفكر في رجله و في السياره متى يقدر يشتري السياره
معاذ : وش فيك و بعدين وش الموضوع اللي خلاك تتناقش مع اخوك الكبير ترفع صوتك
خالد:  مالي خلق اتكلم عن الموضوع
معاذ:  تمام
ناصر ناظر في خالد : خالد راسك يوجعك ولا اشفيك تسوي له مساج
خالد:  مدري احس اني مصدع و ابغى قهوه
معاذ: ذيب صب لعمك
ذيب : ابشر
خالد: لا لاتصب قصدي ايس امريكانو
عبدالكريم:  عادي بروح اجيب لك لا تشيل هم
خالد :شكرا
عبدالكريم : ما سوينا شي
و قام عبدالكريم ياخذ له قهوه  وهم جلسو يسولفون 
مشى الوقت و جا عبدالكريم بالقهوة و أعطاه و تقهوى خالد و جو الحريم يسلمون على خالد و سلمت امه و تحمدت له بسلامه و جو اخواته و نفس الشي و جو بنات إخوانه و كلهم يكلمونه و يسولفون معه و جت غلا تحضنه و تبكي
خالد ضحك يوم تذكر كلام راجح: اووه ليه الدموع هاه تعرفين ان دموعك غاليه علي
ناظرت فيه شوي بعدين قالت : ما بكيت بس انا خايفه عليك
قام خالد يضحك: خلاص لا تبكين شوفيني طيب و كان قلتي زي ما قال ذياب
غلا:  وش قال ذياب
خالد:  قال انه بكى علي شوي بعدين اخذ غرفة نومي و اخذ السوني حقي كان اخذتي السوني
غلا : ما ابغى ابغاك انت 
خالد : تمام
ام خالد: والله انها صدعن بنا تبكي تبغاك و حتى اكل ما تاكل و قلت لها اذا صحي خالد بعلم عليش
خالد ضرب كتفها بشويش :  ليه ما تاكلين و ليه ترفعين ضغطهم
غلا:  خلاص لا تزعل ما عاد بسويها بس انت قول لي يدك توجعك
ضحك خالد: لا ما توجعني انا طيب
ام خالد:  اهم شي يا ولدي انك طيب
خالد:  ابشرش اللهم لك الحمد
غلا:  عادي انام الليل عندك
خالد : لا ماهو عادي روحي مع امك و ابوك و اخوانك 
ام ذيب : والله ياخالد انه ما نبغاها خذها بالعافيه
ضحك خالد: لا طفشيكم حتى انتم
ام ذيب : ايه و منهو اللي طفش منها غيرنا
خالد: راجح يقول تبكي كل شوي
ام ذيب :صادق والله اتعبتنا
خالد:  اهم شي ما تزعلونها لأنها الحب
ام ذيب : ما قدرنا نزعلها
غلا : خلاص  انت ابوي
شوي و تقوم ام ذيب تبغى ترميها قال خالد:  لا لاترمينها و هي في حضني
غلا  : وانا صادق احسه ابوي لانه يهتم فيني اكثر من ابوي
خالد:  بنت احترمي اخوي ترا ازعل إذا أحد تكلم على اخواني 
غلا  : خلاص  طيب عمي انا اسف بس كنت امزح
خالد:  خلاص بسامحش
شوي و تدخل ام هدى و تسلم و تسلم على خالد : كيفك يا خالد و الحمدلله على سلامتك
خالد:  الحمدلله تمام الله يسلمك
ام خالد:  وينهم عيالش يا ام هدى
ام هدى:  البنات برا على الكراسي اللي برا الغرفه و سلطان في السياره يقول اذا راحت الزحمه بيجي
خالد:  حياه الله في أي وقت
ام خالد:  خلاص قولي لي امبنات يدخلون و يسلمون علي و يتقهوون
ام هدى:  لا خليهم يجلسون مالي خلقهم
ام خالد : اقول غلا روحي ناديهم
غلا: لا ما ابغى
ام خالد:  يا بنت استحي و قومي ناديهم
خالد عارف من  عيونها انها ما تحبهم لكن ما عرف وش السبب قال : لا خلو غلا  بجنبي ما ابغاها تبعد
ام خالد:  خلاص تقوم وحده من امبنات ينادوهم
قامت جواهر و نادت هدى و حنين و جو سلمو على خالتهم و البنات و جلسو بعيد
هدى : الحمدلله على سلامتك خالد
خالد غمض عيونه و رجع فتحها :  الله يسلمك
حنين : الحمدلله على سلامتك
خالد:  الله يسلمك
هدى : الحمدلله انك صحيت ابغى اكلمك في موضوع
خالد و هو غصب متحمل من ألم رجله: تفضلي وش موضوعش
هدى :لا تسوي نفسك ما تعرف
خالد:  يا بنت قولي وش مالي خلق افكر
هدى : والله الموضوع نايف وش الكلام اللي قلته له
خالد : اها قصدش كلامي معه قبل شوي ولا يوم الملكه
هدى : اح يعني ايش حتى قبل شوي مكلمه
خالد: هههههههه خويي عادي دايم اكلمه قصدش اني ببتعد عنه لانه اخذش لا توقعش غلط لانه خويي و مستحيل اتركه لكن وش الموضوع اللي قلته له لاني الصراحه ناسي
هدى : لا بس يوم قلت له عن موضوع السلسال و موضوع الشعر
خالد:  هههههههه هذا اللي زعلك معليك ما قلت شي
ام هدى:  لا ياولدي انت تكلمت في شي هي ما تبغى احد يعرف عنه شي
خالد: هههههههه بالله هو وش قال لكم
هدى : جلس يسأل عن السلسال و يقول خالد يقول كلام غير كذا
خالد:  اها ترا هو كذاب جا سألني عن السلسال و قلت له رح اسألها لأنها  صارت زوجتك
ام هدى:  اما بس كذا
خالد : ايه بس
هدى : طيب يوم قلت لك عن الموضوع قلت لي اللي قبل شوي ولا لليله الملكه وش هو اللي قبل شوي
خالد:  ولا شي عزمني على الزواج و قلت اكيد بحضر لأنها بنت عمي و في نفس الوقت بنت خالتي ف زعل
و عمي قال ايه صادق و هو جلس زعلان اللي طلع
ام هدى:  وش يزعل في الحقيقة
خالد:  مدري عنه هو شكله كان يتوقع انه ما نقرب لي بعض
هدى : مالي شغل لا عاد تسولف عني عنده لانه غيور
خالد:  هههههههه والله انش ضحكتيني و انا تعبان غلا  اعطيني مويه و اعطيني جوالي مدري وينه لاني ابغى اشوف اذا احد كلمني ولا شي والله ابوي تهاوش معي بسبب الجوال
ام خالد:  وهو صادق تمسك الجوال و انحم موجودين
خالد:  لا بس بشوف مين دق علي
غلا  جت و معها مويه بس : خذ المويه بس جوالك مدري وينه
خالد: هنوف حبي دوري عندك و دقي عليه
هنوف : ابشر
خالد  اخذ جواله الثاني و دق على عبدالكريم:  ولد وين جوالي
عبدالكريم: مدري تكلمني بأي جوال 
خالد : اول مره اشوفك غبي ياولد هذاجوال القديم ابغى جوالي الجديد
عبدالكريم:  كم معك جوال
خالد:  معي اربعه ذلحين في حضني اثنين و ضايعين اثنين
ضحك عبدالكريم:  خلاص دورها عندك
خالد:  ما منك فايده و قفل الجوال
ام خالد  : انت مجنون كم معك جوال
خالد:  اربعه ليه
ام خالد:  احلف و ما كنت تكلمنا ليه
خالد:  كانت مقفله ما في ولا واحد مفتوح و انتم ما حصلتوه
هنوف:  هذا جوالك
خالد:  ايه هذا هو اعطيني
هنوف:  طيب انا اتصل على واحد ثاني هذا ما عندي رقمه
خالد:  اها بعدين اعطيك
و غلا جت تركض : هذا لك
خالد:  ايه شكرا جيبي بسرعه و شكرا هنوف
اخذ الجوالات و فتحها يناظر لها
ام خالد:  جينا عشانك مو عشان تقابل ذا الجوال
خالد:  يا روحي يا يمه تدرين ان نص شغلي يعتمد على الجوال ف ليه الزعل
ام خالد:  بس ما تشتغل و انحم موجودين
خالد:  ابشري بقفلها 
قفل الجوالات و عدل جلسته و جلس يتسمع لي سوالفهم
و هو كل عقله مع الجوال لانه يبغى يخلص شغله و يبغى يكلم اخوياه اللي في مكه ويبغى يتطمن على كل شي لكن ما يقدر عشان أهله حوله
شوي و قالت أم هدى: خالد سلطان  و مهند يبغون يسلمون عليك
خالد :يجون حياهم الله و اذا البنات يبغون يطلعون يطلعون و بعدين يرجعون لنا
ام هدى:  تمام و اتصلت على عيالها و طلعو و البنات راحو كلهم ما بقي الا هدى و حنين و ام هدى و ام خالد مع بعض
شوي و يدق جوال خالد و يرد خالد:هلا والله  ابو متعب
ابو متعب:  السلام عليكم
خالد:  وعليكم السلام
ابو متعب:  يقولون انه صار عليك حادث اهم صدوقن و  انت كيفك ذلحين
خالد : ايه الحمدلله على كل حال و ابشرك طيب
ابو متعب :الحمدلله على سلامتك
خالد : الله يسلمك
و  خالد يكلم دخلو سلطان و مهند ة جلسو يأشرون لي خالد بمعنى عجل نبغى نسلم عليك  و اشر لهم خالد اجلسوا و بعدين نسلم و راحو العيال يسولفون مع هدى و حنين
خلص خالد و التفت لهم : ارحبوا حياكم الله
سلطان : الله يسلمك كيفك اخبارك
خالد:  الحمدلله طيب
سلطان :كيف النفسيه لي عملية بكره
خالد:  كويسه الحمدلله
ام هدى:  اي عمليه
سلطان : يقولون انه رجله ما تجبرن صح ف بيسوون لها عمليه
خالد: اووه وانت كانك مبسوط
سلطان:  ايه تخيل تسوي عملية رجلك اوووه ياني بضحك ضحك مو طبيعي
ضحك خالد:  احلف والله اني قد طفشت من ذا المستشفى
ام خالد:  معليك اهم شي تهتم في نفسك و تاكل عشان ترجع صحتك
خالد : ابشري
مهند:  تذكر يوم انكسرت رجل سلطان
ضحك خالد:  اووه و كذبنا علا اهالينا انك طحت و انكسرت رجلك
سلطان : اسكتوا ترا صدق كنت العب كوره و طحت و انكسرت و لا تجحد تراك طقطقته علي ف خلني بكره اجي و اطقطق عليك
ام هدى:  الواحد يتحمد له بسلامه و يطمنه و انت تبغى تطقطق عليه
خالد :هههههههه ايه يا خاله شوفيه ما جاء الا عشان يضحك علي ما جا يطمني و يقول العمليه بسيطه
ضحك مهند : ايه تمسكن و سوي انك مسكين وانت كذاب
ضحك خالد:  هههههههه اش فيك علي انا تعبان شوفي يا خاله عيالك
ضحكن ام هدى:  اقول ترا اعرفك لكن مسامحتك ذلحين عشان انت تعبان
هدى : وش  سالفة كسر رجلك يا سلطان
سلطان : الله لا يوفق بليسك يا خالد
خالد:  وش سويت حبيت انشر الأمان و الحب
هدى : آخر من يتكلم عن نشر الأمان والحب انت
خالد : واخر من يتكلم عن الحب انتي
سلطان:  تمام وش سالفتكم
هدى :و لاشي اسأله هو يقول لك
سلطان:  وش الموضوع يا خالد ليش مزعلها
خالد: ما في شي بس الحب نوني زعل لانه ما عرف سالفة السلسال و قلت له اسألها لا تسألني و هي زعلت لاني زعلت نوني
مهند : مين نوني
خالد:  هههههههه دلع نايف
سلطان:  هههههههه اي والله نوني يصلح له و بعدين عادي اذا  انتي اللي علمتي نوني السالفه اقصد نايف
مهند : والله اسم نوني احلى من نايف شكرا على الاسم يا خالد
هدى:  اووف اكرهكم بدال ما توقفون معي تطقطقون على اسم نايف
حنين:  بس صادقين نوني حلو
خالد:  اش تبغين نحلها كيف نحلها
هدى: قولو له السالفه
خالد:  ايه تبغين اقول له انا اهديتها يوم كانت في اول ابتدائي و قالت وعد مني ما اشيلها لو تزاعلنا
هدى:  لا قول له هديه من ابوها
سلطان:  ايه و بعدين اذا سأل ابي و يقول الحقيقه
هدى : خلاص خذ السلسال يا خالد ما عاد أبغاه
مهند : نعم خير تشيلينه و تنقضين الوعد بس عشان نوني أحلفي
هدى بغصه تحاول تخفيها ما تبغاها تبين:  وش اسوي هو ذلحين زعلان عشانها
سلطان:  وانا على بالي انه زعلان عشان أجلنا العرس
هدى : لا زعل عشان السلسال
خالد:  خلاص اعطيني و روحي و بقول لش مسامحنك بس للمعلومية الوعد وعد ما كان لازم يجبرش تحطينها
راحت هدى و أعطت سلطان السلسال عشان يعطي خالد و أخذه سلطان و أعطى خالد و خالد سوى نفسه انه ما اهتم و لكن ضاق صدره و حيل كيف تخلت عن سلسال اللي اهداه يوم هم صغار و هو ما كان معه فلوس بس اخذ من أمه و ابوه حتى توفر السعر و اشتراه له و كانو العيال يطقطقون عليه انه كيف تشري لها سلسال ذهب و انه ممكن ما تحتفظ فيها و من ذا الكلام لكن يوم وعدته انه مستحيل تنزله لو تزاعلو استانس حيل

في الوقت الحالي اخذ خالد السلسال و حطه في جيبه و التفت لي العيال: ايه اش فيكم ضايقين
سلطان:  السلسال غالي ماهو غالي سعر لكن غالي ذكريات و مشاعر
خالد:  عادي يا ابيعه واستفيد منه يا اعطي حبيبتي
مهند:  عندك حبيبه ولا متزوج
ضحك خالد: هههههههه  لا يمكن حبيبه
مهند : وش اسمها و تكلمها و متى تخطبها
خالد:  هيه حبه حبه سوال سوال و انا اجاوبها
ام خالد:  لا شكلي باقوم لاني من ذليوم وانا اقول مسكين تعبان لكن خلاص طفح الكيل مييين ذيي
خالد:  اووه امي هنا كيفش يايمه اخبارش
ضحكو العيال:  والله خلاص ما عاد يحتاج عمليه تحصلون خالد يركض هنا
ام خالد : والله اني طيبه من يوم سلمتك و تكلم مين ذي بسرعه
ضحك خالد:  والله العظيم شوفيني حلفت انه ما عندي احد انا جالس اطقطق على العيال بس ما ابغاهم يضيقون عشان سلسال بس
ام خالد:  اها بمشيها بمزاجي لأنك تعبان و لأنك حلفت و لكن بعدين بنتفاهم
خالد : ياويلي ياأمي تكفون النجده انقذوني
ضحك سلطان : ذلحين خل الأمان ينفعك اللي نشرته
شوي و يدق جوال خالد  و يناظر له و يرجع يقفله و يقول بينه و بين نفسه مو وقتك اوفف
مهند : مين ذا ليه كل شوي يدق
خالد : المدير
مهند : والله اني اشك انه مديرك لانه كل شوي يدق اشك و الله العالم انه زوجتك لانه كل شوي يتصل اتذكر يوم انت في غيبوبه و الجوال مع عبدالكريم كان كل شوي  يدق و اسأله يقول مدير خالد قلت له اعطني ارد قال لي لا مو مهم خله ف تأكد شكوكي انك متزوج و زوجتك تدق عليك
خالد:  انت تبغى تزيد النار حطب اقول اسكت و بعدين هذا المدير ما صدقهم لانه كم مره قد كذبت عليه و غبت ف قال هذا كاذب كذبه جديده و ما بصدقه
ام هدى:  ها ياولدي لا عاد تكذب شف ذلحين ما صدقك
خالد:  ابشري يا خاله الا سلطان اشفيك ساكت
سلطان:  مافيني شي بس بقول لك شي لا تتحسس عشان السلسال رجع لك
خالد:  ما تحسست شفني اضحك مع اخوك و نطقطق
سلطان : جالس اشوف و عشان كذا اقول لك لا تزعل

خالد سكت لانه صديقه و يعرفه و حافظه و حافظ كل شي يقوله
شوي و تجي غلا  تركض و تحضنه  خالد: بسم لله وش فيش
غلا ساكته  رفع خالد راسه شاف معاذ واقف
معاذ:  ادخل
خالد : ايه حياك اش فيكم
معاذ : ولا شي بس سمعت ابوي يسولف و يقول انك ما تقدر تحرك لا يدك ولا رجلك بس
خالد:  ونا على بالي انك هاوشتها
معاذ : مستحيل اهاوشها بس تعرف دلوعتك
خالد رفع راسه غلا و شاف دموعه : اوووف وش ذي الدموع
غلا  : كيف ذلحين تمشي
خالد:  عادي بسوي عمليه و اقدر بعدين امشي و بعدين الفتره الماضيه ما اكل ف عشان كذا ضعف جسمي
غلا:  خلاص بكره اسوي لك اكل و تاكل
خالد : لا بكره ما اقدر خليها لي بعد بكره طيب
غلا:  طيب
معاذ:  هيا يا دلوعه تأخرنا
غلا : ابغى اجلس مع عمي
خالد : لا العيال ينتظرون من الظهر لكن روحي و عاد تعالي لي و عاد كلميني
مهند تكلم و هو يطقطق:  سؤال مين ابوها ذلحين
معاذ  : انا هنا مانت بشايف
مهند:  لا مو قصدي بس متعلقه في خالد مرره
معاذ : ايه هي كذا تحب عمانها
خالد  : و انا احبها و يايمه هذي حبيبتي اللي كلمتكم عنها قبل شوي
سلطان:  يعني بتعطيها السلسال ...........

لا تنسون النجمه و التعليق و ارائكم

حسابي تيك توك ftm2201
حسابي انستا fat90892