نافذة الذكريات

part 41

عزيز :وش اقول له
ابو رنا : قول له ابوي يبغاك لانه عرف انك تضحك عليه وعلى بنته
عزيز : يبه ما ضحك علينا وأساسا يحب رنا ولا يرضى عليها
ابو رنا :وانا أبغاه يجي ماهو بكيفك تتحكم فيني وتسكتني
اخذ عزيز الجوال بيدين راجفه و دق على خالد اللي رد على طول : هلا عزيز أمرني
عزيز :كيفك و كيف اخوك
خالد : طيبين رنا تعبانه
عزيز : لا رنا طيبه بس ابوي يبغاك لانه ما قد شافك من يوم جيت
خالد : والله ان قلبي يقول صاير شي وش فيه وش فيه صوتك
عزيز : مافيني شي بس تعبان شوي و حلقي يوجعني بس يوم قال ابي انه ما شافك قلت اكلمك تجي تجلس معنا وتسولف معنا
خالد : بكره بجي لكن ذلحين ما اقدر لانه راجح تعبان و ذليوم زاد تعبه
عزيز : بالله كيف زاد
خالد : مدري انا قلت لي أهلي اني بسافر و تضايق هو ماوده اروح و قلت لهم انه الاسبوع الجاي لا يحطون ملكة سلمان لاني بكون مداوم ف هو تضايق بس
عزيز :اها بس ابوي يبغاك ذلحين
خالد :مقدر يا عزيز والله ما اقدر انت ما تعرف راجح ولا تعرف تعبه ف عشان كذا اقول لك ما اقدر
ابو رنا بصوت عصبي : تعال و افهم الموضوع و بعدين روح وين تبغى و ماله الأعذار و التهرب
سكت عزيز و ما عاد قدر يتكلم و خالد اخذ نفس : انا لو ادور أعذار ما تفاولت على اخوي بس بكلم احد يجلس معه و بجي اشوف وش عندكم
قفل خالد قبل حتى يسمعهم و رنا بكت لأنها عارفه ان ابوها وقت يزعل وش بيسوي و تعرف خالد و الوضع اللي هو فيه كانت تبكي ولا هي قادره توقف كانت خايفه ترجع لي الوحده اللي تحس بها خايفه من كل شي
تقدم لها مسعود و حضنها يبغى يهديها بس ما قدر

________
عند خالد
بعد ما قفل و هو يمشي في الغرفه ولا قدر يهدي نفسه ولا يرتاح
رفع راسه راجح و شافه يمشي : زوجتك فيها شي
خالد لف له : لا ما فيها شي تطمن
راجح : طيب وشفيك
خالد : ولا شي
راجح : ولد تكلم
خالد :عزيز يقول ابوه يبغاني و ابوه قال لي انه لازم اجي ولا اجلس اتحجج
راجح : روح شفه
خالد : كان معصب واكيد في شي او احد قال له شي
راجح : قوم روح شوفه ماهو تجلس تفكر
خالد :وانت
راجح:  انا طيب روح
خالد : تمام انتبه لي نفسك مع السلامه
طلع خالد و كان خايف و مشى و وصل في أقل من نص ساعه من سرعته وقف في الحوش و دخل و شاف سياراتهم كلهم دليل انهم كلهم مجتمعين دق الجرس و فتح سالم و سلم عليه :وش فيه
سالم : مااقدر اقول لك شي ابوي داخل المجلس
دخل خالد و لقا عزيز : عزيز تكلم وش الموضوع
عزيز : ابوي عرف انك حضنت بنت خالك مع الرغم اني قلت له انك ما تحبها بس كنت ببتزوجها بعدين تركتها
سالم :ايه و قالت له رنا و مسعود انهم حلو الموضوع بس قال انه لازم هو يحله بنفسه
خالد اخذ نفس  و دخل المجلس بدون ما يرد عليهم و فتح الباب والقا السلام
و قام ابو رنا ورد السلام وسلم عليه و جلس بجنبه
ابو  رنا: بحاول اكون اهدا ما الهادي عشان رنا لكن ودي تتكلم بدون لف ولا دوران
خالد اخذ نفس :وشفيه انا اللي ذلحين ما ادري وش هو الموضوع
ابو رنا : وش سالفه بنت خالك
خالد : كنت بخطبها بس هي رفضت و انتهى الموضوع و سافرت و رجعت بعد ما توظفت و استقريت و يوم رجعت قالو لي ترا بنت خالك بتتزوج حارب اذا انت تحبها انا ما حاربت لأنها ما تحبني ولا احد يعرف انها ما تحبني الا انت ذلحين قلت لك سكت و مشيت الوضع بس يوم شفت رنا حبيتها و حبيتها من كل قلبي و ما كنة اتمنى غيرها زوجه لي كنت احلم فيها وانام  اصحى على انه بتصير زوجتي لكن يوم خطبها ماجد و كانه اخذ مني الأكسجين و كانه منعني من كل شي تعبت و حاولت ما ابين لي الناس اني تعبان بس بأن على وجهي و بأن اكثر يوم قالو لي انه رنا ماوفقت وان ماجد ما يبغاها الوقت هذا قلت مستحيل اصبر اكثر من كذا و خطبتها و انتهينا
ابو رنا ناظر فيه : وليه حضنتك و هي ما تحل لك و ليه ما منعتها
خالد : هي جت ولا عرفتها الا يوم تكلمت لانه ما قد شفتها الا وهي صغيره بس صوتها اعرفه لانه كلمتني على الرفض و انها ماتبغاني كان ودي تروح تبعد بس كانت متعلقه فيني
ابو رنا : ماهو عذر ماهو عذر يعني لو اي وحده تجي تحضنك و تقول ما دريت ما عرفت خالد انا ما بسمح لك تضايق بنتي ولو كان هي رضت هي ما تعرف مصلحتها
انا وافقت عليك على انك بتحميها ما دريت انك بتضايقها
خالد : عمي انا احميها وانا خايف عليها و هي في اماني و هي اميرتي مستحيل يلحقها ضرر او زعل و هي في امانتي
فتح الباب و دخل مسعود و ام رنا و جلسو و سكت خالد كان متضايق وبشده من ذا الوضع
لف مسعود لي ابوه : وش فيه
ابو رنا : ماني قادر أمنه على بنتي
وقف خالد وحاول يهدي اعصابه :انا وش اقول من الصبح و دامك رافض تقتنع بكلامي ليه تناديني ليه تقول لي اشرح لي دامك ما ترضى تسمع لي
ابو رنا : انا قايل لك انه اشرح لي لانه بشوف تكذب او لا و كنت صادق اللي انك وصلت لي سالفة الحضن
خالد :لا انا صادق و دليل على اني صادق قد جتني هدى قبل خطبتي لي رنا و كلمتني انها بتترك نايف و توافق علي لكن انا رفضت رفضت لاني ما ابغاها ولا ابغى اي شي يقربني صوبها انا من زمان تاركها و ناسيها لكن انت بكلامك هذا تبين لي اني ماخذ رنا لعبه انا ما أخذت رنا لعبه انا اخذتها لاني احبها
مسعود :خالد  اهدا وانحم عارفين انك تحبها بس لازم نفهم كل شي
ابو رنا : وش فيها هدى عشان تركتها
خالد : ما فيها شي ولا فيني شي بس ما توافقنا مع بعض لا قدرت احبها ولا قدرت تحبني و انفصلنا
ابو رنا : ماهو عذر ما كان رحت و حضنتها
خالد : وين رنا وين هي
مسعود : وش تبغى بها
خالد : هي تعرف الموضوع كامل
دخلت رنا و عزيز ولف خالد لها : قولي لهم وش صار قولي لهم اني كنت اسولف معش و ما انتبهت لها إلا وحضنتني
رنا : ايه هذا الموضوع و انا تفاهمت مع خالد و انتهينا ليه تعيدون الماضي 
ام رنا : انتي ما تعرفين مصلحتش باقي صغيره
خالد لف عليها :رنا تعرف مصلحتها و وهي كبيره
ابو رنا : تمام لو مثل ما انت تقول ما كان تنرفزت
خالد : تنرفزت لانه الموضوع قديم و مره قديم ليه يتجدد
ام رنا : انا سكت لانه قالت لي رنا موضوع بسيط ولكن جتني وحده ذليوم و غيرت كل الكلام
خالد: يعني تصدقون الغريب و تكذبوني
ابو رنا : انت ما قلت لنا الكلام في كل مره تجحد ليه ما تثبت لنا
خالد : اثبت وش اقول
ابو رنا : مدري عنك يعني تبغاني اتكلم انا عنك
خالد : انا قلت اللي عندي انتم اللي ما تبغون ترضون
ام رنا : ايه يعني ماهو انت قايل لها انك بتاخذ رنا و بعدين بتاخذها هي
رنا : يمه من وين سمعتي الكلام
ام رنا : ولا كلمه انا اللي اتكلم
ابو رنا :رد يا خالد
خالد : لا والله ان ما في قلبي غير رنا وانا بدونها ضايع وش فيكم ما تفهمون
ابو رنا : صرنا ما نفهم لانه اكتشفناك لكن روح ما عندنا زوجه لك و ننتظر تطلقها واذا ما طلقتها انحم بنتصرف
خالد : يا عم صل على النبي وش فيه ليه ما تسمعون مني والله انه ما قد تكلمت اني بترك رنا وانا طول عمري احبها
ابو رنا و كلهم : اللهم صلي وسلم على نبينا محمد
ابو رنا : ما عاد عندي كلام تفضل برا
و لف خالد يناظر رنا المصدومه واللي يضايقه نظراتها له لف و شاف ابو رنا و ام رنا معصبين و العيال كانو مصدومين من اللي صار مشى خالد و وصل لي الباب و رجع لف عليهم : انا ما بطلق و مستحيل اطلق و باخذها منكم طيب غصب لأنها زوجتي و حلالي
ابو رنا : ان ما طلقتها بنخلعك يالله برا
طلع خالد و انهارت رنا تبكي و راحت لي ابوها : تكفى يبه تكفى لا لا تخيل اتطلق ومالي الا ٣ ايام متزوجه يبه تكفى والله اني كنت عايشه افضل الايام والليالي
ابو رنا : ان قسيت ف هذا عشان مصلحتش هذا كذاب يبغاش  تحبينه ويرجع يخونش انتبهي منه
رنا : يبه لو تقول الكل انا اصدقك بس خالد مستحيل اصدقكم فيه خالد مستحيل يضرني
ابو رنا : روحي غرفتش قبل ما ارجع اعصب عليش يالله
ولف لي العيال: وانتم بكره تروحون بيتهم و تاخذون أغراض اختكم و لا تتركون ولا غرض فاهمين
مسعود :الموضوع ما ينحل كذا ولازم نفهم قبل يبه
ابو رنا : ماني مجنون انا قد شكيت من يوم هو يبغى الملكه بسرعه و الزواج بسرعه انه فيه شي
عزيز : وانا وش فيني شوفني استعجلت بالملكه و بستعجل بالزواج مافيها شي بس الولد بتخلص إجازته و يبغى يخلص قبل ماتنتهي الاجازه
سالم :والله ما في اطيب منه جتى سمعتوه اول ما كلم عزيز على طول سأل عن رنا كان خايف عليها
ابو رنا :ما انتظر كلامكم ولا هميتوني بكره تخلصون و تجيبون أغراضها
طلع ابو رنا للغرفه و ام رنا معه
و العيال جلسو و كانو ضايقين لانه ما ودهم ابوهم كسرهم كذا