نافذة الذكريات

part 37

انتهت ذيك الليله بمناسبتها و كانو الكل مبسوط و الكل سعيد وراحو ينامون
مرت الايام و جا يوم زواجه و و اخذ عروسته و راحو و كانت الايام تجري بسرعه و خالد ورنا قررو زواجهم بيكون بعدها بثلاث شهور  و كانو يجهزون له بكل حب و كل وناسه مت بعضهم و كانو يخططون وش بيأثثون شقتهم اللي في الرياض اللي ما احد يعرف عنها ولا قد تكلم انه خلاص بيسكن في الرياض و يستقر هناك وكان عند أحد خبر كانو بسيطين مع بعض و احمد مثل ما هو رجع لي دوامه و كان يهلك نفسه في النادي و في الدوام ما كان يرجع البيت الا ينام صار متغير وجهه و شكله و كل شي فيه عبدالكريم كان يفكر في سمو ولكن ما تجرأ انه ياخذها يخاف ترده و طبعا سعود و نور مبسوطين على اخر حد و سفريات مع بعض
مسعود مثل ما هو ما خطى ولا خطوه ولا وده يتزوج عزيز خطب جود و حب الطفوله و كان مبسوط معها و هي مبسوطه انها وافقت عليه و كانت اسعد ايامهم مع بعض
راجح خطب قمره و كان مبسوط معها و طبعا عايش في الكوفي حقها يوميا قبل الدوام و بعدالدوام يروح له يقول وده بشاهي ولكن نفسه في شي ثاني بتأكيد
هيثم مبسوط مع ليلى و عايشين الجو و ضحك و وناسه و هبال مع بعض غلا و سلمان اعترفو لي بعض انهم يحبون بعض و استانس سلمان  انها تبادله و غلا نفس الشي
ذيب و سمر  و ذياب و ساره اثنين اخوان ماخذين ثنتين اخوات كانو مبسوطين و عايشين الجو كانو هم و سلمان ودهم يسوون ملكه بس أعمارهم ما تسمح لهم
مطلق تزوج و جاب زوجته لي الجنوب و نقل دوامه هناك عشان ماعاد له نيه يبعد عن أهله مره ثانيه بهاج نفس الشي مع الدوام اما هو و حنين ما تغير شي ولا تكلمون الا برسميه بدر على حاله ماوده بزواج هنوف و نوف انخطبو من اخوان عبدالله و عبدالرحمن و ملكو و مبسوطين مع بعض
ود و وداد و شوق و جواهر  على حالهم مرت شهرين و تغيرت تغير جذري و كبرت عائلتهم و صار كل واحد مشغول بعائلته الصغيره ولكن لازم انه يجتمعون مع بعض و كان أكثر شي يتكلمون عنه زواج خالد و رنا و وش بيسوون فيه و مين يعزمون ماهم دارين عن خطط خالد المستقبليه و انه يجهز لي بعد الزواج سفرته و انه بعد ما يخرجون بيروحون المطار على طول جا يوم زواج خالد و رنا اليوم اللي بيعشون معا بعض تحت سقف واحد و كان كل محاولات خالد في الشهر هذا انه يشوف رنا او يسمع صوتها تبؤ بالفشل كان يحاول من الصبح لين الليل انه يشوفها لكن ما يقدر و اخوانها يقولون بتشوفها ليلة الزواج
و جا الليله اللي قبل ليله الزواج و كانت رنا متوتره و خايفه و البنات مجتمعين حولها يهدونها بس ما في فايده
جت غلا و حضنتها :بتاخذين عمي مني ببكي والله
ضحكت رنا : خلاص خذيه ما عاد ابغاه بالعافيه عليش
ود ضحكت : هيه كيف بتتخلين عن الحب
رنا : وش اسوي خايفه
هنوف بطقطقه:  ترا اخوي ما ياكل
رنا :بنشوف يوم زواجش وش بتسوين
هنوف : تكفين لا تذكريني
ضحكو البنات على وجه هنوف و كلامها و لفت وداد : بنات ما تلاحظون انه ذا الليله مسوين جمعة بنات بس
ضحكت رنا : احسن شي صار ماودنا بالرجال
ضحكت نوف :والله لو يدري خالد انه كلهم ما يتغطون عنه كان دخل بس توقع ان بنات خالش بيجون
ضحكت رنا :عادي قولو له ايه بيجون و انتهينا خلونا ننبسط مع بعض
شوق : عشان الجو يكتمل و ننبسط مع بعض خلونا نشغل اغاني و نرقص
رنا : تكفون انا وين وانتم وين انا متوتره وانتم بترقصون 
غلا : عادي يا عمتي الحلوه بنرقص و يروح التوتر
رنا : ماني عمة احد ابعدي عني
ضحكت هنوف  : كلمت الأمهات اذا عصبو
رنا :بنات صدق وين امكم ما جت
هنوف : تقول مالها خلق بتتحنا و تنام
شوق : حتى امي تقول نفس الشي
ضحكت رنا : والله مستغربه عمي بيتزوج و على كبر
ضحكت هنوف : لا دامش دخلتي عايلتني اعرفي ان عايلتنا فيها احداث كثيره
شوق : هو قال وده يرجع امي ولكن ما احد يدري وش بتقول امي
وداد : امي ما تحب تجيب لنا سيره عنه من وانحم صغار و اذا سألنا ما تتكلم فيه بالعكس تمدحه بنظرنا
ود : تدرون اكثر شي قهرني انه بعدنا عنكم ودي انه جلسنا معكم
رنا : تكفون لا توتروني
هنوف  :انتي متوتره من دون كلامنا
جلسو ضحك و سوالف عشان يغيرون جو رنا شوي و جت رهف طايره و صقعت بالباب:  ان شاءالله ما تأخرت يا بنات
ضحكو البنات على شكلها و قامو يسلمون عليها
رنا: انتي وش وضعش دايم متأخره
ضحكت رهف : والله نسيت ما تذكرت الا يوم جت امي تقول انتي ما بتروحين عند صديقتش و فزيت و جيت ركض
ضحكت هنوف :كويس لحقتي تعالي خلونا نطلب عشاء و بعدين نقص الكيكه و نحتفل 
رهف جلست : كان قلتو لي جبت لكم معي
هنوف : يا بنت عادي بنطلب اساسا متعودين ان تتأخرين
دق خالد في ذا الوقت : بنت ارسلي لي أحد يجي ياخذ الاغرض وياليت انه رنا هذا الأحد
ضحكت هنوف : ابشر ثواني بس
لفت على البنات :شوق قلبي روحي شوفي وش يبغى خالد
شوق ناظرت شكلها و كانت لابسه بنطلون اسود و تيشيرت احمر : عادي اطلع بذي
رنا : ايه عادي اخواني ما هم موجودين خذي راحتش
طلعت شوق و ما كانت لابسه عبايه و فتحت الباب و طلعت برا وشافت خالد و راحت تحضنه في ذي الاثناء عصب خالد و مسك بيدها ودخلها بسرعه : بنت معي ناس ما تشوفين
شوق : اووه اسفه ما انتبهت
خالد : عادي ما صار شي بس خذي العشا و حاولي في رنا تقابلني
شوق : اخوي انت ناوي تخرب الحماس شوف ما عاد الا بكره و بتشوفه اصبر يا اخوي
خالد اخذ يدها و حطها على قلبه :ماعاد اتحمل قلبي يوجعني حيل
شوق: بسم الله عليك يا قلبي معليك نام و اصحى تلاقي بكره جا
سكت خالد و طلع و كان ضايق من ذا الوضع انه ليه ما يشوفها
عند احمد كان في السياره يناظر خالد و شاف البنت اللي حضنته و شاف ملامحها الحلوه و الصغيره بعدين نزل راسه و فتح جواله ولا عاد رفع راسه الا يوم جا خالد
رفع راسه شاف خالد ضايق :وش فيك بسم الله ما كأنك عريس
خالد : ودي اشوفها بس ما خلوني
ابتسم احمد : و هذا اللي يضايقك طيب عادي فكر في الايجابيه بكره بتشوفها و بتلقاها دايم
ضحك خالد : شوق تقول نام و اصحى تلاقي بكره جا ماتدري ان اذا في قلبي شي ما اقدر انام
احمد ابتسم من ذكر اسمها و كان الاسم يجنن بعدين تذكر أن منال حبها و حب اسمها و ما صارت من نصيبه : صادقه نام و اصحى تلاقي الصبح جا
خالد  : مشينا جيت عشان اشوفها و ردتني ها النتفه
ضحك احمد : اكيد قصدك زوجتك
خالد : لا شوقوه النتفه البزر تتحكم في اخوها الكبير
شغل السياره احمد و مشى و هو يضحك على حلطمة خالد و ضيقه من انه ما يقدر يشوفها بكره الا بعد ما تلبس و تسوي المكياج والشعر