نافذة الذكريات

part 28

خالد : لا والله بس اخواني كل ما طفشو يروحون لها
احمد : كويس
ركبو السياره و لف خالد : تصدق من امس ماني فاتح جوالي
فتح جواله و شغل السياره و شاف الجوال والاتصالات من مسعود و نزل الجوال و ساق
احمد : ملل يا ولد
خالد : وش تبغى
احمد:  مدري
خالد : في بقاله قريبه من هنا بناخذ لنا مكسرات و شبسات
ضحك احمد:  يعني صامل تخرب الدايت
خالد : لا يابني بس قلت عشان الطريق طويل و نبغى نتسلى
شوي و دق مسعود : السلام عليكم 
خالد : ياهلا وعليكم السلام
مسعود: وينك ياولد ما ترد
خالد : يا ابني  مقفل جوالي
مسعود : ايه والسبب
خالد لف لي احمد و احمد اشر عادي قول له  : والله رحنا نخطب لي احمد بس ما تمت الخطبه و خرجنا و كنا معه ما نبغى نفارق بس
مسعود : اما مين خطبتو له لا تقول اللي في بالي
خالد : و في غيرها
مسعود : الله يعوضه خير منها
خالد : بتنزل يا احمد ولا انزل البقاله
احمد : شايف رجلي انت
خالد:  آمين الا وش بغيت أمرني عشان بنزل للبقالة
مسعود : كنت ابغى أسألك سوال بس روح البقاله و بعدين أسألك
خالد:  سولف مع احمد حتى اجي
مسعود : ابشر
اخذ احمد الجوال : هلا مسعود
مسعود : هلابك كيفك اخبارك
احمد : بخير الحمدلله
مسعود : الحمد لله تبغاني اجي
احمد : لا والله حتى العيال ما ابغاهم معي بس يزعلون هل خالد زعلان مني و تناقرنا و حتدت اصواتنا بعدين هدينا و عرفنا انه تعبان ف نخليه
مسعود : بسم الله وش فيكم ليه كذا
احمد : انا ضايقه فيني و خالد ضايقه فيه و تقابلنا وتعال شوف النقاش لو كان شي تافه لازم نتناقش المهم وش سؤالك
مسعود : ولا شي بس رحت للاسطبل و شفت الخيول و من بينهم خيل خالد لكن شفت عليه سلسال و كان شكله غالي ف حبيت اسأله سلسال مين
احمد : لا يكون سلسال هذيك و خدعنا و قال نسيها
مسعود : مين
احمد : مدري بس لو يطلع الكلام اللي في بالي صحيح تجالدنا انا وياه
ضحك مسعود:  وش فيكم كأنكم شيبان كل واحد ينتظر الزله على الثاني
ضحك احمد : معليك كلنا عندنا اجازه و جالسين مقابلين بعض
ضحك مسعود و ركب خالد السياره و رما بالغراض على احمد : ماغيرك تضحك هنا وانا واقف لي ساعه
احمد : وانا وش دخلني
خالد : لو انك نزلت معي
احمد : قالو لك اني اذا نزلت بخفف الزحام
خالد: يا ثقل دمك يا احمد كريه
ضحك مسعود : يا شيبان وش فيه
ضحك خالد : الله اللي باقي شباب و في عمر الزهور اقول اسكت يا الشايب
ضحك احمد : وهو بس يحب يناقر
مسعود : اسمع يا الشايب السؤال
خالد :تفضل
مسعود : انا رحت الاسطبل ذليوم و لفيت على الخيول و شفت خيلك عليه سلسال ابغى أسألك لمين و كيف وصل لها و يوم سألت رنا قالت لي انك جيت الصبح وانتقرت معها و رحت بيتكم
خالد: اها اول شي لا عاد تكذب لان السؤال للفضوليه و هي اللي قالت لك اسأله و ثاني شي انا اعرفك ما تلاحظ على احد
احمد : بلا نقره و جاوب
خالد : الجواب انه كان معي في السياره و يوم دخلت سيارتي الورشه لبسته خيلي لكن إذا انتم زعلتو ان خيلي لابس سلسال و انتم لا عادي قول لي الفضوليه تنزله من على الخيل وتعلقه على الباب و اذا جيت اخذته
احمد : تستهبل على راسي البنت باقي في قلبك وتقول نسيتها
خالد : لو نسيتها السلسال مستحيل ارميه ولا ابيعه السلسال بخليه ذكرى و فكني من الصياح
مسعود : وش فيكم تنتقرون ما قلت شي و بعدين ياخالد عادي بس استغربت الحركه بس
خالد : معلي اسفين بس كلنا معصبين و كل شوي نتهاوش
مسعود : عادي على راحتكم انا بقفل
خالد قفل بعد ما ودع مسعود و لف على الكيس و اخذ عصيره و فتحه و شرب منه شوي بعدين حطه المكان المخصص لي الاكواب و هم كلهم سكوت و قاطع الهداوه هذي احمد : انا بجلس عند اهلي ف اذا قدك طالع لا تأخذني
خالد هز رأسه بايه و ما تكلم و هو هذا الشي اللي يخاف منه ما يبغى في يوم من الايام تصير بينه هو و اخويا عمره مشكله كان يسوق و هو ما هو طايق نفسه و ساكت لف من سمع احمد يناديه : خالد وش فيك
خالد لف لي الطريق:  مافيني شي
احمد : اكذب على غيري وجهك مبين فيك شي
خالد : ضايق ما كان ودي ارفع صوتي و ازعلكم
ضحك احمد: و على بالك انه زعلنا انحم اي شي منك يصير غير وانحم اللي ودي ما نرفع ضغطك و نزعلك
خالد : يعني ماانتم متضايقين مني و من عصبيتي الزايده
احمد : مين قال لك انه نزعل انحم ما نزعل منك بالعكس نحب نناقشك عشان ما تكتم في خاطرك و تتعب
خالد : معليك انا احسن الحمدلله
احمد :الحمدلله
بعد مشوار طويل وصلو و خالد نزل و ساعد احمد حتى دخل و سلم على ابو احمد : سلامة وش فيها رجلك
احمد ضحك :والله ولا شي أمس في الليل كنت ابغى انام و كان خالد فاضي يبغى يتمشى و انحم نقره تعشينا و خلصنا العشا و طلعنا و طحت على رجلي وانكسرت ولكن أعجبني رجع خالد يهجد
ضحك أبو أحمد:  والله اني خفت عليك لكن من يوم قال خالد معي لا تخاف عرفت انه ماشاءالله بينتبه لك ولا بينزلك من السياره الا قدك بتنام
خالد : والله انا اسف ياعم كانت النيه كذا ولكن ولدك تهور و كسر رجله ولا انا زعلت انه كسر رجله زعلت لانه خرب رحله مليئه بالمغامرات
احمد : الحمدلله انه انكسرت رجلي شكل ابوي دعا لي انه يكفيني شر كل شي و كفاني من مغامراتك
ضحك خالد : عاد استأذنكم لازم اروح لي اهلي  هاللي يحبون مغامراتي
ضحك ابو احمد : الله يحفظك و كان ودنا لو تجلس تتعشى معنا
خالد : والله ودي اروح لي اهلي
ابو احمد : الله يحفظك
خالد : آمين مع السلامه
طلع خالد و ركب السياره و راح لي أهله و سلم عليهم و جلسو سوالف و ضحك و طقطقه
حتى تكلم بهاج : خالد وش صار على الخيل
خالد : اسكت ذكرتني والله جلسنا اختصمنا معنا عزيز فك بينا و حطيتها هناك في الاسطبل 
مطلق : وأنت وشفيك كل ما قابلتها اختصمتو
خالد : ترفع الضغط انت ما شفته هي خلاص كل ما قابلتني رفعت ضغطي باي تصرف وانا اعصب و تصير بينا
___________
عند احمد
كان يسولف مع أهله و يبين لهم انه ما اهتم ورجع تكلم : انا ابغى اسافر لكن ودي ما تقولون لي خالد إذا جا يسأل عني قول له نايم عندنا
ابو احمد : وليه ما تبغاه يعرف
احمد : ولا شي بس هو يتضايق اذا عرف ف ما أبغاه يعرف ومعليك بس اسبوع ولا اسبوعين وانا عندك
ابو احمد :الله يحفظك لكن ما كان ودي تروح
احمد : حتى انا بس انا ماخذه اجازه ف قلت استمتع بها بس
ام احمد: الله يحفظك يا ولدي وانتبه لي نفسك
قام احمد يرتب ملابسه و أغراضه و جا وليد وجلس :وانا ليه ما تبغاني امشي معك
احمد : لاني ابغى اكون وحدي
وليد : طيب انا اخوك الصغير و ضايق خذني معك
احمد لف له بعدين جلس : بعدين باخذك بس ذلحين خلني وحدي
وليد : بس كيف اعرف وين تروح و كم بتجلس
احمد : يمكن اجلس من اسبوع اللي اسبوعين وين بروح ما اقدر اقول لك لاني اعرفك بتروح تكت العلم عند اخوياي
ضحك وليد : اذا سالوني وش اقول لازم اقول لهم الحقيقه
احمد وقف و قفل شنطته ولف عليه : قوم ودني المطار وبلا فلسفه و ياويلك لو تقول لي العيال
وليد : شوف لو يسألوني والله لا اقول لهم تعرف ليش لاني زعلان منك ليه ما اخذتني
دخلت ام احمد و ضحكت : وش فيكم
احمد : يمه شوفيه يبغى يمشي معي ولا يعلم العيال
ضحكت ام احمد : خلاص ياوليد ياأمي روح و خل اخوك يسافر و انا باقول لك اقرب اجازه بخليه يسفرك
احمد : ايه مثل ما قالت امي ذلحين ودني المطار و بسرعه قبل ما يطلع خالد من البيت
وليد : خلاص عشان امي بخليك تروح
مشى احمد و اخذ شنطته و أغراضه و توادع من امه و ابوه و أخذه وليد و سافر