نافذة الذكريات

part 32

عزيز : يا خال انا جايكم وانا ابغى بنتك على سنه الله و رسوله واتمنى ما ترفضني
ابو ماجد : والله يا ولدي انه ونعم فيك و في اهلك ولكن الشور الأول والأخير لي البنت
عزيز : طالبك يا خال ما تردني طالبك لا تكسر قلبي و توجعني انا فيني اللي مكفيني
ماجد : عزيز طلبك ماانحم رافضينه ولكن اختي هي اللي توافق او ترفض
خالد : كلموها ذلحين و خلونا نبارك و تصير خطبتين ذالليل
ابو ماجد و ماجد قامو و راحو يكلمون جود و عزيز جلس و هو متوتر ابو رنا وهو يتكلم بصوت نازل : وش وضعك تبغى تحرجنا قدام الناس
عزيز : ما عاد فيني صبر تعبت تعبت ان ما وافقت والله ما عاد تشوفوني
مسعود : ولد اذكر الله وش اللي ما عاد نشوفك
عزيز : ماني قادر اجلس و انا حاس اني متضايق
مسعود : والله انك مجنون
عزيز : ربي يعين
كان الجو متوتر و يوم طولو توترو اكثر

________
عند ابو ماجد و ماجد
نادو جود و امها و  سكت ابو ماجد شوي بعدين قال : عزيز طلبش مني و هو رجال و أنعم فيه و ولد عمتش و تعرفينه من يوم وانتي صغيره ها قولي لي
جود و هي توترت من الموضوع: مدري يبه ما افكر فيه
ماجد : اعطيه فرصه وافقي و يكون الزواج فتره بعيده شوي
جود : تمام انا موافقه بس الزواج لو كان بعد سنه انا موافقه
ضحك ماجد : مبروك والله يتمم لش على خير
جود استحت و راحت و ضحك ماجد بعدين لف على ابوه : يبه خلنا نمقلب عزيز شوي
ضحك ابو ماجد : على راحتك
دخلو لي المجلس و بعد ما القو السلام لف ماجد لي خالد : خالد كمل الاغنيه تصدد وابوها و قال
خالد :ليه
ماجد : ودي اسمعها قبل نقول لكم قرارنا
خالد :
تصدد وجه أبوها وطال
سكوته ولا حكي ينقال
تفكر ثم قال إسمع
ترى بنتي لإبن الخال
ترى بنتي لإبن الخال
يا عم أرجوك لا ترمي الشوك
فعيني وقلبي المغرم
بطهر الأرض عرفنا بعض
من إحنا صغار لو تعلم
لا تحرمنا لا تعدمنا
وربك ما رضى بالظلم
يا عم ناظر ترى الخاطر
يبيها من سنين كم
يا راعي الخير هوانا طير
لا توقف في طريق الحلم
وخذ مني وعد إنّي
أخليها في مجرى الدم
تمايل راس أبوها ومال
يهزه يمنتن وشمال
همس في أذن صاحبنا
نصيبك مع سواها تنال
نصيبك مع سواها تنال
مهو معقول ولا مقبول
أعيش الفكرة ذي يا عم
بعد بنتك أنا أحلف لك
عليّ تحرم بنات آدم

خلص و قامو يصارخون و يضحكون ويذكرون الله على خالد
جلس ماجد بجنب عزيز : سمعته التكملة
عزيز : عندي امل
ضحك ماجد:  ووجهك وش سالفته
ضحك عزيز : قول والله وترتني
ابو ماجد : عزيز  البنت موافقه
عزيز وقف : أسألك بالله يا عم تكفى يا عم لا تعطيني الأمل و بعدين تقول مقلب
ابو ماجد : لا هذا حقيقه و البنت لك  ولكن بشرط الزواج بعد سنه ولا سنتين عشان تتعرفون على بعض
ضحك خالد و راح يحضنه : مبروك يا اخو زوجتي مبروك يا النسيب
جا مسعود و بعد خالد و حضنه : اووه الورع بيتزوج قبلي
ضحك عزيز : والله ماني مصدق
جا عبدالكريم و احمد و سعود و هم يباركون له و يضحكون على وجهه و هو ما هو مصدق
ابو خالد : مبروك عزيز و عقبال مسعود و احمد و عبدالكريم و سالم
كلهم قالو امين الا احمد تضايق و اخذ اغراضه : انا استأذن عندي دوام
ابو خالد : وين رايح اجلس معنا
احمد: والله يا عم ماخذ اجازه شهرين و انتهت ولازم اباشر عملي انا استأذن
ابو رنا : عندك دوام ولا تتهرب من موضوع الزواج
احمد : لا والله عندي دوام و لازم اجي حتى قلت لي خالد لازم امشي بدري اذا جيت معك وقال على راحتك
ابو خالد : الله يحفظك و اعذرنا ياولدي اذا زعلناك
خالد :انتبه للطريق ولا تسرع
احمد : ابشر و مبروك يا خالد و مبروك يا عزيز و عقبال للي يبغى مع السلامه
طلع احمد و كان منفس بسبب انهم جابو طاري زواجه و ذكروه بشي كان ناسيه من زمان او يحاول ينساه
كان يهوجس حتى وصل للمطار و حجز أقرب طياره و سافر و هو ما جا الا عشان خالد ما يزعل عليه ولا يضيق و هم أصحاب من الصغر وكل واحد يعرف وش يضايق الثاني