نافذة الذكريات

part 11

طلع عبدالكريم و هو حيل خايف على خالد و على الكل
خايف يصير لي خالد شي و يتعبون هو يتذكر  يوم خالد ترك هدى و سافر يتذكر اهل خالد كيف انهارو و كيف ابوه و أمه انهارو و كيف انهار احمد و سعود و انه جلس يهديهم وأنه بيرجع لنا طيب انتم لا تخافون و جلس يفكر لو يصير شي ذلحين لي خالد كيف هو يقدر يتماسك و ما ينهار و كيف بيقدر انه يغير جوهم لانه كان هو و خالد دايم مع بعض و دايم يسوون جو لي اهلهم مع بعض و دايم تصوير  مقاطعهم  مع بعض كانو في كل شي تشاركون وقف برا و شاف أهله و أهل خالد يركضون له و جا ابو خالد يحضن عبدالكريم: طمني عليه تكفى لا تقول ان فيه شي تكفى يا عبدالكريم
عبدالكريم ضل ساكت بعدين شد على حضن ابو خالد:  يعمي باقي الدكتور ما طلع  روق ان شاءالله انه بخير وتعال خلنا ندخل جوه نشوف الدكتور اذا طلع
اخذ عبدالكريم ابو خالد و ساعده حتى دخل و جلسه على كرسي الانتظار و راح ينادي راجح : راجح ابوك على الكرسي روح عنده و طمنه ولا تخوفه و مسح وجهك هيا
و ساعده حتى وقف و كمل يروح عند العيال مسك احمد و سعود:  يا عيال عمي ابو خالد هناك على الكرسي امشو اجلسوا عنده ولا تخوفونه هيا خلونا نطمنهم و اكيد عايلة خالد كلها بتجي هيا امشو مشو العيال مع عبدالكريم و جلسو عند أبو خالد عشان يغيرون من جوه
________
عند ام خالد في البيت
كان حاله من الفوضى و كلهم يبكون و يصيحون و كلهم كان خالد معهم طيب و كان لطيف التعامل معهم و ما قد اذاهم ف كان الحزن مسيطر عليهم و كانت غلا في حالة انهيار و رافضه انها تسكت او تهدى كان خالد بنسبه لها كل شي ف ما كانت مستعده تسمع عنه أي خبر

_______
في قسم الرجال
كان هيثم و سلمان و ذيب و ذياب لأنهم قال لهم جدهم اجلسوا عند الحريم لا تخلونهم وحدهم ف جلسو و كلهم ماهم طايقين أنفسهم و متضايقين و متوترين شوي و دخلت جدتهم ام خالد:  هلا عيالي كيفكم
ذيب : طيبين يا جده تعالي اجلسي بصب لش قهوه
ام خالد:  والله ياولدي اني ما ابغى القهوه انها ضايقه فيني الا رح انت و ذياب لي اختكم غلا جالسه تبكي و رفضن تهدأ او تسكت 
راح هيثم و انسدح على رجول جدته و باس يدها : خليها يا جده والله انه حتى انحم انفجعنا
ام خالد:  والله ياولدي انه كلنا لكن لازم نصبر والله انه ضاق صدري و كل ما اتذكر سوالفه و كلامه ايام زمان اني اتضايق لكن الله يقومه بسلامه يا ولدي ما معنا الا الدعاء له الا انت كلمت ابوك
هيثم : كلمته يقول باقي ما قد جاهم اي خبر عنه
ام خالد:  طيب ابغى أسألك انت سألتهم عن عيالي عبدالكريم و احمد و سعود و راجح كيف حالهم
هيثم : والله  ياجده اني نسيت اسأله لكن اكيد انهم تعبانين
ام خالد:  الله يعين يا ولدي
هيثم و هو مغمض عيونه ما يبغي تنزل دموعه : تدرين كلمني يوم  الثلاثاء و قال لي اول ما اجي يوم الجمعه ولا السبت بكلم ابوك و أقنعه يخطب لك اللي تحبها و اذا ما اقتنع بمشي معك انا و جدك و نخطبها لك و (سكت  بغصه لانه ما يبغى يبكي عشان جدته)
ام خالد وهي تمسح على شعره :معليه ياولدي ان شاءالله يطلع و تشوفه طيب و يسولف معكم و يلعب معكم و يسوي اللي تبغونه انت لا تبكي ولا تضيق يا ولدي خلك قوي و ادع له و جيت عندكم عشان ما اشوف غلا و هي تبكي طلعتو حتى انتم تبكون هنا
قام هيثم يغسل وجهه و قامو كلهم يغسلون وجيههم و راحو يهدون اخواتهم كل واحد راح عند اخواته يهديهم و يسولف معهم
_________________
في المستشفى
كانو جالسين يسولفون و يهدون بعض فجأه قام سعود و طلع من عندهم و راح برا المستشفى و جلس عند السياره يبكي لانه ما تحمل يشوف عمه ابو خالد منهار و حاول يهديه بس ما قدر قام يبكي:وينك يا خالد تكفى تعال شوف انت كنت تضحكنا بس شوفك اليوم بكيتنا خالد كنت تقول انا معكم انا موجود اي شي تبغونه قولو لي انا بقول لك انا تعبان و ضايقه فيني تعال اخخخ ياخالد تعبت والله تعبت
جا عبدالكريم حضن سعود:  سعود وش فيك انت اللي قبل شوي تقول انه بخير سعود خالد بيصير طيب لا تضيق تكفى
شد عليه سعود:  عبدالكريم انت تدري انه خالد ما كان يضايقنا و كان اذا هو متضايق و زعلان او معصب ما يكلمنا عشان لا يشغلنا تكفى قول له انه ذلحين ضايقنا لانه تعبان
عبدالكريم بعد عن سعود و جلس ماسك يدينه : قوم معي و اسمع خالد بيرجع و قول عبدالكريم ما قال بيرجع و يقول لنا انه اسف على الوقت اللي مر و انا مضايقكم فيه انا آسف على كل لحضه حزنتكم بس انحم لازم نكون اقوي و ننتظر يوم يجي و يعتذر و ذلحين هيا أمشى خلنا نجلس معهم عمي ابو خالد يسأل عنك يقول وين سعود
سكت سعود و مشى مع عبدالكريم و جلس ينتظر معهم و ينتظرون اي احد يسألونه عن خالد بعد مده طويله طلع الدكتور و قامو العيال و اجتمعوا عليه
عبدالكريم: طمنا يا دكتور كيفه خالد تكفى لا تخوفنا
الدكتور:  الحمدلله هو طيب بس رجله مكسوره من مكان واحد و  جبرناها و هيه كويسه و في جرح في رأسه و في يده كسر من مكانين واحد في كتفه و واحد اسفل في ذراعه وان شاء الله  يتحسن و هو ذلحين لازم نصبر ٢٤ساعه حتى نتطمن عليه و نشوفه يصحى او يدخل غيبوبه
الكل سكت و هم مصدومين من كلام الدكتور و  كيف ان خالد يحتاج دعوات  انهارو كلهم يبكون ما عاد تحملو اللي يسمعونه كيف كذا مستحيل
رجع الدكتور  : وقفتكم هنا مالها داعي هو بيدخل العنايه ف كلكم روحو و سجلو رقم احد نقدر نتواصل معه إذا صحي و ذليوم ماتقدرون تجلسون لانه ما قد صحي
أبو عبدالكريم:  طيب يا دكتور بنمشي بس طمنا
الدكتور:  ان شاءالله يكون بخير انتو لا تشيلون هم
طلعو العيال و معهم ابو عبدالكريم و أبو خالد  و مشو و راحو للسيارات وبعدها راحو للمسجد عشان صلاة الجمعه صلو و خرجو علمو الكل انه خالد في المستشفى 
و راحو للبيت و استقبلوهم البنات و  ام خالد
ام خالد:  طمنونا على خالد
ابو خالد قال لها كل شي و انهارو البنات يبكون و غلا رجعت تبكي من جديد و راحو يحضنون جدهم لأنهم يعرفون وش كثر جدهم يحب خالد
ابو خالد:  هيا ندخل و انتم خلاص لا عاد تبكون
غلا:  ابغى عمي
أبو خالد: خلاص يا بنتي يحتاج دعواتك
جو معاذ و ناصر و اخذو بناتهم و دخلوهم جوه و بعدين رجعو يجلسون عند ابوهم عشان يسولفون معه
جا راجح و جلس بجنب ابوه :اصب لك يايبه قهوه
أبو خالد:  والله يا ولدي اني ما أبغى شي خلني اجلس وحدي
راجح:  لازم يايبه نعطيك حاجه و تتغدا عشان علاجاتك
ابو خالد:  والله انه ما ابغى شي انت لا تزعجني و اذا تبغى تجلس اجلس ساكت
جا ناصر و جلس بجنبه : يبه خالد بخير  و ان شاء الله بيقوم بسلامه بس انت لازم تاكل لك شي عشان علاجك
ابو خالد: طيب سوو غدا لكن وين عيالي وين عبدالكريم و احمد و سعود
معاذ:  مدري يايبه بس اكيد انهم عند أهلهم
أبو خالد:  كلموهم انا اعرفهم و مستحيل يرتاحون و ذلحين في المستشفى لكن قولو لهم انه ابوي يبيكم
معاذ:  ابشر ذلحين بقول لهم و راح يتصل عليهم
____________
عند العيال كانو مجتمعين في بيت ابو عبدالكريم
كان كل واحد على جواله عشان ما فيهم يتكلمون لأنهم يعرفون بعض ف ما يقدرون يواجهون بعض و في نفس الوقت محتاجين بعض
دق جوال احمد و رفعه: يا عيال معاذ يدق
عبدالكريم:رد خلنا نتطمن عليهم
رد احمد: هلا يا معاذ أمرني
معاذ:  ما يأمر عليك عدو اسمع ابوي يقول تعالو انت و العيال و تغدو معنا و سولفو
احمد:  والله هلنا جالسين عند اهل عبدالكريم و ما نبغى نزعجكم
معاذ: لا والله ما في ازعاج و احسن شي تعالو عشان تسولفون لي ابي والله انه كل شوي يسأل عنكم و امي نفس شي
احمد: الله يحفظكم أن شاءالله بكلم العيال و نجيكم
قفل و كلم العيال و مشو لهم و قابلو ابو عبدالكريم: على وين
احمد : معاذ كلمنا يقول عمي ابو خالد يسأل عنا ف قلت نروح له و نطمنه و نسولف معه شوي
ابو عبدالكريم:  الله يحفظكم مع الرغم اني ابغاكم تغدون عندي
عبدالكريم:  حتى انت يا يبه أمشى معنا عشان عمي
ابو عبدالكريم : ذلحين هيا اسبقوني و انا بالحقكم