نافذة الذكريات

part 19

راجح : لا ما اختلف و كلهم نفس الشي لأنهم اخوات
خالد:  تمام خلهم يجلسون على جنب انت في خاطرك احد
راجح:  لا ولا افكر في احد
خالد:  تمام
عبدالكريم:  فهمونا وش الموضوع
خالد:  ولا شي بس كان اهلي يقولون خالد لي هدى و راجح لي حنين و بس لكن راجح ما يبغى حنين عشان انا تركت هدى
سعود:  وش دخل هدى في حنين
راجح:  اخوات
احمد : خلاص بس مالك دخل انت و حنين في خالد و هدى
راجح:  انا من اول ساكت عشان علاقة خالد و هدى و ذلحين بتكلم و اقول ما ابغى حنين ولا افكر فيها خلاص فكونا من ذا السيره ما عاد ابغى اتكلم عنها
خالد : خلاص ما عاد بنجيب طاري هد انت
راجح قام : الحمدلله شبعت بروح اتمشى شوي
عبدالكريم:  ما اكلت شي
راجح : لا اكلت و خلاص ما عاد أبغاهو 
احمد : وانت يا خالد وش فيك افطر
خالد:  مالي خلق راسي مصدع
عبدالكريم:  خذ  كل شوي عشان تشرب علاجك
خالد:  ما ابغى شي اذا تعبت ما اقدر اكل ف خلوني
عبدالكريم اشر لي احمد و سكتوا ما حبو يجادلونه و يتعب زياده
شوي بعدين رفع راسه خالد و هو كان يتفرج للجوال باستغراب:  وش فيه سعود ساكت
سعود:  أصعب شي اذا هوجست وانت وسط الناس
خالد:  هونها و تهون لا تشيل هم ان كان خير بتاخذها غصب عن الكل وان ما كان فيها خير ما بتقدر تأخذها
سعود تنهد تنهيده طويله:  لو تدري انه صار ودي أخذها لو كان فيها شر لي
خالد:  ما عليك ما بيصير الا اللي كاتبه ربي انت بس توكل  على الله
عبدالكريم : وانا كلمتها في الموضوع الليله قبل انام و قالت لي بتفكر
سعود   :تدري صرت اكره الكلمه ذي
خالد:  لا ترا توك بتصير تسمعها دايم
عبدالكريم:  و خاصه نور تحب تفكر في كل شي و تدقق
سعود : قولو امين
العيال كلهم:  امين
سعود:  جعلني انا وياه نخطط و نفكر في بيتنا و اختيار اثاث بيتنا
العيال:  آمين
خالد:  و انتبه لها لا أوصيك كن معها رقيق و طيب  و هادي
ترا العصبيه ما تمشي مع البنات و العناد
عبدالكريم:  دام اكثر واحد يعصب و يعاند ينصحك خذ النصيحه لأنه مجرب و اسأل مجرب ولا تسأل طبيب
سعود:  ان شاءالله بحاول اتحمل
راجح جا : يا عيال الجو برا يجنن امشو خلونا نتمشى
خالد : توي الاحظ لبسك انت لابس ملابس خفيفه ما تدفيك
راجح:  يا ولد عادي اهم شي استمتع بالجواء يا اني انبسطت يوم شفت الغيوم و الهوا البارد
خالد: كويس انك روقت لأني مدري وش فيك عصبت
راجح:  انا ما احب اتكلم عن ذا الموضوع بالنسبه لي حساس بزياده
خالد:  تمام ما عاد بتكلم عنه بخليه على جنب الموضوع ولكن متى شفته انه ودك تفضفض كلمني
راجح : تمام و هيا خلونا نطلع نتمشى بالجو ذا
قام خالد و نزل جاكيته و أعطى راجح:  خذ عشان لا تمرض
راجح : ما ابغى والله انه الجو مو بارد مره اشفيك
خالد : ولو كان خذه تدفى فيه عشان ما تمرض هية عشاني
أخذه راجح و لبسه فوق تيشيرت حقه : هاه ذلحين رضيت
خالد قرب منه و قفل السحاب  : ايه رضيت هيا مشينا
راجح:  يعني بتقنعني انه ما بتبرد انت
خالد:  انا لابس ملابس شتويه ف دافي و الجاكيت أخذته احتياط 
راجح : تمام
عبدالكريم:  كأنهم نسيو انه انحم معهم
سعود:  شكله ما انحم موجودين
خالد:  لا ما نسيناكم بس اخوي الصغير لازم انتبه له و خلونا نطلع
طلعو من المطعم يتمشون و يصورون الأجواء