نافذة الذكريات

part 43

ضحك راجح:  باقي بدر ما قد تزوج
خالد : صح كنت بقول بجلس وحدي و أخيرا بس اكتشفت انه باقي بدر الا انت على طول بتروح الفندق و بعدين بتسافرون ولا
راجح : ايه على طول بنسافر
خالد : اها و ملكة سلمان
راجح : اعتذرت منه وقال الله يحفظك
خالد : اذا خلصت امش خلنا نتبخر مع امي
راجح : هيا باخذ البشت والحقك
اخذ البشت راجح و حطه على يده و لحق خالد و هو سوا ملكه و زواج سوا لانه تعب من الانتظار و استانس يوم وافقو أهلها و هي
خرج ولقا امه معها المبخر و ترحب به و تبخره و تحضنه و تبخر البشت : الله يوفقكم يا أمي و يسعدك والله يرزقك ويتمم لكم على خير
راجح و هو ماكانه اللي في الغرفه  ينقز و يرقص مسوي مؤدب : آمين يمه
خالد : يمه حصنيه لان مدري مختلف ماهو نفس قبل
ضحك راجح : ما فيني شي الحمدلله بس حصنيني خلي خالد ينقهر
ضحك خالد وراح لي البنات و دخل عليهم و صاحت غلا و حضنته و ضحك خالد : مو منجد وش فيه انهبلتي
غلا : لا بس مشتاقه لك كم لي ماقد شفتك
خالد :الا قولي انش تغليتي علي و تركتيني يوم جا سلمان
غلا : الا على طاري سلمان انا ما قد شفته تتوقع هو وين
خالد : مدري عنه اساسا مصدوم من انه ما قد جا اللي ذلحين
هنوف : مدري عنه وش سالفته
خالد : بدق اشوف وينه
قفزت غلا و جلست في حضنه  و ضحك خالد و هو ينتظر سلمان يرد و رد على طول:  هلا ياعم
خالد : وينك ما قد جيت ما تبغى تحضر
سلمان :الا يا عم انا في الطريق
خالد  : عجل علينا في ناس هنا مشتاقه لك
ضحك سلمان  : وانا بعد مشتاق لهم والله
ضحكت غلا و حضنت عمها ضحك خالد : هيه ماني سلمان انا خالد
ضحك سلمان : ياروحي هي جالسه تتسمع وانا مشتاق لها
خالد : ايه المهم انتبه لي نفسك في الطريق
سلمان : ان شاءالله مع السلامه
قفل خالد و لف عليها : خربتي ملابسي يا نونو
غلا : لا معليك ميكبي ثابت
خالد نزل نظره و شاف الروج مطبوع على ثوبه : و هذا وش كيف اطلع لي الناس كذا
هنوف : تعال امسحه لك
خالد : لا خلاص بروح اغير
جواهر :وش رايكم في شعري
خالد : يجنن بس خلصو بسرعه عشان نمشي
ضحكت جواهر : خلاص دامك قلت حلو بعتمده
غلا : وانا يعني شعري ماهو حلو
ضحك خالد : كلكم شعركم حلو ويجنن
وقرب من غلا : ماهو انا اللي يمدح شعرش في واحد ثاني
وضحك و خرج ولفت غلا لي البنات : ابشركم خالد انجن
ضحكت هنوف : و هو صادق في واحد غيره يبغى يمدحش
نوف : واذا سمع خالد مدحش بيزعل ويقلب علينا كلنا
ضحكت غلا : ياروحي عليه والله اني مشتاقه له
ساره : لا تستعجلين الاسبوع الجاي ملكتكم
غطت غلا وجها : استحي استحي
ضحكو البنات شوق : خلصو بنات قبل يجي خالد وانحم باقي
خلصو البنات ولبسو عباياتهم و مشو مع خالد و لقو خالد ينتظرهم في السياره ز ركبو كلهم و وصلهم الاستراحه و نزلو و كانو على وصولهم وصول اهل رنا
و غلا صاحت :رنااااا
لف خالد بسرعه و شاف رنا نازله و نزل و قابل مسعود : وينكم يا جماعه ليه ما حصلتكم
ركضت رنا و حضنته و ابتسم خالد وباس راسها :وش فيش يا ابوي وش يبكيش
كان يشد عليها في حضنه و كانت هي متعلقه فيه وتبكي ما كانت قادره تتكلم لف لي مسعود : مين مزعل اميرتي مين مخليها تبكي
مسعود ابتسم : ما اقدر اقول السبب خلها هي تقول لك
رنا مسحت دموعها و جلست تناظر فيه و خالد يناظر فيها شوي بعدين لف لي البنات الواقفات : ادخلو جوه
هنوف : نبغى نسلم على رنا
خالد ناظر رنا اللي في حضنه وتناظر في وجهه : رنا بعدين تقابلكم ذلحين روحو
راحو البنات و قرب مسعود و سلم على خالد و كانت رنا في حضنه ما هي تاركتنه كأنها طفله معلقه بابوها او لعبتها
ضحك مسعود : خليني اسلم عليه حتى انا
خالد  : خلها تاخذ راحتها هذي غير والله و والله انه ماودي اشوفها تبكي واللي يهزمني دموعها
مسعود : واليومين ذي حساسه بشكل كبير
خالد : ليه من وش
رنا و هي تمسح دموعها بعدت شوي : انا حامل
خالد لف وناظر فيه و رجع ناظر في مسعود اللي مبتسم : أسألش بالله تكفين انتي متأكده ولا شاكه بس
رنا : لا متأكده قالت لي الدكتوره و ما علمت احد الا مسعود و ذلحين انت
خالد رجع يحضنها و هو يضحك  : والله العظيم احلى خبر سمعته تكفين انا انتظر اشوفش ذلحين بيصير في رنا صغيره
رنا : لا ما ابغى ابغى يشبهك في كل شي
ضحك خالد :تم اهم شي ما تبكين
لف على مسعود : مسعود ودي بطلب اذا ممكن
مسعود  : أمرني
خالد : باخذ رنا و نسافر مستحيل بجلس هنا و انت ولا عزيز ولا سالم متى ماودكم تشوفونها كلموني على طول  وبحجز لكم وتجون بس اذا سالوك اهلك وين رنا تقول ما أدري و ما بنقول لهم إلا إذا وصلنا الرياض
مسعود :انا واثق فيك يا خالد بس خايف خايف بعدين يقولون بسبب حركتك ذي نمنعك منها
خالد  : ما بيقدرون يبعدوني عنها
مسعود : لا يا خالد لا تسوي غلط و تندم عليه انتظر فتره و نرجع نكلمهم
خالد ناظر في رنا اللي متمسكه فيه : ما اقدر اتركها ما اقدر شايف كيف حاضنتني
مسعود : شايف وحاس فيك و فيها وانا والله اني جالس افكر وادور حلولول تجمعكم مع بعض لكن مافي الا حل واحد اللي هو انه تتقابلون بسر و هذا ذليوم جبتها لك و بتاخذها بعد الحفل بس الفجر لازم ترجع البيت قبل لا يدرون اهلي و يعصبون لكن انكم تسافرون الموضوع غلط في غلط
خالد :ماني قادر تكفى افهمني ولا تمنعني تكفى
مسعود :ولاني فاهمك بمنعك لانه بتزيد الموضوع سوء
خالد ناظر في رنا : وانتي وش قررتي
رنا : نجلس نتقابل سر و نبحث عن اللي ناوي يفرق بينا وانتهينا
خالد : انا شاك انها هدى لأنها كانت ناويه تفرق بينا من اول و راحت عند امي بس انا صلحت الموضوع و تفاعلت مع اهلي ووقفتها عند حدها بس رجعت من طريق اهلكم و ما اقدر ازعل اهلكم عشان لا تزعلون ولا أزيد النار حطب وبنتظر حتى يهدى الوضع و اشوف مين اللي ناوينا
رنا : تمام بس لا تتركني
ضحك خالد:  والله انتي حساسه و زاد الحمل زياده
ضحك مسعود : لا تشوفها في البيت نسي عزيز يجيب لها شوكلاته و قامت تبكي حتى ابوي انفجع وش فيه وش السالفه
ضحك خالد : بجيب لها كراتين شوكلاته واللي ياكل منهم علميني اجي اجلده وشرايش
ابتسمت رنا : ماهو لي لي بنتك تحب الشوكلاته
ضحك خالد : والله بنتي تامر امر لدلعها دلع مت قد صار و اسوي لها مصنع شوكلاته بسمها بس خليها تجي بس
مسعود :ذكرتني وش ناوين تسمونها
خالد : اذا بنت نسميها باسم يبدأ بحرف الراء والنون يعني مثل رند و رنيم نفس كذا
رنا : نفس حروف اسمي
خالد : ايه ودي بشكولاته ثانيه
ضحكت رنا و خبت وجها في صدرها وضحك خالد على شكلها : اساسا متنقبه ما نشوف وجهش
ضحك مسعود : مدري عنها
ضحك خالد : المهم ذلحين ريحتي عطر نسائي
رنا :احسن عشان كل ما قرب منك احد يعرف انك لي و بس وباسمي
خالد : ياقلبي والله يالله ادخلي و بعدين بخطفش من اخوش ونتعشا سوا
رنا : تم انا موافقه
ضحكو و راحت رنا تدخل لي الحفل و خالد و مسعود  دخلو لي الرجال و كان خالد طول وقته يبتسم
ضحك سعود و جلس بجنبه:  انا متزوج بس ماني مثلك طول الوقت سرحان و مبتسم
لف خالد له وتنهد : ما تدري وش علتي ليه تسأل
سعود : خالد ما صدقت العيال عن اللي قالوه هو صدق
خالد : ايه انا ورنا بنترك بعض
سعود :ماهو منجدك
جا مسعود : وش هو اللي ماهو منجدك
سعود لف له : أرحب الله يحييك
مسعود:  الله يسلمك ايه قول وش اللي ماهو من جده
سعود : انه هو و زوجته يفترقون
مسعود : اووه انت على التحديث القديم قد لهم اسبوع ترا
سعود  : وانا اخر من يعلم
مسعود : مدري عنك وينك
ضحك خالد : عند نور
سعود : هيه لا تجيب طاري زوجتي
ضحك مسعود : الكل عارف و داري انك عند زوجتك الا أنت
ضحك خالد : امشو خلونا نرقص
قامو العيال و مشو يرقصون مع بعض و كان خالد محترف في العرضه الجنوبيه