نافذة الذكريات

part 39

خالد :اخخخ يا ناس انا احبها و احب دلعها اللي يجنن
رنا : ترا استحي
خالد لف وناظر المجلس :وين اخوش
رنا : مدري هو جا معك
خالد :ايه تركته عند الباب و جيت لش
شافت رنا الباب مقفل :شكله يبغانا ناخذ راحتنا شوفه قفل الباب
خالد قرب منها :وانا ودي اخذ راحتي معش
رنا بعدت : لا يا خالد يكفي احراج روح لي اخوك
مسكها خالد من خصرها و سحبها له : انا مشتاق لش
قرب و ما خلها حتى تتكلم و باس شفايفها و اخذ نصيبه و بعد بس عشان تطلبه نفس و رجع يعدل نفسه و رجع يبوسها شوي و دق الباب و انفتح بسرعه و انسحب خالد و رنا انحرجت و غمضت عيونها خالد لف بظهره للباب و اخذ شماغه و تلثم به و لف و شاف عزيز و سالم يضحكون و وقف انتم ورعان انتم ليه ما تدقون الباب
عزيز : وش درانا انك جيت
سالم :يا الاخو ترا هذا بيتنا لا تنسى
خالد : انا بروح يا رنا
رنا ما قالت شي لف خالد و شافها مغطيه وجها بيدينها
ضحك خالد :تراني بروح انتبهي لي نفسش
عزيز :احم ترانا هنا ليه ما تسلم
خالد سلم عليهم و لف عزيز : الا وش رجعكم ماهو انتك مسافرين شهر عسل
ضحك خالد :كان ودي ولكن تعب بي راجح ولا ما كان ودي اترك روح روحي
ضحك سالم : ممنوع الغزل في بيتنا
خالد : روح نام يا نونو عشان عندك مدرسه
ضحك عزيز : هيه كل شي ولا اخوي
ضحك خالد : تدرون اخوكم الكبير محترم قفل الباب و طلع لكن انتم بسم الله علي منكم
عزيز : لن نسمح لك تاخذ اختنا منا
ضحك خالد : وانا بتركها
ضحك سالم : احم مستحيل تخرج الا اذا قلت لنا وين رايح
ضحك خالد :بروح عند اخوي راجح تبغون تمشون معي حياكم ماتبغون الله يحفظكم
ضحك عزيز :لا نبغى نجلس مع اختنا
سالم : الا وش فيها ساكته ما تتكلم لا يكون انت مزعلنها
خالد : ازعل روحي و ما ازعلها
عزيز : كفو
خالد :كفوك الطيب يالله انا بروح مع السلامه
مشى خالد و راح لي راجح و هو قلقان عليه على راجح و على احمد و على الكل

______
عند ابو خالد
ما كان يدري عن راجح و كان مستغرب تأخره نادا بهاج و جا : هلا يبه أمرني
ابو خالد : راجح مختفي من الصبح هو كلمك
بهاج جلس :لا والله يبه راح لي الدوام و ما قال لنا شي
ابو خالد :دق عليه خلنا نشوف
اخذ بهاج الجوال و جلس يدق به على راجح و لكن ما لقا اي رد بعد نص ساعه رد راجح  بهاج: راجح وينك ابوي يدورك
خالد : راجح نايم وش فيه ليه يدوره
بهاج : بسم الله انا اكلم مين ماهو انت راجح
ابو خالد :اعطني الجوال مين تكلم
بهاج :صبر يبه
خالد :انا خالد و انا في الجنوب و  انا و راجح ذلحين مع بعض
بهاج :ايه وش فيها راجح تكلم
ابو خالد : انت اقلقتني جب الجوال
حطه بهاج اسبيكر :خالد تكلم
ابو خالد :وش جابك يا خالد تكلم فيه شي
خالد ناظر راجح النايم :ما في شي بس صار على خطيبة راجح حادث الصباح و دق علي و قال لي السالفه يعني يستشيرني و يسألني كيف يبلغ أهلها لانه شافها قدام عيونه و انا أعطيته كيف يبلغهم بعدين اخذت زوجتي و سافرنا و جيت لقيت عمر عندها و ابوها و امها تحمست لهم بسلامه و رحت عند راجح و جليت معه اهديه و اسولف معه و اغير جوه و ما انتبهت انه ما قال لي أحد على بالي انه مكلمكم او قايل لكم شي
ابو خالد :لا حول ولا قوة إلا بالله و كيف حال البنت ذلحين
خالد : طيبه مافيه الا كسر بيدها و وجها فيه جروح بسيطه
بهاج :راجح تكفى كيف حاله قول لي لا تخبي شي
خالد : راجح محتاجنا كلنا حوله لانه متضايق على خطيبته
ابو خالد :انا بجيك ذلحين
خالد : لا يبه لا تجي راجح نايم تعالو بكره وقت الزياره منها تسلمون على أهل خطيبته
ابو خالد : بس ودي اشوف راجح اكيد انه تعبان
خالد :لا طيب انا جالس معه و نام و قبل ينام قال لي جوعان و جبت له اكل و اكل و جبت له طبعا وأهم شي الشاهي و تقهوى و بعدين نام يقول يبغى يمشي الوقت بسرعه  ويشوف خطيبته بكره
ابو خالد : يعني طيب
خالد :ايه يبه تطمن
خالد جلس يطمن ابوه و يسولف معه حتى تطمن بعدين قفل و نام