هنوف : جالسين و مخلينا نشتغل
ضحكت قمر : انا بساعدش بس عمتي حلفت علينا
هنوف : ماهو عشان وجيهكم عشان بس عيال عيالها
ضحكو البناات رنا : بقوم اساعدش و عادي الوضع
قمر :وانا معش
قامو و ساعدو البنات و كل شوي ام خالد تجلسهم و هم يقومون يساعدون
نوف : الفستان حقش يا رنا من ذوق خالد
رنا : كيف دريتي
نوف : اعرف ذوق خالد دايم يمشي معنا السوق و هو يختار ملابس لي دايم واحب ذوقه
ابتسمت رنا : صرت تخيلي اجي له بملابس ضيقه او قصيره عشان ينزل معي ويختار
ضحكت هنوف : نفس حركتنا لانه ذوقه فخم ماشاءالله
غلا جت تركض : رنو تعالي معنا عشان نسولف
ابتسمت رنا : تمام هيا
قامت رنا و راحت مع غلا و رجعت غلا : قمور هيا مشينا
قمر: طيب مشينا
مشو و راحو مع غلا يسولفون و يضحكون و ينبسطون
و مر الوقت و وراحو الضيوف و وصل وقت الغيبوبه الجماعيه و نوووم كلهم والعيال نايمين بثيابهم وكل واحد في ركن و البنات نفس الشي ولا احد حس في احد
جا العصر و بداو يصحون و كان الجو حار و ضايقه فيهم و قامو يوضون ويصلون و اجتمعو في المجلس و قامو يدورون قهوه
ابو خالد :وش فيكم
خالد : ودي على قهوه احس راسي يوجعني
ابو خالد : كلم زوجتك تصلح
خالد :والله مدري وينها و هي نايمه ولا صاحيه
ابوخالد :والله مافيكم واحد صاحي قم اقول لك دور لنا احد صاحي
قام خالد و دخل المطبخ حصل الخدامه تسوي قهوه و الشاهي : خلاص روحي قولي لي ماما رنا بابا خالد يبغى انتي
الخدامه : حاضر
راحت وقالت لي رنا و رجعت لقت خالد يسوي قهوه و للشاهي : لالا روح انا اسوي
خالد : لا عادي بسويه بس وين ماما رنا
الخدامه :تقول بتجي
خالد : طيب
شوي و جت رنا : هلا خالد امرني
خالد : متى ودش نمشي
رنا : براحتك
خالد نزل القهوه والشاهي ولف لها وقرب منها و مسك خصرها : ياروحي اشتقت انام في حضنش
ضحكت رنا و بعدته :بعد ترانا في المطبخ اهلك
ضحك خالد وبعد : عادي الوضع المهم اني انبسط في حضنش و اخذ طاقه يا روحي انا
الخدامه : بابا هذا بابا كبير يقول وين انتا
ضحك خالد : بروح له ذلحين وانتي تجهزين بنطلع للمغرب نروح لي اهلش
رنا :تمام
طلع خالد و راح لي ابو خالد و العيال و ابوخالد : وين كنت
خالد : رحت اشوف زوجتي واتطمن عليها واشوف متى نمشي
اابو خالد : اييه عادي بكره و خير
خالد : لا ودي اوديها ذلحين و اروح اسلم على اخوياي
ابو خالد : على راحتك يا ولدي لكن قصدي ترتاحون معنا
خالد :ودي يبه لكن مره الجايه
صب لهم خالد قهوه و جلس شوي و دق جواله و رد:هلا رنو
رنا : جهزت يالله
خالد : تمام بطلع ذلحين
ضحك ابو خالد : رنو
ابتسم خالد :يبه زوجتي وش تبغاني اناديها
ابو خالد : الله يحفظكم لي بعض لكن انا ودي اسلم عليها
خالد :تعال معي موجوده عند السياره
مشو ابو خالد و خالد بعد ما استاذن من العيال و مشو برا للحوش و لقو رنا و قىب منها ابو خالد و سلم عليها :يالله انك تحييها
رنا : الله يسلمك
ابو خالد :كيفش يا بنتي اخبارش
رنا : طيبه يا عم كيفك انت و اخبارك و جديدك
ابو خالد :ابشرش الحمدلله طيب هاه يا بنتي قولي لي خالد يزعلش ولا يضايقش
خالد :يبه شكلك نسيت ترا انا ولدك ماهو هي
ابو خالد :اسكت انت انا ماعندي ولد يضايق بنتي هاه تكلمي
رنا ناظرت في خالد ز قامت تبتسم و خالد خاف من ابتسامتها : ما بينا شي و نحب بعض صح رنا
رنا ابتسمت وراحت تحضن ابو خالد :والله يا عم ما فيه شي بس يضايقني لانه طول الوقت يذكرني بالسمبوسه اللي احرقتها بالغلط حتى علم علي اهلي و يقول انتي ما تعرفين تطبخين
ابو خالد رفع راسه يناظر خالد : تدري انه ما هو رجال اللي يزعل بنت
خالد : يبه والله ما زعلتها بس مزح بينا
رنا و هي تطقطق و تبغى تمزح معه : لا يعمي حتى لبسي ما يخليني البس على كيفي
ابو خالد رفع العصا و كان يبغى يضرب خالد و ضحكت رنا و مسكت العصا :لا يا عم امزح معك والله مابينا شي بس عشان سالت و شفت وجه خالد انقلب وقلت اطقطق بس
ابو خالد : اها دامه موح عادي لكن اذا صار الصدق تعالي لي
رنا : تبشر يا عم
خالد :يالله يبه مع السلامه
ابو خالد :تعال في خاطري اسوي شي
خالد : عندك زوجتي و بنتي اجلدهم بدالي
ابو خالد : لا مستحيل اجلدهم بجلدك انت
خالد : لا عيب كيف تجلدني و هم يشوفون
ضحك ابو خالد :الله يحفظكم لي بعض
خالد :والله يحفظك لنا يارب يالله مع سلامه
ابو خالد مع السلامه
خرجو من عند ابو خالد و ركبو و لف خالد لها : خوفتيني على بالي انش صادقه
رنا :لو اني صادقه مستحيل اتكلم فيه مع ابوك بقول لك و نحاول نصلحها مع بعض و نزعل من بعض من دون احد
خالد :الله لا يجيب الزعل
رنا : امين
شغل خالد و مشو وراحو لي اهل رنا و انبسطو حتى بعد العشاء و بعدين رجعو يرقدون و استمرت ايامهم كذا و يوم بعد يوم و رجعو للرياض و روتينهم اليومي و كل يوم يكبر حبهم مع بعض ويستانسون مع بعض مرت الايام بسرعه كبيره و مرت الاسابيع و تمت خطبت احمد و شوق و وافقت شوق و سوو ملكه و كان احمد مستعجل في كل شي خايف تغير رايها و عبدالكريم نفس الشي خطب سمو و وافقت و سوا ملكته و كان مبسوط و طاير من الوناسه و جا الشهر اللي الكل ينتظره و انه وقت ولادة رنا و نور و قمر و زوجة مطلق هيا كانو يترقبون مين اول وحده تولد والخوف في عيون البنات من الولاده لأنها اول مره
كان خالد و راجح و سعود مبسوطين و متحمسين
ولدت نور و جابت ولد و سموه هي و سعود عبدالكريم و و ولدت رنا و جابت بنوته حلوه و سمتها رند و كانت هي و خالد مبسوطين فيها وطايرين وناسه بها و ولدت زوجة مطلق هيا و جابت ولد و سموه هايف لان العيال خالد و بهاج و بدر متاثرين برواية مالي وطن في نجد الا وطنها ف قررو يقنعون مطلق يسمي ولده هايف و سماه و اخيرا ولدت قمر و جابت بنت و سمتها ميلا وكانو مبسوطين فيها
و كل وحده راحت عند اهلها حتى يخلص االاربعين
و صار لي رنا اسبوعين عند اهلها و كان خالد عند اهله طفشان شوي و يوم غفلو قام و كان وده يروح لي رنا و لف من سمع ابوه ينادي : ياخالد وين رايح
خالد: بروح اشوف النسيب احمد و اجي
ابو خالد : انا عارف وين بتروح لكن لا ما فيه اجلس
جت شوق : يبه بروح مع احمد نتمشى
خالد :خذوني معكم
شوق : بس حمودي ما يبغى احد عشان ناخذ راحتنا
خالد : الله احمد تغير اسمه لي حمودي
شوق : مثل ما تغير اسمك من خالد اللي خلودي
ضحك ابو خالد :والله يا انه لعبو البنات باسماكم لعب
خالد : اي والله يبه
شوق : يالله باي الحب يدق
قام خالد: مع السلامه يبه
مشو سوا وراحو لي احمد واحمد يوم شاف خالد ضحك و نزل من السياره : ياليل وش تبغى
خالد :ولا شي بس بمشي انا لي زوجتي وانت خذ زوجتك و اذا دق ابوي قول له اني معكم
احمد :يعني الوضع مصلحه
خالد : ايه ان ما تبغى بمشي معك انا و نخلي شوق
احمد : اخخخ وش ابغى بك بدال القمر انا تعبت من الشمس والحر ودي في الليل والقمرا
ضحك خالد وضرب كتفه :تراها اختي
احمد :و زوجتي اللي اهلكتني بجمالها و حلاوتها اللي كل يوم يزيد حبها في قلبي
خالد :حلو اهم شي ما تغير بدال اختي خلاص انتهينا
احمد :مستحيل اختك مستوطنه في القلب و متربعه و تشرب شاهي
خالد :ولد احترم نفسك اختي لا تجيب طاريها على لسانك
احمد : زوجتي يا المحترم
خالد : اووف تمام وش قلتو طولتوها و هي قصيره
احمد :الصراحه انا مطفر و ودي تعطيني حق القهوه ذليوم لي و لي اختك
خالد :احلف انت بخيل لدرجه تقهوي اختي بفلوسي
احمد : لا مو بخل بس توفير
خالد :يا فيري توفير وش قلت
احمد :اعطيتك رايي
خالد :شوقوه النتفه افزعي لي اخوش و اصور لش رند
شوق : حمودي وافق تكفى مسكين له اسبوعين ما شاف رند
احمد :خلاص روح عشان شوقي بس
خالد : يع انت و شوقك يا حلوي انا و رنو قلبي
ضحكو احمد و شوق و راحت شوق تركب مع احمد و خالد اخذ سيارته و دق على رنا وقال لها انه يجي و هو مشتاق و جدا ايه انهم يوميا يكلمون بعض و سوالف لكن يبقى وده يقابلها ويجلس معها دايم
بعد فتره ما هي طويله لكن على قلب رنا و خالد طويله وصل خالد و اشترا هدايا و اغراض كثيره لي رنا و رند و اهل رنا و راح لهم وصل و دق الباب وقابل عزيز و هو خارج :ما شاء الله عندنا ذليوم ضيوف
خالد : ايه انا بس ضيف عشا بنتي و زوجتي
ضحك عزيز :حياك تفضل تلقاها في المجلس
خالد :الله يسلمك
عزيز :ايه صح ترا نبغى تدفع لنا فلوس على ازعاج بنتك و صياحها اللي ما تخلي الواحد ينام
خالد : مين بنتي مستحيل اساسا مالها صوت صوتها ضعيف و رقيق ما يطلع لكن يمكن عيال جيرانكم ما هو بنتي
ضحك عزيز : ايه دافع عنها لكن اذا رمو بها اهلي في الشارع لا تقول ليه
خالد : بسم الله عليه و ليه يرمون فيها الشارع بنتي الشيخه رند ما تزعجكم لكن انتم مدري وش فيها مسامعكم
ضحك عزيز :تمام تمام انا ذلحين مستعجل وانت ما شاءالله حافظ بيتنا ما يحتاج اقول لك شي
خالد :ابشرك الحمدلله
ضحك عزيز و راح و خالد دخل لي البيت و صاح :ياهل البيت
ضحكت رنا و خرجت : تفضل ياقلبي
دخل خالد و مسك قبله : اخخخ اموت على الحلاوه ذي و الطعامه ذي
ضحكت رنا و حطت يدينها على وجهها و ضحك خالد من الحركه وحط يده على يدها و بعدها وباس خدها : معليش بس مشتهي حلا
رنا و هي ما انتبهت لي قصده : شوفه هناك الانواع كثيره
ضحك خالد و باس خدها مره ثانيه : بس حلاي هذا الذ و اطعم
رنا : خلودي ما ابغى بعد وبعدين شوف رند
ضحك خالد و بعد من رنا و راح لي رند : لا الصراحه ذا الحلا الذ
رنا : خالد
خالد : خليني استمتع و اسكتي
ضحكت رنا و جلس خالد يبوس رند و يلعبها و مندمج معها رنا : والله انها مزعجه ازعجت اخواني و ابوي و امي دايم تصيح
ضحك خالد: يا روحي بس يمكن ماهو بنتي اللي اوعجتهم يمكن بنتهم او بنت الجيران بنتي مستحيل تزعج احد شوفي كيف ساكته و هاديه
ضحكت رنا :لا والله صرت انا المزعجه و رند الهاديه
خالد : طبعا شوفي كيف هاديه و كيوت
ضحكت رنا : ترا قال لي عزيز انه اذا جيت بيشتكي لك من ازعاجها
ضحك خالد ولف وجهه لي رنا : اي اشتكى لكن قلت له يمكن عيال جيرانكم مستحيل انها بنتي اللي تزعجكم
ضحكت رنا : يمكن انهم هم صادق والله
دخلت ام رنا و ابو رنا :السلام عليكم
وقف خالد و في حضنه رند :و عليكم السلام
ابو رنا و ام رنا سلمو عليه و راحو يجلسون و خالد رجع يلعب رند و يبوس خدها ضحكت ام رنا : والله بسم الله عليه يوم نروح ننام تقوم تبكي
ضحك خالد و باس خد رند : مستحيل الكيوت ذي تزعج احد
ابو رنا : اجلس معنا وشوف الكيوت ذي وش تسوي فينا
ضحك خالد : ابوي مسوي لنا حجر انا و مطلق و راجح لا نروح ولا نجي يقول عارف وين بتروحون معني ذليوم قلت له بشوف احمد و اجي
أنت تقرأ
نافذة الذكريات
General Fictionاول روايه لي اتمنى تنال على اعجابكم خالد كان يحب بنت عمه و تصير بينهم مشاكل و من هنا تبدأ قصتهم الكاتبه : فاطمة الألمعي حسابي تيك توك: ftm2201 حسابي الانستا: fat90892 جميع الحقوق محفوظة
