ضحك احمد و مد له رند : تفضل شبيه ابوها
ضحك خالد : خلاص لا تذلنا بتكبر و تتغير
ضحك احمد : صادق بتتغير بتصير تشبه خالد الكبير
ضحك خالد و باس خدها : شايفه عمش احمد بعد ما اعطينها عمتش قام يطقطق عليش ياروحي انا
ضحكت شوق: هيه انا اختك اخر العنقود تختار بنتك و تتركني
خالد : ما تركتش عند احد غريب تركتش عند زوجش ياالله مع السلامه بنروح انا وبنيتي
ضحك احمد : اجلس معنا خلنا نتونس شوي
خالد :لا مامتها تبغاها برجعها لها بس انا وعدتكم اصور لكم رند و جبتها لكم يالله مع السلامه
احمد :مع السلامه ولا اقولك تعال ابوسها تكفى
خالد : جيب فلوس اول
احمد : لا مافيه جيب رند
ضحك خالد و باس خدها : ما فيه يا فلوس يا لا
ضحك احمد :خلاص روح والله ما اعطيك
ضحكو كلهم و اعطاهم رند و باسوها ولعبوها و بعدين اخذها و راح بها للبيت وصل و نزل و نزلها معه و على طول فتحت له رنا الباب و دخل خالد :ماشاءالله الاستقبال الفخم ذا
رنا : مو لك طبعا لي اميرتي رنود
ضحك خالد :تمام بنتقبلها منش يا ام رنود
ضحكت رنا : حياكم تفضلو
خالد :الله يسلمش
دخل خالد و نزل رند و جلس سوالف معهم شوي بعدين استاذن و مشى للبيت و وصل واستقبله ابو خالد :وين رحت
خالد : رحت لي اميرتي و صورتها بالله يا يبه تشبه مين
ابو خالد اخذ الجوال و جلس يناظر فيها شوي بعدين ضحك : يا ام خالد تعالي تشوفين خالد
جت ام خالد من المطبخ تركض خايفه من ناداها بصوت عالي جت ولقته يضحك : خوفتني وش فيه
ابو خالد :تعالي شوفي خالد
ام خالد :وهلي اشوفه وش فيه
خالد : يمه قصده حفيدتش رند
ام خالد قربت و احذت الجوال ورفعت راسها تناظر ولدها ورجعت تناظر الجوال :والله خالد نسخه من خالد مصوره
ضحك ابو خالد :متى تجي شبيهة ابوها
خالد : باقي لهم اسبوعين
مطلق :وانا يبه كم لي اطلبك اشوف هايف ما تخليني و يوم انه خالد خليته
ابو خالد :ما افرق بينكم و كلكم سوا لكن هذا انحاش مع احمد و على البالي انه عند احمد اللي انه شفت احمد جا هو و شوق و هو ما شرف ولا جا
ضحكو مطلق و راجح :كان قلت لنا يا خالد
خالد :ان شاء الله المره الجايه
ابو خالد رفع العصا :و فيها مره جايه اقول انقلع عن وجهي
خالد اول ما شاف العصا شغل وضعيه الهروب و هرب من ابوه لا يجلده : انا جبت لكم صوره و جلدتوني تكفون لو جبتها لكم وس بتسوون
ابو خالد : بعد تبغى تجيبها اقول انقلع عن وجهي يا خالد دام النفس طيبه عليها
خالد : طيب ليه ما تبغون بنتي
ابو خالد : اتركها يا ابن الحلال عند امها وش نبغى بها معنا
ضحك راجح :تخيل تشوفك بنتك تنجلد
ضحك مطلق :والله بتنزل من عينها ولا عاد بتعتبرك شي
ضحك خالد : بقول لها انه نلعب انحم و جدو بس
ابو خالد : طيب تعال خلنا نلعب
خالد : لا الله يطول بعمرك ماودي بالعب احس تعبان و ودي انام
ضحك مطلق : تمام تعال خلنا نسالك عن بنتك
خالد قرب منهم : تخيلو اخذتها مشوار يجنن
قرب منه ابو خالد و جلده :وليه تعصى امري و تروح لها
خالد :يبه ما عصيت امرك بس احمد و شوق سحبو علي يقولون وش نبغى بك و رحت عند اللي يفرحون بجيتي لهم وبس
ابو خالد : خلاص عرفنا انك مسكين و ما احد يحبك الا زوجتك لكن لا عاد تعيدها عشان لا تزعج الناس في بيتها
خالد :ما ازعجتهم اساسا انبسطو بي و كانو يبغوني انام معهم
ابو خالد : ولا يكون كنت تبغى تنام عندهم
خالد حط يده ورا راسه : هاه وش كيف لالا مستحيل
ضحكو العيال كلهم و ما عاد تحمل ابو خالد و ضحك معهم : روح روح بدل و تعال خلنا نتقهوى
خالد :طيب طيب
راح خالد و غير ملابسه و رجع معهم يتقهوى و انقلب الجو من سكوت لي ضحك و وناسه من يوم دخل خالد البيت مر اليوم بسلام و مرت الايام كلها و جا اليوم اللي رنا ترجع بيتها بيت زوجها و كانو في استقبالها نور و هنوف و نوف و البنات كلهم و كانو مبسوطين بيجيتها
و هم في المجلس جت نور بولده :ترينا جينا نخطب لي عبدالكريم
رنا ضحكت : بس ما عندنا بنات للزواج
نور : مالنا شغل نبغى بنتكم لي ولدنا
دخل خالد يوم درا انه بس اخواته و امه :السلام عليكم
كلهم ردو السلام و جلس خالد و اخذ عبدالكريم و باس خده ضحكت نور :ترانا جايين نخطب بنتك
خالد : بنتي ما ازوجها الا اللي هي بنفسها تختاره هذي الاميره ما تاخذ اي واحد
ضحكت ام خالد : ايه بتقول الكلام هذا واذا كبرت و قال بابا ابغى فلان قلت ولا كلمه انا بزوجش ولد عمش احسن و مدري وش
نور : لا يا خاله ولد مطلق اصغر منها يصلح لي ميلا بنت راجح
خالد : صح صادقه و لو سوا راجح مثل ما طلبناه كانت فنانه
نور : ليه وش طلبتوه
خالد : قلنا له انا و بهاج و بدر سم بنتك نجد و يسمي مطلق ولده هايف بس ما نفذ الكلام الا مطلق راجح يقول وده باسم نجد بس كل ما تذكر قصة هايف ونجد يضيق صدره
ضحكت رنا :والله انه صادق يا كثر ما عانت نجد مسكينه
خالد : لا والله و هايف وش سوا ماهو حتى هو عانا وتعب
نور :بس نجد غير يعني هي باقي صغيره و عانت المعانه ذي كله انعمت و تزوجت واحد غصب عنها و يوم كبرت و تزوجت هايف قامو يصيحون يبغون عيال و كل واحد يتكلم من جهه
خالد :يعني المعاناه ذي ما كان هايف معها ما عانا مثلها
رنا : هايف صابر و ساكت و معه مطلق يساعده في كل شي بس نجد مسكينه ما معها احد تشكي لها همها
ام خالد و هي ما فهمت ولا كلمه : مين هم ذولا عيال مين
ضحكت نور :عيال ابو زيد ياخاله
ام خالد :مين ابو زيد نعرفه انحم
ضحك خالد : يمه روايه قديمه و قريتها من زمان حلوه و كل شي فيها حلو بس ف انحم نسولف عنها
ام خالد :والله اني توقعت انكم تتكلمون عن ناس حقيقيه
هنوف : لا معليش يمه هذولا يحبون الروايات و كل سوالفهم عنها
خالد: اي والله
نور : وش قريت روايات ثانيات
خالد : قريت كثير بس ما دخل في مزاجي الا روايه مالي في نجد وطن الا وطنها
رنا : وانا ما احد سالني
خالد :حافظ روايات اللي تقرينها
نور :لمين تقرين يا رنا
رنا :اقرا لي كاتب بس مدري هو جديد او قديم بس روايته فخمه و قريت روايتين من روايات اديم
ضحك خالد :كيف تقرين روايات رجل
رنا :الله و كانك ما تقرا له انت
خالد :وش اسوي خليتيني احب رواياته
ضحكو البنات نور : لا تخلونهم مع بعض تروهم بينسون رند و يجلسون يقرون
ضحك خالد : لا معليش ما بنسويها
رنا : لو تدرين كم جهزت روايات عشان نقراها مع بعض
خالد : نقراها سوا ليه ما نقراها
رنا :اساسا انا كنت اقول لي صديقاتي و نفسي اني ما بتزوج الا واحد يقرا الروايات و خيال و الصراحه تحقق حلمي و صرت زوجة الفارس المهندس قارى الروايات خالد بن سيف
ضحك خالد :الحمدلله اني كنت احب ذي الامور
رنا : ايه لانه لو ما تحبه ما تزوجنا و يمكن اطلب الطلاق
ضحك خالد : لا الحمدلله
استمرت السوالف والضحك بينهم و كانو كلهم مبسوطين برند شبيهة ابوها
و خالد سوا الاستقبال كامل عشانها و مبسوط فيها و ما بقى شي الا وجابه لعيون اميرته رند
مشت الايام و مع الايام تزوج احمد و شوق و عبدالكريم و سمو و بهاج و حنين يوم زواجهم كانو الكل في حاله استنفار والكل يجهز و يرتب عشان الزواج و كان تعب لانه ذلحين معهم عيالهم اجتمعو و كانو جالسين العصر يستقبلون الناس جا سعود و ضحك عبدالكريم : هلا والله بابو عبدالكريم
سعود :يا عيال احس اني كبير اذا ناديتوني بابو عبدالكريم
ضحك خالد : لا والله ابشرك احب اذا نادوني ابو رند احس براحه
عبدالكريم : الا وينهم عيالكم
خالد : عند امهاتهم اكيد
عبدالكريم : ودي ابوسهم
سعود ضحك :اذا دخلت تنزف عند العروس لا تروح لي العيال و تسحب على العروس
ضحك عبدالكريم :لو اشوفها بنساكم و انسى عيالكم حتى بحذف ارقامكم من جوالي
ضحك خالد :اتحداك والله شوي و ترجع تقول يا عيال وينكم خلونا نجتمع
ضحك عبدالكريم : اي والله ودي في الجمعه معكم دايم و اشتاق لكم
ضحكو العيال جا احمد :يا عيال كيف البشت
خالد : مضبوط يا العريس
ضحك سعود :والله انا وعبدالكريم احسن منكم نجلس مطارده و صياح انتم هادين بزياده عن اللزوم
ضحك خالد : عادي ما نطلع مشاكلنا للناس
احمد : اساسا احب اختك
خالد :انقلع لا اخرب عرسك واخذ اختي
عبدالكريم :يا عيال متوتر
سعود : لا توتر الموضوع عادي
عبدالكريم :ماودي ادخل عند الحريم
ضحك خالد :معليك الموضوع سهالات ادخل و ما في شي واساسا دخلت يوم الملكه وش فرق
عبدالكريم :الفرق ذلحين عدد الناس يوم الملكه بس اهلي واهلها و ما كان في احد
خالد معليك ربي بيعينك الا وين العريس الثالث بهاج
احمد : هناك بجنب عمي يقول مستحي
ضحك خالد : انا وش اسوي في نفسي عادي يا عيال فلوها زواجك
عبدالكريم :اسكت اللي فينا مكفينا
احمد: سؤال لا يكون تسوي فيني مثل ما سويتو مع سعود
خالد : لا انحم خفايف شوف كم عددنا سعود معنا اخوان نور ثلاثه بس شوق كم عدد اخوانها
احمد : لا وانا ليه ما فكرت فيها قبل طيب فيه انسحاب
خالد : لامافيه ترجيع انت اللي تبغى
احمد : يا عيال النجده
ضحكو العيال خالد :امشو خلونا نلعب عرضه ونستانس
مشو العيال و قامو يلعبون عرضه و مبسوطين
_________
عند البنات
كانو رنا و رند لابسين فساتين لون وردي و قمر و ميلا لبسين سماوي و طبعا هايف و عبدالكريم لابسين ثياب
نور : شوفو شوفو المعاريس وش زينهم وش حلاتهم
رنا : ما نقبل باحد خلونا نكبر و نكمل دراستنا
ضحكت قمر :والله ياختش هذي اعذارنا انحم اما هم على طول بي وافقون
ضحكت نور : والله من فوق خشومهم يوافقون ولا وش زين عيالنا وش حلاتهم الف بنت تتمناهم
ضحكت رنا : خالد يقول ما يفكر يزوجها لانها غاليه على قلبي
نور : لا والله حتى انا ولدي غالي عندي ولكن اني ودي ازوجه و افرح فيه وارقص في عرسه
ضحكت رنا : خلاص خليهم يطبرون و ابشري انا ادور العروس له
نور :لا لا ماودنا تدورون العروس العروس موجوده بس تبغى موافقه منش
باست رنا وجه رند و تكلمت بصوت طفولي : لا مستحيل ودي اكمل دراستي و ولدش احتفظي فيه ماودنا به
ضحكت قمر : بنت كانش نونو صدق
رنا : احم يعني ضابطه الكلام
نور : على بالي رند تكلمت
ضحكو البنات رنا : تخيلو يا بنات شغل الييت مع ننود ولا اصعب ودي انام
ضحكت قمر : كلنا نفس المعانه بس ربي يعين
نور : اي والله
مشت الليله و كانت اول زفه زفة شوق واحمد و دخلت شوق كانت جميله بشكل ما يوصف و كانت مبسوطه و طايره من الفرح كانت عيونها على احمد و احمد كان يناظر فيها و مبسوط و يناظر في شوقه اللي يا كم حلم انه يشوفها و هي مقبله عليه و هو يناظر فيها و يالله ماتحمل يشوف الجمال كله كان يحصنها بينه وبين نفسه و يستودعها الله و يوم قربت حضنها على طول وباس رقبته و جلس يشم عطرها اللي يعشقه و يحبه رفع راسه وناظر فيه : ياكم احبش واعشقش
ابتسمت شوق : لا توترني
ضحك احمد و باس خدها و جلسو شوي يصورون و بعدين طلع احمد و هي راحت تبدل و تلبس عبايتها و تطلع له
الزفه الثانيه كانت سمو و عبدالكريم و انزفت سمو كانا عبدالكريم في انتظارها وكان وده يحضنها بس مثل الثقل و اول ما جت باس راسها و بعد و قرب يمسك يده ويجلسون يتصورون بعدين مشو
الزفه الاخيره كانت للثنائي الهادي و اللي ماله صوت
دخلت حنين و كاننتاسم على مسمى حنينه و هاديه كانت عكس هدى بكل شي و كانت جميله جمال ثاني
كان بهاج هادي و عكس خالد ما كان يوضح في ملامحه شي ولا بين لهم حبه لها و قربت حنين وباس راسها وحضنه : انا يا ناس ما عاد اقدر اتحمل هذا الجمال انتي جميله
ابتسمت حنين بحرج و نزلت راسها قرب بهاج و رفع راسها: لا تخجلين انتي زوجتي و حلالي
ابتسمت حنين : وانت زوجي و حلالي
بهاج : تعالي خلينا نتصور
حنين : هيا
راحو تصورو شوي و بعدين نفس الشي راحو و خلاص انتهى الزواج و كانو مبسوطين لهم و يدعون لهم بالخير
اخذ خالد جواله و دق على رنا : هاه يا الحب ما ودكم نروح البيت
رنا : لا والله ودي نروح اساسا رند تبكي تبغى تنام
خالد :ياروحي على ننوده الكبيره والصغيره والله مشتاق لكم ياروحي
رنا : ما طولنا تونا وصلنا العصر وانا رحت عند الحريم وانت رحت عند الرجال
خالد : خلاص اشتقت لي رند بالفستان الوردي
رنا : لا والله وانا
خالد : انتي تقولين ما طولنا ف خلاص يعني مو مشتاقه
رنا : خلاص مشتاقه لك
ضحك خالد : هيا اطلعي طيب
رنا : تمام قفل عشان اطلع لك
قفل خالد وقامت رنا تلبس ولفت من جت ام خالد : قدش بتروحين
رنا : ايه يا خاله خالد مستعجل
ام خالد : الله يحفظكم يا بنتي و جيت عشان اسلم عليش و على بنتنا الشيخه رند
ضحكت رنا : والله من ذليوم تبغى تنام لكن من الازعاج ما قدرت ف رجعت تبكي
ضحكت ام خالد و راحت تشيلها : بسم الله عليها و عادي يا بنتي تريهم كلهم الاطفال كذا
رنا : اي والله
طلعت رنا بعد ما توادعت من ام خالد و خرجت لي خالد و فتحت الباب اللي ورا و حطت رند و رجهت تركب قدام و خالد باقي منطرب مع العرضه و ضحكت رنا من شكله : وش فيك
خالد:لبيه مبسوط لي اخوياي و اخوي واختي
رنا : اها الله يحفظهم يا رب
خالد : امين يارب
مشو و راحو و خالد كل شوي ناظر مع المرايه و التفتت رنا: وش فيه وش تناظر له
خالد : اناظر رنود شوفي كيف نايمه ربي يحفظها
رنا : ايه توها ترتاح من الازعاج و نامت
خالد : اي والله يا قلبي الله يسعدها
رنا : تخيل ما رقصت ذليوم ولا تحركت بس جالسه عشان النونو ذي تتخيل معي انها تتحكم فيني
خالد : عادي ما فاتش شي ترقصين عندي في الغرفه و ننود عادي تنام في غرفتها عشان الازعاج
رنا : لا والله انت صاحي
خالد ابشرش الحمدلله صاحي لكن تخيلي ترقصين لي الناس و تتركين زوجش
رنا : والله ما انت بصاحي و بعدين مستحيل ارقص لك
خالد : وليه ماني زوجش
رنا : ايه انت زوجي لكن استحي ارقص لك
خالد : ولا تستحين ولا شي انا زوجش و ترقصين معي
رنا : انا سمعت انك تعرف ترقص و ترقص معي
خالد : العب عرضه جنوبيه وبس
رنا :بتعلمني وانا اعلمك و نصير دايم نرقص
خالد : تم
وصلو للبيت و نزل خالد و فتح الباب اللي ورا و اخذ رند من كرسي الاطفال و قام يحضنها ويبوسها : ريحتش يابوي تجنن
رنا :خالد فيك شي
خالد : لا مافيني شي قربي وشمي بنفسش
رنا قربت وشمت و ابتسمت لانه ميز ريحة عطر امه :هذي امك كانت امك حاضنه رند يوم انا لبست عبايتي وشكله لزق فيها الريحه
خالد : اي والله انه ريحة عطر امي من سنين
ضحكت رنا :امش ندخل والله تعبانه
خالد : بسم الله عليش وش فيش
رنا :ولا شي بس تعبت من الكعب
خالد :تبغين اشيلش
رنا :لا لا مستحيل
خالد :شيلي رنود
شالت رنا رند و قرب منهم خالد و شالهم باثنينهم و طلع بهم مع الدرج رنا : خالد بتطيحنا نزلني
خالد :ما بنزلش ارتحتي
مشى بها حتى وصل عند الباب و نزلهم و فتح الباب و ركضت رنا للداخل قبل ما يشيلها
وضحك خالد و دخل و قفل الباب و راح للغرفه ولقا رنا تبدل لي رند و قرب منها : اساعدش
رنا : تعال اذا ودك
قربو رنا و خالد و تساعدو و بدلو لي رند و هم كل شوي يبوسونها و يضحكون على شكلها
يوم خلصو راحت رنا تنومها على الكرسي ونامت رنا و رند و خالد يوم تاخرت رنا دخل و شافها نايمه و راح يشيلها و يحطها على الكرسي و يدفيها و كملت نومتها رنا و هو راح يبدل و ينام
جا اليوم الثاني و قامت رنا و راحت تتروش وتبدل و تصلي و خلصت ولفت لي خالد من سمعته دخل الغرفه
خالد :السلام عليكم صباح الخير
رنا : هلا وعليكم السلام صباح النور وش فيه
خالد :ولا شي بس صحيت من دق علي المدير بعدين ما جاني نوم
رنا : اها وش فيه المدير
خالد :كلمته انقل دوامي هنا وش رايش
رنا : تكفى اللي تقوله صدق
خالد :ايه ليه ماودش
رنا : شوف انا احب الرياض و تعودت عليها لكن ودي بقرب اهلي و جمعتهم ثاني شي لا اهلي ولا اهلك ودهم بانه نروح خاصه عشان رند تعودو عليها
خالد :تمام بنروح ندور شقه لنا و نجلس هنا
رنا :وذي واللي انحم ساكنين فيها
خالد : لا ودي اشتري بيت و نسكن فيه و تدرين خاطري اكون انا و احمد و عبدالكريم و سعود بجنب بعض
رنا :ماعندي مشكله والله عادي تم
خالد :ياروحي انا يالله تعالي نفطر
رنا : تمام بقوم اشوف ننوده و بعدين اجي
خالد : ننوده مو كسوله مثلش قامت معي وزارت عمتها نور و تمشت شوي ورجعنا
ضحكت رنا :منجد و ما بدلت لها ملابسها
خالد : الا بدلت لها و يوم رجعنا بدلت لها مره ثانيه هيا قومي
قامت رنا و مشت معه و خرجو ولقت رنا على الكنب اللي في الصاله و ض٩كت وراحت تحضنها : ياروحي تعبتي من زواره ولا حبيتيها
ضحكت رند و قامت تلعب بشعر رنا و هي تضحك ضحك خالد من المنظر والطافه اللي يشوفها و قرب منهم و باس رند و رنا : يا قلبي انتم والله العظيم ان من دخلتو حياتي و حياتي كلها وناسه وسعاده
رنا : وانا ياقلبي والله اني مبسوطه و حياتي حلوه من اول ما دخلت حياتي حتى ما عاد صرت احس بالوحده لانك انت و رند مليتو حياتي بالحب
ضحك خالد و حضنها : احبش والله
ضحكت رنا : خلاص بعد ننوده تضايقت
ضحك خالد و هو يشوف ننوده تصيح : ايه تغارين على ماما ما تبغين احد يحضنها الا انتي
رنا : ايه وش رايك خلها تغار على امها
خالد : بس انا عرفتش قبلها تدرين وش امنيتي
رنا : وش
خالد :انش من زمان خاصمتيني لا اطلع بالمطر و صدمتي سيارتي والله تكون حياتنا احلى وبلا مشاكل
رنا : بس اهم شي لحقنا بعض و تزوجنا
خالد : بس كان ودي انه بدري ما كان تعبت و اصابتني امراض والله العظيم انتي و رند عافيه لي
ابتسمت رنا : شوف هو انه اصيبت بكل هذا و يوم صبرت و احتسبت الاجر على ربي و دعيت ربي ف ربي رزقك بنا
خالد :اي والله يا قلبي انه انتم نعمه و جتني بعد صبر طويل وانا دايم احمد ربي اني صبرت و نلت اللهم لك الحمد
رنا :الحمدلله
راحو يفطرون و خالد يتامل بنته و رنا و كان مبسوط عليهم لانهم هم الوحيدين اللي قدرو يغيرون نفسيته من ضيق و هم و من اي كلمه يزعل اللي واحد يضحك ويسولف و يمزح و ما همه في ولا كلمه انقالت عنه مدح او ذم
كانو مبسوطين و يضحكون و يسولفون مع رند تكلم خالد : رنا وش رايش نروح الاسطبل نعرف رند على عيالنا كسار و دلع
رنا :تم ما عندي مشكله ما تتخيل الشوق اللي مشتاقه فيه لي دلع و كسار
خالد :تحبيني ولا تحبين كسار
رنا : كلكم
خالد : لا اختاري واحد
رنا : كسار
خالد : طيب كسار ولا رند
رنا:لا رند طبعا
خالد :طيب رند ولا خالد
رنا :انا عارفه ودك اختار اسمك لكن لا ماودي
خالد : ليه زعلانه مني
رنا :لانه ما احبك ياخي
خالد : قولي والله ما احبك يا خالد وناظري عيوني
ضحكت رنا :والله اني احبك و اموت فيك لكن حبيت ارفع ضغطك شوي
ضحك خالد : اخخخ على بالي انه صدق ما تحبيني
رنا : لا احبك
خالد : خلاص بتقولين كلمه زياده ما تلومين الا حالش
ضحكت رنا : احبك
قام خالد من على الطاوله : انا جوعان و ودي افطر
رنا قامت كانت تبغى تنحاش بس مسكها خالد و حضنها و قام يبوسها و هي تبعده ولكن ما فيه فايده بعد خالد شوي ياخذ نفس ورجع لف عليها و شافها تحاول تنحاش :وين وين انتي اللي تكلمتي و عبرتي لي عن مشاعرش وانا حبيت اعبر عن مشاعري حتى انا
رنا : انت وسخ
ضحك خالد : لا والله ذلحين انا الوسخ
رنا : ايه ولا فكني
خالد : مافيه ما بفكش و ببوس حتى تقولين لي انت احلى واحد و اجمل شخص
رنا :ما بقول
قرب خالد يبغى يبوسها بس صاحت رند وضحك خالد: فزعت لك بنتك شكلكم بتسوون عصابه ضدي
ضحكت رنا و راحت لي رند :احسن اساسا من اول اخطط انا و هي نجلس فريق و نسحب عليك
خالد : لا والله وانا
رنا :مو مهم عندنا صح رنود
قامت رند تضحك و ضحك و حضنتها : شفته موافقه نوقف ضدك
قرب منهم خالد و حضنهم بثنتينهم : مشكلتي احب البنات و دلعهم
رنا : لا ما ابغاك تحب البنات بس حبني انا و رند
خالد : ما عندي الا انتي ورند بس اساسا وش ابغى بي الباقين دام انتي و رند في حياتي
رنا : ياحياتي انت والله
ضحك خالد : تمام يا قلبي قومي بدلي ملابسك خلينا نروح ندور بيت ونسكن فيه
رنا : تم
قامت رنا و راحت تبدل و بدلت لي رند و راحو للسياره و راحو يدورون على بيت يسكنون فيه و يكون ملك لهم
دورو و لقو بعد شهر فله و اخذوها و كان في فلل جنبها كثير وللبيع و استانسو خالد و رنا لانهم ودهم بالعيال يكونون حولهم
خالد صور و ارسلها للقروب و كتب عليها خلونا نشتريها سوا
ردو عليه العيال كلهم بتم و اشتروها سوا و راحو ياثثون سوا البنات مع بعض و الاولاد مع بعض
_______
عند العيال
كانو يتمشون وبس ضحك و سوالف ولا هم يأثثون ولا شي اساسا ما درو عن التاثيث مخلين البنات ياثثون
خالد : ايه يا احمد انحم كلنا نحاول نقنعك ولا اقتنعت و النتفه شوق تقنعك
احمد : اول شي لا تجيب اسم زوجتي على لسانك و ثاني شي لا انا مستحيل اخليكم مع بعض وانا وحدي ف قلت اسكن معكم
سعود : والله انها زوجتك قالت لك حمودي خلنا نسكن مع خالد و قلت انت تم يا عيون حمودي وانحم لنا شهر نحاول نقنعك وانت ترفض وهي في ثواني قلبت رايك
ضحكو العيال عبدالكريم : عيال احلامي صارت واقع من زمان احلم انه نصير مع بعض و نسكن مع بعض
خالد ابتسم : تدرون ما كنت اتخيل انه بنصير جيران
راجح : عيال متحمس لي ايام يكبرون عيالنا بيصيرون اصحاب
سعود :اي والله تتخيل اباينا اصحاب و انحم اصحاب و بعدين بيصيرون عيالنا اصحاب احلى حاجه
ضحك خالد : اي والله المهم امشو خلونا نروح ناخذ قهوه
عبدالكريم : اتوقع ان خالد بيسوي في بيته كوفي من حبه للقهوه
خالد : ايه انا متفق مع زوجتي انه وحده من الغرف للقهوه و بشتري مكينه قهوه و اغراض القهوه وتصير هناك
عبدالكريم : يعني زوجتك موافقه
خالد : ايه ما عندها مشكله و ابشرك صارت تحب القهوه مثلي
احمد : افا اعتزلت من عالم الشاهي
خالد : لا تحب الشاهي و لكن تتقهوى معي قهوه
راجح : توقعت انها اعتزلت
خالد : مستحيل تعتزل مني ولا تعتزل من الشاهي
ضحكو العيال و راحو الكوفي و طلبو لهم قهوه و تقهوو وجلسو سوالف مع بعض ساحبين على شي اسمه تاثيث للبيت
أنت تقرأ
نافذة الذكريات
General Fictionاول روايه لي اتمنى تنال على اعجابكم خالد كان يحب بنت عمه و تصير بينهم مشاكل و من هنا تبدأ قصتهم الكاتبه : فاطمة الألمعي حسابي تيك توك: ftm2201 حسابي الانستا: fat90892 جميع الحقوق محفوظة
