رنا : يجنن و تدري ارتحت من رنود كلهم جابو عيالهم و بس يصيحون انا الحمدلله اني خليت رنود هنا الا ازعجتك
خالد : لا ما ازعجتني بس كانت جالسه على الأرض و تلعب فجأه ميلت و طاحت و قامت تبكي وانا خفت عليها بس الحمدلله مافيها شي
رنا قربت منها : ياعمري عليها ياقلبي
باست خدها و لعبتها و هي في حضن رنا و خالد ما عاد تحمل اللطافه وباس خدها رفعت راسها رنا و رجعت شعرها ورا :وش فيه ليه تبوس خالد انا خايفه على بنوتتي و انت عادي عندك
خالد باس عيونها : ما فيها شي انتي خوافه بزياده عن اللزوم
ابتسمت رنا و عدلت جلستها و ناظرت فيه : داريه بس خايفه عليها
خالد : اها تمام بتطلعين ذليوم
رنا : لا ماودي ودي نجلس مع بعض زي زمان و نسوي لنا كيكه ولا حلا و اي شي مع بعض
خالد :تمام هيا قومي
قامو و دخلو المطبخ و جلسو يضبطون الحلا ويخربون المطبخ كل شوي يخرجون صحن جديد و كل شوي يسوون شي
ضحك خالد : الله الحلا شكله لذيذ بس بنخليه يبرد شوي
رنا لفت تناظر المطبخ : اح شوف المطبخ كيف ملعوب فيه
ضحك خالد: لا تكفين وش سوينا ما غير سوينا حلا اجل لو نسوي اكل يوميا
رنا :لا تكفى مالنا خلق نغسل مواعين ناكل من المطعم احلى والله
ضحك خالد : صادقه والله هيا خرجنا
رنا : ومين ينظف ذا
خالد : بعدين بنتساعد بس امشي ذلحين خلينا نرتاح شوي
رنا : مشينا
طلعو وراحو يرتاحون و نام خالد وضحكت رنا و غطته و طلعت من الغرفه و راحت غرفة رند و جلست معها تلعبها و تسولف لها
العصر بعد الصلاة راحو للمطبخ و شافو الحوسه و قامو ينظفون و يرتبون و يمسحون الدقيق و لما نظف المطبخ طلع الحلا من الثلاجه و راحو يحضرونها و ياكلون منها خالد جلس ياكل منها و هو يتلذذ الطعم : اول مره نضبط حلا والله مافي احلا منه
رنا : حلو بس لا نعيدها تكفى
خالد : تم من عيوني الا قومي البسي خلينا نخرج شوي بعدين نروح العيال
رنا : تم
راحت ركض ولبست بنطلون اسود ضيق و بلوزه سوداء بدون أكمام و ضيقه ولبست عليها العبايه و خرجت لي خالد : خلصت
خالد : ها يالله مشينا
لف خالد من انتبه للبنطلون: بعدي العبايه
رنا : ليه وش فيه
خالد قرب منها بعد العبايه : وش ذا البس هاه
رنا : خالد وش فيك عادي لبسي مافيه شي
خالد : ماهو انتي قلتي انه ما عاد معش ملابس مثل ذي وش جابها لي دولابش ذلحين
رنا : خلودي والله مافيها شي والكل يلبس كذا
خالد عصب : انا كم مره قلت لش اني ما احب البس ذا هاه
رنا : خالد وش فيك عادي بروح كوفي ما بروح لي أحد وبعدين بالبس عبايه عادي
خالد :واذا انفتحت العبايه ترا ما ارضى احد يشوفش غيري انتي حلالي انا وبس روحي غيري عشان انا ارتاح
رنا : خلودي ماودي اغير
خالد : وانا ماودي انه تطلعين بلبسش ذا ولا خلاص بنكنسل طلعه
رنا : لا خلاص لا تنكسل لان نفسي نطلع والله
خالد راح يجلس على الكنبه و ماسك راسه : استعجلي بدلي
رنا :بس نفسي فيه يا خالد
خالد : نفسش فيه تجلسين في البيت و ما في طلعه
رنا : تمام اهم شي لا تزعل
راحت ولبست فستان لونه اسود و طويل ورجعت لي خالد : هاه وش رايك
خالد : كان لبستيه من اول لازم يعني تصعبين الوضع علي
رنا : خلاص انسى
مشو و اخذو رند و طلعو من البيت و راحو يتمشون و يتقهوون و بعد ما تقهوو راحو يسولفون مع البنات و جت غلا و قابلت خالد و سلمان واقفين عند المدخل سوالف و قربت وفتحوا يدينهم خالد وسلمان و قربت منهم و حضنتهم سوا : ما اقدر اختار بينكم كلكم في قلبي والله
خالد باس راسها :والله اني اشتقت لي غيرتكم و حبكم لي بعض
بعد خالد و حط يد غلا اللي وراه حطها على ظهر سلمان : انا بدخل وانتو الحقوني
سلمان : وين وين اجلس شوي
خالد : عازم اهلك و أهلها واخر شي اجلس معكم برا ليه
غلا : اوووه عمي ليش شايف نفسك علينا ولا يوم جتك بنت خلاص نسيتنا
خالد : لا ما نسيتكم بس انتم ذلحين انتو تبغون بعض و ما عاد تبغوني
غلا : لا ابشرك كلنا نبغاك
سلمان : انا الصراحه ما ابغى
خالد : حتى انا ما ابغاك
ضحكت غلا : وش فيكم
خالد : ما فينا شي
سلمان : عمي وش رايكم نروح المجلس ما هو احسن من نترك الضيوف
خالد : هيا حياكم
قرب خالد و حضن غلا و سلمان و دخل بهم غلا وقفت : لحظه ابغى اعرف وش اللي يزعلكم من بعض
خالد ضحك :ما في شي نزعل منه بس مزح مع بعض ولا هو لا يغار ولا شي بس انه يطقطق على غيرتي بس
سلمان : اي والله ولا ما في احب من عمي خالد من بين العيال
غلا هيا دخلنا دخلو و غلا راحت للحريم و خالد و سلمان راحو للرجال و سلمو على بعص و جلسو خالد قام يصب : يالله انك تحييهم
ناصر: الله يسلمك
معاذ :الا كيفك و كيف بنتك
خالد : طيبه معليها خلاف
هيثم : عمي نفسي اشوفها ممكن
خالد : مدري والله تلقاها نايمه او مع امها لكن شوي و تطفش منهم و تجي
سلمان : تدرون احسها ماخذه من عمي خالد
هيثم : انا شفت صورتها و قلت ذا عمي يطقطق علينا و يورينا صورته
خالد : لا والله اقول انت وياه احترمو بنتي
معاذ : الله يحفظها لك يارب وانتم مالكم شغل تشبه مين
هيثم : يعمي نبغى نسولف شوي
خالد :والله انه صادق خلو تشبيهات حق البنات
سلمان : عمي هات القهوه وانت روح جيبها
خالد : تفضل
و راح خالد اللي عند الباب و نادا :يا رنا يا غلا
جته غلا و هي معها رند تلعبها : هلا يا عم أمرني
خالد : اعطيني بنوتتي و بس
رنا جت : هلا خالد وش بغيت
خالد : ولا شي بس ودي على رنود بس
رنا : اها بالعافيه
ضحك خالد : هيه مو اكله ذي بنتي
ضحكت رنا :داريه بس اقصد خذها ما نبغاها
خالد: تمام ياقلبي انتي
اخذ رند و طلع و حطها في حضن ابوه :تفضل يبه هذي بنتي
أخذها ابو خالد و جلس يسمي عليها و باس راسها :الله يحفظها لك يا ولدي
خالد : آمين يبه
راجح : وانا يبه بنتي ما مدحتها ولا بستها ولا شي
ابو خالد : خلنا نشوفها اول ما غير رند اشوفها بس ولا عيالكم انتم ما قد شفتهم
ضحك بهاج : معليك اول ما تخلص زوجتي الأربعين بشغلك بوليد و نعيش عندك انا و هو
ابو خالد : لا ماودنا به خله مع أهله
ضحك بهاج : هلي انا أهله يا يبه
خالد : انت ابوه بس أهل امه يختلف و هو بيحبهم
ضحك ناصر : انا عيالي و عيال معاذ اللي يحبون عمانهم اكثر من خوالهم
خالد : لا هيثم ماوده فينا اساسا ما يجي الجمعات الا مجامله
هيثم: افا يا عم لا والله اني احبكم و احب خوالي
معاذ : بس مين اكثر انحم ولا خوالك
هيثم : اكيد انتم
ضحك خالد : صورو فديو و ارسلوها لي خواله
ضحك سلمان : الحمدلله اني احب عماني و عيال عماني
خالد : ايه صادق تحب عيال عمانك لكن عمانك ما اتوقع تدري يا ناصر انه ولدك عاق في عمانه
ناصر : خله يجي يحترمني اول بعدين يحترمكم
سلمان : حرام عليكم والله اني اطيب واحد
خالد : طيب طيب لكن تحب غلا اكثر منا
سلمان : لا مستحيل
خالد : اها يعني غلا ما تحبها
ابو خالد : اتركو الولد مالكم دخل فيه يحبها ولا لا تراها زوجته
خالد : لا و هذي بنتي لازم اشوف يحبني ولا يحبها
ابو خالد : ما يحبك يحبها اهجد
سعود و هو بجنب خالد تكلم بصوت مرتفع شوي يبغى يطقطق على خالد :الله يعينك يا ولدي بيصير عمك شديد
ضحكو كلهم لانه كان صوته مرتفع و الكل سمعه خالد : والله مالي شغل اول شي اذا رند قالت احبه اقول تمام و لكن لا يحبها اكثر من حبي انا لها يحبها شوي ثالث شي يدلعها يوديها السوق يسولف معها يسفرها كل ما قالت طفشت
سعود : مسكين ياذا الولد اذا كبر ما يدري يلقاها من سميه ولا عمه ابو زوجته
قام عبدالكريم: وش فيه سميه هاه
سعود : والله ما منك فايده وجودك مثل عدمه ولا واحد يسب ولد اختك المفروض تدافع عنه
عبدالكريم: ماهو غريب هذا خاله بعد
سعود : مالي شغل بطلع من القروب
ضحكو كلهم ابو خالد : الله يعينك علاهم يا ولدي
خالد : يبه والله ما سوينا شي بس هو إلا غصب ولده ياخذ بنتي
ابو خالد : هذا الصح ولكن خلوهم يكبرون و تشوفون مين يبغى مين
خالد :هذا رأيي من اول
ابو خالد : تم
قام خالد يبغى يصب قهوه و قام سعود :حلفت انا اصب عنك
خالد : بيتي عادي انا اصب
سعود :والله ما احد يصب غيري يالله روح اجلس
راح خالد يجلس بجنب ابوه و يلعب رند و يبوسها و جو سلمان و ذيب وذياب و هيثم و جلسو يلعبون رند و يضحكون معها و جا مطلق بهايف : السلام عليكم
قامو كلهم يسلمون عليه و ركضو العيال ياخذون هايف
سلمان : هلا والله بهايف هلا بعلوم الرجال هلا هلا
ضحكو كلهم ابو خالد : لا والله يعني وش قصدك
سلمان : ولا شي بس هذا سمي هايف رجال يا جدي ونعم فيه كفو
ضحك خالد : اعطني ولد اخوي و ان طلع كفو ف اكيد انه طلع علي لاني انا عمه
أخذه خالد و جلس يبوسه و الولد يمسح البوسه خالد: ليه ليه تمسح بوستي هاه
مطلق :اتركه ما يحب احد يبوسه
خالد أخذه و جلسه على الكنبه و قام يبوسه : الا اني ابوسك غصب طيب
عبدالكريم قرب منه و سحب هايف :روح بوس زوجتك و بنتك اما ذا اتركه في حاله
خالد رفع راسه :عادي ترا اسوي في رنود كذا
ابو خالد :بس الولد يصيح ما يبغاك لا تقرب منه مثل ما قال عبدالكريم روح بوس زوجتك و بنتك واترك عنك ذا
خالد :تراكم قلتو كلمه غلط و ما تنقال في المجالس يعني بيفهمون الناس اني وسخ و اسوي اشياء ما هي كويسه لكن بالعكس تمام اما العبه و استهبل معه مثل ما اسوي مع بنتي
ضحك ابو خالد : وش نسوي الولد يصيح وانت محاصره في الزاويه لكن لا عاد تسويها
مطلق باس وجه رند : تبغى نرجعها في بنتك
خالد : ماعندي مشكله بوسها و شوف وش تسوي هي
ضحك مطلق و قام يبوس رند ز رند ترجع له البوسه و يوم طفشت عضت خده ضحك مطلق : ما شاءالله يعني تسوين بابوش كذا ولا بس عمش تعضينه
ضحك خالد : لا ابشرك تسوي في الكل كذا تعض او تسحب الشعر و تصيح
ضحكو سعود : اهم شي تدافع عن نفسها وش فيكم انتم هذي زوجة ولدي الكفو
ابو خالد : وين ولدك ذيه ذا انت تمدح فيه من ذليوم
سعود :عند امه
خالد: شفت ما نحب الولد اللي عند امه و ما يتحرك من عندهم ودنا برجال اللي يجلس بين الرجاجيل
سعود : ذلحين يحضر مع الرجال ثواني بس
راح و يكلم نور و خرجت: لبيه سعودي
سعود :يا روحه و قلبه اسمعي ابغى كيمو
نور : تبشر اساسا زوجته عندكم ف ما عاد للجلسة طعم
ضحك سعود : لو تدرين زعلان خالد ماوده
ضحكت نور : لا والله خالد يحبه و ما يشوف زيه بس يحب يطقطق عليك
سعود :والله حتى انا احبه الا هيا اعطيني عبدالكريم
أعطته عبدالكريم و أخذه و راح به للعيال واستقبلوه يبوسونه و يلعبونه خالد : لحظه ماهو هذي بوست بنت اعترف تخون زوجتك يا وسخ
قرب منه سعود :اي والله مين هي ياالخاين
ضحك عبدالكريم: والله انه روج نور
قرب سعود :ما اتوقع
احمد : خلونا من روجه اعطوني زوج بنت صديقي خلوني ابوسه و اشوف اخباره
سعود : جحدتني تراه ولدي
عبدالكريم: وانا خاله
احمد لف لي خالد وهو يمزح مع عبدالكريم :دام ذا خاله لا تزوجه شكله ماش
ضحك ابو خالد : خلو الولد يكبر بعدين يقرر انتم وش عليكم فيه و في قراراته
خالد : كويس انك تكلمت و فهمتهم انا من اول افهمهم لكن ما فهمو
سعود : عمي نمزح ولا ترا انحم شوفنا كبرنا و كل واحد اخذ اللي يبغاها ولا فكر وش يبغون أهله
خالد : ما احب المزح خصوص في موضوع الزواج
راجح :صح صادق انا اهلي كانو يخربون حياتي بسبب تعليقاتهم و حنين لي راجح و راجح لي حنين اللي اليوم وانا اعاني من نفس الشي تتخيل تقول انه لو انه خطبتها و تركت حنين كان تزوجنا
ابو خالد :وانحم وش عرفنا انك تبغى قمر ماهو حنين ما قلت لنا ولا كلمتنا
خالد : كنت ادري و كنت اقول لكم اذا راجح ما يبغاها و هي ماتبغاه لا تجبرونهم
بهاج : والله يمكن لو جيت ولقيتها زوجتك كان انقهرت والله
ابو خالد : بس الحمدلله تعدلت الوضاع و كل واحد اخذ اللي يبغاها
راجح :اي والله الحمدلله بس انا قلت لكم لانه ماودي عبدالكريم او رند او هايف او ميلا يتعقدون او يتعبون
سعود :لا اذا كبرو ما بنتكلم ولا نقول لهم شي
خالد : خلاص انسو لا عاد تعلقون عليهم
جلسو سوالف و ضحك و طقطقه و يلعبون العيال و يسولفون معهم
__________
عند البنات
كانو سوالف و لفت نور من سمعت جوالها يرسل و فتحت لقته سعود مصور البوسه و راسلها مين باسه
ضحكت نور بصوت عالي لفت لها رنا : وش فيه
نور : بوست عبدالكريم و طلع على ثوبه و سعود يسألني
ام خالد : وين لقيتي عبدالكريم
نور : خالتي كيمو الصغير وش فيش
رنا :اها و بعدين
نور :اضحك لانه سعود يقول شافوه الرجال كلهم وهو ما انتبه الا بعد ما تكلم خالد و سأله
رنا : ايه و خالد بسم الله عليه حافظ الارواج و عارف لمين
نور :لا عبدالكريم اللي قال له و خالد قال له ليه تخون رنود بنتي و من ذا السوالف
ضحكت هنوف : مسكين اخوي يحاول يطلع عيب في الولد ما يبغاه يقبل
ضحكت ام خالد :والله انه كلنا ما كنا ودنا تروحون و تتركنا لكن سنة الحياة ولازم كل واحد يروح و يتزوج و يكون عايله جديده بس تكبر و يفهم خالد
رنا : يا عمه خالد يقول انه ما همه تتزوج او لا لكن ما وده انه يجلسون يقولون عبدالكريم لي رند و رند لي عبدالكريم بعدين بيصير ما فيه نصيب و يزعلون العيال و تتعب نفسيتهم
ام خالد : صادقه والله
نور :مكياجي كيفه يا بنات
رنا : يجنن
هيا : والله حلو
نور : عيونش الحلوه والله
رنا : ياقلبي يا هيا وش فيش خجلانه عادي الوضع
هيا : ماهو متعوده اسولف معكم
قمر : لا عادي تعودي الموضوع مافيه شي و كلنا بس ضحك و سوالف
هيا : تمام
نور: بنات اكتشفت اني اغار و غيرتي شينه
قمر :ليه وش صار
نور :ولا شي سمعت صوت ممرضه عند زوجي و انقهرت وقفلت الجوال و رحت له المستشفى اتطمن عليه
غلا : اووه غيرتش بسيطه تدرين لو ينسى يرسل لي أن ازعل و ما عاد اكلمه
رنا : يع يا ذا الغيره ترا عادي الوضع
ساره : ايه عادي و ذيك الليله كنتي بتقتلين البنت ذيك اللي مدحت عمي
حنين : بنات سوالفكم تجنن ودي اني معكم دايم
رنا : عادي ما فيها شي اجلسي معنا
حنين :استحي منكم لانه سوات هدى فيش انتي و خالد تخجل
رنا :هدى ماهو انتي
حنين : شكرا والله يا قلبي
قمر : بنات ميلا ازعجتني و هي تبكي و مدري وش فيها
هيا : هاتها اشوفها زوجه ولدي
رنا : هههههه خلي البنت على طول شبكتوها في هايف
هيا : والله هايف وش زينه وش حلاته و الف بنت تتمناه
رنا : بس خلي البنت تكبر و نشوف
جلسو سوالف و ضحك و هيا اخذت ميلا و هزتها حتى نامت و رجعت تقوم و تحطها في كرسيها و رجعت لهم : شفتي مافيها شي غير كانت ودها تنام
قمر : شكرا يا قلبي والله اني مادري عنها و عن تصرفاتها دايم تبكي و تتعبني
هيا : لا معليش ما فيها شي بس دلع زايد
رنا : صادقه والله مدلعينها
نور :ما شاءالله وانتي
رنا : انا ما دلعتها بس خالد اللي دلعها
استمرت سوالفهم و ضحكهم مع بعض و كانت ليله ولا احلى منه و تعشو و راحو كل عايله بيتهم و كانو مبسوطين في الجمعه و الضحك مع بعض استمرت حياتهم كذا و جمعات و سوالف و ضحك و هبال و تزوج مسعود ود و انبسطو و كان خالد مبسوط بزواجهم لانه واثق في مسعود و يحبه ويعرفه و يعرف وقفته معهم كمل زواج مسعود و و حملت ود على طول و بعد تسعه شهور جابت بنت و سموها ميس و كانو مبسوطين فيها و كملو ثلاث سنين و هم نفس ماهم ما تغيرو الا زادت وناستهم من يوم صارو عيالهم يمشون ويسولفون و يلعبون
جا خالد داخل البيت بعد دوامه و كان تعبان و دخل : السلام عليكم
رنا طلعت و وراها رند أبو الاربع سنين : وعليكم السلام
رند : جبت علك
خالد : تعالي تعالي اول ابغى ابوسش
قربت منه رند و جلس خالد على ركبه و حضنهها و قام يبوسها و يحضنها رند بعدته : بعد و قول لي جبت لي حلاوه
ضحك خالد :انتي موجوده ليه اجيب
رند : هيه و ترني ابغى لي انا و كيمو و هايف و ميلا و خالد و وليد و غنى
ضحك خالد : لا والله وانا وش دخلني منهم خلي أهلهم يصرفون عليهم هم
رند : لا هم اصدقائي لازم اجيب لهم معي
خالد طلع كيس فيه حلوات كثيره و علك و أعطاها اياها :خذي لش و لي البنات والعيال كلهم
قربت رنا : خالد بتلعب بفلوسك وانت دايم تاخذ لها شوفه في الغرفه
خالد :ان ما صرفت فلوسي عليها اصرفها على مين خليها تدلع بعد قلبي والله
رنا : الله يحفظك لنا يارب
خالد : و يحفظش لي يا رب و يحفظ لي رنود الا رنود وش رايش تروحين الغرفه و انا بلحقش بعدين ابدل ملابسي
رند: طيب
راحت رند الغرفه و دخلت و قرب خالد من رنا و باس راسها و حضنها :يا روح روحي وقلبي انا ياكم اشتقت لش والله
رنا بادلته الحضن: والله اني اشتقت لك
خالد باس خدها و نزل راسه و حطه على كتفها :راح التعب كله و الضيق راح من حضني لش لا عاد تبعدين لاني ما اقدر على بعدش
رنا:خلودي و حتى انا احبك و ما اقدر على فراقك بس رنود اخاف تطلع في اي وقت
خالد : لا معليش بتتسلى بالحلاوة و تنسانا شوي تعالي معي خلينا نسولف و نجلس مع بعض شوي
رنا :تمام بروح اجيب القهوه
راحت تجيب القهوه و جت و صبت له فنجان القهوه و جلست : الا ما قلت لي وش صار على كسار و دلع
خالد :كويسين لكن المشكله هي انه مشتاقين لش
رنا :بنروح لهم اساسا وعدت رند انه نروح و نخليها تشوف كسار
خالد :والله اني خايف عليها تطيح او شي
رنا : لا معليك
خالد قام و راح و بدل ملابسه و جلس يلعبها مع رند ختى جت رنا بالغدا و جلسو و تغدو و خلص خالد الغدا وراح ينام بعد الغدا و بعد العصر صحى و وضى و صلى و راح لهم ولقا رنا تلعب رند و تضحك معهم : انا ما عاد اتحمل الطعامه والحلاوة ذي
رند : بابا وراحت ركض تحضن رجله شالها خالد و باس خدها: لبيه يا روحي والله
رند :نروح للخيل
خالد : نروح ليه ما نروح رنا البسي والحقينا للسياره
رند : ايوه و خذي اغراضي معش
رنا : لا والله وليه ترسلين ماما ليه ما تقومين انتي
رند : لا انا مشغوله مع بابا
خالد :صادقه هي مشغوله لكن انتي فاضيه
قربت رنا : ترا ابوش يحبني انا وانا الأولى في قلبه
رند : لا انا بابا يحبني اكثر وحده صح بابا
ضحك خالد : صادقه انا احبها مالي شغل ذي أميرة قلبي
رند ضحكت و حضنته : شفتي ماما
رنا :دام هي اميرة قلبك خلاص انا بروح و اتركم تنبسطون ببعض يالله مع السلامه زعلت
راحت رنا و لفت رند لي ابوها : زعلت ماما بسببك روح راضيها
خالد : لا والله يعني ماهو بسببش انتي
رند : لا انا مؤدبه ما سويت شي
خالد : اقول قومي سوا نراضي ماما
اخذ بيدها خالد و راحو لي رنا ولقوها جالسه تلعب بالجوال خالد :رنو قلبي ممكن نتكلم
رند : رنو هذا اسمي ليه تناديها به
خالد لف لي رند : اسكتي خلينا نراضيها بعدين ننتقر على الاسم بعدين
خالد لف لي رنا : رنو قلبي روخي انا ليه زعلانه
رنا : انتو ما تحبوني بس تحبون بعض خلاص زعلت
رند راحت ركض لي امها و حضنتها :ماما اساسا انا احبش اكثر من بابا بس ما ابغى اقول له ويزعل
ضحك خالد :لا والله يعني ما تحبيني خلاص زعلت
رند :اسكت ماهو وقتك
رنا ما عاد تحملت تمثل عليهم الزعل و قامت تضحك ضحك خالد : خلاص سامحتيني
رند : لا سامحتيني انا مو بابا
رنا : ما سامحتكم و باقي زعلانه منكم
رند : ماما خلينا نروح عند كسار
رنا : لا مافيه روحي مع حبيب القلب و انتهينا زانت روح مع اميره قلبك
رند :ماما هيا
خالد قرب منه : والله انه ما احب احد مثلش انتي غاليه على قلبي هيا رنو يالله
رنا :خلاص تمام رضيت لا عاد تزعجني
خالد : يالله رحنا عند كسار و دلع
رند :مين دلع
خالد : فرسي مسميه دلع ليه
رند :وليه مسميه باسم أنثى
خالد : لانه أنثى
رند : ليه انا ما ابغى لا عاد تجيب طاريه على لسانك
خالد : ابشري هيا مشينا
راح خالد يبدل و رند و رنا نفس الشي و راحو للخيل و اول ما وصلو نزلت رنا بسرعه وراحت تشوف كسار و خالد و رند قفلو السياره و خالد شال رند و راح بها داخل : تعالي شوفي ماما
وصلو لي رنا لقوها قد ركبت على الخيل و قد هي تتمشى فيه خالد : شايفه ماما
رند خافت : ماما
ضحك خالد : وش فيه
رند خبت راسها عن رقبة خالد :يخوف
خالد: عادي يا قلبي تعالي تعالي اوريش دلع
مشى معها و راحو لي دلع واول ما شافت خالد قامت تصهل و ترفع يديها فوق ضحك خالد و قرب منها و صاحت رند و حضنت خالد بقوه : بابا خلنا نروح يخوف
خالد :لا معليش هذي تستقبلني لان لي فتره ما رحت لهم عادي عادي
قرب من الخيل و حضنها و هي هدت و اخرجها من مكانها و حط رند عليها : هيا اركبي ودي تصيرين خياله مثل ماما
رند : بس يخوف
خالد : لا عادي لا تخافين ما فيه شي
ركبت رند و و ركب خالد وراها و مشت دلع و رند خافت بس يوم شافت امها هدت : ماما شوفيني ركبت مثلش
رنا : انتو تزعلوني و هو يراضيني
خالد : لا والله و ماهو انا راضيتش
رنا : لا ماهو نفس كسار كسار غير في نظري
ضحك خالد : هيا سباق
رنا :هيا بس رند وش فيها
خالد : نتركها هناك تشجعنا وش رايش رند
رند و هي حاضنه ابوها : ايه بابا انا بنزل لانه يخوف
رنا : افا وانا اقول انه بنتي بتصير خياله اخر شي تخافين من الخيل
رند : ماما شوفي شكله يخوف
رنا : ومين اللي وريتها الصور قالت إنه كيوت
رند :انتي وبابا الكيوت بس ذولا لا ماهم كيوت
ضحكو كلهم على خوف رند و نزل خالد و نزل رند و جلسها في مكان هناك على شكل جلسه و لف لها : انا بروح اسابق امك و اهزمها انتي اجلسي هنا ولا تروحين
رند :تمام
راح خالد و ركب و مشى لي رنا و قامو مسابقه و مره رنا تتعدا خالد و مره خالد يتعداها و رند تصيح و تشجع
و آخر شي فاز خالد ولف لي رنا : هاه وش رايك
رنا : اول شي اكرهك اذا تكلمت بحرف الكاف ثاني شي انا هديت السرعه لان ودي تفرح شوي حرام نعكر مزاجك
ضحك خالد :هيا نتسابق و نرجع و نشوف مين يفوز
رنا : قدام
تسابقو والمره ذي رنا اللي فازت و كانت تضحك و مبسوطه
لف خالد : هيا رحنا
رند : ايه بابا ودي نروح لي اصدقائي
خالد : تمام هيا
مشو و رجعو الخيول مكانها و حطو لها اكل و مويه و مشو للسياره و ركب خالد و رند خالد لف ورا : ايه بنتي الحلوه كيف المغامره حلوه ولا لا
رند : حلوه بس يخوف
ركبت رنا : لازم نعيدها والله انه يجنن و استمتعت
رند : لا ما ابغى
خالد : ذي خايفه و ذي مبسوطه و ابلش يا خالد
حرك خالد و لفت رنا لي خالد : انت انبسطت
خالد لف لها بعدين رجع ناظر الطريق : انا دامي معكم ف انا مبسوط و طاير وناسه
ابتسمت رنا :حتى انا تغيرت حياتي للأفضل بسببك
ابتسم خالد و اخذ يدها و باسها
وصلو لي البيت و نزل خالد و فتح الباب لي رند و لف وشاف رنا ما قد نزلت جا عندها :وش فيش مانزلتي
رنا :ليه تفتح لها الباب و تنزلها وانا لا
ضحك خالد وفتح لها الباب و نزلت و اخذ بيدها و كانو بيدخلوا بس شافو رند تركض لي بيت سعود و نور و ضحك خالد و هو يتذكر كلامهم و لف لي رنا :تبغين نلحقها ولا نروح البيت
رنا: لا اكيد نلحقها
راحو ورا رند و دخلو ولقو نور تستقبلهم و دخلو وجلسو و جو العيال يلعبون مع بعض
ضحك خالد :طلعو مجتمعين عندش ذليوم يا نور
نور :ايه دخلتهم كانو برا و كان شمس ف قلت لهم يدخلون
جا عبدالكريم يسلم : خالي كيفك
خالد : طيب الحمدلله انت كيفك يا بطل
عبدالكريم: طيب
جو العيال و اجتمعو على خالد و باسو راسه هايف : عمي كيفك
ميلا :عمي انا
ضحك خالد : انا عمكم كلكم و خالكم كلكم
عبدالكريم: خالي انا وحدي
خالد : لا و خالد انا خاله و ميس انا خالها
ميلا : الله وانا و هايف نقول لك يا عم
خالد : انتي و هايف و وليد و غنى
عبدالكريم: خلاص فهمنا
راحو العيال يلعبون و مبسوطين مع بعض و عبدالكريم و رند يلعبون مع بعض و مبسوطين و يرجعون يلعبون مع العيال
كانو خالد و نور و رنا يناظرون فيهم و يتقهوون و مبسوطين و يتذكرون هم ايام كانو صغار وش يسوون
و كانت هاذي حياته و كبرو العيال و جابو رنا و خالد بنت وسموها رنيم و بعد سنين حملت رنا و جابت توؤم اولاد و سموهم احمد و غيث و كانو مبسوطين و تزوجو غلا و سلمان و ذيب و سمر و ذياب و ساره و كانو مبسوطين و جوهم عيال و غلا سمت ولدها خالد و ذيب و سمر سمو بنتهم مي و ذياب و ساره سمو ولدهم صقر و هيثم و ليلى جابو بنت سموها غيم
عاشو حياتهم و هم مبسوطين و سعيدين و مشت السنين و مرت و كانه لمح البصر و ما كان فيه شي جديد غير انهم مبسوطين و عايشين مع بعضهم لي بعض
بعد عشرين سنه تقريبا
كانت رند تتجهز و تلبس دخلت عليها رنيم : رنود وش تسوين
رند : بروح عند صديقاتي تمشين معي
رنيم : والله مالي خلق سوالفهم بنام
رند :والله صديقتش سحاب تسأل عنش وبعدين تروحين ز تشوفين نمر
رنيم ناظرت فيها شوي : ماني مثلش انتي و عبدالكريم ما احب احد ولا افكر في احد
ضحكت رند و سوت الايلاينر و خرجت : مشينا عشان اروح لي بابي استأذن منه
رنيم :هيا
خرجو من غرفهم ولقو احمد و غيث يلعبون سوني و خالد جالس جنبهم و رنا جالسه على الكنب لفت اول ما دخلو البنات و سلمو و جلسو على الكنب خالد :على وين
رند :بروح لي صديقاتي
خالد : و رنيم
رنيم : بجلس في البيت الوضع طفش
غيث :يبه بنغى نعزم نمر ولد عمي أحمد
احمد :و نبغى نعزم العيال كلهم عيال عماني
خالد :تم ماعندي مشكله
رنا : ياقلبي اذا عزمتوهم اجلسو في المجلس لانه مالي خلق ازعاجكم
خالد :صادقه انحم ماانحم فاضين لكم
ضحكت رند و قامت :انا بروح باي
خالد : ممنوع الطلعه على وين ان شاءالله
رند : بابي تكفى
خالد :مافيه
رنيم : وش فيش ما تذكرين انه لازم تبوسينه قبل تطلعين
رند قربت و باس خده و راسه وبعدت : هاه انت موافق
خالد :الله يحفظش بوسي لي البنات
رند : ان شاءالله
خرجت رند و راحت بيت خالها سعود و اساسا تحب تروح هناك لانه تلقا دايم عبدالكريم و يتبادلون بنظرات وصلت و دقت الباب ولقت قدامها سحاب و دخلت : البنات داخل
سحاب : ايه انتي اللي تأخرتي
رند : وش اسوي تعرفيني ما اعرف الا يضبط الايلاينر ولا ابكي
دخلت ولقت ميلا و ميس و غنى و سحاب بنت سعود و نور و مرام بنت عبدالكريم و جلست : كيفكم
البنات : طيبين وينش تأخرتي
رند :كنت اضبط الايلاينر
نور دخلت : السلام عليكم
قامو البنات يسلمون عليها رند : اسفين يا خالتي ازعجنش بس سحاب تعزم ف استحينا منها
نور : ياروحي لا عادي انتم بناتي مثل ما سحاب بنتي
البنات :شكرا يا خاله
جلسو سوالف و ضحك
عند خالد بعد ما طلعت رند راحت رنيم غرفتها و جلست تحط ميكب و دخلت رنا : وش تسوين
رنيم : اتسلى شوي
رنا : تدرين انتي البي تشبهيني بس تجلس تحط ميكب و تتسلى
رنيم :ياروحي يا مامي الا متى نروح للخيل
رنا : لو تبغين ذلحين مشينا اساسا مشتاقه لي كسار و عياله
ضحكت رنيم : يعني كسار عجوز
رنا : ايه كبير معي من ايام وانا في الثانوي و ذلحين شوفي كم اعمارنا
رنيم : تراش باقي صغيره
رنا: اقول خلصي خلينا نروح لي كسار
عند العيال كانو قي الحوش و يلعبون كوره اول ما طلعت رنيم لف نمر يناظر فيها حتى ما انتبه للكوره و يوم شافه غيث وين يناظر شاته بالكوره: محارمنا يا ولد لف عنهم
لف له نمر : هلا
غيث :محارمنا لا تجلس تناظر
نمر : على بالي انها خالتي رنا و اسلم عليها
سعود ولد عبدالكريم: صادق لا تزعل ما انتبه لها
خالد :عيال خلونا نكمل لعب
رجعو العيال يلعبون ونمر يحمد ربه انه العيال صرفوها و ما انتبه
خالد كان يتمشى مع عبدالكريم و احمد و سعود و مطلق وبهاج و راجح : عيال الحياه تجنن وانت راجع من شغلك تلقا عيالك حولك
بهاج :اي والله والله انهم غيرو حياتي صرت بدال ما احل مشاكلي صرت احل مشاكلهم و افكر فيها
سعود :عيال صار مثل ما كنت أتوقع عبدالكريم حب رند
خالد :حتى رند دايم ركض لي بيتكم على بالك اني ما انتبه لهم والله اني انتبه لهم بس اسكت
احمد :نمر حاط عينها على رنيم
ضحك خالد : شفته مره او مرتين ترا هم واضحين بس ما احب اقول شي
مطلق : صادق والله العيال واضحين لي درجه اني كاشف هايف و نظراته لي ميلا
راجح :نفس حركتي كاشفهم و ساكت
عبدالكريم :وانا منتبه لي نظرات خالد لي بنتي غنى و غنى نفس شي
احمد :ايه تراه كلمني بس انا ساكت و متجاهل الموضوع حتى يكبرون
بهاج :وانا ولدي يبغى ميس
ضحك خالد :و هذا اللي توقعناه و صار
احمد :الحمدلله الحمدلله والله اني مبسوط و اني احمد ربي كل ما تذكرت وين كنا و كيف صرنا الحمدلله
خالد : اخخخخ يا عيال كنت خايف اذا كبرنا كل واحد ينشغل بحياته بس الحمدلله ما افترقنا و جلسنا حول بعض
سعود :اي والله الحمدلله و عيالنا حبو بعض و صارو أصدقاء و مع بعض دايم
كانو كلهم مبسوطين و مستانسين مع بعض و كل واحد مبسوط بحياته الجديده واللي ما كان متوقعها
___________
عند رنا و رنيم
راحو للخيول و راحت رنيم ركض لي دلع خيل ابوها و حضنته و قامت تبوسه و رنا جت و هي تضحك :لا والله تحبين دلع و تسحبين على كسار
رنيم : مامي تكفين احبهم كلهم بس دلع اكثر
رنا : كلمت البنات و قلت لهم يجون و بيجون بعد شوي
رنيم :تمام قبل ما يجون امشي خلينا نتسابق
رنا : هيا مشينا راحت رنا تركب على كسار و رنيم على دلع و راحو المكان اللي يتسابقون فيه و قامو مسابقه و مره رنا تسبق و مره رنيم و كانو على ذا الحال دخل عليهم خالد و لقاهم مسابقه و ابتسم و جلس يناظر فيهم و رنا يوم شافت خط النهايه هدت من سرعت الخيل و خلت رنيم تسبقها و سبقتها رنيم و جلست ترقص مبسوطه بالفوز و لفت و شافت ابوها و راحت له ركض تحضنه :بابا هزمت ماما و فزت
ضحك خالد :شطوره بنتي هذي بنتي الكفو
رنا جت : خالد وش جابك ما كنت عند العيال
خالد : كنت عندهم بس قالو لي انش انتي ورنيم هنا قلت اجي اسلم عليكم و اشوف وش تسوون
قربت منه رنا و حضنته : انا اساسا لو ما تجي بفقدك هذي عادتك من اول ما تزوجنا دايم تجي للاسطبل و تطمن علي
خالد : ذلحين مت عاد اخاف عليش بنتش موجوده و تدافع عنش
رنا ضحكت :اووه رنيم خوافه اكثر مني
خالد : سبحان الله نسخه منش الكلام و الضحكه و حب الخيل
رنا :و رند نسخه منك تحب الصديقات و الطلعات و القهوه وسفريات
خالد :و غيث و احمد يشبهونا اثنينا ياخذون من كل واحد فينا صفه
دخلت رند و صديقاتها و حضنت امها و ابوها من ورا : احبكم
ضحك خالد : استغربت والله وقلت وين رند ما تخرب اللحظات الحلوه
رند :حرام عليك يبه ما خربت شي شوفني
ضحكت رنا : لا انتي من يوم وانتي صغيره اذا حضنني ابوش تبكين و ذلحين جيتي و خربتي علينا
خالد : لا و امش تقول انش تشبهيني تكفين ماودي بشبيه يخرب علي
رند : لا خلاص ما عاد بخرب عليكم بروح لي صديقاتي
خالد : ناديهم خليني اسلم عليهم
رند : تمام
راحت رند و رنيم عند البنات و نادتهم و جو و سلمو على عمهم و خالهم و حضنوه خالد : كيفكم
البنات : طيبين
سحاب : خالي تزعل اذا ناديناك كذا ولا عادي
خالد : لا عادي اساسا انبسط اذا انتم يا الجميلات ناديتوني يا عم او يا خال
ميس : انت اجمل خال
خالد :الا كيف امش
ميس : طيبه
خالد : تعالو اوريكم دلع و نسولف شوي
مشو البنات مع و ضحكت رنا يوم شافت خالد مسك يدها و سحبها معها و راحو خالد :وهذي دلع اللي بعض الناس كانو زعلانين اني اناديها دلع
رند :وانا صادقه وش تبغى بالبنات ليه ما تاخذ خيل ذكر
خالد :ماودي فيه و شفت دلع و حبيتها
رنيم : خلاص دلع صارت لي
خالد : بالعافيه بس اختش الخوفه تقول ما تبغاها
رند :احبها بس ما اهتم للركوب الخيل يعني
ميلا: عمي عادي اركب انا ابغى اجرب
خالد : تعالي اساعدش
ساعدها خالد حتى ركبت بعدين لفت لي خالد : عمي يخوف او شي
رنا : لا انتي دلوعه امسكي الخيل صح وانتهينا
قربت منها و ساعدتها و مسكته و قامت تمشي و عادي عندها
كانه خالد مستمتع و هو يشوف عايلته اللي كان يحلم فيها و يتمناها و يتخيلها
كان سعيد و جدا على النعمه وانه ربي عوضه العوض الجميل و أعطاه ربي زوجه زي العسل و بنتين و ولدين و عيال اخوان و عيال اخوات كان مبسوط فيهم و مستانس عليهم و على سوالفهم و كان يشكر ربي انه ما استسلم و انه حاول و اخذ رنا و حاول مو عاشو سوا و ساعد احمد حتى طلع من اللي هو فيه و حب من جديد و رجع لهم احمد من جديد و انه إخوانه من ابوه اللي فرقتهم الحياه رجعت تجمعهم ببعض ورجعو مع بعض واحلى من اول تعلم من دروس الحيا و استفاد منها و كانيفكر انه لو اخذ هدى ما كان عاش بذا الوناسه و السعادة اللي هو كان عايشها مع رنا هو ذلحين عايش مع رنا فوق الغيم و كان حيل مبسوط بها و بالعيال لأنهم اجتمعو ما استسلمو لي ضروف الحياه ز مشاكله و كل إنسان كانت له ضروف بس ما تروح الا اذا واجهها بنفسه و ما استسلم لها و ماهو اي شي يصير ماهو نفس ما تبغى كان نهاية العالم بالعكس يمكن انه ربي مخبي لك اللي احسن منه وأفضل بس ما احد يعرف وش ربي مخبي له و اطلعنا على اللي ربي كاتبه لنا لااخترنا اللي كتبه لنا ربي به و ماهو كل شي اختياراتنا هي الصح لازم بعضها تكون غلط و لازم انه نسمع نصيحة اللي اكبر منا و افهم منا لانه عاشو الحياه و جربو ف خلاص ما يقولون الا الصح و حب الاهل هو أفضل حب لانه مافيه لا كذي ولا خدع ولا مصالح اما الحب البنت للولد او الولد للبنت بعض الاحيان يكون لمصلحه و ماهو دايم يكون حب صافي يمكن بعض الأحيان يكون الحب من طرف واحد والطرف الثاني ماهمه احد ولا يفكر في احد حب الام و الاب لي عيالهم حب خالي من المصالح و من اي شي لأنهم يحبون وينصحون من قلب ولا ودهم يصير في احد من عيالهم شي
استمتعوا في حياتهم و استمرت حياتهم الجميله ولا توقعو تصير كذا ولا يستانسون و يتعوضون كذا و كلهم انبسطو في حياتهم الجديده رنا كانت تخاف من الوحده و من انه ما عندها اخوات و ذلحين عندها أجمل زوج و أجمل بنات و أجمل عيال و ما يدرون وش يسوون لها و مالين حياتها بالسعاده و الوناسه والضحك والهبال و هي بس جالسه تحل مشاكلهم و تساعدهم و تعطيهم دفعه معنويها و تشجعهم على مواهبهم و حبهم لي أنفسهم لانه حب النفس مافي زيه و لا يتكبرون على احد ولا يتنمرون على احد مهما كان لونه او شكله الل يتواضعون و تواضع مافي احسن منه لنك تحب تعامل الناس مثل ما انت تحب الناس تعاملك به كانت تحاول تغرس فيهم هذا الشي و نجحت انها تخليهم يتواضعون و يحبون أنفسهم ولا يتكبرون و يرحمون الصغير و يقدرون و يحترمون الكبير و كان خالد يساعدها و هو من جهته يعلمهم و يعطيهم دروس و نصايح و كانو خير اهل و احلى اهل لي عيالهم و على تعليمهم لي عيالهم و اهتمامهم لهم
________
جا الختام
حان توديع الأصحاب و احبكم و اشكركم على وقفتكم معي و دعمكم المستمر لي شكرا لكل اخت و اخ على وقفتكم معي ما بنساكم و بضل اذكركم دايم
يوم الختام الأحد ٢٤ مارس ٢٠٢٤ بالهجري ١٤ رمضان ١٤٤٥
احبكم خير الكلام ماقل و دل والله ما قدرت اعبر لكم و لكن احبكم فاضت الكلمات و العبارات و ولا قدرت اقول شي غير استودعتكم الله الذي لا تضيع ودائعه و ان شاء الله لنا لقاء قريب لي روايه ثانيه و جديده و حلوه
احبكم و شكرا على دعمكم نتقابل ان شاء الله بروايه جديده
أنت تقرأ
نافذة الذكريات
General Fictionاول روايه لي اتمنى تنال على اعجابكم خالد كان يحب بنت عمه و تصير بينهم مشاكل و من هنا تبدأ قصتهم الكاتبه : فاطمة الألمعي حسابي تيك توك: ftm2201 حسابي الانستا: fat90892 جميع الحقوق محفوظة
