نافذة الذكريات

part 31

خالد : لو الود ودي قلت لها بس ابغاها تمون علي بعدين اتكلم
ابو رنا : انا بتكلم معها يوم الخميس بس يا ولدي لا توعد و تخلف
خالد : مستحيل بس يا عم اذا قالت لك انها ما تبغاني تكفى ارسل لي عشان ما اتعنى وانكسر قدام الكل لاني مجهز تجهيز يليق ببنتك ان شاءالله
ابو رنا : ماقصرت يا ولدي و ابشر لو تقول ما تبغى بأرسل لك على طول
خالد : الله يسعدك يا عم يالله تأخرت على رحلتي تبغون شي
مسعود : ايه نبغى
خالد : أمرني يا اخو زوجتي
مسعود : اولن الاسم لا عاد اسمعه و ثاني شي كم دفعت على الأغراض عشان ادفعها لك
خالد : ولا ريال
مسعود : كيف هي قالت لي انك دفعتها
خالد : وانا دفعت  لها لاني حاسبها مع اخواتي ويوم أخذتها قلت لكم هي نفس اخواتي
ابو رنا : قول لنا عشان ندفع لك
خالد : لا ما ابغى وانا بمشي مع السلامه
طلع خالد و هو طاير من الفرحه و ركب سيارته وهو يغني
لو كان ده حب يا ويلي منه
لو كان ده ذنبي ما أتوب عنه
لو كان نصيبي أعيش في جراح
حاعيش في جراح
لو كان ده حب يا ويلي منه
لو كان ده ذنبي ما أتوب عنه
لو كان نصيبي أعيش في جراح
حاعيش في جراح
ضحكت هنوف :والله انه انجن
ضحك خالد:  ما تصدقين وش كثر فرحان بس عشان صارحت ابوها
جواهر :الله يتمم لك على خير
غلا : بديت اغار منها خلاص لا تأخذها يا عمي
ضحك خالد : ابشري بسمع كلامش
هنوف : لا ياخالد لا تسمع لها هذي بعدين تتزوج وتتركك
ضحك خالد : آفا بتتركيني لاني صرت شايب
ضحكت غلا : لا ما بتركك و بجيب زوجي و اسكن معك
ضحك خالد:  ما في امل مرهه
غلا : لا ما في امل اساسا ما ابغاك تروح و تتركنا
ضحك خالد : لا بروح عشان دوامي و رنو باخذها ان شاءالله
غلا : ان شاءالله:  بس لا تدلعها قدامي لاني بزعل
خالد : سؤال لي ما تغارين على اخوانش ولا ابوش ليه انا اللي تغارين عليه
غلا : لانك غالي علي
خالد : والله لا أدق على معاذ بقول جحدتك
ضحكت غلا و خالد دق على معاذ : السلام عليكم
معاذ : هلا وعليكم السلام  وش فيه
ضحك خالد : ولا شي بس قلت باجي عندك للبيت قابلني برا
ضحك معاذ : لا تقول انك خطفت رنا و بتخبيها عندي
خالد : اخخ لو الود ودي خليتها تسافر معي
ضحك معاذ: لا معليك بعد الزواج بتسافرون حتى تشبعون
ضحك خالد:  صح صادق  ولا عاد تقول اسمها على لسانك
معاذ :اووه كل هذا غيره
خالد : غيره و انه خلاص ما عاد صرت اقدر اثق في احد
معاذ : لا معليك مستحيل اني افكر اخونك لاني انبسط اذا شفتك مبسوط و بنت سليمان اخت لي
خالد : ما تقصر ولا اقصد اللي فهمته انا اقصد اني ما ابغى احد يسمعك و ياخذها
معاذ:  لا ان شاءالله المهم وش صار على ماجد
خالد : مدري  بس هو اللي شجعني اخطبها و قال انه بيخطب اللي يحبها قريب
معاذ : اها
قفل خالد  يوم قرب من البيت و اول ما وصلو نزلة البنات ولف لي غلا : نادي لي ابوك و عمانك عشان اسلم عليهم قبل اروح
غلا : ابشر
انسدح خالد على المرتبه و غمض عيونه و كان تعبان و نومان لكن لازم يسافر يخلص شغله اول مره كان ما يبغى يسافر كان دايم يرتاح اذا سافر و يوم يحجز للسفره يجلس مبسوط و فرحان انه بيروح المره هذي ضايقه فيه ولا له نفس يسافر رفع راسه من سمع احد يدق بابه فتح و نزل يسلم على معاذ : كيفك
معاذ:  الحمدلله طيب كيفك
خالد : طيب الحمدلله
معاذ : وش كنت تهوجس فيه لاني اعرفك وحافظك
ضحك خالد:  ولا شي
معاذ :تكلم لا تخبي عن اخوك شي
خالد : والله مالي نفس اسافر و انه ضايق صدري
معاذ ضحك : صرت تبغى قريب من الحب
خالد : اي والله بشتاق لي دلع
ضحك معاذ : دلع معك من سنين توك ذلحين بتشتاق لها
ضحك خالد:  وش اسوي المهم وين راجح و بهاج
معاذ : يسلمون على البنات و بيجون
جا راجح و ضحك  : هلا باخوي هلا باللي له الخافق يهلي
ضحك خالد : بسم الله وش فيك
ضحك راجح  : ولا شي بس اشتقت لك
ضحك معاذ:  مستحيل في شي ولا راجح ما يرحب
ضحك خالد : والله اني داري ولا كيف يرحب في بيتك
راجح :انتم ما تحبون احد يرحب فيكم
معاذ سحبه : راجح اخوي الصغير وش فيه
ضحك راجح:  ولا شي بس سبيت خالد
ضحك خالد : اني داري ما احد يمدحني الا فيه شي
ضحك معاذ : و ليش سبيته يمكن يستحق
ضحك راجح:  اي والله انه خفيف
ضحك معاذ: لا دامك تستحق ماله داعي يا خالد تزعل
خالد:  لا ما استحق لانه حصلت الحب الحقيقي
ضحك راجح : ولا حب حقيقي ولا شي ما غير انت خفيف بزياده عن اللزوم والله اني انصدمت
ضحك معاذ:  اي والله يا خالد ما قد شفتك كذا كنت ثقيل ولا تهتم وش فيه
ضحك خالد :اخذت عقلي تتخيل معي انه كل ما جبت طاري اني بخطب الاسبوع الجاي وجها يتغير و تناظرني نظرات حاده تتخيل معي انه كل ما تكلمت و قلت خطيبتي قالت يع تراك طفشتنا انت و خطيبتك طلعت تغار علي بس ما تبغى تبين
ضحك معاذ:  و تسمي ذي غيره
خالد : ايه و دليل على ذا الموضوع يوم قلت لي مسعود انها زعلانه مدري وش فيها قال انا عارف السالفه بس ما تبغى تعترف يعني في احتمال تحبني
معاذ : الله يتمم لك على خير و ترا انحم نحب نمزح معك و ثاني شي كانت شخصيتك ثقيل ف استغربنا فجأه صرت خفيف
ضحك خالد  : بصير اخف واحد لي عيونها بعد
ضحك راجح : الله يسعدكم يارب
خالد : آمين يالله تبغون شي
العيال:  لا والله
خالد راح يركب السياره:  ودعناكم الله
معاذ : في حفظ الله
مشى خالد و راح للمطار و قبل يركب الطياره:  يا غيمتي ودعتش ربي وان شاء الله المره الجايه تكونين رفيقه دربي الطويل تنهد بعمق بعدين ابتسم و راح الطياره و كان ضايق انه بيتركها بس ما باليد حيله