نافذة الذكريات

part 40

عند غلا كانت شايفه نظراته لها و كانت مبسوطه بذا الشي لكن كل ما تذكرت معانات عمها خالد تتجاهله لكن ما تقدر الا تشوفه او تسمع صوته اساسا اذا سكت تستغرب من سكوته و هي ما عاد صارت تحضن عمها عشانه عشان لا يغار ويضيق صدره
معاذ كان يشوف نظراتهم طول الجلسه لي بعض و ضحك : ناصر بعد ولدك عن بنتي
ضحك ناصر و ناظر فيه :الا بنتك اللي مدري وش هي مسويه في ولدي انت اللي بعدها
تنهد سلمان : لا والله لا تبعدها لانك لو تبعدها كانك قتلتني خلها قريب مني و بس
ضحك ناصر : اوووه وين ولدي اللي يقول ما يبغى يحب و الحب كذبه
سلمان : كنت متوقع انه كذبه لانه اللي احبها ما عرفت بحبي و لكن دام خطبتها يعني الحب حقيقي  و لو هي ما حبتني يمكن مع الوقت بتحبني
ناصر : انا وش مسوي ليه عيالي خفيفين بزياده على من طالعين
راجح ضحك : طالعين عليك يا طويل العمر
ضحك ابو خالد : والله انهم طالعين علاك انت و خالد
راجح : شفت
ابو خالد : انا اقول طالعين على راجح و خالد
ضحك ناصر : عشان لا يقلب الكلام لي مصلحته ابوي نطق باسمه
ضحك راجح : يبه ترا حتى هو خفيف و هو اخونا الكبير يعني هو اللي علمنا الخفه
ضحك معاذ:  لا والله انه انت و خالد خفيفين بزياده انحم ما سوينا مثلك انت و خالد
مطلق : والله انه صدق خالد و راجح و بهاج و بدر خفيفين بزياده عن اللزوم
ضحك بهاج : و ذلحين وش سويت انا عشان تجمعوني معهم انا من يوم ما جيت وانا ساكت عشان لا تقولون و بهاج
ضحك بدر : انا حتى ما اعرف وش معنا الحب و جمعوني معهم
ضحك بهاج : وش هو الحب اكله
ضحك بدر : ايه و وش هو الشوق اكله
ضحك ناصر : لا تضحك انت و ياه بعدين بتنرد لكم اذا حبيتو بتعرفون نوع الاكله

____________
عند خالد
رد على رنا : هلا بقلبي و روحي هلا بدنيتي امريني
رنا : هلا فيك ولا شي ارسلت لك وانت ما رديت ف خفت عليك
خالد : ياروحي يا ناس والله اني انشغلت انا اسف جونا اخواني و ابوي و عيال اخواني و كنا نطقطق مع بعض
رنا : اها اسف اذا ازعجتك
خالد راح يجلس على الكرسي : لا ازعاج ولا شي اساسا انتي الأهم و المهمه بنسبه لي
رنا استحت : ياقلبي ربي يسعدك
ضحك خالد : ويسعدك ايه قولي لي رحتي ولا جيتي ولاشي
رنا : لا رحت ولا جيت جالسه في البيت عند اهلي من اول ما صحيت اللي قبل شوي رحت الغرفه عشان اكلمك لاني مشتاقه لك
خالد : والله حتى انا مشتاق لش لكن تجهزي بشوف راجح واتطمن عليه و اجي اخذش ونسافر
رنا :تم ما عندي مشكله اساسا جاهزه في اي وقت بس ودي اروح للاسطبل اشوف كسار
خالد : خلاص بكره الصبح اطلع من المستشفى اخذش:ونروح لي كسار
رنا :يس حلو تم انا في انتظارك
خالد  : يا حلوش انتي
رنا مستحيه :خلودي روح لهم
خالد : لا ما ابغى ودي فيش
رنا : خالد والله اني تعبانه مافيني للسوالف ابغى انام
خالد : اجي اوديش مستشفى
رنا : لا ألم طبيعي
خالد: كيف
رنا : عادي ألم بطني وانا متعوده عليه
خالد : اها خلاص على راحتش مع سلامه
قفل خالد و وقف بيدخ و قابل عبدالكريم: كيفك
عبدالكريم:  طيب وانت
خالد : الحمدلله يا ولد بسافر بكره ولا قد شفتكم وش السالفه
عبدالكريم:  انا قايل الزواج يبعدكم عنا بس ما صدقتوني
خالد : والله اني مشتاق لكم لكن بسافر بكره و ان شاء الله نتقابل بعدين
عبدالكريم:  بتصوم عند اهلك في رمضان
خالد : لا ما اقدر عندي دوام لكن اخلص و اجيكم
عبدالكريم:  كم مره  تعتذر و رمضان ما نشوفك فيه
خالد : الا المره هذي انا بجي ماهو عشان شي بس عشان رنا تبغى تشوف أهلها
عبدالكريم:  بكلم رنا بقول اول ما يعلنون رمضان ابكي وصيحي اللي ان ترجعين
ضحك خالد:  لا ماتسويها فيني اساسا حبت المكان و حبت الرياض
ضحك عبدالكريم:  يعني هكرتها المسكينه
خالد : ايه ابشرك
جا سعود : سلام عليكم
خالد : هلا وعليكم السلام مخلص دوامكم ولا ايش
سعود :انا لا باقي و عبدالكريم ايه مخلص دوامه
عبدالكريم:  بيجي احمد بعد شوي
خالد : يا جماعه ما فارقني طول الوقت و هو معنا
عبدالكريم:  لا دوامه من بعد العصر حتى الصباح و بعدين يروح ينام
خالد : المهم انا بروح لي اهلي انتو تبغون حلى قهوه شي
سعود : ودي بقهوه لو سمحت و ترا اختك تقول يا تجيها يا تجيك
خالد :بروح بكره لكن بكلمها واعتذر منها
عبدالكريم:  انتبه انتبه تروح لهم لا تسوي زي ما سويت
ضحك سعود و لف خالد له :وش صار
عبدالكريم: في يوم كلموني قالو لي اجي لهم و جبت معي نص البقاله أغراض لنا عشان نسهر عليها يعني شبسات و شوكولاتات و أشياء كثيرة و جيت وسلمت على سعود و دخلني المجلس و جلست وانتظر اكثر من نص ساعه و لا جاني احد و ادق على سعود قالو اوووه عبدالكريم وش فيه قلت له وينك تركتني ورحت قال لي نسيتك والله قابلة اختك في الغرفه قالت احتاج أغراض من برا قلت لها مشينا و نسينا منك لكن هلنا بنجيك ذلحين قفلت الجوال في وجهه و اخذت اغراضي اللي جبتها معي و رحت الشقه حقتنا جيت على احمد و هو يلف في المطبخ قلت وش تبغى قال ودي في شي حالي كم لي ما قد اكلت حلى قلت له تعال جايب شوكولاتات تعال كل معي و اكلنا وسهرنا عليها
ضحك خالد : والله انه متعمد اخذ زوجته و انحاش منك لكن انا عندي خطه باخذ زوجتي و تدخل على نور و تجلس معها وانحم نمسك سعود
ضحك سعود : مستحيل ما بتقدر انت وياه هههههه خلاص اختكم قد هيه زوجتي
ضحك خالد:الله يحفظكم لي بعض
سعود : آمين يارب
دخل خالد الغرفه :السلام عليكم
كلهم ردو السلام و جلس خالد بجنب راجح : انا ودي اسافر بكره لأن عندي اختبار مين فيكم بيجلس عند راجح
بهاج و بدر :انحم
خالد :تم تناوبو عنده كل يوم عنده واحد حتى يخرج و ترو بدق عليكم و اتطمن ولا  ادق و ما القيكم حوله
ضحك بهاج : وصه لا يروح و يتركنا و ما عليكم الأمور تمام
ضحكت غلا : عمي : اجلس معنا
خالد : ودي يا قلبي بس لازم عشان دوامي لكن تعالي وش فيش من ذليوم وانتي مبعده
غلا : مدري بس انا مرتاحه كذا
خالد ناظر في سلمان و شافه يناظر فيه و سحب غلا لي حضنه : وانا ودي فيش بقربي
غلا قامت من حضنه : لا تشوفك رنا بعدين تزعل لأنك جلستني في حضنك بدالها
خالد :رنا ماهي غيوره زي بعض الناس
سلمان : انا مدري وش سالفتك ما تجي الا عشان تقهرني و تضايقني يا اخي انا اغار انت ما تفهم انا وش اسوي لك
خالد لف يناظر:  فيه و هذي بنتي وانا مسميها غلا لأنها ماخذه الغلا والحب كله انا من يوم هي طفله احبها
سلمان : وانا بعد احبها وش اسوي يعني لازم اسوي مشكله عشان انت تقتنع اذا انت ودك تخرب حياته قرب و احضنها وانا اشوف و بتشوف وش بيصير
ناصر : ولد احترم نفسك هذا عمك ما فيها شي يوم يحضنها
سلمان:  الا فيها شي انا اغار عليها و هو ماهو فاهم الغيره والضيق اللي احس فيه
هيثم : يا عم تكفى لا تزودها عليه خله والله انه تعبان و كل ليله يرجع الغرفه ضايق بسبب هذا الموضوع يعم هو يحبك لكن يحب غلا ولا وده احد يقرب منها و تراه يشبهك في غيرته
سلمان : ماودي اخرب علاقتي في زوجتي و فيك يا عم لكن ما ودي تقرب لها
قام خالد يوم شاف انه صادق انه يغار و حضنه  و باس راسه :انا اسف ولكن تعودت اني احضنه و اجلسها في حضني و ودي تنتبه لها و تحطها في عيونك و لا تزعلها و لا اشوفها تبكي لانه غاليه على قلبي
غلا بكت و لفو كلهم من سمعوها و هي تبكي وضحك خالد :ليه تبكين ما تبغين سلمان ماهو انتي تدقين علي تقولين متى تجي عشان نسوي ملكتنا انا وسلمان
ما ردت غلا وراحت في حضن ابوها و جلست تبكي سلمان قرب من عمه و همس له :مثل ما بكيتها راضها
خالد :واذا حضنتها وانت زعلت
سلمان : بحاول ما ازعل بس قلبي يتقطع عليها
خالد : استأذن و قول عندي شغل مهم وانتظرني برا المستشفى وانا بجيك
سلمان : وش بتسوي
خالد : قول و بس
لف سلمان لهم : انا استأذنكم دق علي خويي وبطلع اقابله
راجح: آفا ماودك تجلس معي ولا انت زعلان من خالد
سلمان : لا رضيت و مستحيل ازعل من عماني بس خويي يرسل لي من العصر و بروح اشوفه
كلهم: الله يحفظكم
وطلع سلمان بعد ما لف و شاف غلا تناظر له وسط دموعها و ضاق صدره من المنظر و لو الود وده حضنها ولا اهتم لي أحد لكن بيطلع وبيشوف عمه وش بيسوي
خالد : غلا تعالي تعالي
جت غلا و حضنته و مسح على ظهرها :وش يبكيك
غلا : احبكم كلكم ولا ودي اختار بينكم
خالد : ما بتختارين بينا و بنكون كلنا حولش
غلا : اساسا خايفه
خالد :من وش ياقلبي
غلا : خايفه سلمان يسوي بي زي هدى وش سوت بك
خالد حضنها بقوه و عرف خوفها من ايش و عرف ليه يوم سالها عن موافقة سلمان ترددة : لا مستحيل سويها فيش هو يحبش ويتمناش هو يشتاق لش وانتي بجنبه هو يحاول يدور اي شي يتكلم فيه معش ماهو نفس هدى هدى كانت تحاول تبعد في ابعد نقطه تبغاها تبغى الفكه مني انتبهي لي سلمان و وافقي على الملكه واعطيه فرصه
كملت غلا بكي و ما وقفت رجع رفع راسه خالد و شافهم كلهم يناظرون فيه و هم سمعو كل الكلام ولا كان وده احد يسمعه لكن غلط قدامهم رجع ياخذ نفس :انا باخذها وبنطلع شوي متى ما قدكم بتروحون كلموني واجيبها لكم
كلهم قالو الله يحفظكم
و طلع خالد و هو ماسك بيدها : عندي لش مفاجأه
غلا لفت له تناظره : وش هو
خالد : تعالي يا دلوعتي اوريش
مشى بها و نزل مع الدرج و خرج لي برا المستشفى و شاف سلمان و راح له :سلمان تعال
جا سلمان : لبيه وش الموضوع اشرح لي
خالد : ولا شي حبيت اطلعكم مع بعض و تتفاهمون سوا لكن انا معكم
سلمان اللي استانس :تم والله انه تم
ضحك خالد و هو ماسك يد غلا :تعالو معي
مشو مع خالد و راح لي السياره اللي استأجرها و ركب و دق علي رنا :رنو قلبي قابليني في الاسطبل ضروري
رنا : بسم الله وش فيه
خالد : ولا شي اشربي لك علاج و تدفي كويس و قابليني في الاسطبل
رنا :طيب ابشر
قفل خالد ولف لهم و كان سلمان راكب بجنبه و غلا ورا : اسمعو بنروح للاسطبل و اجلسو هناك و تفاهموا و تكلمو مثل ما ودكم و بعدين تعالو لي و نرجع وانا اقابل زوجتي هناك
سلمان :دام الموضوع كذا اعرف ما عاد بتخرج من الاسطبل
ضحك خالد : لا انا بسمح لكم فتره بسيطه لكن لا تطولون عشان نرجع لهم
سلمان : ابشر
خالد :غلو وش قلتي
غلا : عادي تمام بس تكون معنا
خالد : بكون معكم بس بعيد شوي عشان تاخذون راحتكم في الكلام
غلا :دامه كذا تمام
سلمان كان مبسوط وطاير من الوناسه و أخيرا بيكلمها و تسمع له ويسمع لها و يشوف وش مخاوفها من الملكه
وصلو و كانو الكل ساكت و كل واحد يفكر في كلام يقوله لي الثاني و خالد يناظر فيهم ويضحك على اشكالهم و اول ما وصلو نزل خالد ولف لهم: هيا انزلو و تعالو اوريكم الخيول
نزلو و راحو لي الخيل حق خالد و وقفو هناك ولف لهم خالد : هذي دلع اجلسو عندها أو على الكراسي اللي هناك وانا بكون واقف هناك ورا بنتظر الحب
ضحك سلمان : شكرا يا عم شكرا على وقفتك معنا
خالد : لا تشكرني لاني من زمان ودي اوقف معكم و انقذ حبكم
راح خالد و لف سلمان لي غلا : اول سؤال يخطر ببالي ذلحين و دايم اردده انتي تحبيني
غلا نزلت راسها و جلست ساكته قرب سلمان منها و رفع راسها و بعد النقاب و الطرحه : لا عاد تنزلين راسش انتي الدلوعه دايم راسش مرفوع
غلا رجعت شعرها القصير ورا اذنها :سلمان لا تحرجني
سلمان : ما احرجش هذا السؤال ودي تجاوبين عليه لاني تعبت انتي تحبيني
غلا : ايه احبك بس خايفه
سلمان : خايفه من وش
غلا : خايفه تروح و تتركني خايفه تعلقني فيك و تتركني ما ابغى كذا
سلمان : مستحيل اتركش امتي عايشه في قلبي انا من وانحم صغار و حبش يكبر يوم ورا يوم لا تكسريني برفضش
غلا : انا ما برفضك بس انت لا تكسرني لا تضايقني
سلمان قرب منها ومسك يدها و حطها على قلبه : انتي هنا اللي ان اموت ومستحيل اطلعش من مكانش بس اذا انتي مجبوره و تبغين غيري الله يحفظش
ابتسمت غلا : انا ما ودي الا فيك و لا ودي اعيش مع احد كثرك بس باقي الخوف مسيطر علي
سلمان ما عاد قدر يسيطر على نفسه من بعد ما سمع اعترافها و حبها له و قام و حضنها بقوه و حط راسه على كتفها و وجهه بين شعرها و قريب من رقبتها غلا يوم حست بحضنه كانت خايفه ما تدري تحضنه ولا تتركه ولا و تسوي  و كانت تحس بانفاسه على رقبتها و كانت متوتره حيل و غمضت عيونها خايفه و متوتره
سلمان قرب و باس رقبتها و كان متخدر من ريحة عطرها و من اعترافها له ماكان مستوعب شي  ولا  في مره توقع انه بيجي اليوم اللي تعترف غلا بحبها له
كان دايم يفكر انه ما تحبه ولا تفكر فيه وانها مجبوره عليه لكن ذليوم تأكد انها تحبه و حس بالحياه الحلوه و جمالها
بعد عنها و هو باقي ماسك خصرها :انا اسف اني اتكلم عن عمي قدامش لكن كنت اسوي كذا عشان تردين علي انتي ما تدري وش كثر استانس اذا كلمتيني او اعطيتيني وجه
ضحكت غلا :انا مبسوطه كل ما شفتك تضحك و ما كانو ينتبهون لي لاني دايم اعتذر انه اتطمن على عمي خالد بس لازم اسرق النظر لك من دون احد ينتبه
سلمان و هو ماسك خصرها بيد و اليد الثانيه يبعد شعرها عن وجها : ليه ما تعلميني ليه كنتي تحبين تعذبيني هاه
غلا :ما كنت ادري انك تحبني
سلمان :وذلحين تعرفين ان قلبي يحبش ومستحيل يرضى يبعد عنش
غلا : بس انتبه تخوني لاني ما برحمك
سلمان :مستحيل اخونش انتي الغلا كله والحب كله و الروح
غلا : سلومي
سلمان :يا عيون سلومش و قلبه
غلا : ترا استحي
ضحك سلمان : لا تستحين يا قلبي ترا هذا الصدق هذي مكانتش
غلا ابتسمت : خلاص بعد خلنا نتمشى شوي
سلمان : لا ماودي لانه خلاص ما عاد بقدر اقابلك الا بعد الملكه
غلا : وانا اوعدك بتكون الملكه قبل رمضان عشان نستانس مع بعض
سلمان : انا شكلي بموت من الوناسه يا ناس
غلا حطت يدها على صدره:  بسم الله عليك لا عاد تذكر الموت ترا اخاف عليك
ضحك سلمان :من عيوني بس حسي قلبي يدق بسرعه من الوناسه والله اني مبسوط انش معي و انه بتكون ملكتنا قريب
ضحكت غلا و جلسو سوالف و ضحك مع بعض و كان سلمان يدعي لي عمه انه خلاه يشوف غلا ويتكلم معها  ويفهمها كل شي
سلمان : غلاي
غلا : لبيه سلماني
سلمان حط يده على قلبه :بذوب الا اقول لش ليه ما تطولين شعرش
غلا : ليه ماهو حلو
سلمان :حلو ويجنن وطالع عليش غير بس سألت سؤال
ابتسمت غلا : انا ما احب الشعر الطويل و دايم اقصه
سلمان : صح ولا مره شفت شعرش طويل دايم اذا دخلت بالغلط و شفت وحده شعرها قصير اعرف انه انتي
غلا و هي تحاول ما تبين انها تغار :وليه تدخل ليه ما تنادي وحده من اخواتك
ضحك سلمان : انتي تغارين اني اشوف احد غيرش تطمني لو شفت مليون بتبقين انتي في قلبي
غلا : ولا مليون لا تشوف احد غيري ولا اخرج عيونك بيدي
ضحك سلمان : تامرين امر يا احلى من تكون في دنيتي
غلا : ترا صدق بغار و غيرتي مشابهه لي غيرتك و اكبر
سلمان باس خده : و مستحيل اخليش تغارين لاني عارف شعور الغيره
ابتسمت غلا و جلست تامله و هو يتأمله ولا حسو بالوقت