ခန့်မှန်း၍မရသော ကံကြမ္မာ
"Jung Hoseok!!"
Jeonအိမ်တော်သို့ Mr.Jungဟာ ဆိုက်ဆိုက်မြိုက်မြိုက်ကို ရောက်လာခဲ့သည်။
သေချာပါတယ် အကြောင်းအရင်းက
တစ်ခုတည်းပဲမဟုတ်လား..။
"ဦးလေး..Hoseokက နေမကောင်းလို့...."
"မင်းနဲ့မဆိုင်ဘူး Jungkook ဦးရဲ့သားနဲ့ပဲ ပြောချင်တယ်"
Sun၏အဖေဟာ အတော်လေးကို
ဒေါသထွက်နေပြီး Sunသည်လည်း သူ၏အဖေအား
မျက်နှာမပြရဲတာကြောင့်
Jungkookရဲ့ အခန်းလေးထဲမှာ
ကြိတ်ငိုနေရှာ၏။
"ဦးလေး..စိတ်လျှော့ပါ
Hoseokဘက်ကို တွေးပေးပါဦး
သူအခုချိန်အရမ်းကြောက်နေတယ်
သူကိုယ်တိုင်ဖြစ်ချင်လွန်းလို့
ဖြစ်ခဲ့တဲ့ ကိစ္စမဟုတ်ဘူးလေ"
Jungkook က ဖြောင့်ဖြရန်ကြိုးစားပေမယ့် အရာမဝင်။
"Jungkook ဦးသားနဲ့ပဲ စကားပြောချင်တယ် သူ့ကိုခေါ်ပေး"
"ဦးလေး..Hoseokက..."
Jungkook၏စကား မဆုံးသေးသည့်အချိန်မှာပင် Hoseok က အခန်းထဲက
ထွက်လာလေသည်။
"ကျွန်တော် တောင်းပန်ပါတယ်အဖေ"
သူ့မျက်နှာ မျက်ရည်တွေဟာလည်းရွှဲစိုလို့..။
"Jung Hoseok! မင်းအခုဘာလုပ်လိုက်တယ်ထင်လဲ!
မင်းအရှက်မရှိဘူးလား.."
ခက်ထန်လှတဲ့ မျက်နှာထားဖြင့် ဒေါသကိုဖော်ပြလျက်ရှိသည့် Mr.Jungဟာ လက်ညှိုးတထိုးထိုးဖြင့် မာန်မဲနေသည်။ မည်မျှဒေါသထွက်နေပါသလဲဆိုတာ အနီရောင်အဖြစ်ပြောင်းလာသည့် သူ၏မျက်နှာကြီးကို ကြည့်၍သိနိုင်သည်။
"ကျွန်တော် တောင်းပန်ပါတယ် "
"တောင်းပန်ရုံနဲ့မပြီးဘူးကွ....
အခုငါ့ဆီကို ခြိမ်းခြောက်စာတွေရောက်လာတယ်။ပိုက်ဆံမပေးရင်
ဒီvideo ကိုဖြန့်ပစ်မယ်ဆိုပြီး..
သူတို့တောင်းတဲ့ပိုက်ဆံ
ကုမ္မဏီရှယ်ယာတစ်ဝက်နီးပါးရှိတယ်။
အခုဘယ်လိုလုပ်မှာလဲ ဟမ်!"
Mr.Jungသည်လည်း အတော်လေးအကြပ်ရိုက်ပြီးဒေါသထွက်လာတာကြောင့် သူ့စိတ်ကိုမထိန်းနိုင်သည်အထိ။
ဖခင်တစ်ယောက်ဆိုတဲ့ အသိကိုပင်ပျောက်သည့်အလား အသည်းအသန် ဟိုဆော့ဆီရောက်လာကာ ပြစ်တင်ပြောဆိုလေသည်။ ရာဂဏန်းလောက်ဆိုလျှင်တောင် သူချက်ချင်းကိုင်တွယ်လိုက်နိုင်မှာဖြစ်ပေမယ့် တောင်းသည့်ငွေက အတော်လေးများပုံရတာကြောင့် သွေးတက်လာသည့်ပုံပင်။
