Alpha က သရဲကိုတောင် လည်ပင်းညစ်ပြီးသတ်ပေးမယ်တဲ့!
ကံကြမ္မာက အကြောင်းဖန်လိုက်တာလား..ကင်ထယ်ယောင်း အကြောင်းဖန်လိုက်တာလားတော့မသိ
ပတ်ဂျီမင် နဲ့ နှစ်ယောက် တည်း
ခရီးထွက်ရန် ဖြစ်လာတော့သည် ။
ကောင်းလား ဆိုတော့ မကောင်းပါဘူး။မကောင်းဘူးလားဆိုတော့လည်း
ကောင်းပါတယ်။
အဆင်ပြေလားဆိုတော့ နည်းနည်းပါ
အဆင်မပြေဘူးပေါ့ဆိုတော့လည်း
မဟုတ်ပြန်ဘူး..
ဒါဆို မသွားချင်ဘူးလားဆိုတော့
အဆင်ပြေပါတယ်..။
ဒါဆို သွားချင်လားဆိုတော့လည်း
သိပ်တော့ မသွားချင်ဘူး..။
အဖြေတွေက ဂျောင်ကုစိတ်လို ဟိုမရောက်ဒီမရောက်တွေ ။
ပတ်ဂျီမင် နဲ့ အခြေအနေဘယ်လိုလဲဆိုတော့..
ဒီတိုင်းပါပဲ ။
ကြိုက်လား ဆိုတော့ မကြိုက်ဘူး
ဒါဆို မင်းကမကြိုက်ဘူးလို့
ပြောရဲလားဆိုတော့ အင်တင်တင်..။
ကြိုက်တော့ကြိုက်တယ်..
ကြိုက်တာတော့ မဟုတ်ဘူး
ဘယ်လိုကြိုက်တာလဲလည်းမသိဘူး။
သဘောကျတာပေါ့
နည်းနည်းလေးပါ ကျတော့ကျတယ်
သိပ်မကျဘူးပေါ့
မဆိုသလောက်လေး သဘောကျတယ်ရယ်လို့လည်း
ဆိုမရပါဘူး..
အဆင်ပြေနေသလိုလားဆိုတော့
နည်းနည်းပါ..
ဒီတိုင်းလေး ဘယ်လိုလဲ မပြောတတ်..
စကားလုံးနဲ့ဖော်ပြလို့မရတဲ့ ဆက်ဆံရေး တစ်ခုဖြစ်နေတာကြောင့်..
ရှည်ရှည်ဝေးဝေးလည်း ဆက်မစဥ်းစားချင် ။
ဒီတော့ သွားလိုက်ရတာပေါ့..
သွားလိုက်ရတာတော့ မဟုတ်ဘူး
သွားလိုက်တာပါ..။
ဤship သည် Jeon အိမ်တော်၏
ရှယ်ယာတစ်ဝက်ပါသည်။
အဆင့်မြင့် luxury ship တွေထက်ပင်
ပိုမိုကောင်းမွန်နေတာကြောင့်..
လိုက်ပါသူများက အများအပြား။ ရွှေရောင် တဝင်းဝင်းအဆင်တန်ဆာများနှင့် အိပ်ခန်း
ခုတင် ၊ ထိုင်ခုံ ၊အစားအသောက်
တို့က အစ luxury ဆန်ဆန် ပြင်ဆင်ထားတာကြောင့် နန်းတော်တစ်ခုထဲ ဝင်ရောက်လိုက်သလို ခန်းနားကြီးကျယ်လွန်းလှသည် ။
အပန်းဖြေချင်တဲ့လူတွေ ရှိသလို..
တစ်ဖက်ကျွန်းကို သွားလည်ပတ်ဖို့
လိုက်ပါလာသူတွေလည်း
အများအပြားပင် ။
အထူးသဖြင့် စီးပွားရေးလောကမှ
CEO တစ်ယောက်နဲ့ အနုပညာရှင်တစ်ယောက်နဲ့ လက်ထပ်ပွဲကို တက်ရောက်ဖို့ လာကြတဲ့သူတွေကြောင့် ဒီနေ့မှ သင်္ဘောထဲ လူတွေကပြည့်နှက်နေသည်။
