လျှို့ဝှက် ဗိုက်ခွဲကြောင်းရာ
"Doctor သူ ပြင်းပြင်းထန်ထန်တော့
မထိခိုက်မိဘူးမလား.."
"ခြေဆစ်လွဲသွားတာပဲရှိတာပါ။
တစ်ပတ်လောက်တော့ လှုပ်လှုပ်ရှားရှား မလှုပ်စေနဲ့ဦး.."
Doctor ပြန်ထွက်သွားပြီးနောက်
Kim ဟာ Sunရဲ့လက်လေးကို
ကိုင်ကာ ငိုကြွေးနေတော့သည်။
ကိုယ့်ကလေးရယ်..ဘာလို့များ...
ဘာလို့များ အသက်အန္တရာယ်
စိုးရိမ်ရတဲ့ လုပ်ရပ်တွေလုပ်ရတာလဲကွာ..။အားလုံး ကိုယ့်အမှားကြောင့်..။
မင်းကို ကိုယ်အများကြီးစိတ်ပင်ပန်းစေမိပြီထင်တယ်..ကိုယ်တကယ်ပဲ
မင်းကိုဆက်မဆွဲထား သင့်တော့ဘူးလား။ ကိုယ့်ကို တကယ်မုန်းသွားပြီလား..ကလေးရယ် ။
Kim ဟာ ယောကျာ်းတန်မဲ့ မျက်ရည်တွေ မဆယ်နိုင်အောင်
ငိုကြွေးနေတော့သည်..။ အယ်လ်ဖာ တစ်ယောက်ဟာ အိုမီဂါတစ်ယောက်အတွက် မျက်ရည်ကျခဲ့တယ်ဆိုရင် သူလက်မလွတ်နိုင်လောက်အောင် ချစ်မြတ်နိုးပြီး သဘောကျလို့ပါတဲ့။ Kimသည်လည်း ထို့အတူပေါ့..။
Kim ရဲ့ မျက်နှာဟာ ဖြူဖျော့လျက်
နှုတ်ခမ်းတို့ကလည်း အရောင်အသွေးမရှိသကဲ့သို့ ဖြူဖျော့နေပြီး လူမမာ တစ်ယောက်လိုဖြစ်နေပေမယ့် ကိုယ့်ကိုကိုယ် စိတ်မပူဘဲ ဟိုဆော့ကိုသာ
အလွန်စိတ်ပူနေရှာသည် ။
ဝဋ်ကြွေးတွေ ကြီးလွန်းခဲ့ပါလား Kimရယ်...။
ချစ်လွန်းလို့ မလုပ်သင့်တဲ့လုပ်ရပ်တွေ
လုပ်ခဲ့တော့ အခု နာကျင်ခြင်းတွေ
ပြန်ခံစားနေရပြီ ။
Sun ဟာ Kim ရဲ့အိမ်ကနေ ထွက်ပြေးဖို့ ပြတင်းပေါက်ကနေ
ခုန်ချခဲ့ပေမယ့် ကံမကောင်းစွာနဲ့
ပြတင်းပေါက်ဘောင်နဲ့
ခြေထောက်နှင့် ငြိကာ
အကျမကောင်းခဲ့ပေ။
သို့သော်လည်း Kim က အောက်ဘက်တွင် ကြိုရောက်နှင့်ပြီး
ပြေးဖမ်းလိုက်တာမို့ Sun ဟာ
ကြီးကြီးမားမား မထိခိုက်ခဲ့ပေ။
နှစ်ထပ်မြောက် အထပ်ကနေ ခုန်ချလိုက်တာမို့ အမြင့်က သိပ်မမြင့်၍ အကျမနာသွားတာလည်းပါမည်။ Kimပြေးဖမ်းသည့်အချိန် နှစ်ယောက်လုံးအရှိန်နဲ့ မြေဆင်ခြေလျှောမှ လိမ့်ကျပြီး Sun ရဲ့ခေါင်းမှာမူ သစ်ကိုင်းနဲ့ရိုက်မိပြီး သတိမေ့သွားခဲ့သည်။
