Seokieနဲ့ Kookie
၄နှစ်ကြာသောအခါ...
"seokieလေး လာလာ အားပါးဆီကို"
"အာ..ပါး"
လှုပ်စိလှုပ်စိ လေးပြေးထွက်လာပါသော၃နှစ်အရွယ် ကလေးငယ်လေး..။
အဖေဖြစ်သူမှ
အဝါရောင်ဝမ်းဆက်အကျီလေးဝတ်ထားသော ကလေးငယ်လေးကို
ပွေ့ချီလိုက်ပြီး
ချစ်စနိုးဖြင့် ဖြူဖြူဖောင်းဖောင်းပါးပြင်လေးကို
နစ်ဝင်အောင် တဖွဖွနမ်းတော့သည်။
"အာပါးရဲ့သားက ချစ်စရာကြီးကွာ
..ချစ်လိုက်တာ..ဟင်..seokieလေး"
"ခစ်..ခစ်..အာပါး တော်..တော့"
မပီတပီ စကားပြောစရှိနေသည့်
သားလေးကို အချစ်ပိုရလွန်းပါသည်။
"သားဒယ်ဒီရော "
"လာပီ.."
ကလေးလေးရဲ့စကားလေးအဆုံး
ဒယ်ဒီဖြစ်သူဟာ ကလေးငယ်တစ်ယောက်ကို
လက်တစ်ဖက်ဖြငင့် ပွေ့ချီကာ ကျန်လက်တစ်ဖက်က
ခရီးဆောင်အိတ်ကို ဆွဲရင်း
လှမ်းလာသည်။
သူက သေချာပေါက် Jungkookပေါ့။
မြင့်မားသော အရပ်နှင့်လိုက်ဖက်သော
Style pantsအနက်ရောင် ဘောင်းဘီအရှည်ကို ဝတ်ဆင်ထားသည်မို့ သူ၏ခြေတံရှည်ရှည်တို့က
ထင်လင်း၍ခန့်ညားစွာ မြင်သာနေသည်။ အသက်အရွယ်အားဖြင့် ၂၅ နှစ်ကျော်လာလေပြီမို့ Jungkookဟာ
အရင်ကထက် ဝတ်ပုံစားပုံသေသတ်လာပြီး တည်ငြိမ်လာသည်။
အညိုရောင် ပြောင်ရှပ်အကျီကို လက်တစ်တောင်ဆစ်လောက်ထိ
ခေါက်တင်ထားသောသူက
လူကြီးလူကောင်းဆန်ဆန် လမ်းလျှောက်လာမှာလည်း စမတ်ကျနေလျက် ။ ညာဘက်လက်မှ တက်တူးကလည်း အထင်သား..။
နက်မှောင်နေသော ဆံသားတို့အား သေသပ်သပ်ရပ်စွာ လှန်တင်ထားပြီး မျက်ခုံးတစ်ဖက်တွင်ရှိသော Eyebrow piercing ကလည်း အထင်းသားဖြင့်။
ဖခင်တစ်ယောက်ဖြစ်လာပြီမို့
အနည်းငယ် တည်ငြိမ်ရင့်ကျက်လာသော်လည်း မကောင်းတဲ့အချက်တွေကတော့ အရင်နှစ်တွေကအတိုင်း ပြင်မရ ။ သို့ပေမယ့် အသက်အရွယ်အရ ရင့်ကျက်လာပြီး စဉ်းစားတွေးခေါ်လာတတ်ကာ အမှားအမှန်ကိုဝေဖန်ပိုင်းခြားနိုင်စွမ်းလည်း ရှိနေပြီဖြစ်သည်။
မိုက်ကန်းကန်း လုပ်ချင်စိတ်လေးကတော့ မွေးရာပါမို့ ဖျောက်မရ ။
