အချစ်ဆိုတာ ဖော်ပြတတ်ဖို့လိုသေးတယ်တဲ့
ကုမ္မဏီက ဝန်ထမ်းများသည် စီအီးအို အသစ်ရောက်လာပြီဆို၍ ပြာယာခတ်နေကြသည် ။
"စာရင်းတွေစုံရဲ့လား သေချာစစ်အုံး
ပြီးရင် စီအီးအို ကိုယ်တိုင်လာစစ်မှာတဲ့
မြန်မြန်လုပ်"
စာရင်းပိုင်းဆိုင်ရာဌာနက
မန်နေဂျာရဲ့စကားကြောင့် ဝန်ထမ်းကောင်မလေး စူစမ်းလိုစိတ်ဖြင့်
မေးလိုက်သည် ။
"စီအီးအို အသစ်လား ၊ သူက ဘယ်သူလဲဟင်"
"အရင် စီအီးအိုရဲ့ညီ ၊
နာမည်က ပတ်ဂျီမင်တဲ့ ၊ ပြီးေတာ့
တကယ့်အချေဇယားနော် ရုံးခန်းထဲ
စဝင်ကတည်းက မျက်နှာတည်ကြီးနဲ့
ကြောက်စရာကြီး"
မန်နေဂျာအစ်မရဲ့စကားကို ဌာနထဲရှိ ဝန်ထမ်းတွေ အကုန်လုံးက စုပြုံကာ ဝိုင်း၍
နားထောင်နေကြသည် ။
"အရင်စီအီးအိုတောင် သုံးဆယ်နီးပါးပဲရှိသေးတာကို အခုသူ့ညီဆိုတော့ ငယ်သေးမှာပေါ့"
ဝန်ထမ်း အသစ်လေးက မေးတော့
ကောင်မလေး တစ်ယောက်က ပြန်ဖြေ၏။
"၂၇ ၊၂၈လောက်တော့ရှိမှာပေါ့
ဒါနဲ့ အရင်စီအီးအိုက ဘာဖြစ်လို့
ရာထူးလွှဲလိုက်တာလဲ"
ဖြန့်ချီရေးဌာနကို CEOက အလာနည်းတာမို့
သူတို့တွေ မမြင်ဖူးကြချေ ။
နောက်ပိုင်း ဝန်ထမ်းသစ်တွေများလာတာကြောင့်
အရင်က CEOနဲ့ သူ့ရဲ့ညီအကြောင်း
မသိကြတော့ ။
"အဲ့တာတော့ အစ်မလည်းမသိဘူး
CEOအတွင်းရေးမှူးကို မေးတော့လည်း
မဖြေဘူး"
"အမလေးးး အရင်ကCEOရော သူ့ရဲ့အတွင်းရေးမှူးရောက အချေတွေဟာကိုး..။
ဒါပေမယ့် အရမ်းချောတာနော် အရင်CEOက
လုံးဝမင်းသားလိုမျိုးချောတာ၊အတွင်းရေးမှူးကလည်း modelလုပ်လို့ရတယ်"
ပစ္စည်းထုတ်လုပ်ရေးပိုင်းက ဌာနမှူးအစ်မက
ထိုစကားဝိုင်းသို့ဝင်ပြောတော့
အားလုံးက ပါးစပ်အဟောင်းသားလေးနဲ့
နားထောင်ကြသည် ။
ပစ္စည်းထုတ်လုပ်ရေးပိုင်းက Designဌာနဟာ ရေမွှေးကြာရှည်စွာအာနိသင်မပြယ်ဘဲရှိနေစေရန် အပါအဝင် အခြားသော ပစ္စည်းထုတ်ပိုးမှု့ပိုင်းမှာ ရေမွှေးအာနိသင်ကို မထိခိုက်ဖို့အတွက် ရေမွှေးပညာရှင်တို့နဲ့ တိုင်ပင်ရသည်။ ထို့ကြောင် သူတို့ဟာ ရေမွှေးဖော်စပ်ရေးဌာနဘက်သို့ မကြာခဏ ရောက်ကြသည်။ ရေမွှေးဖော်စပ်ရေးအခန်းကလည်း CEOရုံးခန်းနှင့် နီးတာကြောင့် CEOကိုမြင်ဖူးကြသူများ အနည်းငယ် ရှိသည်။
