🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
🍂الجزء3🍂
كانت كاتمشاا بشوية عليها فوق رصييف مغوبشة لابساا كسوة فالموف فيها سمييطة من الخصر ومن التحت عريضة وفيها فريفرات ..شكلها زوين ومستوور ودايرا معاها فولار فالبيض تحتوو خرقة بيضة ...مبين ملامحهاا وحجبانها المقادين من عند الله سوود وبشرتها البيضة ...رموشها الكتااف وحنيكاتها المطبطبين وفمهاا الحممر والمنفوخ جااا معاها لون الفولار وحتى الكسوة لابسا معاها صبادرية بيضة.. ولابسا سكادوو بيض شكلو كيوت ...وصاحبتها جنبها لابساا سروال ديال دجين فالكحل وتيشورت فالكحل طالقة شعرهاا وغاديين كايتمشااو كان شعرها مبوكلي وعنيها كباار وزوينة ..
مرااام:( بصوت حنين كاتعاتب نور ) عيييت معاك والله قلنا ليك لبسيي حجابك واالو راسك قسح من حجرة
نور:( قوسات حجبانها ونطقات ) راه دويناا معاك ازييين قلنا ليك نقتاانع بيه وانا معاك
مرام:(شافت فيها بشوفة واش من نيتك ) ختيي راه هادشي مافيهش قتنااع فيه مجبوورة الله يهدييك
نور:( نزلات عنيها الارض ناطقة بحزن ) اميين الى بغيتي ماتبقايش ترافقي معايا حيت نتي محجبة وانا لا
مرام:( وقفات كاتشوف فيها وضرباتها لراسها بشوية مبتااسمة ) انا وياااك وزمان طويييل غانبقا معاك حتى تلبسييه رغم الاختلاف لي بينااا ولكن نتي راك صاحبتي مانبغيش نخلييك والحجاب ان شاء الله غاديرييه
نور:( ترمات على مراام معنقاهاا ) اخليك ليلي
مرام:( بقساوة مصطنعة ) بعديييي منيي انا ماعنديش مع الحناان
نور:( بعدات منها وصغرات عنيها فيها ) تيقتيي راااسك على نحسة ( جبدات تليفون من صكادو ديالها وحلاتوو ...غوتاات بجهد مشا عليهوم الحال ) عووووكعوووووك مشاااا الحال امرااااام عتقيييي
مرام:( بستغراب) ولكن راه ليوم غير دخوول وتقياد وتعارف مزال مابداو لي كوغ
نور:( ضربات راسهاا وعنيها غرغروو) انا حمقة
مرام:( كاضحك عليها ) وااااشتيي قلتها ليك
تمشااو مكملين طريقهوم حتى وصلو الفااك كانت كبييرة بزاف وفيها بزاف ديال ليطاج مصبوغة بلوون البيض وساحة كبيرة قدامها عاد كاافي كبيرة جنبهاا ...فيها شجر والربيع كانت زوينة تفتح النفس على القراايية ...كملو طريقهووم كايشوفو فنااس والبنات لي فيهاا كولشي معري ومتبرج ...عراا غير طبيعي
مراام( بلا حولة ) استغفر الله مابقااتش مكاااان لتعلم ولا مكاان لصيد
نور:( بتعجب ) صيد شنو
مرام:( كاتمسخر ) صيد الاسمااك الغليييضة هههههه
كملو طريقهوم كايضحكوو واغلب العنين على مرام وعلى لبسها الفريد من نوعو على حجاابها ونور لي ضارب من وجهاا على مشيتها المقادة بلا زواق وبرائتها ستغربو من لباسها بزاف ....وصلوو القسم ديالهووم وسماوو الله ودقات الباب وتماات داخلة مبتااسمة لديك القاعة الكبيرة غالب عليها لون البيض والخشب ...كاتشوف وتبحت بعنيهاا حتى سمعات صوت غرييب صوت رجولي كايخلع
ناصر :( داير يديه من ورااه لابس تيشورت كحل لاصق على صدروالعريض المبندر وعلى درعانوو العامرين والمخدموين والوشم مزينهوم كتر كايخلع ...لابس معاه سروال فالكري لاصق عليه شوية مع صبااط عصري كايبري ...ساعتوو ديال الجلد فيد وتانية دايرها فجيبو ...شعرو لي ماكحل ماقوي طايح على جبهتو عنيه سود كايجدبوو ولحيتو المطرااسية كاتخليه يكون جدااب كتر ...عنيه بارديين نطق بصوت خشن ) تزيديييي خطووة القدااام الحسااب ايكون طوييل امولات زيف
مرام:( ضارت بشوية كاتشوف فيه بتبااات ونطقات بتعاليي بصوت حنين عكسو ) كايتسماا الحجاااب ابخووف
وقربات عندو كتر حتى وصلات الباب كاتشوف فيه ببروودة ورك على يدييه وقرب ليها كتر وكتر مخلي كاع لي تم كايشوفو فيهاا ...حتى تخالطاات نفسهووم وعنيهوم على بعضياتهووم ...حشمات وماقدراتش تبقا لاصقة فيه ورجعات بلوور خارجة من القاعة وهواا باقي تابعهاا بشوية بمعنى خرجيي حتى خرجها من القاااعة ...وخرج يديه من جيبو حطهاا الكادر ديال الباب كايشوف فيها بشوفات كايخلعوو
ناصر :(بصوت خشن كايدووب ) هدااااا دار باااش يتدق امولات زييف
مرام:( نزلات عنيها الارض دارت غلط كيف عادتهاا ولكن صعييب تنسا ليه هدا تعااامل كرهاتوو بمرة طلعات عنيها فيه مدمعين ونطقات بصوت مقجوج) سمح ليا
ناصر:( حط يديه على عنقوو كايشوف فيها ببرودة ونطق ) نعام
مرام:( بصوت حنين ) سمح ليا ماقصدتش
يالاه كملاتهاا وهيي توقف النائبة المديير ديال الافاك كانت لابسا جيب كحلة مع قميجة فالموف باين شوية من صدرها جامعة شعرها على شكل كعكة نطقات بحقد) واش هاديييي زرييييبة فيييين تربيتيييييي شكون عطااااك الحق اصلاا دخلييي بهاد شراااوط
مرام:( طلعات عنيها فيها بقهر ونطقات ) حجاب ماشي شرااوط نهار لول جيت هكاا
ميسون ( ضحكات بشر ) وغاتخرجيي منهاا هكا بلا هضرة
مرام:( طلعات عنيها فيها كتر وتشجعات ناطقة ) براا مامكتووبش مادخلوش بالحجاااب ولا بغيتي كولشييي يكون بحالك
ميسوون ؛( هزات يديها حتى لسما باغاا تصرفقها حتى حسات بيديهاا تلوااات ليهاا وضورهاا عندو حاط وجهوو ونيفو حداا ودنيها حتى تغلغلات ريحتوو القاسحة فنيفها نطق بصوت خشن خلاها ترجف
ناصر :ششششششت ديييك لي مكاااتعلمش شدااااتك اتمشييي تحكي...هااا وتفووووتيييي علييك مولااااات زييييف
يتبع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
