🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 103
لجين [ بابتسامة] شنو سميت هاد سوق
محيي الدين [ بهدوء] سوق الاحد
اومات براسها بخطوات بطيئة توجه عند مول لفاكية وقفت حداه
محيي الدين [ بصوت مرتفع] سلام عليكم.. عبر ليا اشريف 3كيلو دير ليا فيه غير لوز والگرگاع
عبر ليه راجل مد ليه لبلاستيكة خصلو ومشاو .. لجين بدات تعييها سبرديلة عالية وبدات تضبر فيها شي لي خلاها تمشي كتعرج ... قلب طريق ووقف امام مول صنادل ختار ليها صنيديلة صغيرة ديال صبع فلون اسود زوينة وسامبل حطها قدامها هزت عينيها فيه بإستغراب
لجين [ بتساءل] علاش جينا هنا؟
محيي الدين [ كيشوف فيها ] حيدي سبرديلة ولبسي صندالة
بغات تدوي وحمر فيها قلبت عينيها ونزلت كتحل في سيور سبرديلة حيدتها وخشات رجليها في صندالة لي بانو رجليها مصبوغين بالاحمر صغيورين تنهدت براحة وابتاسمت ..
محيي الدين [ نزل عينو لرجليها كيشوف كيف صغيورين بدا يضحك كينفي براسو ] لي شاف هاد رجلين مايقولش مولاتهم عافية ولسانها مبري منها
لجين [ هزت كتافها] راكم نتوما لي كتجبدوني وتخليو لساني يحرقكم
نفا براسو بلا حول خلص سيد وتمشاو خارجين من سوق حدا باب سوق كاين مول زريعة خدا ليها تاجهو ناحية طموبيل مرسدس كحلة مبدلة على لي جاو فيها صباح حل ليها لباب طلعت وتوجه ناحية تانية ديمارا وكسيرا مبعد على داك لقنت فصمت غادين فجأة وقف طموبيل جنب طريق سكتها ودار ناحية لجين لي گعما مسوقة ليه كتاكل .. رجع كيشوف امامو بقا صمت هو لي طاغي على لمكان فجأة نطقت
لجين [ بتساءل] علاش كدبتي عليا
محيي الدين [ بلل ريقو ونطق] موضوع ماعندوش اهمية كنت غادي نطلقها هاد سيمانة.. [ التافت ليها نطق ببرود] فينما كنتلاقاو ما كنهضروش حتى لهضرة كيف بغيتي نجبد لك هاد لموضوع ؟
سرطت ريقها بدا يقنع فيها لملاقيات ديالهم معدودة على رؤوس الاصابع.. نهار كيتلقاو كتكون شي مشكلة ضورت راسها جهة سرجم
لجين [ ببرود] انرجع لمدينة
محيي الدين [ سرط ريقو سكت للحظة ونطق] علاش؟
لجين [ حولت عينيها ناحيتو] مابقا عندي ما ندير هنا [ سكتت تواني وكملت حديثها متنهدة] لقيت غير لمشاكل كنطيح فحفرة فاش نوض منها كنطيح فكتر منها .. جيت لهنا باش نتهنا من صداعات [ هزت عينيها لامعين بدموع] لقيت هنا كتر من لي عشت فالمدينة..
نزلت راسها ودمعة هبطت من عينها تنهد وجرها عندو معنقها وهي حاطة راسها على صدرو حط فكو على شعرها كيدوز على ضهرها بحنان
محيي الدين [ بهمس حدا ودنها حتى تبورشت] كولشي غادي يتقاد ان شاء الله [ شدها من كتافها كيشوف فيه عينيها ] ماتبكيش ماكيجيش معاك لبكا
لجين [ مسحت دموعها ورجعت لبلاصتها ] تؤ ما تخلي لي يبكي فخاطرو
محيي الدين [ التازم صمت تواني ونطق] انبقا نجي عندك لمدينة
لجين [ ضورت عينيها بسرعة مصدومة] شنو؟؟... يتبع...
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
