بين الخطيئة والغفران

part 50

🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء : 50

كيشوف فيها كيف ناعسة وعاطياه بضهر شعرها طويل على لفراش طايح بيجامتها طلعت عليها مبينة سروال مزير على مؤخرتها بلل شفايفو وهو واقف وسط لبيت

****:[ رافع حاجبو ابتاسم بخبث ] ماعارفاش بيمن تزوجتي 

سمع صوت خطوات بسرعة خرج من لبيت ساد وراه لباب غير تفاوت دخل هارون سرط ريقو وهو كيشوفها كيف ناعسة بسرعة قلب عينيه توجه لحمام دوش وخرج لبس سروال مفضفض فوقو تيشورت توجه ناحية لفوتاي ونعس فوقو

*صباح الجديد

واقفة امام لمرايا لابسة قفطان فلون باج مامحزماش باش مايتزيرش عليها .. خيمار طويل مليوح على كتافها.. ساترها من لور فلون ابيض واقف وراهاكيقاد فالقميجة لبيضاء لمزيرة على صدرو كوستيم فلون اسود هزت مكيحلة ديال لكحل ناوية تكحل حتى وقفها بكلامو

هارون : [ بصوت رجولي غالبة عليه لجدية ] عينيك
عائشة: [ التافتت ناحيتو هزت عويناتها فيه بإستغراب] مالهم
هارون: [ خاشي يديه فجيابو ملامحو كتوحيي لبرود] خليهم طبيعيين
عائشة : [ رفعت حاجبها بتساءل بصوت هادئ] علاش
هارون : [ بلاما يدوي التافت ناحية لباب حط يديه على لمقبض فاتحو ] عينيك فتنة

من ورا هارون تحل لباب كتشوف اخت هارون داخلة لابسة كسيوة طويلة فالاسود مزيرة على خصرها وابتسامة على وجهها بريئة

وردة : [ كتفحصها بعينيها بإعجاب ] مرات خويا جيتي فنة
عائشة : [ ابتاسمت بخجل ] حتى نتي زوينة بزاف

هزت نقابها فلون ابيض مقاداه على وجهها التافتت ناحية لمراية شافت فعينيها ماكدبش فاش قال بلي راهم فتنة
تمشات وردة ناحيتها خاشية يديها فدراع عائشة خارجين

وردة [ بابتسامة ] خويا عرف يختار زين اول مرة يديرها زوينة فحياتو
عائشة : [ ابتاسمت بخفوت ] شتت دبا يسمعك

نازلين من دروج بتبات كيتعرفو على بعضياتهم ارتاحت عائشة لوردة حست بيها بريئة وضريفة على باقي لعائلة كتشوف عينيها مشاو لطبلة عريضة طويلة ضايرين بيها كراسة جالسين فوقهم عائلة.. طابلة عامرة بالفطور من كل حاجة لجد مترأس طبل وهارون فجنبو وحداه كرسي خاوي عرفات عائشة بلي ديالها طلقت منها وردة بخطوات بطيئة توجهت ناحيتو جاراه

عائشة [ بصوت خافت ] صباح الخير

تاحد ما رد عليها من غير لجد وهارون جلست جنبو وقريبة ليه بزاف.. كتفحص طابلة بعينيها واش هادشي كامل غادين ياكلوه بوحدهم بداو كياكلو وهي غير كتشوف فطابلة مامولفاش هاد لاجواء ديال لعائلة لكبيرة طاح عليها ضيم وتوحشت عائلتها عضت على شفايفها تحت نقاب ..

لينا [ هزت عينيها ميلت راسها بابتسامة صفرا ناطقة بصوت انثوي ] فسفس امولات نقاب [هزت عائشة عينيها كتشوف شكون معيط ليها لقاتها بنت لابسة سميطات مبينين كتافها سمرين صدرها باين وشعرها قصير جامعاه شفنجة ملامحها باين عليهم لخبث] مامولفاش هاد طابلة داكشي علاش سهيتي فيها ياك؟؟.. يتبع