🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂
•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•
•" بِـرِيـشَـةِ : سَلْمـَى سَلُومَـةِ وِ سَمِيـرَةِ غَــدْ "•
الـفـصـل الأول
الـجـزء : 11
خالد (زول يدها من يديه بإستغراب) واش عارفة شنو كتقولي ؟ (بدا يضحك باستهزاء من تفكيرها طبطب على يدها) ابنتي هادي غير مراهقة وغادة دوز
لجين (نفات براسها باغا تبكي) لا ولله ما مراهقة انا راه داخلة في لعشرينات انا عارفة شنو كندير ومتأكدة بلي كنبغيك (حاوطت يدها على وجهو عينيها لامعين وابتسامة مشرقة على وجهها نطقت بعشق) حتى انت كتبادلني نفس شعور ياك؟
خالد (نزل يدها نطق كيضحك ) اش هاد دراما فك ودودة لي طالعة معاك (طلعها ونزلها بسخرية) وشكون غادي يبغي وحدة بحالك مسلگطة
لجين (هضرتو كيف سم طاح على قلبها سرطت ريقها ونطقت بصعوبة عينيها فيهم دموع) وقبيلة فاش بستيني ؟!شنو كيعني داكشي؟
خالد (تواني وضحكتو بدات تعالا حاط يد على صدرو كيشوف فيها بنضرة مستفزة نطق بنبرة لعوبة) صافي انت اي واحد باسك راه كيبغيك (طأطأ بصبعو على رأسها مخنزر فيها) حيدي هاد تفكير من راسك (خشا يديه فجيابو وميل راسو) انت كأيها لبنات لي كندوز بيهم لوقت ونلوحهم (ورك على حروفو وابتسامة خبيثة على تغرو نطق بهضرة كيف سم) حيت شياطة وشياطة مع عندي ما ندير بيها كنلوحوها...
لجين (عينيها تغشاو بدموع نطقت بصوت باكي كترجف) وحبي لك...وقلبي لي عرستيه (حطت يدها على صدرها كتشهق نطقت بصوت كيضر فالقلب) انا عمري بغيت شي واحد كيف بغيتك...وحنان لي كنتي كتعطيني ؟كنتي ديما كتقول ليا بلي احسن بنت عرفتيها
خالد (ساط بملل حك بالقاع ديال لابهم بين حجبانو كاتم غضبو لي سيطر عليه) لجين يا لجين براكة من هاد لهضرة لخاوية...كنا كندوزو لوقت بنتي ليا ساهلة ودغيا تشديتي قلت علاش ماندوزش لوقت (ميل راسو كيشوف فيها من لتحت لفوق كيلعب لسانو في فمو) بنت زوينة مزال طرية وتوتة واليديها عاطينها حريتها علاش مانلعبوش بيها(هز كتافو قالب عينيه) كنضن كاع دراري لي كتركبي معاهم ضيقين حلاوتك (كيشوف في صدرها لي نصو عريان عاض على شفايفو بشهوة) وقلت علاش مانجربش حضي...حتى دبا مزال لحال شنو بان لك نتكيك هنا؟
كتشوف فيه بنضرة انكسار عاضة على شفايفها حابسة دموعها يهبطو على اتر كلامو هبطت راسها لتحت مخليا دموعها يسيلو على خدودها براحة گاع دوك الفراشات لي كانو فكرشها قبيلة تقياتهم شهقاتها بدات تعالا وكتافها كيتهزو مع شهقاتها كيشوف فيها بابتسامة على ملامحو ماداريش بقيمة لجرح لي دار ليها...اما لجين فقلبها هرسو ليها واخا كتبان برهوشة وشريرة ولكن فالداخل ديالها مزال ديك طفلة صغيرة مالقاتش لي يشدها من يديها ويوريها طريق صحيحة واليديها باباها ديما لخدمة ولمشاريع وسفر اما لام ديالها مع صحاباتها وشوبينغ ناسيينها فاش طلعت لافاك اول واحد عرفاتو هو خالد كان مشبعها حنان لي كانت فاقداه فاهو عرف نقطة ضعفها وخدمها ضدها شدها من معصمها مورك عليه بعنف
خالد : (مقرب ليها كتر نطق بهمس ) هادشي يبقا هنا ولا غادي نفيك ابنت لارماني
اومات براسها كتشوف فالارض ودموعها شلال من عينيها حسات بالفشلة ورجليها مابقاوش هازيينها دفعها حتى كانت غاطيح وملامحو مخنزرة ضار متاجه ناحية طموبيل ركب فطموبيل وديمارا كيتسنا فيها طلع توجهت ناحية لباب حلاتو خادت صاكها خبطت عليه لباب بخطوات سريعة بعدت عليه كتمشا فوق رسيف حتى سمعت صوت محرك سيارة بسرعة داز من حداها
لجين (كتاكل في شفايفها بفقصة مسحت دموعها بيديها بقوة ونطقت تحت سنانها) الله يعطيك موصيبة المگرد(نطقت بتوعد)الى ما ندمتكش راني ماشي لجين لارماني اعينين جرانة...افصالة لكبالة تفو على مك...يتبع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
