بين الخطيئة والغفران �
�سلمى سلومة وسميرة غد�
�الفصل 1�
♡♡� كنتي سبب رجوعي الى خالقي فصرتي جائزتي وشفيعتي يوم الحساب� ♡♡
�الجزء : 37
شمس غربات .. والگمرة ونجوم طلعات.. ناس دخلات لديورها ودراري صغار نعسات.. من بعد دوزو ديك لعشية كاملة وهوما غير كيضورو ويضحكو رجعو لدارهم .. طلعو لبيوتهم بدلو حوايجهم .. لبست لجين بيجامة حريرية فضفاضة عليها ديال صيف حيدت ميكاب من وجهها ونزلت لصالون كتشوف بزاف دالعيالات جالسين وسط صالون ولكبيرة ساهية فالارض جمعت حواجبها لجين بإستغراب هبطت من دريجات لي بقاو ليها متاجهة لناحية صالون واقفة قدام لباب.. نسا غير شافوها بداو يوشوشو مع بعضياتهم هزت لكبيرة عينيها فلجين أشارت ليها لجين ناحية نسا .. قلبت لكبيرة وجهها
لكبيرة [ بجدية وعينيها على نسا ] يله العيالات لي عندها شي دار تمشي ليها.. ليل طاح
فاطنة[ وحدة من نسا وقفت كتشوف في لجين رافعة حاجبها ] لكبيرة داكشي لي متافقين عليه هو لي غادي يكون [ شافت فالكبيرة ] مايمكنش طيح هاد تقاليد بسباب بنت ربيبك [ بتحدير ] نتي عارفة الى دوار ساق لخبار بلي مابغيتيش[ ابتاسمت بخبث كتشوف فدار] گاع هادشي ديالك غادين يديوه [ التافتت لجين لي كتشوف فيها باستغراب ] هاد تقاليد من زمان وهي عندنا [ خنزرت في لكبيرة ] دوزناها لك فبنات ولادك كاملين قلنا راه عزاز علك وماتقدريش تضحي بيهم وأصلا ماديزينش فتقاليد [ طلعت ونزلت فلجين ] ولكن هاد بنت ربيبك هي لي غادة تفك داكشي [ تمشات ناحية لكبيرة نطقت بهمس] حيت زوهرية [ وقفت نطقت بصوت مرتفع] ولا لا العيالات
اومات براسهم بإيجاب كلهم نطقو اه بنبرة وحدة هزو صبابطهم وخرجو ولجين متبعاهم بعينيها حتى تفاوتو بخطوات بطيئة توجهت لعند لكبيرة جالسة حداها
لجين [ بتساءل رافعة حاجبها] شارفة شكون هادو وشنو ديك لهضرة
لكبيرة [ لولبت براسها بأسف ونطقت ] الله على لجين شنو تابعك غدا
لجين كتسولها ولكبيرة وقفت وعكازها كتعكز عليه لبست صندالتها وتوجهت لكوزينة
لجين [ بإستغراب ] شنو تابعني غدا [ شهقت حاطة يدها على فمها ] ياكما ايزوجوني بشي واحد [ قلبت عينيها بإعجاب كضحك] الى كان بداك سمر انا قابلة نتسجن معاه ماشي غادة نتزوج ليه اي دالباشا دقلبي انا جايا...يتيع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
