🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
🍂الجزء : 24
دخلات مع الباب ديال الدار شاادا فقلبها كاترجف وداك المنضر لي دااز قدامهاا قبيل كايتعااود وكايخليهاا تموت بالخلعة وقلبها ايخرج من بلاصتووو سوط نهيج ديالها فاش كانت كاتجرييي كايتسمع منين ومنيين ضباابة بدات كاطيح على عنيهاا وداك المنضرة كايتعااود ...طلعات الفوق كاتجريي مكاتشوفش من وراها لايكوون تابعها ...دخلات البيت حطات صاكها فوق السريير وحيدات نيقابها كاتحس بالخنقة والخووف ...تنهدااات كاترض نفس ..حيدات عبائتهاا الكحلة ودخلات الدووش ساداا عليها تخشات تحت رشااشة والمااا كاينزل معاها كايطفيي الخووف لي فداخلها دوشات حالتها باش تبرد باش تنساا ...وخرجات لبسات بيجامتهاا فللغوز ديال دار دارت زييف حياتي لراسهاا وجبدات غطاهاا تغطاات بيه كاترعد وكاتقراا ادعيتهاا لي ديما كاتقرب وطلب فخاطرهااا تنساا ويبرا هدا الخوف كيف برااو لاخرين ....بقات هكاك حتى طاح ضلام وادناات العشااا ...وقفات من بلاصاها الخوف باقي شادهاا صلات وهزات مصحفها كاتقراا فيه حتى سمعات دقان فالبيت دقان لي ماغريبش عليها ...سدات المصحف وباستوو وحطاتو فوق الكوافووز وقربات لباب بشوية كاتفكر فيديها حتى شافتوو وتعالاات ابتساامتها على وجهاا ترمات عليه معنقااه هوا منبع الامن ليهاا وصدر لحنيين ....
محمد:( بصوت شايخ شوية مبعد منها وجارها لسريير كلسها وكلس حداها كايشوف فيها ) بنتييي شنو خباارك كيف بقيتي اممم
عائشة:( هزات يديه قبلاتها ونطقات ) حمد الله صبر ااابييي مفتاح الفرج ان شااء الله
محمد:( بتاسم حتى تغمضو عنيه ونطق بحب ) الحمد الله الفرج جاا ابنتييي رزقك جاك
عائشة:( طلعات عنيها فييه كاتشوف فيه بعدم فهم )شنو مافهمتش
محمد:( حط يديه على راسها بحب ونطق كايشوف فيها ) جاب ليك ربي رزقك وشخص لي غاتكملي معاه حيااتك شااب زوين فااخلاقوو وفشكلو وفتعااملوو شخص كايخاف الله شخص ايديرك فعنيه ابنتيي
عائشة :( غمضات عنيها منزلة دموعها وحنيكاتها تزنكوو ) ولكن اناا عقلي وقلبي باقي بعاد على زواج اباا
محمد :( حرك راسو بلا ) زوااج راه من طاعة الله ابنتيي ...الى جاك راجل كامل وخا الكامل هوا الله ...خاصك ترضااي بالقدر وتقبليي بسنة حياتك
عائشة:( نزلات راسها لتحت) وخا مكانشوفوش وعمرنيي عرفت عليه شي حاجة
محمد:( نطق بحب ) خير زوااج راجل جا من باب داار وبغاك حلالو مولات داروو مشا تسركل معاك فكاع زنااقيي ...سولت عليه وعرفت اصلوو ومفصلو ابنتيي وقلبيي مغاديش يكدبنيي يستاهل تكوني مرتوو ( سكت شوية وكمل) ايجي غداا يشووك وشوفييه ان شااء الله وعطي رأييك ( بتحدير ) غاتديي رضااياا الى تزوجي بيه ابنتي
وناض خرج مخليهاا كاتشوف فالباب وعنيها دايزيين بدموع ...زواج راجل الولاد شي حوايج لي عمرهوم طاحو فبالها علاش حيت مزال مامستعدة ومقادرااش تهز المسؤلية امر هدا الخطييب فشكل عجب باهاا وبغاها تاخدوو وهي همها خوفها ولايااش تعرضات ليووم الخووف وكانت غاتمووت على يد هداك ...غمضات عنيها متكياا كاتشوف فسقف وكاتفكر شنو طراا طاح فبالها شخص لي نقدها شخص لي حماها منوو شخص لي صيفطو ربي ينجيها منوو ...تنهدات فاش تفكرات سدييه لي كانو عرياانين مع تيشوورت الكخل والوشم لي فيدييه ...عمرها شافت شيحد فدرب بحال هكااك ولا بحال يديييه وداك الوشم تقلبات على جنبها ليمن حاطاا يديها تحت راسها كاتحاول تنعس وتقوي قلبها ....رافضة تعشاا ولا تنزل لتحت ...
طلات شمييسة كاتعلن على يووم جديد احدات جديدة ....حلات عنيهاا على صوت زغاارييط لي كاتسمع ..كان صوت مهاا لي واقفة حدا راسها لابسة قفطان فالخزي بالكخيب مخيط براندة ودايراا خرقتهاا ومكحلة فرحانة بنتها وعلاش وهي لي عندها ....ناضت عائشة مغوبشة كاتشوف فمها بستغرااب وناضت وقفات باست ليها يديها ونطقات النعاس باقي غالب عليها
عائشة : ميي الزغارييط مع الفجر مالك
سمية : نوضيييي صلييي ونزلييي باش دخلي الحماام ونشوفو شنو تلبسييي سييد غايجييي يشوووفك
عائشة :(غمضات عنيهاا ناطقة ) نصليييو ويكون خير اميي
سمية :( بصوت حنين ) بنتييي سيد باغييك وشاارييك واخلاقوو عاليا وبخدمتوو خاصنا نفرحوو ونوافقوو زواج هداا ياك
عائشة: يكون خيير نصلي صلاة الاستخارة ويكون خير ان شاء الله
يتبع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
