بين الخطيئة والغفران

Part 14

🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂

•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•

•" بِـرِيـشَـةِ :سَمِيـرَةِ غَــدْ "•

الـفـصـل الأول

الـجـزء : 14

*اصبحنا واصبح الملك لله

كترمش فعويناتها كتستاعد باش تفيق حلت عينيها فسقف.. كتحك فيهم مزال دايخة بنعاس التافتت ناحية ليمين وليسار لقات بلي واليديها ماكاينينيش حداها.. قلبت شفايفها بحزن من لبارح ما خلاتهمش ينعسو فخاطرهم.. ماقالتش ليهم شنو سمعت باش ماتخلعهمش عليها.. تقادات فجلستها كتكسل بتعب لبست بانطوفتها او وقفت شعرها كيلامس خصرها كيتمايل معاها في خطواتها.. خرجت من بيت واليديها متاجهة لبيتها.. حطت يدها على لمقبض بتردد خايفة تخطي خطوة لداخل وتلقا شي حاجة لي تخلعها وكلت امرها لله.. وحلت لباب كتفحص لبيت بعينيها.. عويناتها مشاو ديريكيت نقاطي ديال دم  لي فالارض وشاضايا لكاس لمهرس بلعت ريقها خسرت ملامحها كأنها هي لي تجرحت حيدت عينيها من عليهم تمشات داخلة لبيت دخلت لحمام هازة فوطة مبللة بالماء صغيرة وخرجت تمشات ناحية زاج وهبطت كتمسح فدم لي كرم فالارض قدرات تحيدو وجمعت زاج لمهرس فيدها بشوي باش ما تجرحش.. وقفت غادة لحمام حتى انتابهت لمقبض عامر بدم عضت على شفايفها وتمشات ناحيتو مسحات دم دخلت لحمام لاحت زبل وغسلت لفوطة قضات حاجتها وخرجت هابطة فدروج بهدوء وعقلها ماشي معاها.. تبسمت فاش شافت عائلتها صغيرة جالسة فصالون كيفطرو توجهت ناحيتهم باست لباها ولمها راسها وجلست

محمد : [ابتاسم ليها برضى] الله يرضي عليك ابنتي
امير :[حابس ضحكة ] البكاية وليتي تنعسي حدا واليديك[شير ليها ناحية دروج ] هاهو بووخنشة جاي
عائشة [شافت فباها بنبرة حزينة مصطنعة على ملامحها] بابا هضر معاه
محمد [بجدية على ملامحو] بعد من ختك[ شاف في عائشة ونطق بتساءل] بنتي شنو وقع لك لبارح خلعتينا عليك
سمية :[نطقت مخلوعة ] عائشة حبيبتي ياكما شفتي شي واحد فدار
عائشة : [كتلولب عينيها سرطت ريقها ضحكت بابتسامة زائفة باش ماتخلعهمش] لا لا غير لبارح كنت كنقرا لقرآن فضلمة.. وشي مش قرقب شي حاجة وعرفيني كنخاف من ضلمة [عضت على لسانها داخل فمها مامولفاش تكدب عليهم]
امير :[عنقها بجنب كيخسر ليها فشعرها بضحكة] كبرتي ومزال كتخافي من ضلمة.. اوى الى سكتني فشي كهف اش غادة ديري
عائشة :[حيدت يدو من على عنقها مخنزرة فيه وهو كيضحك عليا] خويا تفرق عليا [عصبها من مابغاش يسكت بضحك] وانت كضحك كي راس لمشوط
محمد :[كيضحك عليهم نطق بتبات ] بعد على بنتي ..[كيشوف فيها نضرات كلها فخر وحب] واخا نعرف دار كاملة نلصق فيها بولات وماتابقاش فضلمة
عائشة :[ التافتت عند امير كتقلي ليه سم بعينيها وضارت عند باها نطقت وعينيها لامعين] الله يخليك لينا ابابا ياربي

ابتاسمو وكملو فطورهم فجو مليء بضحك وامير شاد فعائشة كيضحك عليها.. وهي كتقلق بلعاني خرج باها وخوها وبقات هي وماماها كيجمعو دار... واقفين فالكوزينة سمية كطيب لغدا وعائسة جالسة فوق لكرسي كتگرض فالربيع
سمية [حطت داكشي لي فيديها وجلست قدامها نطقت بصوت هادئ] انا لي ربيتكم ابنتي وكبرتكم.. وفاش كتوقع ليكم شي حاجة كنحس بيها ياك[ اومات عائشة براسها ] لبارح ماشي لقط لي خلعك
عائشة [عينيها تغشاو بدموع نطقت نافية راسها] لا شي راجل كان داخل لبيتي سمعت صوتو كيقول ليا سكتي حسيت بالخوف وقلبي كان غادي يسكت هو شافني وشاف شعري عريان [دموعها هبطو] نبرتو كانت كتخلع بزاف ركبت فيا رعب [حدرت راسها كتشوف فداك ربيع ] هرس لكاس ودمو بقا فبيتي [هزت راسها فيها ونطقت بخوف] ماغاديش يعاود يرجع تاني ياك اماما ؟!

عينين سمية كانو لامعين فدموع قلبها حرقها على بنتها عارفاها شحال كتخاف من لغاشي وماكتبغيش مرأة وتشوف شعرها عريان بقا غير راجل.. هي عارفاها مريضة بتفكير .. وهادشي سمية خايفاها لاتمرض وتبقا تفكر بزاف وقفت متاجهة عندها معنقاها من ضهرها وعائشة كتنخصص

سمية :[بصوت هادئ وحنين كتحاول تخفف عليها] ماتخافيش اماما.. ماغاديش يعاود يرجع ان شاء الله.. الله ديما معاك وهو غادي يحميك

تحولت واقفة قدامها حطت يديها على خدها مقربة ليها داعبت انف عائشة بأنفها

سمية : حنا معاك اماما وماحدنا عايشين بإدن الله حتى واحد ماغادي يأديك ولا يقرب لك

اومات عائشة راسها براحة من لهضرة لي قالت ليها سمية.. عنقتها حاطة راسها على صدرها براحة وسمية معنقاها خاشياها فصدرها..يتبع...